Jeremia 46
46
Ijipt harɛ wa
1Waa Korowii aa bol men Korowii keame Jeremia be dɛɛ baɡle harɛre nɛra bwa waa laanee nɔ.
2Ijipt harɛ waa tɔ sie.
Waa nɔ kaalɔ dɛɛ tɛ Ijipt Kooro Neko ne o laa tena. Onee Babelɔn Kooro Nebukadnesa yo dɛ pɔ o nɛ bwɛjen Kaakɛmes, o bɛne Yufretis Moo nyoa, ɡɛ saŋ Juda Kooro Josia bibaa Jehoiakim aa di kora bene anaarɛ ta.
3Ijipt laa nomonome nyɛɡɔ ŋɔ,
“Hé kpɔ kwaa haa kpɔ tɔ
he te ɡbemɡbe laa ta,
anjeɡre ne anjena
dɛ́ le ka yo laa.
4Hé kpɔ kwaa darawe
jaɡre nɛ,
dɛ́ teeh so a ta.
Bɛlbwa ka che o chebɔr,
dɛ́ kpɔ o ɡbɛrɛ pi.
Hé sar he lampeare nyoo
dɛ́ kpɔ he laa laala do.
5Bɔkwaa mɛɛ na nɔɔ?
Ɔmee kohona chole
Ijipt laa tena nɛɛ
ba le habɔɔ chwa dɛɛ kaa.
Babelɔn laa tena
yoo ba dɛ pɔ ba
banyoola nɛ.
Ba kpɔ bochela chwa dɛɛ le,
bɛlbwa aa kee dɛɛ nyiŋi,
ɔmee kohona su ba bwa.
Men Korowiirii bola.
6Laa tena baa ɡbaŋa
kwara ta wone chwa
le kaa.
Ba lɔ naa
weekaŋle nyunduabɔr
Yufretis Moo ta dɛ choɡli.
7Harɛ besoo nɛraa ɡɔɔ ba te
kɛŋɔ Nael Moo waa sua
dɛ bu atɛlɛ nɔɔ?
8Ijipt harɛ nɛraa dɛɛ ɡɔɔ
ba te kɛŋɔ Nael Moo,
kɛŋɔ nee aa sua
dɛ bu atɛlɛ ken.
O ŋɔ, ‘Mɛɛ suu
dɛ́ tɔ harɛ bwa
dɛ́ chɔɡ bwɛjena ne a nɛra.’
9Jaɡre ne kwaa aa do kɛ
torɔɡore
ba vɔwɛ dɛɛ pɛla,
hé le dɛ́ ka yo.
Nɛra haa soɡe jaɡre ta,
hé kpɔ sibeɡra le.
Banyoola, hé le dɛɛ kaa,
Itiopia ne Lebya
harɛre baala,
hé kpɔ kwaa baa kpɔa
dɛɛ tɔ ɡbemɡbe
dɛɛ yo laa kpoŋe,
ásɛ Lidia baala harɛ
ba tori.
10Awola tɔpere la ɛ Korowii,
Koranar Bwa Kooro Tɔpere,
tɔpere waa dɛ ba o dɔma
kem bɔe.
O tokobii nee wɛɛ ba
ba kpoora,
dɛ́ nyɔ ba chal sɔɔh nyɔɡre
waa dɛ kpoo nyoa.
Korowii, Koranar Bwa Kooro
ɛɛ kpoo o dɔmaa
awola tɔpere,
Yufretis Moo nyoa,
weekaŋle nyunduabɔr.
11Ijipt haa do kɛŋɔ
bitolo waa wola baa jemɛ,
he nɛra iro la Gelead harɛ
ka nyin
tɛɛɡa kwaraa naa,
aa won chaah ba.
Komɛlbwa aa won ɡel
bá dɔ bokpeɡa.
12Harɛre nɛra bwa ɛɛ no he
sihiih haa dia waa,
bɛlbwa no he wii haa
dɛ wi bobɛlbwa.
Laa tena ɛɛ lɔ naa dɛ́ laa
dɔŋa, dɛ́ bwa choɡli.”
13Babelɔn Kooro Nebukadnesa aa baa yo Ijipt harɛ tena la, Korowii bol waa men Jeremia be ŋɔ,
14“Bol waa nɔ Ijipt bwɛjen
Miɡdol ne Mɛmfes,
dɛ Tapanes nɛra be ŋɔ,
‘Hé nyin bɔra che dɛɛ kpa,
dɛkalkɛ Babelɔn
laa tena dɛ ba
ba chɔɡ harɛre nɛra baa
bar heyaa cheme.’
