Habakuk 3
3
Habakuk wesoŋa
1Korowii keame Habakuk waa waa soŋe Korowii nɔ.
2N Naa Korowii,
n no he waa haa ɛa la.
He we-ɛɛla nomanta,
n cheɡɔ n bwara ɛɛ chel.
Berɛ ɛ a ɡɛ wejena la
ya saŋ nɔ ta,
ásɛ dɛ ɡel ya jemɛ a wa,
ásɛ wechɔɡa bɛlbwa yaa ɛ
he baah di la,
hé sune ya nɛ.
3N Naa Korowii,
he le Teman harɛ ta ba.
He ɛ Korowii Haa Do Goroŋ
dɛ le Paran Bwejen ta.
He jirima tɔ nyundua,
asɛ nɛra bwa ɛɛ kpɛɛre
harɛ nɔ ta.
4He wer do kɛŋɔ wee aa dɛ le
chɔɔbɔr la.
He nɔmpaa bini
dɛ nyɛɡle al-al ken,
belaa he kpeɡri sɔh.
5Weechɔɡa tɔ he sie,
asɛ he ŋɔ seo be ŋɔ
ó teŋɛ he nɛ.
6He iro che asɛ harɛ jiɡri,
he ta sie nyiŋi harɛre
nɛra aa, dɛ ba dɛ chel.
Bwejena aa lole le saŋ la bwa
kuuɡo,
asɛ deŋɡarere a ɡe aa lole
le saŋ la bwa ɡe bur.
He te ŋwɛnɛre ta jaɡa dɔe.
7N na Kusan tena tɛnte
deene bini baa ɔmɛ taeh,
ɡɛɛ Midian tena ɡe bwara
ɛɛ sa ba tɛnte deene bini.
8N Naa Korowii, he baah di
neerare nɛɛ kɛɛ?
He bandia lɔ nenabɔɔne
nɛɛ kɛɛ?
Mpo nɛɛ he baah di,
ɡɛ saŋ haa soɡe he jaɡre,
ne torɔɡore baa vɔrɔwa
pɛl a nɛɛ
dɛɛ la ka yo nɛra
dɛ́ pɔ ba nɛɛ kɛɛ?
9He harɛ he to kpa,
dɛɛ nyin he ta he hɛma.
He kpɔ bwaala nyɛɡla
pere harɛ bini.
10Bwejena nae dɛɛ chel,
asɛ bwaala nɛ, nee su dɛ palɛ
baa kaa dɛɛ do ɡbɔɡa,
dɛɛ ta nehɛma kohona.
11Wee ne korobie cheɡɛ
bobeŋkpoŋ nyundua,
dɛkalkɛ he dɛ ta he
hɛma ne he lampea,
aa nyɛɡle al-al ken
dɛ baa kaa.
12He kpɔ bandia valɛ
kpɔ harɛ nɔ ta bwa,
dɛ kpɔ bwaawee tɛr
harɛ nɔ ta nɛra deŋne
kɛŋɔ baa dɛ lɔ mea.
13He leɔ ba kɛŋɔ he ba lɛ
he nɛra, ne nɛn haa leo
o ɛ kooro.
He chɔɡ harɛ baa dɛ ɛ
wechɔɡa o ta nomoa,
dɛ lɛ o kpeɡri bwa.
14He hɛma yaɡɛ o laa sitɔɔ,
ɡɛ saŋ o laa tena aa wura
ba tɔ ya nɛɛ
dɛ lɔ yaa peɡre la.
Ba sie lɛɔ kɛŋɔ nɛra
baa sɔah
dɛɛ fiiɡi nɛŋɡwɛɡra.
15He kpɔ he jaɡre
ka do mpo ta aa valɛ,
dɛɛ vuuɡi nehɛma
aa dɛ ta kohona la.
16N noɔ asɛ n bambile teŋe,
n nyoa kpo
a ɡɛ ɡbɔɡa la wa,
n bwara yɔrɔ,
n nakpale bwa ɛɛ sa.
Kɛ n sɔɔh bwara dɛɛ kpa
tɔpechɔɡe wee Korowii
aa ba tɛr nɛra
baa dɛ yo yaa deŋne.
17Hale dɛ fiɡ daa ta feɛ,
ɡrepo daa ɡe ta nɔnɛ,
ɔleve daa ɡe vɛh nɔna,
kondikwaa ta ɛɛ,
peera toole leɡ bini,
asɛ nae ɡe toole
a leɡ ta naa,
18Korowii nomanta,
mɛɛ hɛɡroo, n sie lɛ
Korowii waa ɛ n Lɛɛ la nɛ.
19Nemenɛ Korowiirii n kpeɡri,
o ɡelɔ n nakpale do kɛŋɔ
chwae kwaa ken,
n won bwejena dor vala.
N chwerɛ waa nɔ ka tɛ
yela nomoa ó kpɔ o janjela
ne kwaa aa do ɡɛ la lɔa.
