Aesaya 33
33
Chae wesoŋa
1Hé bwɛɛlɛ, nɛra haa dɛ chɔɡ nɛra,
nɛra aa wola he te chɔɡ.
Hé le nɛra dɛɛ tɛ,
nɛra aa wola he te
leɛ dɛɛ tɛ.
Hé ɡel nɛra chɔɡaa,
nɛra ɛɛ chɔɡ heyaa,
he ɡel nɛra lee dɛ tɛ aa,
nɛra ɛɛ le heyaa tɛ.
2N Naa Korowii, na ya sum,
he bee ya hwɛɡa bwa do.
Nyiŋi ya nɛɛ he kpeɡri ne
tɔpere bɛlbwa.
Lɛ yaa dɛɛ le wenaale ta.
3He kɔr harɛre nɛra laa ta naa,
ba dɛ chwa,
he iro che ɡe aa,
nɛra dɛ peɡre.
4Gɛ tontombɛ aa dɛ di
koo kwaa bwa la,
ɡɛɛ baa ba ba laala pae
laa ta a tonɛ.
5Korowii kan taeh,
o soɡe nyundua tenten.
Wɛɛ ɡeloo kasinteŋ ne waa
aa toɡra su Jerusalam.
6Wɛɛ ɛo kɛŋɔ dea mumpar
waa kpeɡa dɛ tɛ heyaa
he saŋ, dɛ́ lɛ heya
dɛ́ tɛ heya wejema
ne waa mun noe kohona
saŋ bɛlbwa.
O ɔma taa hɛɛ ba cheɡa,
dɛ́ dɔ ɡɛ waa nɔ bwa.
7Na, ba kpeɡnɛra dɛ dooɡe
lɔŋɔre kohona fɔɡbaahna
dɛɛ nyin lɛɛra.
Nɛra baa tom ba ŋɔ bá ba
larawe la ɡe dɛ wi kohona.
8Ba ŋwɛnɛjena bwa chɔ pɛɛ,
nɛra aa a ta kpɔ kpa.
Ba chɔɡ fɔo la, dɛ to ntama.
Nomɛlbwa toole
baa duuru.
9Harɛ la chɔɡɔ, o chɔɔ pɛɛ.
Sihiih kpo Lɛbanɔn kɔne,
a daa serewe.
Sarɔn fɛlembɔdɛɛɡe berɛ
pua hɛŋle ɡbo harɛ,
Basan harɛ ne Kaamɛl#33:9 Hibru tena wobol ta Kaamɛl munii harɛpare ondɛɛɡe.
Bwejen ta,
daa papooni dɛ chure.
10Korowii ŋɔ harɛre nɛra be ŋɔ,
“Mɛɛ iruu name.
Mɛɛ baɡle n kpeɡri
aa ɡwaa komɛlbwaa.
11Hé kpoŋe n nɛra tea,
kɛ aa ɛ pɛɛpɛɛ,
he ɡbaɡba hweera ɛɛ berɛ
niinii dɛ́ kpoo heya.
12Hɛɛ fuuh kɛŋɔ baa fuh kwaa
dɛɛ ɛ tɛɡ, kɛɛ baa pa
sɔɔhne do nii ta a fuh la.
13He banɔ la haa lɔ bojaŋa,
hé no waa maa ɛa!
He banɔ haa bɛna ɡe,
hé sɛh kɛŋɔ n dɔ kpeɡri.”
14Wechɔɡ-ɛɛra baa lɔ
Jerusalam dɛ ɔmɛ,
nɛra baa wola Korowii
tomɛ la bwara dɛ sa.
Ba ŋɔ, “Ya bini umee dɛ won
so nii aa dɛ hɔ
aa wola dime,
dɛɛ chɔɡ kwaa nɔ jwɛh ɔ?”
15Nɛra ba wa aa toɡraa
dɛɛ bol kasinteŋ,
baa wola ba kpeɡri ta
cheɡɛ hamɛ nɛra
dɛɛ dɔ kwa.
Nɛra ba sie aa wola lɛ
kɛ ba yaɡ ba sen,
dɛ laa ba te dɛɛ kpɔ
nɛŋkpoa waa ta,
dɛɛ lawɛ ba te kɛŋɔ
baa wechɔɡaa ɛ la.
16Banee dɛɛ ba deŋnesɔɔhna
ne soɡa,
kɛŋɔ baa soɡe dekpeɡ bini.
Baa dɔ kondikwaa dɛɛ di,
nee ɡe aa ban paŋɛ bwa.
17Hɛɛ na kooro ne o wer
ne kan waa doa,
ne o harɛpaɡ waa chɔa
dɛ kaa bojaŋ.
