We-ɛɛla 24
24
Pɔɔl waa bola harɛ nomoa Fɛlekse sie
1Tɔpera anue aa baa ɡale la, Sɔfonomoa Ananias ne nomonome bane ne mmara jereme bɛl baa dɛ yerɔ Tɛtolɔs la la Sisaaria. Ba la ba harɛ nomoa Fɛlekse be bela baa dɛ ba waa bola la, dɛ ka baɡle waa Pɔɔl aa ɛa ba ne o dɔ la. 2Ba yerɛ Pɔɔl ba, asɛ Tɛtolɔs den pa mun dɛɛ bɔ nkoro dɛ ŋɔ, “Nomoa, he laworomɛ taraken ya dɔ deŋnesɔɔhna la sie. He wono kpɔ ŋwɛnɛfale ta dɛɛ nyiŋi ya harɛ nɔ, asɛ o do som. 3Ŋwɛnɛ bɛlbwa ta la, ya ne nɛra baa lɔ bojaŋ bobɛlbwa dɛ jaame kohona. 4Maa nyin kɛ n kpɔ wobobala lawɛ so biɡri. Kɛ n poori, lawɛ bambile dɛ no ya wetamaa nɔ.
5Nɛnchɔɡe bɛlbwa ta baa nɔ tele! O ne bɔpɛo aa somɛ! O toma bwaa kɛ ó valɛ bol waa dɛɛ ir Juu tena bwaawee, ásɛ baa lɛ ɡaeh harɛ bɛlbwa waa la o ta la ta. Nɛra bane baa dɛ teŋɛ Korowii toma ŋwɛnɛfale bɛl waa wola were la ta asɛ baa yer ba Nasarɛt tena la, ba nomoaa on. 6-7O fe dɛ nyin dɛ́ lawɛ nɛra baa wola Israel tena ɛɛ kwaraa ba jo ya Korowii Dea bini. Ya ɡe kii ɡɛ kɔkɔkɔkɔ. A waa ya lawɔ. 8He ɡbabir pɛɛro waa, o ɡbaɡba ɛɛ baɡle waa aa bala ya lawɔ laanee.” 9Ate, dɛ Juu tena baa lɔ bela la bwa deno pɛ dɛ sɛh ŋɔ kasinteŋii ba nɛn la bola la.
10Belaa ba harɛ nomoa la kpɔ nɔn ɛ Pɔɔl ŋɔ ó bol wa, asɛ Pɔɔl ŋɔ, “Nomoa, n jemɔ kɛŋɔ haa lea di nomonome dɛ bol waa dɛɛ pa bole harɛ nɔ ta biɡro. Anomanta, a som n be kɛ haa dɛ ba n waa nɔ ta nyiŋa nɔ. 11Maa la Korowii soŋebɔr Jerusalam la, a ta tɔpera fi dɛ anɛ kwaraa ɡwaalɛ. He dɛ nyin hé pɛɛ no. 12Maa la bela la, n ne nomɛlbwa ta wobɛlbwa tɔŋlɛ. N ta nɛra ɡe doe ŋɔ bá ɛ wobɛlbwa. Korowii Dea oo, cheremi dea oo, bwɛɛ bini noo, n ta nɛra doe a bɛlbwa bini ŋɔ bá ɛ wobɛlbwa. 13Ba ta danseɛ bɛlbwa dɔe dɛ́ chaɡle kɛ n ɛ waa nɔ bɛlbwa baa kpɔa dɛɛ daɡ mɛ nɔ. 14Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale#Weɛ 9:2; 22:4 la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta. 15N dɛ hwɛɡɛ kɛŋɔ nɛndɛɛɡa ne nɛnchɔɡa bwa ɛɛ berɔɔ ir seo ta. Nɛra nɔ ɡba dɔ ɡɛ hwɛɡa nɔ. 16N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.
17Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.#Rom 15:25 18Baa na mɛ Korowii Dea la, dɛ ɡɛ saraha nɔɔ mɛɛ ɛ. Dɛ n dɔɔ laa n doŋa kpɔ n nɛɛ tonɛ, dɛ fonɛ n nyu tonɛ. Dɛ nɛnlaa bɛlbwa ta n nɛɛ jae a ba ɛ kɛ bá lɛ ɡaeh. 19Dɛ Juu tena bane baa le Eesia harɛ lɔ bela. Dɛ n ɛɛ ba waane aa, a chɛ kɛ ba ɡbaɡba fe aa lɔ bonɔ dɛ́ fe baɡle. 20Gɛ laa ɡe aa, hé ɡel nɛra nɔ baa lɔ bonɔ nɔ baɡle, dɛ ɡɛ saŋ baa laɡ mɛ ka cheme Juu tena nomonome sie la, dɛ ba na n wechɔɡe bɛl aa? 21Webeŋkpoŋ ɡbo waa n jemɛ. Onee kɛ, awola baa chem mɛ la, n kpɔ takpeɡ ŋɔ, ‘Maa dɛ yarada kɛ nɛra bwa ɛɛ ir seo taa la, a waa he laɡ mɛ cheme bonɔ nɔ.’ ”
22Dɛ Fɛlekse jemɛ ŋwɛnɛfale la waa taeh. Anomanta, o teŋe wobol la ta, dɛ ŋɔ ba be ŋɔ, “Dɛ soojanomonjen Lisias balaa, mɛɛ nyiŋi he waa nɔ taa.” 23Waa teŋe waa la ta la, o ŋɔ nomoa waa dɛ nyiŋi Pɔɔl nɛɛ la be ŋɔ ó berɛ kaa Pɔɔl ne dea, dɛ ŋɔ wɛ́ɛ nyiŋu kɛrɛdɛ kɛŋɔ o bɛ on tɔ do dea, asɛ dɛ Pɔɔl daamanar ba o be naa, ó tɛɛ ba ŋwɛnɛ ba baa chao.
24Aa baa di tɔpera anɛ la, Fɛlekse ne o haah Drusila ba Sisaaria. Dɛ Juu tee o haah la. Fɛlekse ɡelɔ ba ka yerɛ Pɔɔl, asɛ o baa baɡlo ɡɛ baa teŋɛ Yeesu Kristo nɛɛ dɛ́ yaradao. 25Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.” 26Dɛ o dɛ lii kɛ Pɔɔl ɛɛ tɛo suuɡaa, anomanta, tama dɛ o yerɔ ŋɔ ó ba ásɛ baa bol wa.
27Bene anɛ baa ɡale, asɛ Fɛlekse le kara ta, asɛ Pɔkeɔs Fɛstɔs ba di kara. Dɛ Fɛlekse dɛ nyin kɛ Juu tena sie lɛ o nɛ, anomanta, o ɡelɔ Pɔɔl ta do dea.
Currently Selected:
We-ɛɛla 24: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 24
24
Pɔɔl waa bola harɛ nomoa Fɛlekse sie
1Tɔpera anue aa baa ɡale la, Sɔfonomoa Ananias ne nomonome bane ne mmara jereme bɛl baa dɛ yerɔ Tɛtolɔs la la Sisaaria. Ba la ba harɛ nomoa Fɛlekse be bela baa dɛ ba waa bola la, dɛ ka baɡle waa Pɔɔl aa ɛa ba ne o dɔ la. 2Ba yerɛ Pɔɔl ba, asɛ Tɛtolɔs den pa mun dɛɛ bɔ nkoro dɛ ŋɔ, “Nomoa, he laworomɛ taraken ya dɔ deŋnesɔɔhna la sie. He wono kpɔ ŋwɛnɛfale ta dɛɛ nyiŋi ya harɛ nɔ, asɛ o do som. 3Ŋwɛnɛ bɛlbwa ta la, ya ne nɛra baa lɔ bojaŋ bobɛlbwa dɛ jaame kohona. 4Maa nyin kɛ n kpɔ wobobala lawɛ so biɡri. Kɛ n poori, lawɛ bambile dɛ no ya wetamaa nɔ.
