Mumpar 19
19
Sodom ne Gomoora chɔɡa wa
1Nyundua toroma la tel Sodom jɔmɔrane. Dɛ Lɔt soɡe bwɛjen la doonyoa baa cheɡɛ o ta dɛɛ jo la ta. Waa na ba la, o iro dɛɛ chem ba, asɛ dɛ ba harɛ dɛ kpɔ sie pi harɛ dɛ ŋɔ, 2“N dɔɔranar n dɛ soŋe heya, hé pere kpɔ men maa ɛ he bonɔɔ be bonɔ, dɛ́ ba sarame nakpale ásɛ dɛ chɔ kere hé kaa.”
Anee ba ŋɔ, “Ɔɔhɔh, yaa chɔ buse baahnee.”
3Asɛ o soŋ ba sibeɡra ne kohona mɔɔ ba sɛh, dɛ pere kpɔ o be dɛ ba dem. Anee o ɡel o bonɔɔna wɔɔ paanoo baa wola iisi a ta doe, dɛ ɛ kondikondɛɛɡa tɛɛ ba ba di.
4Baa wola chɔɔɡɛ mɔɔ la, bwɛɛ la baala, bechale ne nomonome bwa, den ba bar dem la cheme. 5Asɛ ba ba bɔɔ Lɔt ŋɔ, “Leperaa hɔɔhra baa baa choɡe jɔmɔra nɔ ne la dɔɔ? Le ba ne tɛ yaa yá laɡ ba ka chɔ.”
6Belaa Lɔt le, dɛ laa ɡbera tɔ, dɛ ba ba be. 7Dɛ ŋɔ, “Bwɛɛla, n dɛ soŋe heya, he bɛ ɡɛ wedoŋa nɔ ɛ. 8N dɔ bihaahna banɛ baa wola baa jemɛ bwa. Hé ɡel n le ba ne tɛ heya, ásɛ he ka ɛɛ ba ɡɛ he tea aa toora. Kɛ baala nɔ te, he bɛ ban wobɛlbwa ɛ kwaraa. Baa baa choɡ mɛ nɔ, a chɛ kɛ n nyiŋi ba nɛ.”
9Anee ba ŋɔ, “Haa waa nyin aa, le ya sie. Hɔɔhree hen bonɔ, henee dɛ́ won baɡle yaa wa aa? He ta bela leɛ he kwaa ɛɛ ɡwaa ba kwaa.” Belaa ba ka lɔ tɔ o nɛ, dɛ́ fe taɡɔ le bela, dɛ́ dɔ bɔr ka ku ɡbera la. 10Anee baala banɛ la aa na ɡɛ la, ba ha nɔn lawɛ Lɔt jo buse la bini, dɛ laa ɡbera tɔ. 11Asɛ ba ɡel nɛra baa cheɡɛ baŋ la bwa piɡri nyoŋe, ba ta wone na buse la doonyoa bɔr kpa.
Lɔt le Sodom kaa
12Belaa ba ŋɔ Lɔt be ŋɔ, “Dɛ he dɔ bibaala kɛɛ bihaahna, ne ba jaranar kɛɛ lolanar ba do bwɛɛ nɔ ta naa, kpɔ ba le kaa, 13dɛkalkɛ ɡɛ ba wechɔɡa aa le nɛra bwa mee baa bola la kan to. Anomanta, Korowii tomɛ yaa ŋɔ yá ba chɔɡ bwɛɛ nɔ.”
14Ate, Lɔt ka ŋɔ baala baa dɛ ba o bihaahna la moe la be ŋɔ, “Korowii dɛ ba bwɛɛ nɔ chɔɡa. He le o ta warane!” Dɛ ba dɛ lii kɛŋɔ sɛndɛɛ wɛɛ bɔ.
15Bɔr aa dɛ ba chaahna la, Korowii toroma la kaa che Lɔt nɛɛ ŋɔ, “Ɛ warane lawɛ he haah ne he bihaahna banɛ nɔ le bonɔ kaa, ásɛ dɛ bwɛɛ nɔ dɛ ba chɔɡa aa, he te bɛ ba nɛɛ ja dɛ́ chɔɡ.” 16Dɛ waa too dɛ́ le warane, anomanta, ba lawɛ o ne o haah ne o bihaahna la nɔɔra, dɛ kpɔ ba le bwɛɛ la ta. Dɛkalkɛ Korowii na ba te sum. 17Belaa Korowii toroma la bini bɛl ŋɔ ba be ŋɔ, “He chwa dɛ́ lɛ he nyu. Bɛlbwa bɛ ke nyiŋi. He bɛ deŋɡarere doa harɛ waa chɔa kaa la ta che, he chwa kaa deŋɡarere dor, dɛ́ dɔ he nyu.”
