Habakuk 1
1
1Waa Korowii aa pila baɡle o keame Habakuk chaahna ta laanee nɔ.
Habakuk wenaɡra
2“N Naa Korowii,
kera aŋwɛnɛɛ ń yerɛ ŋɔ
hé cha mɛ mɔɔ he no,
kɛɛ dɛ lɛɛ mɛ le
naɡrenyine we-ɛɛla ta nɔ?#Yel 13:1
3Ɛrɛɛ he ɡel mɛɛ na we-ɛɛla
aa wola toɡrɛ ɡbo nɔɔ?
Ɛrɛɛ he laa sie kpɔ nɛra
nɛɛ baa ɛ wechɔɡa nɔɔ?
Kwaa chɔɡa ne naɡrenyin
we-ɛɛlaa chɔ n sie.
Yoi ne nyopɛo bɛ dɔe
bar mɛ cheme.
4Mmara bɛlbwa toole dɛɛ di nɛn,
anomanta, kasinteŋ toole
kpa.
Nɛnchɔɡa dɛ tɔ
nɛndɛɛɡa ŋwɛnɛ, dɛɛ berɛ
waa aa ɛ kasinteŋ sie.”
Waa Korowii aa chaŋa
5Ate, Korowii bol o nɛra be
ŋɔ,
“Hɛ́ɛ nyiŋi harɛre nɛra
baa bar heya cheme
dɛ́ɛ pese ba.
Hɛ́ɛ na waane ba binii
a ɛ heyaa nyokpoa kohona.
N dɛ ba waane ɛɛ he saŋ
nɔ ta,
háa wola lii kɛŋɔ aa bao.
Dɛ ba bol he be
ka kwaraa naa,
haa yarada.#Weɛ 13:41
6N dɛ ba Babelɔn tena
baa do ɔma,
ba sie ɡe do kpeɡri,
kpeɡri tɛɛ,
ásɛ ba laa tena wur kaa
harɛ nɔ ta bobɛlbwa,
dɛ́ ka yo nɛra
dɛ́ lɛ ba sobɔra aa wola
ba kwaa ɛɛ bwa dɔɔh.#2Ko 24:1-2; Jer 5:15
7Ba waa dɔ ɔmee ne hundam,
ba ɡbaɡba mmara taa
baa teŋɛ,
baa nomɛlbwa waa no.
8Ba jaɡre ɡbaŋre ɡwaa
nonietena,
dɛ do ɔma ɡwaa ɡboli
lɔr aa dɛ kpoa jɔmɔra.
Ba nɛra baa soɡe jaɡre
ta ɡe le bojaŋa,
dɛ chwa kohona dɛɛ ba,
kɛŋɔ kokosakire yon ir
le nyundua
ba harɛ baa di ol la.
9Ba dɛ ba naa,
naɡrenyin we-ɛɛla
ɡboo lɔ ba sie ta.
Nomɛlbwa waa no ba bala
waa la, dɛ ɔmee lawɔ.
Nɛra baa laɡ ba laa ta la
warɔ,
kɛŋɔ mpo nyoa hɛŋle ken.
10Ba siwi aa koranar tɔɡɛ,
dɛɛ ɛ nomonome sisawa.
Bwɛjena baa ma danjwɛɛre
bara ɛ wesoma waa ba be.
Ba cheɡɛ teera
do danjwɛɛre baa maa
bar bwɛjena mune,
dɛ che a ta teeh
ka yoo ba dɛ́ pɔ ba nɛ.
11Asɛ dɛ wur kaa kɛŋɔ peu yon
ta dɛ kpɔ haahra kaa la.
A ɡɛ nɛra nɔ,
ba kpɔ ba te dawɛ
ba bokpeɡa ta kɛŋɔ
nɛn aa kpɔ sie dawɛ
o voɡ ta la.”
Habakuk wenaɡra nɛɛtena
12N Naa Korowii,
saŋ la bwa laa
he le ɛ Korowii aa?
