Mumpar 18
18
Bibaa Korowii aa baɡɛ Abraham nyoa wa
1Awola webaŋkpela bɛl, Abraham soɡe o tɛnte dea doonyoa Mamre dajena la bɔr, asɛ Korowii berɛ ba o be ja. 2Abraham ha sie nyiŋi dɛ baala batoro banee ka cheɡa. Waa na ba la, o den ɛ warane dɛɛ chem ba, dɛ ɡuŋ ba harɛ dɛ kpɔ sie pi harɛ,#Hib 13:2 3dɛ ŋɔ, “Nomonome, dɛ men maa ɛ he bie chɛo kɛŋɔ hé choɡ mɛ naa, he bɛ men ɡarɛ ta kaa. 4Hé ɡel n ba tɛ heyaa nee tama he sarame he nakpale, ásɛ dɛ ka onɛ daa nɔ mun bela. 5Haa dɔa ba he bie be nɔ, hé ɡel n nyin kondikwaa tɛ heyaa he di, ásɛ he won dɔ bokpeɡfala dɛ́ kaa.”
Anee ba sɛh ŋɔ o ɛ ɡɛ tɛɛ ba.
6Belaa o ɛ warane ka jo o tɛnte dea la bini Saara be, dɛ ŋɔ o be ŋɔ, “Ir warane ka ɛ men aa kpera kɛrɛdɛ kuruwa anumɛl, dɛ́ kpɔ wɔɔ paanoo.”#Sit 6:19 7O berɔ chwa la o naleɡ bini, dɛ ka lawɛ nao bie o bwara aa wera, dɛ kpɔ ba tɛ o bonɔɔ bɛl, ásɛ o ɛ warane kpoo dɛ́ daalo. 8Ate, o ka kpɔ waɡasi ne na-elne, ne nao bie baa daalo la ba cheɡ ba sie. Asɛ dɛ te berɛ kaa ka che daa la bɛl mun bela ba jwɛh, asɛ baa di kwaa la.
9Belaa ba pɛɛro ŋɔ, “Lee he haah Saara dɔɔ?”
Anee o chaŋe ŋɔ, “O lɔ tɛnte dea la bini bela.”
10Asɛ baala la bɛl ŋɔ Abraham be ŋɔ, “Benanyoa ne chema saŋ nɔ bɔr ja mɛɛ berɔɔ ba he be. Kɛ n ne bala la, dɛ Saara lolɛ bibaa dawɛ o nakpale ta.”#Rom 9:9
Dɛ Saara ɡe soɡe tɛnte dea la doonyoa Abraham habɔɔ dɛɛ no a bwa. 11A ɡɛ saŋ dɛ Abraham ne o haah Saara bwa hwɛɛhrɔ, asɛ Saara ɡarɛ dahara lee. 12Anomanta, o mamɛ o nyu bini ŋɔ, “Taraken n ne n jaa bwa aa hwɛɛhra tonɛ nɔɔ mɛɛ ba silɛɛ kon nɔ dɔŋ dɔe yaa?”
13Belaa Korowii bɔɔ Abraham ŋɔ, “Ɛrɛɛ Saara mamɛ o nyu bini dɛ ŋɔ, ‘Mɛɛ won berɛ dɔ bie taraken maa hwɛɛhra nɔ naa?’ 14Bɔkwa waa kpeɡa men Korowii be maa wola won ɛɔ?#Mat 19:26 Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”
15Dɛ Saara dɛ ɔmɛ, anomanta, o tɔɔh ŋɔ, “N ta mamɛ.”
Asɛ o ŋɔ, “Kasinteŋ, he mamɔ.”