18Asɛ Lɔt soŋe ŋɔ, “Nomoa, n poori bɛ ɡel a ba ɡɛ. 19He sune n nɛɛ kohona dɛ ɡel n dɔ n nyu, kɛ bwea nɔ dor bela haa dɛ baɡle nɔ jaŋne kohona kɛŋɔ, n ne bela tela dɛ siswɛm nɔ puu mɛ n sewɛ. 20He nyiŋo na naa, bwɛjeɡa bɛlee lɔ ya sie tenten la. Waa kanɛ kwaraa. Belaa bora nomanta, ɡel n kaa bela, ásɛ dɛ dɔ n nyu.”
21Anee o sɛh ŋɔ, “Ɔɔh, n sɛh ɡɛ. Maa o tenee chɔɡ. 22Ɛ warane, dɛ́ chwa kaa. Dɛ he ta bela telaa, maa won ɛ wobɛlbwa.” A waa ba pa bwɛɛ la sɔn Soar.
23Lɔt aa tel bwɛɛ la ta la, dɛ wee leɔ. 24Buɡ la ta, Korowii chure nii ne jebɔrɔwe aa dɛ fuh le nyundua ta Sodom ne Gomoora dɛ chɔɡ ba. 25O chɔɡ deŋɡarere dor harɛ waa chɔa kaa la bwa ne bwɛɛre aa lɔ o ta, nɛra baa lɔ bela bwa sekwaraa, ne konduula aa lɔ harɛ la ta bwa. 26Lɔt haah te keo nyiŋi, anomanta, o berɛ yabwejen che bela.
27Tɔ aa pera chɔmbibi la, Abraham berɔ la bela waa cheɡa Korowii bol waa o be la. 28O ta sie nyiŋi Sodom ne Gomoora pera, ne deŋɡarere dor harɛ waa chɔa kaa la bwa dɛ na chuu aa tɔ bela bwa kɛŋɔ kpɔɡjen bɛl aa dɛ fuh ken. 29Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.
Lɔt ne o bihaahna wa
30Dɛ Lɔt dɛ ɔmɛ Soar soɡa, anomanta, o ne o bihaahna banɛ la ir bela dɛ kaa deŋɡarere la ta, dɛ ka jo bwebɔɔ bɛl ta so. 31Belaa o binomoa la ŋɔ o nime be ŋɔ, “Name te ya mɛɛ dɛ hwɛɛh, asɛ baala toole harɛ nɔ ta bobɛlbwa dɛ ba mo yaa ya dɔ bii ɡɛ baa dɛ ɛa bobɛlbwa la. 32Anomanta, ɡel ya tɛ n mɛɛ sen o nyɔ dɛɛ, ásɛ ya ne o chɔ dɛ́ lolɛ bii ya mun bɛ he. 33Awola jwaana la ne la, ba tɛo sen o nyɔ, asɛ o ne o binomoa la chɔ. Waa dɛɛra nomanta, o ta o ne o bihaah la chɔe ne o ira saŋ bɛlbwa nae.”
34Tɔ aa pera la, o bol o nime la be ŋɔ, “N ne n mɛɛ chɔɔ dɛ jwaana ne. Ɛrɛ ɡel ya tɛo ane jwaana nɔ ne ɡe ja, ásɛ he ɡe ne o chɔ. Ásɛ a che ya mɛɛ nɛɛ ya mun bɛ he.” 35Anomanta, awola jwaana la, ba tɛo sen o nyɔ dɛɛ ja, asɛ o bihahbechala la ɡe ir o ne o ka chɔ. Dɛɛra kohona nomanta, o ta o ne o bihaah la chɔe ne o ira saŋ bɛlbwa nae. 36Kenii Lɔt bihaahna banɛ la bwa ɛ ba ne ba mɛɛ kpoŋe teene. 37Binomoa la lolɛ bibaa, asɛ dɛ pa o sɔn Moab. Onee Moab tena bwa naa. 38Bechala la ɡe lolɛ bibaa, asɛ dɛ pa o sɔn Bɛn Ami. O ɡee Amɔn tena bwa naa.