18He liire aa webena haa dɛ
ɔma kohona la taa do kpa.
Hɛɛ ŋɔɔ, “Leperaa nɛn waa
dɛ kure nɛra la dɔɔ? Naate
waa dɛ lɛ toɔ la ɡe sɛ?
Leperaa naate waa dɛ nyiŋi
dejaŋa ta la ɡe dɔɔ?”
19Haa jenu tena laanee na kpa
bwa, nɛra ba wobol aa kora
haa wola a mun no la.#Mma 28:49
20Hé nyiŋi Saayɔn,#33:20 Saayɔn sɔn bɛl ɡee Jerusalam. bwɛjen
yaa dɛ di tɔpejena o ta la.
Hɛɛ nao kɛŋɔ Jerusalam dɔ
deŋnesɔɔhna ne soɡa,
kɛŋɔ tɛnte dea waa cheɡɛ
o buɡ ta, saŋ bɛlbwa,
o daa baa kpaara do harɛ
dɛ kpɔ baŋro la aa fome
kpa bwa, ɡɛɛ o ɡboɡbie
ɡe aa wola chaa.
21Korowii ɛɛ do belaa dɛ́ ɛ ya
Kpeɡnɛn.
Wɛɛ ɡeloo yá so harɛdɛɛɡe
nejena ne nenabɔɔne
aa lɔ o ta.
Ya dɔma aa ɡbeni a taa tawɛ,
ba stiimaere aa a taa kpɔ.
22Korowiirii dɛ́ bol ya wa,
onee do Mmarare
dɛɛ tɛ yaa,
dɛ́ ɛ ya kooro.
Onee dɛ́ lɛ yaa.#Jem 4:12
23Gboɡbie dɔma aa kpɔa baŋre
ba ɡbeni yal la yɔɡɔ.
A ta wone lawɛ dajaŋ yal
la aa lɔ o ta la kɛrɛdɛ,
Nɛra ɛɛ bɔne dɔma
laaladamanta baa paa
laa ta laanee, hale
boobie kwaraa pa ane.
24Korowii ɛɛ kpɔ nɛra baa lɔ
Jerusalam wechɔɡaa kɛ ba.
Hale bɛlbwa aa berɛ ŋɔ,
“N bwara dɛ wee mɛ.”
Currently Selected:
Aesaya 33: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 33
33
Chae wesoŋa
1Hé bwɛɛlɛ, nɛra haa dɛ chɔɡ nɛra,
nɛra aa wola he te chɔɡ.
Hé le nɛra dɛɛ tɛ,
nɛra aa wola he te
leɛ dɛɛ tɛ.
Hé ɡel nɛra chɔɡaa,
nɛra ɛɛ chɔɡ heyaa,
he ɡel nɛra lee dɛ tɛ aa,
nɛra ɛɛ le heyaa tɛ.
2N Naa Korowii, na ya sum,
he bee ya hwɛɡa bwa do.
Nyiŋi ya nɛɛ he kpeɡri ne
tɔpere bɛlbwa.
Lɛ yaa dɛɛ le wenaale ta.
3He kɔr harɛre nɛra laa ta naa,
ba dɛ chwa,
he iro che ɡe aa,
nɛra dɛ peɡre.
4Gɛ tontombɛ aa dɛ di
koo kwaa bwa la,
ɡɛɛ baa ba ba laala pae
laa ta a tonɛ.
5Korowii kan taeh,
o soɡe nyundua tenten.
Wɛɛ ɡeloo kasinteŋ ne waa
aa toɡra su Jerusalam.
6Wɛɛ ɛo kɛŋɔ dea mumpar
waa kpeɡa dɛ tɛ heyaa
he saŋ, dɛ́ lɛ heya
dɛ́ tɛ heya wejema
ne waa mun noe kohona
saŋ bɛlbwa.
O ɔma taa hɛɛ ba cheɡa,
dɛ́ dɔ ɡɛ waa nɔ bwa.
7Na, ba kpeɡnɛra dɛ dooɡe
lɔŋɔre kohona fɔɡbaahna
dɛɛ nyin lɛɛra.
Nɛra baa tom ba ŋɔ bá ba
larawe la ɡe dɛ wi kohona.
8Ba ŋwɛnɛjena bwa chɔ pɛɛ,
nɛra aa a ta kpɔ kpa.
Ba chɔɡ fɔo la, dɛ to ntama.
Nomɛlbwa toole
baa duuru.
9Harɛ la chɔɡɔ, o chɔɔ pɛɛ.
Sihiih kpo Lɛbanɔn kɔne,
a daa serewe.
