Habakuk 2
2
1Mɛɛ iruu che n jɛŋla doa,
dɛ́ nyiŋi dɛ́ no waa Korowii
aa dɛ ba n be bola.
Dɛ o chaŋ mɛ naa, ń na ɡɛ
maa dɛ ba o be bola.
Waa Korowii aa chaŋa
2Ate, Korowii ŋɔ n be ŋɔ,
“Chwerɛ waa maa pili a bini
baɡle chaahna ta la
dawɛ bwepɛle ta,
ɡɛ baa dɛ ba wona naa
dɛ́ kure.
3Tɔpere bɛl ta dɛ ba ásɛ waa
maa pili a bini baɡle la tel.
A dɛ baɡle ɡɛ waa bwa
jaɡa saŋ aa dɛ ba doe.
A ɛ kasinteŋ.
Hale a biɡro kwaraa naa,
hé so kpaa.
Kasinteŋ, aa bao.
Aa biɡri bɛlbwa.#Hib 10:37
4Wepila laanee nɔ,
Babelɔn tena baa ɛ
nyubinikpeɡ tena
aa ba nyuu dɔ,
kɛ naate o waa aa toɡra
dɛɛ su Korowii siwi la,
wɛɛ yaradao dɛ́ dɔ o nyu.#Rom 1:17
5Kondɔɔh neɡre Babelɔn tena
dɛ ɡel ba nyoɡre.
Ba ɛ kafonyine,
ba siwi aa kwaa su bwa.
Ba jenu dɛɛ ɛ sikpeɡ
kɛŋɔ seo waa wola
vaɡɛ bwa la.
A waa ba teŋɛ dɛɛ pɔ harɛre
nɛra nɛ, dɛɛ laɡ ba laa ta.
6Nɛra Babelɔn tena aa pɔ
ba nɛɛ la ɛɛ mam baa dɛ́ ŋɔ,
‘Hé bwɛɛlɛ, kɛ haa cheɡ kwaa
aa wola he kwaa ɛɛ,
dɛ kpɔ nɛnfaah kwaa
ɛ kondɔɔh nɔ.
Saŋ besoo hɛɛ ba ɡɛ
waa nɔ ɛɛ ka jaɡɔɔ?’
7Nɛra baa di he kema la
dɛ ba ira kerabeŋkpoŋ,
dɛ́ do heyaa sibeɡra
he bwara ɛɛ sa.
A ba ɡɛ naa, baa pa
he laala kpeɡri nee.
8He pa harɛre nɛra
kondɔɔh bwa,
ɡɛɛ nɛra baa kaa la ɡe ɛɛ
ba hé kondɔɔh pae.
Nɛra haa kpoora dɛ fuɡe
ba chale ta kohona,
ne chɔɡa haa chɔɡ harɛre
ne bwɛɛre ne nɛra baa
soɡe a ta la nomanta,
ɡɛɛ baa ba he ɡe ɛɛ.
9Nomɛlbwa waa cheɡɛ
ŋwɛnɛchɔɡe ta dɛɛ nyin
kondɔɔh dɛ́ tɛ o nɛra,
dɛɛ nyin bodɛɛɡe dɛ́ so,
ásɛ nomɛlbwa bɛ won tel
o be dɛ́ chɔɡo la, ó bwɛɛlɛ.
10He vɔrɔwɔ dɛ chɔɡ
harɛre nɛra kohona,
dɛ ɡel sihiih kpo he ɡbaɡba
dem tena, dɛ berɛ
ba waane ba dawɛ he nɛ.
11Bwea haa kpɔa ma dea la
ɛɛ do lɔŋɔree kɛŋɔ nɛra ken,
ásɛ doli haa kpɔa tɔɔ la
ɡe sɛh.
12Nomɛlbwa waa cheɡɛ
nɛŋkpoa kɛɛ wechɔɡa ta
dɛ vɔrɔwe bwɛjen la,
ó bwɛɛlɛ.
13Koranar Bwa Kooro ɛa kɛŋɔ
harɛre nɛra toma baa ɛa dɛ
koh la bwa dɛ ba fuih.
A bwa ɛ koeh pɛɛpɛɛ.