15Bɔkwa waa bala he voɡjen
Apis chole ɔ?
Korowiirii taɡɔ o chole.
16He laa tena ɛɛ teŋɔɔ
dɛɛ lɔ na,
dɛ́ choɡli dawɛ dɔŋa nɛ.
Baa bol dɔŋa bee ŋɔ,
‘Hé ɡel ya ir, dɛ́ berɛ kaa
bela yaa lea ne
ya nɛra bini,
ásɛ ya dɔma bɛ yaa kpoo.’
17Belaa baa ba bala dɛ́ ba ŋɔ,
‘Gbɔɡaa Ijipt kooro
ɛɛ do pɛɛpɛɛ,
o paŋɛ waa aa chɛ kɛ
ó dɔ bwa.’
18N ŋwɛɛrɔ kɛŋɔ
men Koranar Bwa Kooro
aa lole saŋ bɛlbwa nɔ,
menee kooro.
Gɛ Tabɔ Bwejen aa jaŋa
ɡwaa bwejena bwa
asɛ Kaamɛl Bwejen ɡe do
jaŋne che mpo nyoa la,
ɡɛɛ nɛn waa ba yo heyaa la
kpeɡri ɛɛ ba doe.
19Ijipt tena,
hé boa he laala nyoa
bá lawɛ heyaa
kaa bojaŋ harɛfale ta.
Mɛmfes ɛɛ berɛ pua hɛŋle
ɡbo harɛɛ, dɛ́ berɛ dimɡbia
nomɛlbwa
aa wola won so o ta.
20Ijipt harɛ do kɛŋɔ nanee waa
wera ken, kɛ o dɔm ɛɛ le
weekaŋle nyunduabɔree,
dɛ́ ba yoo kɛŋɔ batatom
aa dɛ domɛ nao ken.
21Laa tena baa kaa yaɡ ba
ŋɔ bá ba yo tɛɛ ba aa
kpeɡe dɛ́ won yo,
ba do kɛŋɔ nabiiri
aa jea ken.
Ba ɡe ɛɛ berɔɔ chwa kaa
baa wola won che
ba naa ta,
dɛkalkɛ ba wenaale tɔpere la
telo, saŋ telo kɛ bá dɔ
deŋnetɛra.
22Ijipt tena ɛɛ chwao dɛɛ si
kɛ harɛkon ken
ɡɛ saŋ baa na ba dɔma bala.
Kpanfɛre nee ba dɔma
ɛɛ ba bala bá yoo ba
kɛŋɔ baala baa dɛ teŋe daa,
23dɛɛ chɔɡ kɔrjen la ken.
Ba warɔ ɡwaa tontombɛ,
baa wola won kur ba.
24Sihiih kpo Ijipt tena,
ba dɔma le
weekaŋle nyunduabɔr
ba yoo ba dɛ pɔ ba nɛ.”
25Koranar Bwa Kooro, Israel tena aa dɛ tomɔ ŋɔ, “N dɛ ba deŋnetɛra ne bala ba ta Tebes tena voɡ Amɔn, ne Ijipt harɛ ne o voɡa dɛ koranar bwa nɛ. N dɛ ba n lawɛ Ijipt kooro ne nɛra baa kpɔ ba te dawɛ o nɛɛ bwa. 26Mɛɛ laɡ baa do nɛra baa dɛ nyin ba dɛ́ kpo nɔn ta. Banee, Babelɔn Kooro Nebukadnesa ne o laa tena. Kɛ a habɔɔ nɛra ɛɛ berɔ ba so Ijipt harɛ ta kɛ saŋ la ja. Men Korowiirii bola.”
Korowii ɛɛ lɛ o nɛraa
27“N nɛra Israel tena,
he bɛ ɔmɛ,
he bɛ ɡel he bambile chɔɡ.
Mɛɛ lɛ heyaa le
bojaŋ harɛre taa ba,
he naanar baa laɡ ba kaa
bojaŋ harɛfala ta bwa.
Ásɛ he berɛ dɔ deŋnesɔɔhna
ne bosɔɔhna,
nomɛlbwa aa wola
won aah heyaa kpa.
28N nɛra Israel tena, mɛɛ ja
he nɛɛ dɛ́ lɛ heya,
mɛɛ chɔɡ harɛre nɛra maa
lɔ heyaa
peɡre ba bini bwaa,
kɛ he te, maa den chɔɡ
heyaa kwaraa.
Mɛɛ tɛr he deŋnee,
kɛ aŋwɛnɛ taa mɛɛ ba
he deŋne tɛra.
Men Korowiirii bola.”
