Hosia 10
10
1Israel tena fa do kɛŋɔ ɡrepo da, asɛ nɔna su o bwa.
Ba kondɔɔh do kɛŋɔ
ɡrepo nɔna ken,
aa dɛ warɛ la, dɛ ba dɛ ɛ
kwaa baa dɛ ɛ saraha a ta
aa warɛ.
Harɛ la dɛ ɛ kondikwaa
kohona naa,
ɡɛɛ ba ɡe ɛɛ paaɡe bwea
aa wera kɛrɛdɛ dɛɛ duura.
2Nyosone ɡboo su ba bwa
a chɛ kɛ bá di bolchɔɡe
a wa. Korowii ɛɛ paɡre
ba saraha kwaa,
dɛ́ chɔɡ bwea baa paaɡa
dɛɛ duura laanee.
3Belaa baa ba ŋɔe ŋɔ,
“Ya ta kooro dɔe,
dɛkalkɛ ya ta Korowii
duure.
Ya dɔ kooro kwaraa naa,
bɔkwaa o fe ɛɛ ba ɛɛ
tɛ yaa ɔ?”
4Ba baɡɛ nyoo taeh,
dɛ teŋe nyosone dɛɛ ŋwɛɛ
ba ne nɛra pɛ vɔrɔwe
wechɔɡa vɔrɔwa.
Anomanta, kasinteŋ berɛ
nyosone,
kɛŋɔ koo baa parɔ
kpɔɡchɔɡa ta che o ta.
5Nɛra baa soɡe bwɛjen Samaria
ɛɛ ɔmɛ suuɡaswɛm baa
kpɔa loɡɛ nabale o do
bwɛjen Bɛt Avɛn la waa.
Ba ne sɔfore baa dɛ tomɔ la
bwa ɛɛ wiu kɛrɛdɛ,
ba sie aa o we-ɛɛla taa lɛ,
dɛkalkɛ ba laa kpɔ le ba be
kaa bojaŋ harɛfale ta.
6Baa cheo kaa Asiiria harɛ ta,
dɛ́ kpɔ ka bɔ toɔ tɛ koojen
waa lɔ bela la.
Sihiih ɛɛ kpo Israel tenaa,
baa di sihiih voɡa
baa sɛah la waa.
7Baa lawɛ Samaria tena
ne ba kooroo kaa,
kɛŋɔ nee aa palɛ daa
dɛɛ kaa la ken.
8Voɡa aa lɔ bwea dor bwɛjen
Bɛt Avɛn, bela Israel tena
aa dɛ tomɛ voɡa la,
dɛ ba chɔɡa.
Sɔɔhne ne jabalnadaŋɛre ɛɛ
leo tɔ kwaa
baa dɛ ɛ saraha
a ta dɛɛ tɛ ba voɡa bwa.
Ásɛ ba ŋɔ bwejena ne
deŋɡarere be ŋɔ,
“Hé choɡli tɔ ya nɛ.”#Luk 23:30; Wep 6:16
9Korowii ŋɔ, “Israel tena ta
wechɔɡa baa ɛɛ mɛ la ɡelɛ.
Gɛ saŋ baa lea ɛ wechɔɡa
bwɛjen Gebea la.
Anomanta, laa taa baa ba
serewa Gebea.
10Mɛɛ tɛr ba deŋnee,
ásɛ harɛre ta nɛra pɛ
dɛ́ ba tɛr ba deŋne
ba wechɔɡa kohona la wa.
11Israel tena do kɛŋɔ
nalor baa baɡlo mea lɔe,
o sie ɛɛ lɛ a ta.
Anomanta,
mɛɛ kpɔ daa dawɛ
o baŋa ta wɛɛ parɛ.
Mɛɛ teŋɛ Israel tena nɛɛ
ásɛ Juda tena ɛɛ parɛ.
Israel tena bwa
ɡe ɛɛ buɡli harɛ.
12Hé ɡel he waa toɡre,
ásɛ dɛ dɔ nyina
waa wola jaɡa dɔe.
Hé pwɛr he bambile
waa kpeɡa,
kɛŋɔ harɛ waa hola.
Saŋ telo kɛ hé nyin men
Korowii bɔr
mɔɔ n bala tel, ásɛ n swee
andɛɛɡa tɛ heyaa kohona.
13Kɛ a ɛo kɛŋɔ haa du wechɔɡa
dɛ komɛ wechɔɡa.
He di he nyosone la nɔna.
Haa kpɔ he te dawɛ he
bokpeɡa ta,
ne he laa tena baa wara
dɛ jemɛ yoi nɛɛ nomanta,
14he nɛra ɛɛ no laa ɡbɔɡaa,
ásɛ he dekpeɡa bwa chɔɡ.
Aa doo kɛŋɔ Kooro Salman
aa kpɔ laa ba chɔɡ
bwɛjen Bɛt Aabɛl,
dɛ kpoo haahna
ne ba bii bil la.#2Ko 17:6
15Gɛɛ dɛɛ ba he Bɛtel tena
nɛɛ chiɡa, dɛkalkɛ
he wechɔɡa kan kohona.
Awola tɔpere laa la aa
pa mun la,
baa ba kpo Israel kooroo.”