14Gɛ nee aa su mpo ta la,
ɡɛɛ nɛra baa lɔ harɛ nɔ ta
ɛɛ ba Korowii kpeɡri
ne o jirima kohona jema.
15Babelɔn tena, he bwɛɛlɛ!
He tɛ he bala sen
ba nyɔ dɛɛ, dɛ chɔ mumɡbal
dɛ di sihiih.
16Jirima he fe aa dɔ la
ɛɛ berɛ sihiih.
He saŋ telo name,
hé nyɔ dɛ́ chɔ mumɡbal!
Korowii ɛɛ ɡeloo he ɡbaɡba
nyɔ o danana nee
aa su numol,
ásɛ ncho dii tɔ jirima
he fe aa dɔ la ta.
17Gɛ haa teŋe Lɛbanɔn
harɛ ta daa la, ɡɛɛ Korowii
ɛɛ ba he ɡe chɔɡa.
Gɛ haa kpo kpɔɡ bini
ola la,
ɡɛɛ hɛɛ ba a waa nae.
He kpoo nɛra dɛ
fuɡe ba chal ta harɛ la ta,
he chɔɡ harɛre ne bwɛjena
ne a nɛra bwa.
18Bɔkwa tɔnɔɔ voɡ nɛwɛnyini
aa kpɔ nɔn sɛoh la dɔɔ?
O waa bwa ɛ nyosone.
Nɛn waa kwaaro la dɔ
yarada o ta.
O dɛ kwaa voɡa
aa wola won waa bol.
19Nɛn waa ŋɔ dakpul be ŋɔ
ó dɔ mkpa,
kɛɛ dɛ ŋɔ bwe waa wola
hweera dɔe be ŋɔ ó ir la,
ó bwɛɛlɛ!
Wɛɛ won baɡle wa aa?
Suuɡaswɛm ne suuɡapoŋee
ba kpɔ fɔɡle o bwa,
o ta hweera bɛlbwa dɔe.
20Korowii lɔ o Dea waa
do ɡoroŋ bini.
Nɛra haa lɔ harɛ nɔ ta,
hé bwa hel o sie.”#Yel 11:4; Sef 1:7
Currently Selected:
Habakuk 2: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Habakuk 2
2
1Mɛɛ iruu che n jɛŋla doa,
dɛ́ nyiŋi dɛ́ no waa Korowii
aa dɛ ba n be bola.
Dɛ o chaŋ mɛ naa, ń na ɡɛ
maa dɛ ba o be bola.
Waa Korowii aa chaŋa
2Ate, Korowii ŋɔ n be ŋɔ,
“Chwerɛ waa maa pili a bini
baɡle chaahna ta la
dawɛ bwepɛle ta,
ɡɛ baa dɛ ba wona naa
dɛ́ kure.
3Tɔpere bɛl ta dɛ ba ásɛ waa
maa pili a bini baɡle la tel.
A dɛ baɡle ɡɛ waa bwa
jaɡa saŋ aa dɛ ba doe.
A ɛ kasinteŋ.
Hale a biɡro kwaraa naa,
hé so kpaa.
Kasinteŋ, aa bao.
Aa biɡri bɛlbwa.#Hib 10:37
4Wepila laanee nɔ,
Babelɔn tena baa ɛ
nyubinikpeɡ tena
aa ba nyuu dɔ,
kɛ naate o waa aa toɡra
dɛɛ su Korowii siwi la,
wɛɛ yaradao dɛ́ dɔ o nyu.#Rom 1:17
5Kondɔɔh neɡre Babelɔn tena
dɛ ɡel ba nyoɡre.
Ba ɛ kafonyine,
ba siwi aa kwaa su bwa.
Ba jenu dɛɛ ɛ sikpeɡ
kɛŋɔ seo waa wola
vaɡɛ bwa la.
A waa ba teŋɛ dɛɛ pɔ harɛre
nɛra nɛ, dɛɛ laɡ ba laa ta.
6Nɛra Babelɔn tena aa pɔ
ba nɛɛ la ɛɛ mam baa dɛ́ ŋɔ,
‘Hé bwɛɛlɛ, kɛ haa cheɡ kwaa
aa wola he kwaa ɛɛ,
dɛ kpɔ nɛnfaah kwaa
ɛ kondɔɔh nɔ.