Currently Selected:
Habakuk 3: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Habakuk 3
3
Habakuk wesoŋa
1Korowii keame Habakuk waa waa soŋe Korowii nɔ.
2N Naa Korowii,
n no he waa haa ɛa la.
He we-ɛɛla nomanta,
n cheɡɔ n bwara ɛɛ chel.
Berɛ ɛ a ɡɛ wejena la
ya saŋ nɔ ta,
ásɛ dɛ ɡel ya jemɛ a wa,
ásɛ wechɔɡa bɛlbwa yaa ɛ
he baah di la,
hé sune ya nɛ.
3N Naa Korowii,
he le Teman harɛ ta ba.
He ɛ Korowii Haa Do Goroŋ
dɛ le Paran Bwejen ta.
He jirima tɔ nyundua,
asɛ nɛra bwa ɛɛ kpɛɛre
harɛ nɔ ta.
4He wer do kɛŋɔ wee aa dɛ le
chɔɔbɔr la.
He nɔmpaa bini
dɛ nyɛɡle al-al ken,
belaa he kpeɡri sɔh.
5Weechɔɡa tɔ he sie,
asɛ he ŋɔ seo be ŋɔ
ó teŋɛ he nɛ.
6He iro che asɛ harɛ jiɡri,
he ta sie nyiŋi harɛre
nɛra aa, dɛ ba dɛ chel.
Bwejena aa lole le saŋ la bwa
kuuɡo,
asɛ deŋɡarere a ɡe aa lole
le saŋ la bwa ɡe bur.
He te ŋwɛnɛre ta jaɡa dɔe.
7N na Kusan tena tɛnte
deene bini baa ɔmɛ taeh,
ɡɛɛ Midian tena ɡe bwara
ɛɛ sa ba tɛnte deene bini.
8N Naa Korowii, he baah di
neerare nɛɛ kɛɛ?
He bandia lɔ nenabɔɔne
nɛɛ kɛɛ?
Mpo nɛɛ he baah di,
ɡɛ saŋ haa soɡe he jaɡre,
ne torɔɡore baa vɔrɔwa
pɛl a nɛɛ
dɛɛ la ka yo nɛra
dɛ́ pɔ ba nɛɛ kɛɛ?
9He harɛ he to kpa,
dɛɛ nyin he ta he hɛma.
He kpɔ bwaala nyɛɡla
pere harɛ bini.
10Bwejena nae dɛɛ chel,
asɛ bwaala nɛ, nee su dɛ palɛ
baa kaa dɛɛ do ɡbɔɡa,
dɛɛ ta nehɛma kohona.
11Wee ne korobie cheɡɛ
bobeŋkpoŋ nyundua,
dɛkalkɛ he dɛ ta he
hɛma ne he lampea,
aa nyɛɡle al-al ken
dɛ baa kaa.
12He kpɔ bandia valɛ
kpɔ harɛ nɔ ta bwa,
dɛ kpɔ bwaawee tɛr
harɛ nɔ ta nɛra deŋne
kɛŋɔ baa dɛ lɔ mea.
13He leɔ ba kɛŋɔ he ba lɛ
he nɛra, ne nɛn haa leo
o ɛ kooro.
He chɔɡ harɛ baa dɛ ɛ
wechɔɡa o ta nomoa,
dɛ lɛ o kpeɡri bwa.
14He hɛma yaɡɛ o laa sitɔɔ,
ɡɛ saŋ o laa tena aa wura
ba tɔ ya nɛɛ
dɛ lɔ yaa peɡre la.
Ba sie lɛɔ kɛŋɔ nɛra
baa sɔah
dɛɛ fiiɡi nɛŋɡwɛɡra.
15He kpɔ he jaɡre
ka do mpo ta aa valɛ,
dɛɛ vuuɡi nehɛma
aa dɛ ta kohona la.
16N noɔ asɛ n bambile teŋe,
n nyoa kpo
a ɡɛ ɡbɔɡa la wa,
n bwara yɔrɔ,
n nakpale bwa ɛɛ sa.
Kɛ n sɔɔh bwara dɛɛ kpa
tɔpechɔɡe wee Korowii
aa ba tɛr nɛra
baa dɛ yo yaa deŋne.
17Hale dɛ fiɡ daa ta feɛ,
ɡrepo daa ɡe ta nɔnɛ,
ɔleve daa ɡe vɛh nɔna,
kondikwaa ta ɛɛ,
peera toole leɡ bini,
asɛ nae ɡe toole
a leɡ ta naa,
18Korowii nomanta,
mɛɛ hɛɡroo, n sie lɛ
Korowii waa ɛ n Lɛɛ la nɛ.
19Nemenɛ Korowiirii n kpeɡri,
o ɡelɔ n nakpale do kɛŋɔ
chwae kwaa ken,
n won bwejena dor vala.
N chwerɛ waa nɔ ka tɛ
yela nomoa ó kpɔ o janjela
ne kwaa aa do ɡɛ la lɔa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.