Abraham soŋɔ tɛ Sodom tena
16Belaa baala la ir, dɛ kpɔ sie chaɡɛ Sodom pera dɛɛ kaa, asɛ Abraham ir dɛ ka do ba ŋwɛnɛ. 17Anee Korowii ŋɔ, “Amɔ ń kpɔ waa maa dɛ ba ɛɛ nɔ sɔh Abraham kɛɛ? 18Akai, o naanar ɛɛ yao dɛ́ do kpeɡri, ásɛ ba sɔn le a che o nɛɛ ń tɛ nɛra baa lɔ harɛ nɔ ta bwa hɛɛra.#Mum 12:3; 22:18 19Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”
20Belaa Korowii ŋɔ Abraham be ŋɔ, “Sodom ne Gomoora tena wechɔɡa waa maa dɛ no la kan kohona to, 21anomanta, mɛɛ la belaa, dɛ́ ɡbabir kpɔ n siwi ka na kɛŋɔ ɡɛ maa dɛ no ba waa la ɛ kasinteŋ, kɛɛ ɡɛ laa a doɔ?”
22Belaa baala banɛ la pe do dɛɛ kaa Sodom, asɛ Abraham ta che Korowii sie bela. 23Asɛ o suuh tel Korowii dɛ ŋɔ, “N Naa Korowii, aah wedɛɡ-ɛɛra ne wechɔɡ-ɛɛra bwaa hɛɛ ba pɛɛ dɛ́ chɔɡ aa? 24Dɛ nɛndɛɛɡa tel fifraanue bwɛɛ la ta naa, hɛ́ɛ chɔɡo waa? Nɛra fifraanue nɔ nomanta, haa ban ɡel aa? 25N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”
26Belaa Korowii ŋɔ, “Dɛ n dɔ nɛra fifraanue ba ɛ nɛndɛɛɡa Sodom aa, mɛɛ koh ba waa, dɛ́ ɡel bwɛɛ la ne nɛra la chɔɡa.”
27Asɛ Abraham berɛ ŋɔ, “Kaforachɛ, a fe ta chɛɛ kɛ n maɡa nɔ dɔŋ maa ɛ nɛwɛnyini nɔ su baah che n Dɔɔ sie dɛ bol wa. 28Dɛ nɛra fifraanaarɛ dɛ banue ɛ nɛndɛɛɡa, ba ta fifraanue tele ɡe sɛ? Hɛɛ chɔɡ bwɛɛ laanee nɛra banue baa kaa nɔ waa yaa?”
Anee Korowii ŋɔ, “Dɛ nɛndɛɛɡa fifraanaarɛ dɛ banue lɔ bwɛɛ la ta naa, maa bwɛɛ laanee chɔɡ.”
29Asɛ o berɛ ŋɔ, “Dɛ nɛra fifraanaarɛ ɡee sɛ?”
Anee Korowii ŋɔ, “Nɛra fifraanaarɛ lɔ bela dɛ ɛ nɛndɛɛɡa aa, maa ban chɔɡ.”
30Ate, Abraham ŋɔ, “N poori, n Dɔɔ, bɛ ɡel he baah di, n dɛ nyin ń bol waa ja. Dɛ nɛra fifraatoro ɡee sɛ?”
O ŋɔ, “Dɛ mɛɛ dɔ nɛra fifraatoro kwaraa yaa, n fe ɛɛ ɡeloo.”
31Abraham berɛ ŋɔ, “N dɛ soŋe, n Dɔɔ, nɛnhɛla laa mɛɛ ɛɛ, kɛŋɔ maa su baah dɛ ta teŋɛ dɛɛ bol waa he be nɔ. Dɛ nɛra fifraanɛ ɡbo ɡee sɛ?”
O ŋɔ, “Dɛ n dɔ nɛra fifraanɛ naa, maa bwɛɛ la chɔɡa ba.”
32Asɛ o berɛ ŋɔ, “N poori, n Dɔɔ, bɛ ɡel he baah di. N dɛ nyin n soŋe webeŋkpoŋ ɡbo ja. Dɛ nɛra fi ɡbo ɡee sɛ?”
Anee o ŋɔ, “Dɛ nɛra fi ɛ nɛndɛɛɡa bwɛɛ la ta naa, maa bwɛɛ laanee chɔɡ.” 33Korowii ne Abraham aa bol waa tonɛ la, o kaalɔ asɛ Abraham berɛ ba buse.
