Aesaya 24
24
Korowii ɛɛ chɔɡ harɛ nɔ ne nɛra baa lɔ o taa
1Hé no! Korowii dɛ ba harɛ nɔ
chɔɡa o chɔ pɛɛpɛɛ.
Wɛɛ lɔ nɛra baa lɔ
o taa peɡre,
dɛ́ chɔɡ komɛlbwa o ta.
2Gɛ webeŋkpoŋ nɔ ɛɛ pu
nɛra ne ba sɔfore,
bonɔɔna ne ba dɔɔranar,
bonadiire ne yarawa
ne banɔ la baa dɔa
dɛɛ kemɛ nɛra,
ne banɔ la baa laŋa
kaa kemɛ,
dɛ dɔɔhna ne nyaara.
3Harɛ nɔ ɛɛ chɔɡoo
dɛ́ chɔ pɛɛ,
o komɛlbwa tonɛ kwaraa.
Korowiirii bola.
4Hwel cheɡɛ harɛ ta,
o ta kwaa bwa jwalɛ,
nyundua tɔɔ,
harɛ som tonɔ,
harɛ ta nɛnjena ɡwɛɡre.
5Harɛ ta nɛra siwi ta
Korowii waa la sui,
ba vɛh o Mmarare
dɛ chɔɡ fɔo o ne baa fɔwa
ó chɔ le saŋ bɛlbwa dɛɛ la,
dɛ kpɔ doŋa kah harɛ.
6Anomanta, Korowii taah
harɛ bwa,
nɛra baa lɔ o ta la ɛɛ dɔ
ba wechɔɡa kembɔree.
Anomanta, wɛɛ kpɔ niinii
tɛr ba deŋne dɛ́ fuuh ba,
ba bini tamaa ken ka.
7Daa baa kpɔ a nɔna
dɛɛ ɛ sen serewɔ,
dɛ ɡel sen waa do tɔɡre.
Nomɛlbwa o sie fa aa dɛ lɛ
sen ta la berɔ dɛɛ di suna.
8Kwaa baa dɛ yiiɡa kɛŋɔ
loŋa a sii do som helɔ,
janjela baa dɛ hɛlɛ a ne
dɛɛ lɛ sie la ɡe hel.
Haa nɛra baa dɛ hɛlɛ la
ɡbɔɡa no bobɛlbwa.
9Baa senee nyɔ
dɛ́ ɡo yela kpa,
seŋkpeɡa aa somɛ a nyɔɔra
nyoo kpa.
10Bwɛjen la chɔɡɔ dɛ chɔ pɛɛ,
ba karɛ dem bɛlbwa
doonyoa
ɡbera tɔ ba ɡbaɡba nɛ.
11Ba dɛ wi sen waa fɔɡbaahna,
silɛɛ bwa tonɔ,
sum ɡboo kaa.
Hɛɡra toole harɛ ta kpa.
12Bwɛjen la chɔɡɔ, o doonyoo
ɡbeni bwa kuuɡo kwaraa.
13Gɛɛ aa ba ɛɛ harɛre nɛra
bwa nɛ.
Aa ɛo kɛŋɔ baa chaa ɔleve
ne ɡrepore nɔna,
a ka beŋkpoŋa saɡre
baa kuuhna la.
14Nɛra baa dɔ ba nyu la
ɛɛ ɡo yela silɛɛ nee.
Banɔ la baa lɔ wee cholibɔr
ɛɛ baɡle jirima Korowii aa
dɔa.
15He banɔ la haa lɔ wee leebɔr
pera ɡe, hé tɛ Korowii sɔn.
Ekwie harɛre aa lɔ mpo ta
bwa nɛra, hé kpɛɛ Korowii
Israel tena aa dɛ tomɔ la.
16Yaa no yelaa le harɛ jaɡa
bwa bá ɡo yela dɛɛ kpɛɛ ŋɔ,
“Hé ɡel Korowii O Wa Aa
Toɡra la dɔ sɔn!”
Anee n ŋɔ, “A tonɔ, a tonɔ!
N dɛ ɡwaŋɛ!
Banɔ la baa dɛ neɡre nɛra
ta nao dɛɛ neɡre.”
17Nomɛlbwa no n be!
Ɔmewaa ne bɔɔ
ne bela chɔɔ kpa heya.
18Nomɛlbwa waa no ɔmewaa
ɡbɔɡa dɛ́ chwa la,
wɛɛ ka le bɔɔ binii.
Nomɛlbwa ɡe waa
le bɔɔ bini dɛ́ takapɔ ir la,
wɛɛ le bel taa.
Nyundua ɛɛ piluu nee fuɡe,
kwaa harɛ aa cheɡɛ a ta
ɡe yiiɡi kohona.
19Harɛ ɛɛ peroo,
wɛɛ jiɡruu dɛ́ peɡri.
20Harɛ ɛɛ yɛɛɡoo kɛŋɔ
sennyɔdɛɛ ken,
kɛɛ pata peu aa
dɛ kpɔɔ ken.
Harɛ nɛra wechɔɡa sii ba nɛ,
dɛ́ ba ba ne harɛ,
baa choloo
baa wola ir kpa.
21Awola tɔpere la, Korowii ɛɛ
tɛr kwaa aa dɔ kpeɡri
dɛ do nyundua,
ne koranar
baa dɔ kpeɡri harɛ nɔ ta
deŋnee.
22Korowii ɛɛ lawɛ koranaree
pɛ do dea, kɛŋɔ
ba yon lawɛ wechɔɡ-ɛɛra
dɛɛ do dea la,
ásɛ a ba dɛ la sie
ó tɛr ba deŋne.
23Dɛ Koranar Bwa Kooro
baa di o kora
Saayɔn Bwejen ta
Jerusalam aa,
o kora dii jirima ɛɛ ɡwaa
korobie chaahna
ne wee lɔe,
ásɛ bwɛjen la nomonome
na dɛ́ jemɛ ɡɛ waa kana.
Currently Selected:
Aesaya 24: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