Currently Selected:
Hosia 10: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Hosia 10
10
1Israel tena fa do kɛŋɔ ɡrepo da, asɛ nɔna su o bwa.
Ba kondɔɔh do kɛŋɔ
ɡrepo nɔna ken,
aa dɛ warɛ la, dɛ ba dɛ ɛ
kwaa baa dɛ ɛ saraha a ta
aa warɛ.
Harɛ la dɛ ɛ kondikwaa
kohona naa,
ɡɛɛ ba ɡe ɛɛ paaɡe bwea
aa wera kɛrɛdɛ dɛɛ duura.
2Nyosone ɡboo su ba bwa
a chɛ kɛ bá di bolchɔɡe
a wa. Korowii ɛɛ paɡre
ba saraha kwaa,
dɛ́ chɔɡ bwea baa paaɡa
dɛɛ duura laanee.
3Belaa baa ba ŋɔe ŋɔ,
“Ya ta kooro dɔe,
dɛkalkɛ ya ta Korowii
duure.
Ya dɔ kooro kwaraa naa,
bɔkwaa o fe ɛɛ ba ɛɛ
tɛ yaa ɔ?”
4Ba baɡɛ nyoo taeh,
dɛ teŋe nyosone dɛɛ ŋwɛɛ
ba ne nɛra pɛ vɔrɔwe
wechɔɡa vɔrɔwa.
Anomanta, kasinteŋ berɛ
nyosone,
kɛŋɔ koo baa parɔ
kpɔɡchɔɡa ta che o ta.
5Nɛra baa soɡe bwɛjen Samaria
ɛɛ ɔmɛ suuɡaswɛm baa
kpɔa loɡɛ nabale o do
bwɛjen Bɛt Avɛn la waa.
Ba ne sɔfore baa dɛ tomɔ la
bwa ɛɛ wiu kɛrɛdɛ,
ba sie aa o we-ɛɛla taa lɛ,
dɛkalkɛ ba laa kpɔ le ba be
kaa bojaŋ harɛfale ta.
6Baa cheo kaa Asiiria harɛ ta,
dɛ́ kpɔ ka bɔ toɔ tɛ koojen
waa lɔ bela la.
Sihiih ɛɛ kpo Israel tenaa,
baa di sihiih voɡa
baa sɛah la waa.
7Baa lawɛ Samaria tena
ne ba kooroo kaa,
kɛŋɔ nee aa palɛ daa
dɛɛ kaa la ken.
8Voɡa aa lɔ bwea dor bwɛjen
Bɛt Avɛn, bela Israel tena
aa dɛ tomɛ voɡa la,
dɛ ba chɔɡa.
Sɔɔhne ne jabalnadaŋɛre ɛɛ
leo tɔ kwaa
baa dɛ ɛ saraha
a ta dɛɛ tɛ ba voɡa bwa.
Ásɛ ba ŋɔ bwejena ne
deŋɡarere be ŋɔ,
“Hé choɡli tɔ ya nɛ.”#Luk 23:30; Wep 6:16
9Korowii ŋɔ, “Israel tena ta
wechɔɡa baa ɛɛ mɛ la ɡelɛ.
Gɛ saŋ baa lea ɛ wechɔɡa
bwɛjen Gebea la.
Anomanta, laa taa baa ba
serewa Gebea.
10Mɛɛ tɛr ba deŋnee,
ásɛ harɛre ta nɛra pɛ
dɛ́ ba tɛr ba deŋne
ba wechɔɡa kohona la wa.
11Israel tena do kɛŋɔ
nalor baa baɡlo mea lɔe,
o sie ɛɛ lɛ a ta.
Anomanta,
mɛɛ kpɔ daa dawɛ
o baŋa ta wɛɛ parɛ.
Mɛɛ teŋɛ Israel tena nɛɛ
ásɛ Juda tena ɛɛ parɛ.
Israel tena bwa
ɡe ɛɛ buɡli harɛ.
12Hé ɡel he waa toɡre,
ásɛ dɛ dɔ nyina
waa wola jaɡa dɔe.
Hé pwɛr he bambile
waa kpeɡa,
kɛŋɔ harɛ waa hola.
Saŋ telo kɛ hé nyin men
Korowii bɔr
mɔɔ n bala tel, ásɛ n swee
andɛɛɡa tɛ heyaa kohona.
13Kɛ a ɛo kɛŋɔ haa du wechɔɡa
dɛ komɛ wechɔɡa.
He di he nyosone la nɔna.
Haa kpɔ he te dawɛ he
bokpeɡa ta,
ne he laa tena baa wara
dɛ jemɛ yoi nɛɛ nomanta,
14he nɛra ɛɛ no laa ɡbɔɡaa,
ásɛ he dekpeɡa bwa chɔɡ.
Aa doo kɛŋɔ Kooro Salman
aa kpɔ laa ba chɔɡ
bwɛjen Bɛt Aabɛl,
dɛ kpoo haahna
ne ba bii bil la.#2Ko 17:6
15Gɛɛ dɛɛ ba he Bɛtel tena
nɛɛ chiɡa, dɛkalkɛ
he wechɔɡa kan kohona.
Awola tɔpere laa la aa
pa mun la,
baa ba kpo Israel kooroo.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.