Saŋ besoo hɛɛ ba ɡɛ
waa nɔ ɛɛ ka jaɡɔɔ?’
7Nɛra baa di he kema la
dɛ ba ira kerabeŋkpoŋ,
dɛ́ do heyaa sibeɡra
he bwara ɛɛ sa.
A ba ɡɛ naa, baa pa
he laala kpeɡri nee.
8He pa harɛre nɛra
kondɔɔh bwa,
ɡɛɛ nɛra baa kaa la ɡe ɛɛ
ba hé kondɔɔh pae.
Nɛra haa kpoora dɛ fuɡe
ba chale ta kohona,
ne chɔɡa haa chɔɡ harɛre
ne bwɛɛre ne nɛra baa
soɡe a ta la nomanta,
ɡɛɛ baa ba he ɡe ɛɛ.
9Nomɛlbwa waa cheɡɛ
ŋwɛnɛchɔɡe ta dɛɛ nyin
kondɔɔh dɛ́ tɛ o nɛra,
dɛɛ nyin bodɛɛɡe dɛ́ so,
ásɛ nomɛlbwa bɛ won tel
o be dɛ́ chɔɡo la, ó bwɛɛlɛ.
10He vɔrɔwɔ dɛ chɔɡ
harɛre nɛra kohona,
dɛ ɡel sihiih kpo he ɡbaɡba
dem tena, dɛ berɛ
ba waane ba dawɛ he nɛ.
11Bwea haa kpɔa ma dea la
ɛɛ do lɔŋɔree kɛŋɔ nɛra ken,
ásɛ doli haa kpɔa tɔɔ la
ɡe sɛh.
12Nomɛlbwa waa cheɡɛ
nɛŋkpoa kɛɛ wechɔɡa ta
dɛ vɔrɔwe bwɛjen la,
ó bwɛɛlɛ.
13Koranar Bwa Kooro ɛa kɛŋɔ
harɛre nɛra toma baa ɛa dɛ
koh la bwa dɛ ba fuih.
A bwa ɛ koeh pɛɛpɛɛ.
14Gɛ nee aa su mpo ta la,
ɡɛɛ nɛra baa lɔ harɛ nɔ ta
ɛɛ ba Korowii kpeɡri
ne o jirima kohona jema.
15Babelɔn tena, he bwɛɛlɛ!
He tɛ he bala sen
ba nyɔ dɛɛ, dɛ chɔ mumɡbal
dɛ di sihiih.
16Jirima he fe aa dɔ la
ɛɛ berɛ sihiih.
He saŋ telo name,
hé nyɔ dɛ́ chɔ mumɡbal!
Korowii ɛɛ ɡeloo he ɡbaɡba
nyɔ o danana nee
aa su numol,
ásɛ ncho dii tɔ jirima
he fe aa dɔ la ta.
17Gɛ haa teŋe Lɛbanɔn
harɛ ta daa la, ɡɛɛ Korowii
ɛɛ ba he ɡe chɔɡa.
Gɛ haa kpo kpɔɡ bini
ola la,
ɡɛɛ hɛɛ ba a waa nae.
He kpoo nɛra dɛ
fuɡe ba chal ta harɛ la ta,
he chɔɡ harɛre ne bwɛjena
ne a nɛra bwa.
18Bɔkwa tɔnɔɔ voɡ nɛwɛnyini
aa kpɔ nɔn sɛoh la dɔɔ?
O waa bwa ɛ nyosone.
Nɛn waa kwaaro la dɔ
yarada o ta.
O dɛ kwaa voɡa
aa wola won waa bol.
19Nɛn waa ŋɔ dakpul be ŋɔ
ó dɔ mkpa,
kɛɛ dɛ ŋɔ bwe waa wola
hweera dɔe be ŋɔ ó ir la,
ó bwɛɛlɛ!
Wɛɛ won baɡle wa aa?
Suuɡaswɛm ne suuɡapoŋee
ba kpɔ fɔɡle o bwa,
o ta hweera bɛlbwa dɔe.
20Korowii lɔ o Dea waa
do ɡoroŋ bini.
Nɛra haa lɔ harɛ nɔ ta,
hé bwa hel o sie.”#Yel 11:4; Sef 1:7
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.