Currently Selected:
Mumpar 19: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 19
19
Sodom ne Gomoora chɔɡa wa
1Nyundua toroma la tel Sodom jɔmɔrane. Dɛ Lɔt soɡe bwɛjen la doonyoa baa cheɡɛ o ta dɛɛ jo la ta. Waa na ba la, o iro dɛɛ chem ba, asɛ dɛ ba harɛ dɛ kpɔ sie pi harɛ dɛ ŋɔ, 2“N dɔɔranar n dɛ soŋe heya, hé pere kpɔ men maa ɛ he bonɔɔ be bonɔ, dɛ́ ba sarame nakpale ásɛ dɛ chɔ kere hé kaa.”
Anee ba ŋɔ, “Ɔɔhɔh, yaa chɔ buse baahnee.”
3Asɛ o soŋ ba sibeɡra ne kohona mɔɔ ba sɛh, dɛ pere kpɔ o be dɛ ba dem. Anee o ɡel o bonɔɔna wɔɔ paanoo baa wola iisi a ta doe, dɛ ɛ kondikondɛɛɡa tɛɛ ba ba di.
4Baa wola chɔɔɡɛ mɔɔ la, bwɛɛ la baala, bechale ne nomonome bwa, den ba bar dem la cheme. 5Asɛ ba ba bɔɔ Lɔt ŋɔ, “Leperaa hɔɔhra baa baa choɡe jɔmɔra nɔ ne la dɔɔ? Le ba ne tɛ yaa yá laɡ ba ka chɔ.”
6Belaa Lɔt le, dɛ laa ɡbera tɔ, dɛ ba ba be. 7Dɛ ŋɔ, “Bwɛɛla, n dɛ soŋe heya, he bɛ ɡɛ wedoŋa nɔ ɛ. 8N dɔ bihaahna banɛ baa wola baa jemɛ bwa. Hé ɡel n le ba ne tɛ heya, ásɛ he ka ɛɛ ba ɡɛ he tea aa toora. Kɛ baala nɔ te, he bɛ ban wobɛlbwa ɛ kwaraa. Baa baa choɡ mɛ nɔ, a chɛ kɛ n nyiŋi ba nɛ.”
9Anee ba ŋɔ, “Haa waa nyin aa, le ya sie. Hɔɔhree hen bonɔ, henee dɛ́ won baɡle yaa wa aa? He ta bela leɛ he kwaa ɛɛ ɡwaa ba kwaa.” Belaa ba ka lɔ tɔ o nɛ, dɛ́ fe taɡɔ le bela, dɛ́ dɔ bɔr ka ku ɡbera la. 10Anee baala banɛ la aa na ɡɛ la, ba ha nɔn lawɛ Lɔt jo buse la bini, dɛ laa ɡbera tɔ. 11Asɛ ba ɡel nɛra baa cheɡɛ baŋ la bwa piɡri nyoŋe, ba ta wone na buse la doonyoa bɔr kpa.
Lɔt le Sodom kaa
12Belaa ba ŋɔ Lɔt be ŋɔ, “Dɛ he dɔ bibaala kɛɛ bihaahna, ne ba jaranar kɛɛ lolanar ba do bwɛɛ nɔ ta naa, kpɔ ba le kaa, 13dɛkalkɛ ɡɛ ba wechɔɡa aa le nɛra bwa mee baa bola la kan to. Anomanta, Korowii tomɛ yaa ŋɔ yá ba chɔɡ bwɛɛ nɔ.”
14Ate, Lɔt ka ŋɔ baala baa dɛ ba o bihaahna la moe la be ŋɔ, “Korowii dɛ ba bwɛɛ nɔ chɔɡa. He le o ta warane!” Dɛ ba dɛ lii kɛŋɔ sɛndɛɛ wɛɛ bɔ.
15Bɔr aa dɛ ba chaahna la, Korowii toroma la kaa che Lɔt nɛɛ ŋɔ, “Ɛ warane lawɛ he haah ne he bihaahna banɛ nɔ le bonɔ kaa, ásɛ dɛ bwɛɛ nɔ dɛ ba chɔɡa aa, he te bɛ ba nɛɛ ja dɛ́ chɔɡ.” 16Dɛ waa too dɛ́ le warane, anomanta, ba lawɛ o ne o haah ne o bihaahna la nɔɔra, dɛ kpɔ ba le bwɛɛ la ta. Dɛkalkɛ Korowii na ba te sum. 17Belaa Korowii toroma la bini bɛl ŋɔ ba be ŋɔ, “He chwa dɛ́ lɛ he nyu. Bɛlbwa bɛ ke nyiŋi. He bɛ deŋɡarere doa harɛ waa chɔa kaa la ta che, he chwa kaa deŋɡarere dor, dɛ́ dɔ he nyu.”