Currently Selected:
Jeremia 46: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 46
46
Ijipt harɛ wa
1Waa Korowii aa bol men Korowii keame Jeremia be dɛɛ baɡle harɛre nɛra bwa waa laanee nɔ.
2Ijipt harɛ waa tɔ sie.
Waa nɔ kaalɔ dɛɛ tɛ Ijipt Kooro Neko ne o laa tena. Onee Babelɔn Kooro Nebukadnesa yo dɛ pɔ o nɛ bwɛjen Kaakɛmes, o bɛne Yufretis Moo nyoa, ɡɛ saŋ Juda Kooro Josia bibaa Jehoiakim aa di kora bene anaarɛ ta.
3Ijipt laa nomonome nyɛɡɔ ŋɔ,
“Hé kpɔ kwaa haa kpɔ tɔ
he te ɡbemɡbe laa ta,
anjeɡre ne anjena
dɛ́ le ka yo laa.
4Hé kpɔ kwaa darawe
jaɡre nɛ,
dɛ́ teeh so a ta.
Bɛlbwa ka che o chebɔr,
dɛ́ kpɔ o ɡbɛrɛ pi.
Hé sar he lampeare nyoo
dɛ́ kpɔ he laa laala do.
5Bɔkwaa mɛɛ na nɔɔ?
Ɔmee kohona chole
Ijipt laa tena nɛɛ
ba le habɔɔ chwa dɛɛ kaa.
Babelɔn laa tena
yoo ba dɛ pɔ ba
banyoola nɛ.
Ba kpɔ bochela chwa dɛɛ le,
bɛlbwa aa kee dɛɛ nyiŋi,
ɔmee kohona su ba bwa.
Men Korowiirii bola.
6Laa tena baa ɡbaŋa
kwara ta wone chwa
le kaa.
Ba lɔ naa
weekaŋle nyunduabɔr
Yufretis Moo ta dɛ choɡli.
7Harɛ besoo nɛraa ɡɔɔ ba te
kɛŋɔ Nael Moo waa sua
dɛ bu atɛlɛ nɔɔ?
8Ijipt harɛ nɛraa dɛɛ ɡɔɔ
ba te kɛŋɔ Nael Moo,
kɛŋɔ nee aa sua
dɛ bu atɛlɛ ken.
O ŋɔ, ‘Mɛɛ suu
dɛ́ tɔ harɛ bwa
dɛ́ chɔɡ bwɛjena ne a nɛra.’
9Jaɡre ne kwaa aa do kɛ
torɔɡore
ba vɔwɛ dɛɛ pɛla,
hé le dɛ́ ka yo.
Nɛra haa soɡe jaɡre ta,
hé kpɔ sibeɡra le.
Banyoola, hé le dɛɛ kaa,
Itiopia ne Lebya
harɛre baala,
hé kpɔ kwaa baa kpɔa
dɛɛ tɔ ɡbemɡbe
dɛɛ yo laa kpoŋe,
ásɛ Lidia baala harɛ
ba tori.
10Awola tɔpere la ɛ Korowii,
Koranar Bwa Kooro Tɔpere,
tɔpere waa dɛ ba o dɔma
kem bɔe.
O tokobii nee wɛɛ ba
ba kpoora,
dɛ́ nyɔ ba chal sɔɔh nyɔɡre
waa dɛ kpoo nyoa.
Korowii, Koranar Bwa Kooro
ɛɛ kpoo o dɔmaa
awola tɔpere,
Yufretis Moo nyoa,
weekaŋle nyunduabɔr.
11Ijipt haa do kɛŋɔ
bitolo waa wola baa jemɛ,
he nɛra iro la Gelead harɛ
ka nyin
tɛɛɡa kwaraa naa,
aa won chaah ba.
Komɛlbwa aa won ɡel
bá dɔ bokpeɡa.
12Harɛre nɛra bwa ɛɛ no he
sihiih haa dia waa,
bɛlbwa no he wii haa
dɛ wi bobɛlbwa.
Laa tena ɛɛ lɔ naa dɛ́ laa
dɔŋa, dɛ́ bwa choɡli.”
13Babelɔn Kooro Nebukadnesa aa baa yo Ijipt harɛ tena la, Korowii bol waa men Jeremia be ŋɔ,
14“Bol waa nɔ Ijipt bwɛjen
Miɡdol ne Mɛmfes,
dɛ Tapanes nɛra be ŋɔ,
‘Hé nyin bɔra che dɛɛ kpa,
dɛkalkɛ Babelɔn
laa tena dɛ ba
ba chɔɡ harɛre nɛra baa
bar heyaa cheme.’