Currently Selected:
Mumpar 18: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 18
18
Bibaa Korowii aa baɡɛ Abraham nyoa wa
1Awola webaŋkpela bɛl, Abraham soɡe o tɛnte dea doonyoa Mamre dajena la bɔr, asɛ Korowii berɛ ba o be ja. 2Abraham ha sie nyiŋi dɛ baala batoro banee ka cheɡa. Waa na ba la, o den ɛ warane dɛɛ chem ba, dɛ ɡuŋ ba harɛ dɛ kpɔ sie pi harɛ,#Hib 13:2 3dɛ ŋɔ, “Nomonome, dɛ men maa ɛ he bie chɛo kɛŋɔ hé choɡ mɛ naa, he bɛ men ɡarɛ ta kaa. 4Hé ɡel n ba tɛ heyaa nee tama he sarame he nakpale, ásɛ dɛ ka onɛ daa nɔ mun bela. 5Haa dɔa ba he bie be nɔ, hé ɡel n nyin kondikwaa tɛ heyaa he di, ásɛ he won dɔ bokpeɡfala dɛ́ kaa.”
Anee ba sɛh ŋɔ o ɛ ɡɛ tɛɛ ba.
6Belaa o ɛ warane ka jo o tɛnte dea la bini Saara be, dɛ ŋɔ o be ŋɔ, “Ir warane ka ɛ men aa kpera kɛrɛdɛ kuruwa anumɛl, dɛ́ kpɔ wɔɔ paanoo.”#Sit 6:19 7O berɔ chwa la o naleɡ bini, dɛ ka lawɛ nao bie o bwara aa wera, dɛ kpɔ ba tɛ o bonɔɔ bɛl, ásɛ o ɛ warane kpoo dɛ́ daalo. 8Ate, o ka kpɔ waɡasi ne na-elne, ne nao bie baa daalo la ba cheɡ ba sie. Asɛ dɛ te berɛ kaa ka che daa la bɛl mun bela ba jwɛh, asɛ baa di kwaa la.
9Belaa ba pɛɛro ŋɔ, “Lee he haah Saara dɔɔ?”
Anee o chaŋe ŋɔ, “O lɔ tɛnte dea la bini bela.”
10Asɛ baala la bɛl ŋɔ Abraham be ŋɔ, “Benanyoa ne chema saŋ nɔ bɔr ja mɛɛ berɔɔ ba he be. Kɛ n ne bala la, dɛ Saara lolɛ bibaa dawɛ o nakpale ta.”#Rom 9:9
Dɛ Saara ɡe soɡe tɛnte dea la doonyoa Abraham habɔɔ dɛɛ no a bwa. 11A ɡɛ saŋ dɛ Abraham ne o haah Saara bwa hwɛɛhrɔ, asɛ Saara ɡarɛ dahara lee. 12Anomanta, o mamɛ o nyu bini ŋɔ, “Taraken n ne n jaa bwa aa hwɛɛhra tonɛ nɔɔ mɛɛ ba silɛɛ kon nɔ dɔŋ dɔe yaa?”
13Belaa Korowii bɔɔ Abraham ŋɔ, “Ɛrɛɛ Saara mamɛ o nyu bini dɛ ŋɔ, ‘Mɛɛ won berɛ dɔ bie taraken maa hwɛɛhra nɔ naa?’ 14Bɔkwa waa kpeɡa men Korowii be maa wola won ɛɔ?#Mat 19:26 Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”
15Dɛ Saara dɛ ɔmɛ, anomanta, o tɔɔh ŋɔ, “N ta mamɛ.”
Asɛ o ŋɔ, “Kasinteŋ, he mamɔ.”
