Aesaya 34
34
Korowii ɛɛ tɛr o dɔma deŋnee
1Harɛre nɛra, hé suuh tel dɛ́ no!
Hé cheɡ deŋne dɛ́ no!
Hé ɡel harɛ ne kwaa bwa
aa lɔ o ta no n wa!
2Korowii baah di
harɛre nɛra bwa nɛ.
O bwaawee iro kohona
ba laa tena nɛ.
O lee ba cheɡ dɛ́ kpoo
ba kwaraa.
3Baa ban huɡe,
baa paa baa ta,
ásɛ ba sɔɔh tɔ bɔr bwa
koŋkoŋkoŋ ken, ba chale
ɛɛ palɛ bwejena dor
bobɛlbwa.
4Wee ne korobie dɛ weweela
bwa ɛɛ nyoɡroo,
ásɛ Korowii doa ɡuɡri kɛŋɔ
baa ɡuɡri kalaŋ la.
Kwaa aa lɔ nyundua bwa
ɛɛ lee harɛɛ kɛŋɔ papohola
aa le daa ta dɛɛ lee la.#Wep 6:13-14
5Korowii kere baa tonɛ o toma
nyundua aa, wɛɛ berɔɔ
ba Edom tena nɛ.
O pa ba bolchɔɡe cheɡ,
dɛ́ kpoo ba.
6Chal ne noo ɡboo tɔ
Korowii kere la bwa,
kɛŋɔ baa kpo pebiiri
ne boohna dɛ ler a
kporombie ɛ saraha ken.
Korowii dɔ saraha ɛɛ bwɛjen
Bosra.
Nɛra ɛɛ serewoo kɛrɛdɛ
kere la nyoa, Edom harɛ ta.
7Wɛɛ kpoo nɛra baa dɔ
kpeɡri kɛŋɔ kpɔɡ bini nae,
ne banɔ la baa do kɛŋɔ
nabali bwaa, ásɛ harɛ
la bwa sɔ chal ne no.
8Korowii le tɔpere bɛl cheɡ,
dɛ́ ba lɛ Jerusalam tena,
dɛ́ chɔɡ ba dɔma bɔ kem.
9Edom harɛ neerare
ɛɛ ɛo kɛŋɔ kootal ken,
bela teera ɛ kɛŋɔ jebɔrɔwe,
ásɛ harɛ la bwa fuh.
10Wɛɛ dɛɛ fuuh webaŋa
ne jwaana
waa wola dime bwa,
ásɛ o ninchuu ɡe teŋɛ tɛr
dɛɛ kaa nyundua
saŋ bɛlbwa.
Harɛ la ɛɛ chɔ pɛɛpɛɛ
saŋ bɛlbwa dɛɛ la,
nomɛlbwa aa wola
belaa kpɔ kpa bwa.
11Kwiu bwa soo siwi,
ne ɡaahɡaahre lɛ bela dɔɔh.
Korowii ɛɛ ɡeloo harɛ la berɛ
dimɡbia waa wola
maree dɔ.
12Kooro aa lee do
dɛɛ nyiŋi harɛ la ta,
sitɔɔla ɡe aa lee do,
13ásɛ sɔɔhne le kooderemi,
apeah ɡe le bwɛjena
baa ma danjwɛkpeɡa bara,
ne ba dekpeɡa ta.
Wɛɛ berɛ kalampoŋare ne
kwiure sobɔree.
14Belaa pua hɛŋle ɡbo harɛ ola
ne ɡboli ɛɛ ba doe dɛɛ ɡɔle,
dɛ́ do ɡbɔɡa dɛɛ yerɛ dɔŋa.
Kpɔɡ bini ola aa dɛ valɛ
jwaana ɡe ɛɛ ba belaa,
dɛ́ baa onɛ.
15Kwiure ɛɛ sɔh a kɔne belaa
dɛɛ hwe, dɛ tee a bii
do a kena lɔɡre dɛɛ nyiŋa.
Kokosakire ɡe ɛɛ ba cheme
belaa, bɛlbwa ne o chee.
16Hé nyiŋi Korowii tɔn bini
dɛ́ kure na.
Kwaa nɔ bɛlbwa toole
dɛ́ nyoɡre, bɛlbwa aa belaa
do waa wola o cheerii dɔ.
Korowiirii bola ŋɔ á ɛ ɡɛ,
o Doma la ɛɛ ba a ne Edom
harɛ taa.
17Onee dɛ bɔne harɛ la tɛa,
bɛlbwa dɔ o kon,
dɛ́ do bela saŋ te bɛlbwa
dɛɛ la.
