Aesaya 25
25
Hé ɡo yela kpɛɛ Korowii
1N Naa Korowii, henee mɛɛ tomɛ,
mɛɛ tɛɛ sɔnee dɛ́ kpɛɛre.
He ɛ nyokpowa,
waa haa maɡla bil saŋ la,
he ɛa kasinteŋ ne.
2He ɡelɔ bwɛjena berɛ
dimɡbia,
he kuuɡi danjwɛkpeɡa aa
bara la.
Dekpeɡa hɔɔhra aa maa la,
he kuuɡa ta, baa
an ma kpa.
3Anomanta, harɛre nɛra
baa kpeɡa ɛɛ kpɛɛree,
ásɛ bwɛjena a nɛra nyu
bini aa kpeɡa duuri.
4He lɛ nyaara ne nɛŋɡwɛɡra
ba suna dii tɔpere ta.
He dɛ tɔ ba nɛɛ
dɛɛ le peukpeɡ ta,
wee nyɛɡre aa, he laɡ ba
dɛɛ tɛɛ ba chunchule.
Nyubinikpeɡ tena do kɛŋɔ,
peukpeɡ aa taa dɛ kpɔ nee
dɛɛ lɔ danjwɛɛ dɛɛ kuu la,
5dɛ berɛ do kɛŋɔ
pua hɛŋle ɡbo harɛ ta
wee waa do nyɛɡre ken.
He sɔɔh ɡbɔɡa ya dɔma
nyubinikpeɡ tena baa le
harɛre ta aa dɛ do la nyoa,
ɡɛ bam yon tɔ wee ta dɛ sɔɔh
o nyoa la.
6Koranar Bwa Kooro ɛɛ yerɛ
harɛre nɛra bwaa ŋɔ,
bá ba di kondikonjena,
dɛ́ nyɔ sendɛɛɡa dɛ́ lɛ ba sie,
Saayɔn Bwejen ta
Jerusalam.
7Gɛ bwejen nɔ taa Korowii ɛɛ
ba tebinichɔɡ aa lɔ harɛre
nɛra bwa nɛɛ la chɔɡa,
dɛ́ laa a bwa kpɔ.
8Wɛɛ le seo nee waa wola
lee do kpa bwa.
Nemenɛ Korowii ɛɛ fee
nomɛlbwa siniiree,#Wep 7:17
dɛ́ laa sihiih o nɛra aa dia
kpɔ harɛ nɔ bwa ta.#1Kɔ 15:54
Korowiirii bola.
9A ba ɡɛ naa, baa boloo ŋɔ,
“Kasinteŋ, Korowii yaa dɛ
tomɔ laanee la.
Korowii yaa hwɛɡɛ o nɛɛ
laanee la, o lɛ yaa.
Hé ɡel ya hɛɡre ya sie lɛ,
lɛɛ waa lɛ yaa la wa.”
10Korowii ɛɛ kpɔ nɔnee tɔ
Saayɔn Bwejen la taa,
kɛ Moab tena te,
baa tiɡri ba nɛɛ kɛŋɔ baa
tiɡri kpɔɡa
dɛɛ koo nabena ta la.
11Baa dɛɛ ta nɔɔra a binii,
kɛŋɔ nɛn yon
dɛɛ wa nee la.
Korowii ɛɛ ba ba jenu baa
dɛ ɛ la ne harɛɛ,
hale ba takapɔ ɡɛ bɛlbwa
kwaraa naa, aa won lɛɛ ba.
12Wɛɛ chɔɡ Moab harɛ bwɛɛre
danjwɛkpeɡa
ne anjaŋa bwaa,
dɛ́ kuuɡa a bwa a chɔ harɛ.
Currently Selected:
Aesaya 25: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
