Mumpar 17
17
Abram ne Korowii penteŋa fɔo fɔwa wa
1Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra. 2Mɛɛ ɡeloo n ne he baah fɔo la che, ásɛ he ne he naanar warɛ kohona.” 3Belaa Abram kpɔ sie pi harɛ asɛ Korowii ŋɔ o be ŋɔ,#Jos 5:14 4“Fɔo n ne haa dɛ fɔwɛ laanee kɛŋɔ mɛɛ ɡeloo he ɛ harɛre damanta nɛra naa. 5Baa hen Abramee yerɛ kpa, kɛ baa dɛɛ yerɛ Abraham,#17:5 Abraham munii harɛre nɛra bwa mɛɛ. dɛkalkɛŋɔ henee mɛɛ ba ɡela he ɛ nɛnfuuh bwa mɛɛ. 6Mɛɛ ɡeloo he naanar ya taeh, ásɛ a che he nɛɛ nɛra warɛ harɛre ta, ásɛ ba bini bane ɛ koranar. 7Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ. 8Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”
9Korowii berɔ ŋɔ Abraham be ŋɔ, “He ɡe la, he ne he naanar baa ka ba la chɛ kɛŋɔ hé teŋɛ n fɔo nɔ ta. 10N fɔo maa dɛ nyin o chɔ le tɛ he ne he naanar, ásɛ hɛɛ teŋɛ o ta laanee kɛ, hɛ́ɛ teŋni he bibaala bwa pena. 11Penteŋa nɔɔ dɛ́ baɡle fɔo waa chɔ n ne he baah. 12Le fini dɛɛ kaa, bibaa te bɛlbwa baa lolɔ la, hé teŋe o pen. He bini bɛlee kɛɛ nɛndɔɔlee yoo, o di tɔpera anuatoro naa, hé teŋe o pen. 13Nomɛlbwa baa lolɔ o ɛ he ɡbaɡba bini bɛl, kɛɛ onɔ la haa yawɔ bwa, chɛ kɛ bá teŋe o pen, ásɛ n fɔo la do he bwadabii ta saŋ bɛlbwa dɛɛ la. 14Bɛlbwa waa wola o pen teŋe la ta n nɛra nɛɛ jae kpa, dɛkalkɛŋɔ o ta n fɔo la ta teŋɛ.”
15Korowii berɔ ŋɔ Abraham be ŋɔ, “He haah sɔn laa Sarai kpa. Le fini dɛɛ kaa o sɔne Saara. 16Mɛɛ tɛo hɛɛraa, ásɛ o lolɛ bibaa tɛɛ. Mɛɛ ɡeloo o ɛ harɛre nɛra bwa naa, ásɛ ba bini bane ɛ koojena.”
17Anee Abraham kpɔ sie pi harɛ, asɛ dɛ mamɛ o nyu bini ŋɔ, “Amɔ baa lɛɛ won di bene lafa dɛ lolaa? Saara aa di bene fifraanuanaarɛ nɔ, amɔ o ɡe ɛɛ won lolɛ kenɛ?” 18Belaa o ŋɔ Korowii be ŋɔ, “N Naa Korowii, he fe ɡelɔ ɡɛ hɛɛra nɔ ba Ismael nɛɛ sɛ?”
19Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa. 20N no Ismael haa soŋ mɛ o waa la wa. Mɛɛ tɛo hɛɛraa dɛ́ ɡel o bii ne o naanar warɛ kohona. Mɛɛ ɛo deene fi dɛ anɛ nomonome mɛɛ, ásɛ dɛ ɡel o naanar do kan ba harɛ ta.#Mum 21:13 21Kɛ mɛɛ ɡeloo n fɔo la do n ne he bie Aesek Saara aa dɛ ba o lola benanyoa saŋ nɔ bɔr la baah.” 22Korowii aa bol waa Abraham be tonɛ la, o le o be dɛ kaa.
23Awola tɔpere la, Abraham lawɛ o bie Ismael ne baala baa lɔ o dem bwa, banɔ la baa ɛ yoma ne bibaala baa lol ba o dem, dɛ teŋe ba pena ɡɛ Korowii aa ŋɔ o be la. 24Abraham aa di bene fifraanuanaarɛ dɛ anuanaarɛ la taa o teŋe o pen, 25dɛ o bie Ismael ɡe di bene fi dɛ atoro. 26Tɔpebeŋkpoŋii ba teŋe ba nɛra banɛ la bwa, 27ne baala baa lɔ o dem, ne banɔ la baa ɛ o nɛndɔɔla dɛ bibaala baa lol ba o dem bwa.