Abraham soŋɔ tɛ Sodom tena
16Belaa baala la ir, dɛ kpɔ sie chaɡɛ Sodom pera dɛɛ kaa, asɛ Abraham ir dɛ ka do ba ŋwɛnɛ. 17Anee Korowii ŋɔ, “Amɔ ń kpɔ waa maa dɛ ba ɛɛ nɔ sɔh Abraham kɛɛ? 18Akai, o naanar ɛɛ yao dɛ́ do kpeɡri, ásɛ ba sɔn le a che o nɛɛ ń tɛ nɛra baa lɔ harɛ nɔ ta bwa hɛɛra.#Mum 12:3; 22:18 19Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”
20Belaa Korowii ŋɔ Abraham be ŋɔ, “Sodom ne Gomoora tena wechɔɡa waa maa dɛ no la kan kohona to, 21anomanta, mɛɛ la belaa, dɛ́ ɡbabir kpɔ n siwi ka na kɛŋɔ ɡɛ maa dɛ no ba waa la ɛ kasinteŋ, kɛɛ ɡɛ laa a doɔ?”
22Belaa baala banɛ la pe do dɛɛ kaa Sodom, asɛ Abraham ta che Korowii sie bela. 23Asɛ o suuh tel Korowii dɛ ŋɔ, “N Naa Korowii, aah wedɛɡ-ɛɛra ne wechɔɡ-ɛɛra bwaa hɛɛ ba pɛɛ dɛ́ chɔɡ aa? 24Dɛ nɛndɛɛɡa tel fifraanue bwɛɛ la ta naa, hɛ́ɛ chɔɡo waa? Nɛra fifraanue nɔ nomanta, haa ban ɡel aa? 25N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”
26Belaa Korowii ŋɔ, “Dɛ n dɔ nɛra fifraanue ba ɛ nɛndɛɛɡa Sodom aa, mɛɛ koh ba waa, dɛ́ ɡel bwɛɛ la ne nɛra la chɔɡa.”
27Asɛ Abraham berɛ ŋɔ, “Kaforachɛ, a fe ta chɛɛ kɛ n maɡa nɔ dɔŋ maa ɛ nɛwɛnyini nɔ su baah che n Dɔɔ sie dɛ bol wa. 28Dɛ nɛra fifraanaarɛ dɛ banue ɛ nɛndɛɛɡa, ba ta fifraanue tele ɡe sɛ? Hɛɛ chɔɡ bwɛɛ laanee nɛra banue baa kaa nɔ waa yaa?”
Anee Korowii ŋɔ, “Dɛ nɛndɛɛɡa fifraanaarɛ dɛ banue lɔ bwɛɛ la ta naa, maa bwɛɛ laanee chɔɡ.”
29Asɛ o berɛ ŋɔ, “Dɛ nɛra fifraanaarɛ ɡee sɛ?”
Anee Korowii ŋɔ, “Nɛra fifraanaarɛ lɔ bela dɛ ɛ nɛndɛɛɡa aa, maa ban chɔɡ.”
30Ate, Abraham ŋɔ, “N poori, n Dɔɔ, bɛ ɡel he baah di, n dɛ nyin ń bol waa ja. Dɛ nɛra fifraatoro ɡee sɛ?”
O ŋɔ, “Dɛ mɛɛ dɔ nɛra fifraatoro kwaraa yaa, n fe ɛɛ ɡeloo.”
31Abraham berɛ ŋɔ, “N dɛ soŋe, n Dɔɔ, nɛnhɛla laa mɛɛ ɛɛ, kɛŋɔ maa su baah dɛ ta teŋɛ dɛɛ bol waa he be nɔ. Dɛ nɛra fifraanɛ ɡbo ɡee sɛ?”
O ŋɔ, “Dɛ n dɔ nɛra fifraanɛ naa, maa bwɛɛ la chɔɡa ba.”
32Asɛ o berɛ ŋɔ, “N poori, n Dɔɔ, bɛ ɡel he baah di. N dɛ nyin n soŋe webeŋkpoŋ ɡbo ja. Dɛ nɛra fi ɡbo ɡee sɛ?”
Anee o ŋɔ, “Dɛ nɛra fi ɛ nɛndɛɛɡa bwɛɛ la ta naa, maa bwɛɛ laanee chɔɡ.” 33Korowii ne Abraham aa bol waa tonɛ la, o kaalɔ asɛ Abraham berɛ ba buse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.