Jeremia 47
47
Gɛ Korowii aa bol Filisti tena wa
1Mɔɔ Ijipt kooro aa ka yo Gasa tena la, Korowii bol Filisti tena wa men Korowii keame Jeremia be.
2O ŋɔ,
“Na ɡɛ he dɔma aa wara
dɛ le weekaŋle nyunduabɔr
dɛɛ ba,
ba do kɛŋɔ nee waa sua
dɛ do ɔma.
Dɔma la dɛ ba ba lɔ tɔ
Filisti tena harɛ
ne komɛlbwa aa lɔ o ta nɛ.
Baa lɔɔ tɔ nɛra baa soɡe
bwɛjena ta la nɛɛ,
ásɛ nɛra ɔmɛ dɛɛ do lɔŋɔre
kohona dɛɛ nyin chae,
nomɛlbwa waa lɔ harɛ
la ta ɛɛ wiu kohona.
3Baa dɛɛ no jaɡre
aa dɛ chwa nakpale sii,
ne kwaa aa do kɛ torɔɡore
kɔbare sii.
Mɛɛnanar aa ke nyiŋi ba bii
dɛ́ cha ba,
dɛkalkɛ ɔmee chole ba nɛɛ
kohona,
baa wola won ɛ wobɛlbwa.
4Filisti tena bwa chɔɡa
tɔpere la telo,
ba dɔma dɛ ba ba kpoo banɔ
la bwa baa kaa,
ásɛ nomɛlbwa aa won cha
Taaya ne Sidon kpa.
Men Korowiirii dɛ́ chɔɡ
Filisti tena,
ne nɛra ba fa aa soɡe
Kret ekwi harɛ ta bwa.
5Gasa tena dɛ di suna
kohona,
baa fonɛ ba nyuune
á baɡle kɛŋɔ ba dɛ ɛ lwe,
ásɛ Askɛlɔn tena hel jeiih
ken a wa.
Saŋ besoo Filisti tena
kabora ɛɛ ba wii ka tel ɔ?
6He yon dɛɛ wi ŋɔ,
‘N Naa Korowii,
he kpoŋe he kere,
saŋ besoo hé kpɔ kere la
kpoo nɛra ka tel ɔ?
Kpɔɔ do o tɔɔ bini
ó chɔ bela jeih ken.’
7Korowii aa ŋɔa kere la
ka yo Askɛlɔn
ne mpo nyoa tena bwa nɔ.
Ɛrɛɛ wɛɛ ba wona chɔɔ?”
Currently Selected:
Jeremia 47: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 47
47
Gɛ Korowii aa bol Filisti tena wa
1Mɔɔ Ijipt kooro aa ka yo Gasa tena la, Korowii bol Filisti tena wa men Korowii keame Jeremia be.
2O ŋɔ,
“Na ɡɛ he dɔma aa wara
dɛ le weekaŋle nyunduabɔr
dɛɛ ba,
ba do kɛŋɔ nee waa sua
dɛ do ɔma.
Dɔma la dɛ ba ba lɔ tɔ
Filisti tena harɛ
ne komɛlbwa aa lɔ o ta nɛ.
Baa lɔɔ tɔ nɛra baa soɡe
bwɛjena ta la nɛɛ,
ásɛ nɛra ɔmɛ dɛɛ do lɔŋɔre
kohona dɛɛ nyin chae,
nomɛlbwa waa lɔ harɛ
la ta ɛɛ wiu kohona.
3Baa dɛɛ no jaɡre
aa dɛ chwa nakpale sii,
ne kwaa aa do kɛ torɔɡore
kɔbare sii.
Mɛɛnanar aa ke nyiŋi ba bii
dɛ́ cha ba,
dɛkalkɛ ɔmee chole ba nɛɛ
kohona,
baa wola won ɛ wobɛlbwa.
4Filisti tena bwa chɔɡa
tɔpere la telo,
ba dɔma dɛ ba ba kpoo banɔ
la bwa baa kaa,
ásɛ nomɛlbwa aa won cha
Taaya ne Sidon kpa.
Men Korowiirii dɛ́ chɔɡ
Filisti tena,
ne nɛra ba fa aa soɡe
Kret ekwi harɛ ta bwa.
5Gasa tena dɛ di suna
kohona,
baa fonɛ ba nyuune
á baɡle kɛŋɔ ba dɛ ɛ lwe,
ásɛ Askɛlɔn tena hel jeiih
ken a wa.
Saŋ besoo Filisti tena
kabora ɛɛ ba wii ka tel ɔ?
6He yon dɛɛ wi ŋɔ,
‘N Naa Korowii,
he kpoŋe he kere,
saŋ besoo hé kpɔ kere la
kpoo nɛra ka tel ɔ?
Kpɔɔ do o tɔɔ bini
ó chɔ bela jeih ken.’
7Korowii aa ŋɔa kere la
ka yo Askɛlɔn
ne mpo nyoa tena bwa nɔ.
Ɛrɛɛ wɛɛ ba wona chɔɔ?”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.