Henee Korowii
maa dɛ tomɛ,
Korowii haa do ɡoroŋ la.
N Naa Korowii,
he le Babelɔn tena,
dɛ tɛɛ ba kpeɡri ŋɔ
bá ba tɛr ya deŋne,
kɛ he do kɛ Bwetal
dɛ kpɔ nɔn dɛɛ tɔ ya nɛ.
13He do ɡoroŋ kohona,
haa soɡee dɛɛ nyiŋi
waa aa ɛ wechɔɡa.
Haa wechɔɡa nyin.
Ɛrɛɛ hɛɛ ba nyoa tɔe,
dɛ́ nyiŋi nɛnchɔɡa bá chɔɡ
nɛra ba wechɔɡa aa wola
doe kɛ ban ɔ?#Yel 5:5
14He ɡelɔ nɛwɛnyina do
kɛŋɔ mpo bini pɛŋa,
ne mpo bini koŋkwaa
aa wola nomoa dɔe
wɛɛ nyiŋi a nɛ.
15Ba dɔma Babelɔn tena
kpɔ ɡoŋri dɛɛ laɡ ba
kɛŋɔ pɛŋa ken,
dɛ kpɔ dɔɔne tɛɡ ba
dɛɛ le baŋ,
asɛ ba sie lɛ baa hɛɡre a ta.
16Anomanta, ba kpoo kwaa
dɛɛ tɛ ba dɔɔne,
dɛ fuh daawiile a sɔɔh
aa soma dɛɛ tɛa dɛɛ toma,
dɛkalkɛ a ɡɛ kwaa laanee
dɛɛ tɛɛ ba ba kondɛɛɡa,
ne kondikondɛɛɡa tenten
bwa.
17Baa ɡeloo ba teŋɛ dɛ́ kpoo
harɛre nɛra kɛŋɔ pɛŋa
baa wola ba sumii na naa?
Currently Selected:
Habakuk 1: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Habakuk 1
1
1Waa Korowii aa pila baɡle o keame Habakuk chaahna ta laanee nɔ.
Habakuk wenaɡra
2“N Naa Korowii,
kera aŋwɛnɛɛ ń yerɛ ŋɔ
hé cha mɛ mɔɔ he no,
kɛɛ dɛ lɛɛ mɛ le
naɡrenyine we-ɛɛla ta nɔ?#Yel 13:1
3Ɛrɛɛ he ɡel mɛɛ na we-ɛɛla
aa wola toɡrɛ ɡbo nɔɔ?
Ɛrɛɛ he laa sie kpɔ nɛra
nɛɛ baa ɛ wechɔɡa nɔɔ?
Kwaa chɔɡa ne naɡrenyin
we-ɛɛlaa chɔ n sie.
Yoi ne nyopɛo bɛ dɔe
bar mɛ cheme.
4Mmara bɛlbwa toole dɛɛ di nɛn,
anomanta, kasinteŋ toole
kpa.
Nɛnchɔɡa dɛ tɔ
nɛndɛɛɡa ŋwɛnɛ, dɛɛ berɛ
waa aa ɛ kasinteŋ sie.”
Waa Korowii aa chaŋa
5Ate, Korowii bol o nɛra be
ŋɔ,
“Hɛ́ɛ nyiŋi harɛre nɛra
baa bar heya cheme
dɛ́ɛ pese ba.
Hɛ́ɛ na waane ba binii
a ɛ heyaa nyokpoa kohona.
N dɛ ba waane ɛɛ he saŋ
nɔ ta,
háa wola lii kɛŋɔ aa bao.