Currently Selected:
Mumpar 17: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 17
17
Abram ne Korowii penteŋa fɔo fɔwa wa
1Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra. 2Mɛɛ ɡeloo n ne he baah fɔo la che, ásɛ he ne he naanar warɛ kohona.” 3Belaa Abram kpɔ sie pi harɛ asɛ Korowii ŋɔ o be ŋɔ,#Jos 5:14 4“Fɔo n ne haa dɛ fɔwɛ laanee kɛŋɔ mɛɛ ɡeloo he ɛ harɛre damanta nɛra naa. 5Baa hen Abramee yerɛ kpa, kɛ baa dɛɛ yerɛ Abraham,#17:5 Abraham munii harɛre nɛra bwa mɛɛ. dɛkalkɛŋɔ henee mɛɛ ba ɡela he ɛ nɛnfuuh bwa mɛɛ. 6Mɛɛ ɡeloo he naanar ya taeh, ásɛ a che he nɛɛ nɛra warɛ harɛre ta, ásɛ ba bini bane ɛ koranar. 7Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ. 8Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”
9Korowii berɔ ŋɔ Abraham be ŋɔ, “He ɡe la, he ne he naanar baa ka ba la chɛ kɛŋɔ hé teŋɛ n fɔo nɔ ta. 10N fɔo maa dɛ nyin o chɔ le tɛ he ne he naanar, ásɛ hɛɛ teŋɛ o ta laanee kɛ, hɛ́ɛ teŋni he bibaala bwa pena. 11Penteŋa nɔɔ dɛ́ baɡle fɔo waa chɔ n ne he baah. 12Le fini dɛɛ kaa, bibaa te bɛlbwa baa lolɔ la, hé teŋe o pen. He bini bɛlee kɛɛ nɛndɔɔlee yoo, o di tɔpera anuatoro naa, hé teŋe o pen. 13Nomɛlbwa baa lolɔ o ɛ he ɡbaɡba bini bɛl, kɛɛ onɔ la haa yawɔ bwa, chɛ kɛ bá teŋe o pen, ásɛ n fɔo la do he bwadabii ta saŋ bɛlbwa dɛɛ la. 14Bɛlbwa waa wola o pen teŋe la ta n nɛra nɛɛ jae kpa, dɛkalkɛŋɔ o ta n fɔo la ta teŋɛ.”
15Korowii berɔ ŋɔ Abraham be ŋɔ, “He haah sɔn laa Sarai kpa. Le fini dɛɛ kaa o sɔne Saara. 16Mɛɛ tɛo hɛɛraa, ásɛ o lolɛ bibaa tɛɛ. Mɛɛ ɡeloo o ɛ harɛre nɛra bwa naa, ásɛ ba bini bane ɛ koojena.”
17Anee Abraham kpɔ sie pi harɛ, asɛ dɛ mamɛ o nyu bini ŋɔ, “Amɔ baa lɛɛ won di bene lafa dɛ lolaa? Saara aa di bene fifraanuanaarɛ nɔ, amɔ o ɡe ɛɛ won lolɛ kenɛ?” 18Belaa o ŋɔ Korowii be ŋɔ, “N Naa Korowii, he fe ɡelɔ ɡɛ hɛɛra nɔ ba Ismael nɛɛ sɛ?”
19Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa. 20N no Ismael haa soŋ mɛ o waa la wa. Mɛɛ tɛo hɛɛraa dɛ́ ɡel o bii ne o naanar warɛ kohona. Mɛɛ ɛo deene fi dɛ anɛ nomonome mɛɛ, ásɛ dɛ ɡel o naanar do kan ba harɛ ta.#Mum 21:13 21Kɛ mɛɛ ɡeloo n fɔo la do n ne he bie Aesek Saara aa dɛ ba o lola benanyoa saŋ nɔ bɔr la baah.” 22Korowii aa bol waa Abraham be tonɛ la, o le o be dɛ kaa.
23Awola tɔpere la, Abraham lawɛ o bie Ismael ne baala baa lɔ o dem bwa, banɔ la baa ɛ yoma ne bibaala baa lol ba o dem, dɛ teŋe ba pena ɡɛ Korowii aa ŋɔ o be la. 24Abraham aa di bene fifraanuanaarɛ dɛ anuanaarɛ la taa o teŋe o pen, 25dɛ o bie Ismael ɡe di bene fi dɛ atoro. 26Tɔpebeŋkpoŋii ba teŋe ba nɛra banɛ la bwa, 27ne baala baa lɔ o dem, ne banɔ la baa ɛ o nɛndɔɔla dɛ bibaala baa lol ba o dem bwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.