15Bɔkwa waa bala he voɡjen
Apis chole ɔ?
Korowiirii taɡɔ o chole.
16He laa tena ɛɛ teŋɔɔ
dɛɛ lɔ na,
dɛ́ choɡli dawɛ dɔŋa nɛ.
Baa bol dɔŋa bee ŋɔ,
‘Hé ɡel ya ir, dɛ́ berɛ kaa
bela yaa lea ne
ya nɛra bini,
ásɛ ya dɔma bɛ yaa kpoo.’
17Belaa baa ba bala dɛ́ ba ŋɔ,
‘Gbɔɡaa Ijipt kooro
ɛɛ do pɛɛpɛɛ,
o paŋɛ waa aa chɛ kɛ
ó dɔ bwa.’
18N ŋwɛɛrɔ kɛŋɔ
men Koranar Bwa Kooro
aa lole saŋ bɛlbwa nɔ,
menee kooro.
Gɛ Tabɔ Bwejen aa jaŋa
ɡwaa bwejena bwa
asɛ Kaamɛl Bwejen ɡe do
jaŋne che mpo nyoa la,
ɡɛɛ nɛn waa ba yo heyaa la
kpeɡri ɛɛ ba doe.
19Ijipt tena,
hé boa he laala nyoa
bá lawɛ heyaa
kaa bojaŋ harɛfale ta.
Mɛmfes ɛɛ berɛ pua hɛŋle
ɡbo harɛɛ, dɛ́ berɛ dimɡbia
nomɛlbwa
aa wola won so o ta.
20Ijipt harɛ do kɛŋɔ nanee waa
wera ken, kɛ o dɔm ɛɛ le
weekaŋle nyunduabɔree,
dɛ́ ba yoo kɛŋɔ batatom
aa dɛ domɛ nao ken.
21Laa tena baa kaa yaɡ ba
ŋɔ bá ba yo tɛɛ ba aa
kpeɡe dɛ́ won yo,
ba do kɛŋɔ nabiiri
aa jea ken.
Ba ɡe ɛɛ berɔɔ chwa kaa
baa wola won che
ba naa ta,
dɛkalkɛ ba wenaale tɔpere la
telo, saŋ telo kɛ bá dɔ
deŋnetɛra.
22Ijipt tena ɛɛ chwao dɛɛ si
kɛ harɛkon ken
ɡɛ saŋ baa na ba dɔma bala.
Kpanfɛre nee ba dɔma
ɛɛ ba bala bá yoo ba
kɛŋɔ baala baa dɛ teŋe daa,
23dɛɛ chɔɡ kɔrjen la ken.
Ba warɔ ɡwaa tontombɛ,
baa wola won kur ba.
24Sihiih kpo Ijipt tena,
ba dɔma le
weekaŋle nyunduabɔr
ba yoo ba dɛ pɔ ba nɛ.”
25Koranar Bwa Kooro, Israel tena aa dɛ tomɔ ŋɔ, “N dɛ ba deŋnetɛra ne bala ba ta Tebes tena voɡ Amɔn, ne Ijipt harɛ ne o voɡa dɛ koranar bwa nɛ. N dɛ ba n lawɛ Ijipt kooro ne nɛra baa kpɔ ba te dawɛ o nɛɛ bwa. 26Mɛɛ laɡ baa do nɛra baa dɛ nyin ba dɛ́ kpo nɔn ta. Banee, Babelɔn Kooro Nebukadnesa ne o laa tena. Kɛ a habɔɔ nɛra ɛɛ berɔ ba so Ijipt harɛ ta kɛ saŋ la ja. Men Korowiirii bola.”
Korowii ɛɛ lɛ o nɛraa
27“N nɛra Israel tena,
he bɛ ɔmɛ,
he bɛ ɡel he bambile chɔɡ.
Mɛɛ lɛ heyaa le
bojaŋ harɛre taa ba,
he naanar baa laɡ ba kaa
bojaŋ harɛfala ta bwa.
Ásɛ he berɛ dɔ deŋnesɔɔhna
ne bosɔɔhna,
nomɛlbwa aa wola
won aah heyaa kpa.
28N nɛra Israel tena, mɛɛ ja
he nɛɛ dɛ́ lɛ heya,
mɛɛ chɔɡ harɛre nɛra maa
lɔ heyaa
peɡre ba bini bwaa,
kɛ he te, maa den chɔɡ
heyaa kwaraa.
Mɛɛ tɛr he deŋnee,
kɛ aŋwɛnɛ taa mɛɛ ba
he deŋne tɛra.
Men Korowiirii bola.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.