18Asɛ Lɔt soŋe ŋɔ, “Nomoa, n poori bɛ ɡel a ba ɡɛ. 19He sune n nɛɛ kohona dɛ ɡel n dɔ n nyu, kɛ bwea nɔ dor bela haa dɛ baɡle nɔ jaŋne kohona kɛŋɔ, n ne bela tela dɛ siswɛm nɔ puu mɛ n sewɛ. 20He nyiŋo na naa, bwɛjeɡa bɛlee lɔ ya sie tenten la. Waa kanɛ kwaraa. Belaa bora nomanta, ɡel n kaa bela, ásɛ dɛ dɔ n nyu.”
21Anee o sɛh ŋɔ, “Ɔɔh, n sɛh ɡɛ. Maa o tenee chɔɡ. 22Ɛ warane, dɛ́ chwa kaa. Dɛ he ta bela telaa, maa won ɛ wobɛlbwa.” A waa ba pa bwɛɛ la sɔn Soar.
23Lɔt aa tel bwɛɛ la ta la, dɛ wee leɔ. 24Buɡ la ta, Korowii chure nii ne jebɔrɔwe aa dɛ fuh le nyundua ta Sodom ne Gomoora dɛ chɔɡ ba. 25O chɔɡ deŋɡarere dor harɛ waa chɔa kaa la bwa ne bwɛɛre aa lɔ o ta, nɛra baa lɔ bela bwa sekwaraa, ne konduula aa lɔ harɛ la ta bwa. 26Lɔt haah te keo nyiŋi, anomanta, o berɛ yabwejen che bela.
27Tɔ aa pera chɔmbibi la, Abraham berɔ la bela waa cheɡa Korowii bol waa o be la. 28O ta sie nyiŋi Sodom ne Gomoora pera, ne deŋɡarere dor harɛ waa chɔa kaa la bwa dɛ na chuu aa tɔ bela bwa kɛŋɔ kpɔɡjen bɛl aa dɛ fuh ken. 29Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.
Lɔt ne o bihaahna wa
30Dɛ Lɔt dɛ ɔmɛ Soar soɡa, anomanta, o ne o bihaahna banɛ la ir bela dɛ kaa deŋɡarere la ta, dɛ ka jo bwebɔɔ bɛl ta so. 31Belaa o binomoa la ŋɔ o nime be ŋɔ, “Name te ya mɛɛ dɛ hwɛɛh, asɛ baala toole harɛ nɔ ta bobɛlbwa dɛ ba mo yaa ya dɔ bii ɡɛ baa dɛ ɛa bobɛlbwa la. 32Anomanta, ɡel ya tɛ n mɛɛ sen o nyɔ dɛɛ, ásɛ ya ne o chɔ dɛ́ lolɛ bii ya mun bɛ he. 33Awola jwaana la ne la, ba tɛo sen o nyɔ, asɛ o ne o binomoa la chɔ. Waa dɛɛra nomanta, o ta o ne o bihaah la chɔe ne o ira saŋ bɛlbwa nae.”
34Tɔ aa pera la, o bol o nime la be ŋɔ, “N ne n mɛɛ chɔɔ dɛ jwaana ne. Ɛrɛ ɡel ya tɛo ane jwaana nɔ ne ɡe ja, ásɛ he ɡe ne o chɔ. Ásɛ a che ya mɛɛ nɛɛ ya mun bɛ he.” 35Anomanta, awola jwaana la, ba tɛo sen o nyɔ dɛɛ ja, asɛ o bihahbechala la ɡe ir o ne o ka chɔ. Dɛɛra kohona nomanta, o ta o ne o bihaah la chɔe ne o ira saŋ bɛlbwa nae. 36Kenii Lɔt bihaahna banɛ la bwa ɛ ba ne ba mɛɛ kpoŋe teene. 37Binomoa la lolɛ bibaa, asɛ dɛ pa o sɔn Moab. Onee Moab tena bwa naa. 38Bechala la ɡe lolɛ bibaa, asɛ dɛ pa o sɔn Bɛn Ami. O ɡee Amɔn tena bwa naa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.