Currently Selected:
Aesaya 34: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 34
34
Korowii ɛɛ tɛr o dɔma deŋnee
1Harɛre nɛra, hé suuh tel dɛ́ no!
Hé cheɡ deŋne dɛ́ no!
Hé ɡel harɛ ne kwaa bwa
aa lɔ o ta no n wa!
2Korowii baah di
harɛre nɛra bwa nɛ.
O bwaawee iro kohona
ba laa tena nɛ.
O lee ba cheɡ dɛ́ kpoo
ba kwaraa.
3Baa ban huɡe,
baa paa baa ta,
ásɛ ba sɔɔh tɔ bɔr bwa
koŋkoŋkoŋ ken, ba chale
ɛɛ palɛ bwejena dor
bobɛlbwa.
4Wee ne korobie dɛ weweela
bwa ɛɛ nyoɡroo,
ásɛ Korowii doa ɡuɡri kɛŋɔ
baa ɡuɡri kalaŋ la.
Kwaa aa lɔ nyundua bwa
ɛɛ lee harɛɛ kɛŋɔ papohola
aa le daa ta dɛɛ lee la.#Wep 6:13-14
5Korowii kere baa tonɛ o toma
nyundua aa, wɛɛ berɔɔ
ba Edom tena nɛ.
O pa ba bolchɔɡe cheɡ,
dɛ́ kpoo ba.
6Chal ne noo ɡboo tɔ
Korowii kere la bwa,
kɛŋɔ baa kpo pebiiri
ne boohna dɛ ler a
kporombie ɛ saraha ken.
Korowii dɔ saraha ɛɛ bwɛjen
Bosra.
Nɛra ɛɛ serewoo kɛrɛdɛ
kere la nyoa, Edom harɛ ta.
7Wɛɛ kpoo nɛra baa dɔ
kpeɡri kɛŋɔ kpɔɡ bini nae,
ne banɔ la baa do kɛŋɔ
nabali bwaa, ásɛ harɛ
la bwa sɔ chal ne no.
8Korowii le tɔpere bɛl cheɡ,
dɛ́ ba lɛ Jerusalam tena,
dɛ́ chɔɡ ba dɔma bɔ kem.
9Edom harɛ neerare
ɛɛ ɛo kɛŋɔ kootal ken,
bela teera ɛ kɛŋɔ jebɔrɔwe,
ásɛ harɛ la bwa fuh.
10Wɛɛ dɛɛ fuuh webaŋa
ne jwaana
waa wola dime bwa,
ásɛ o ninchuu ɡe teŋɛ tɛr
dɛɛ kaa nyundua
saŋ bɛlbwa.
Harɛ la ɛɛ chɔ pɛɛpɛɛ
saŋ bɛlbwa dɛɛ la,
nomɛlbwa aa wola
belaa kpɔ kpa bwa.
11Kwiu bwa soo siwi,
ne ɡaahɡaahre lɛ bela dɔɔh.
Korowii ɛɛ ɡeloo harɛ la berɛ
dimɡbia waa wola
maree dɔ.
12Kooro aa lee do
dɛɛ nyiŋi harɛ la ta,
sitɔɔla ɡe aa lee do,
13ásɛ sɔɔhne le kooderemi,
apeah ɡe le bwɛjena
baa ma danjwɛkpeɡa bara,
ne ba dekpeɡa ta.
Wɛɛ berɛ kalampoŋare ne
kwiure sobɔree.
14Belaa pua hɛŋle ɡbo harɛ ola
ne ɡboli ɛɛ ba doe dɛɛ ɡɔle,
dɛ́ do ɡbɔɡa dɛɛ yerɛ dɔŋa.
Kpɔɡ bini ola aa dɛ valɛ
jwaana ɡe ɛɛ ba belaa,
dɛ́ baa onɛ.
15Kwiure ɛɛ sɔh a kɔne belaa
dɛɛ hwe, dɛ tee a bii
do a kena lɔɡre dɛɛ nyiŋa.
Kokosakire ɡe ɛɛ ba cheme
belaa, bɛlbwa ne o chee.
16Hé nyiŋi Korowii tɔn bini
dɛ́ kure na.
Kwaa nɔ bɛlbwa toole
dɛ́ nyoɡre, bɛlbwa aa belaa
do waa wola o cheerii dɔ.
Korowiirii bola ŋɔ á ɛ ɡɛ,
o Doma la ɛɛ ba a ne Edom
harɛ taa.
17Onee dɛ bɔne harɛ la tɛa,
bɛlbwa dɔ o kon,
dɛ́ do bela saŋ te bɛlbwa
dɛɛ la.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.