Dɛ ba bol he be
ka kwaraa naa,
haa yarada.#Weɛ 13:41
6N dɛ ba Babelɔn tena
baa do ɔma,
ba sie ɡe do kpeɡri,
kpeɡri tɛɛ,
ásɛ ba laa tena wur kaa
harɛ nɔ ta bobɛlbwa,
dɛ́ ka yo nɛra
dɛ́ lɛ ba sobɔra aa wola
ba kwaa ɛɛ bwa dɔɔh.#2Ko 24:1-2; Jer 5:15
7Ba waa dɔ ɔmee ne hundam,
ba ɡbaɡba mmara taa
baa teŋɛ,
baa nomɛlbwa waa no.
8Ba jaɡre ɡbaŋre ɡwaa
nonietena,
dɛ do ɔma ɡwaa ɡboli
lɔr aa dɛ kpoa jɔmɔra.
Ba nɛra baa soɡe jaɡre
ta ɡe le bojaŋa,
dɛ chwa kohona dɛɛ ba,
kɛŋɔ kokosakire yon ir
le nyundua
ba harɛ baa di ol la.
9Ba dɛ ba naa,
naɡrenyin we-ɛɛla
ɡboo lɔ ba sie ta.
Nomɛlbwa waa no ba bala
waa la, dɛ ɔmee lawɔ.
Nɛra baa laɡ ba laa ta la
warɔ,
kɛŋɔ mpo nyoa hɛŋle ken.
10Ba siwi aa koranar tɔɡɛ,
dɛɛ ɛ nomonome sisawa.
Bwɛjena baa ma danjwɛɛre
bara ɛ wesoma waa ba be.
Ba cheɡɛ teera
do danjwɛɛre baa maa
bar bwɛjena mune,
dɛ che a ta teeh
ka yoo ba dɛ́ pɔ ba nɛ.
11Asɛ dɛ wur kaa kɛŋɔ peu yon
ta dɛ kpɔ haahra kaa la.
A ɡɛ nɛra nɔ,
ba kpɔ ba te dawɛ
ba bokpeɡa ta kɛŋɔ
nɛn aa kpɔ sie dawɛ
o voɡ ta la.”
Habakuk wenaɡra nɛɛtena
12N Naa Korowii,
saŋ la bwa laa
he le ɛ Korowii aa?
Henee Korowii
maa dɛ tomɛ,
Korowii haa do ɡoroŋ la.
N Naa Korowii,
he le Babelɔn tena,
dɛ tɛɛ ba kpeɡri ŋɔ
bá ba tɛr ya deŋne,
kɛ he do kɛ Bwetal
dɛ kpɔ nɔn dɛɛ tɔ ya nɛ.
13He do ɡoroŋ kohona,
haa soɡee dɛɛ nyiŋi
waa aa ɛ wechɔɡa.
Haa wechɔɡa nyin.
Ɛrɛɛ hɛɛ ba nyoa tɔe,
dɛ́ nyiŋi nɛnchɔɡa bá chɔɡ
nɛra ba wechɔɡa aa wola
doe kɛ ban ɔ?#Yel 5:5
14He ɡelɔ nɛwɛnyina do
kɛŋɔ mpo bini pɛŋa,
ne mpo bini koŋkwaa
aa wola nomoa dɔe
wɛɛ nyiŋi a nɛ.
15Ba dɔma Babelɔn tena
kpɔ ɡoŋri dɛɛ laɡ ba
kɛŋɔ pɛŋa ken,
dɛ kpɔ dɔɔne tɛɡ ba
dɛɛ le baŋ,
asɛ ba sie lɛ baa hɛɡre a ta.
16Anomanta, ba kpoo kwaa
dɛɛ tɛ ba dɔɔne,
dɛ fuh daawiile a sɔɔh
aa soma dɛɛ tɛa dɛɛ toma,
dɛkalkɛ a ɡɛ kwaa laanee
dɛɛ tɛɛ ba ba kondɛɛɡa,
ne kondikondɛɛɡa tenten
bwa.
17Baa ɡeloo ba teŋɛ dɛ́ kpoo
harɛre nɛra kɛŋɔ pɛŋa
baa wola ba sumii na naa?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.