Sarɔn fɛlembɔdɛɛɡe berɛ
pua hɛŋle ɡbo harɛ,
Basan harɛ ne Kaamɛl#33:9 Hibru tena wobol ta Kaamɛl munii harɛpare ondɛɛɡe.
Bwejen ta,
daa papooni dɛ chure.
10Korowii ŋɔ harɛre nɛra be ŋɔ,
“Mɛɛ iruu name.
Mɛɛ baɡle n kpeɡri
aa ɡwaa komɛlbwaa.
11Hé kpoŋe n nɛra tea,
kɛ aa ɛ pɛɛpɛɛ,
he ɡbaɡba hweera ɛɛ berɛ
niinii dɛ́ kpoo heya.
12Hɛɛ fuuh kɛŋɔ baa fuh kwaa
dɛɛ ɛ tɛɡ, kɛɛ baa pa
sɔɔhne do nii ta a fuh la.
13He banɔ la haa lɔ bojaŋa,
hé no waa maa ɛa!
He banɔ haa bɛna ɡe,
hé sɛh kɛŋɔ n dɔ kpeɡri.”
14Wechɔɡ-ɛɛra baa lɔ
Jerusalam dɛ ɔmɛ,
nɛra baa wola Korowii
tomɛ la bwara dɛ sa.
Ba ŋɔ, “Ya bini umee dɛ won
so nii aa dɛ hɔ
aa wola dime,
dɛɛ chɔɡ kwaa nɔ jwɛh ɔ?”
15Nɛra ba wa aa toɡraa
dɛɛ bol kasinteŋ,
baa wola ba kpeɡri ta
cheɡɛ hamɛ nɛra
dɛɛ dɔ kwa.
Nɛra ba sie aa wola lɛ
kɛ ba yaɡ ba sen,
dɛ laa ba te dɛɛ kpɔ
nɛŋkpoa waa ta,
dɛɛ lawɛ ba te kɛŋɔ
baa wechɔɡaa ɛ la.
16Banee dɛɛ ba deŋnesɔɔhna
ne soɡa,
kɛŋɔ baa soɡe dekpeɡ bini.
Baa dɔ kondikwaa dɛɛ di,
nee ɡe aa ban paŋɛ bwa.
17Hɛɛ na kooro ne o wer
ne kan waa doa,
ne o harɛpaɡ waa chɔa
dɛ kaa bojaŋ.
18He liire aa webena haa dɛ
ɔma kohona la taa do kpa.
Hɛɛ ŋɔɔ, “Leperaa nɛn waa
dɛ kure nɛra la dɔɔ? Naate
waa dɛ lɛ toɔ la ɡe sɛ?
Leperaa naate waa dɛ nyiŋi
dejaŋa ta la ɡe dɔɔ?”
19Haa jenu tena laanee na kpa
bwa, nɛra ba wobol aa kora
haa wola a mun no la.#Mma 28:49
20Hé nyiŋi Saayɔn,#33:20 Saayɔn sɔn bɛl ɡee Jerusalam. bwɛjen
yaa dɛ di tɔpejena o ta la.
Hɛɛ nao kɛŋɔ Jerusalam dɔ
deŋnesɔɔhna ne soɡa,
kɛŋɔ tɛnte dea waa cheɡɛ
o buɡ ta, saŋ bɛlbwa,
o daa baa kpaara do harɛ
dɛ kpɔ baŋro la aa fome
kpa bwa, ɡɛɛ o ɡboɡbie
ɡe aa wola chaa.
21Korowii ɛɛ do belaa dɛ́ ɛ ya
Kpeɡnɛn.
Wɛɛ ɡeloo yá so harɛdɛɛɡe
nejena ne nenabɔɔne
aa lɔ o ta.
Ya dɔma aa ɡbeni a taa tawɛ,
ba stiimaere aa a taa kpɔ.
22Korowiirii dɛ́ bol ya wa,
onee do Mmarare
dɛɛ tɛ yaa,
dɛ́ ɛ ya kooro.
Onee dɛ́ lɛ yaa.#Jem 4:12
23Gboɡbie dɔma aa kpɔa baŋre
ba ɡbeni yal la yɔɡɔ.
A ta wone lawɛ dajaŋ yal
la aa lɔ o ta la kɛrɛdɛ,
Nɛra ɛɛ bɔne dɔma
laaladamanta baa paa
laa ta laanee, hale
boobie kwaraa pa ane.
24Korowii ɛɛ kpɔ nɛra baa lɔ
Jerusalam wechɔɡaa kɛ ba.
Hale bɛlbwa aa berɛ ŋɔ,
“N bwara dɛ wee mɛ.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.