5Nɛnchɔɡe bɛlbwa ta baa nɔ tele! O ne bɔpɛo aa somɛ! O toma bwaa kɛ ó valɛ bol waa dɛɛ ir Juu tena bwaawee, ásɛ baa lɛ ɡaeh harɛ bɛlbwa waa la o ta la ta. Nɛra bane baa dɛ teŋɛ Korowii toma ŋwɛnɛfale bɛl waa wola were la ta asɛ baa yer ba Nasarɛt tena la, ba nomoaa on. 6-7O fe dɛ nyin dɛ́ lawɛ nɛra baa wola Israel tena ɛɛ kwaraa ba jo ya Korowii Dea bini. Ya ɡe kii ɡɛ kɔkɔkɔkɔ. A waa ya lawɔ. 8He ɡbabir pɛɛro waa, o ɡbaɡba ɛɛ baɡle waa aa bala ya lawɔ laanee.” 9Ate, dɛ Juu tena baa lɔ bela la bwa deno pɛ dɛ sɛh ŋɔ kasinteŋii ba nɛn la bola la.
10Belaa ba harɛ nomoa la kpɔ nɔn ɛ Pɔɔl ŋɔ ó bol wa, asɛ Pɔɔl ŋɔ, “Nomoa, n jemɔ kɛŋɔ haa lea di nomonome dɛ bol waa dɛɛ pa bole harɛ nɔ ta biɡro. Anomanta, a som n be kɛ haa dɛ ba n waa nɔ ta nyiŋa nɔ. 11Maa la Korowii soŋebɔr Jerusalam la, a ta tɔpera fi dɛ anɛ kwaraa ɡwaalɛ. He dɛ nyin hé pɛɛ no. 12Maa la bela la, n ne nomɛlbwa ta wobɛlbwa tɔŋlɛ. N ta nɛra ɡe doe ŋɔ bá ɛ wobɛlbwa. Korowii Dea oo, cheremi dea oo, bwɛɛ bini noo, n ta nɛra doe a bɛlbwa bini ŋɔ bá ɛ wobɛlbwa. 13Ba ta danseɛ bɛlbwa dɔe dɛ́ chaɡle kɛ n ɛ waa nɔ bɛlbwa baa kpɔa dɛɛ daɡ mɛ nɔ. 14Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale#Weɛ 9:2; 22:4 la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta. 15N dɛ hwɛɡɛ kɛŋɔ nɛndɛɛɡa ne nɛnchɔɡa bwa ɛɛ berɔɔ ir seo ta. Nɛra nɔ ɡba dɔ ɡɛ hwɛɡa nɔ. 16N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.
17Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.#Rom 15:25 18Baa na mɛ Korowii Dea la, dɛ ɡɛ saraha nɔɔ mɛɛ ɛ. Dɛ n dɔɔ laa n doŋa kpɔ n nɛɛ tonɛ, dɛ fonɛ n nyu tonɛ. Dɛ nɛnlaa bɛlbwa ta n nɛɛ jae a ba ɛ kɛ bá lɛ ɡaeh. 19Dɛ Juu tena bane baa le Eesia harɛ lɔ bela. Dɛ n ɛɛ ba waane aa, a chɛ kɛ ba ɡbaɡba fe aa lɔ bonɔ dɛ́ fe baɡle. 20Gɛ laa ɡe aa, hé ɡel nɛra nɔ baa lɔ bonɔ nɔ baɡle, dɛ ɡɛ saŋ baa laɡ mɛ ka cheme Juu tena nomonome sie la, dɛ ba na n wechɔɡe bɛl aa? 21Webeŋkpoŋ ɡbo waa n jemɛ. Onee kɛ, awola baa chem mɛ la, n kpɔ takpeɡ ŋɔ, ‘Maa dɛ yarada kɛ nɛra bwa ɛɛ ir seo taa la, a waa he laɡ mɛ cheme bonɔ nɔ.’ ”
22Dɛ Fɛlekse jemɛ ŋwɛnɛfale la waa taeh. Anomanta, o teŋe wobol la ta, dɛ ŋɔ ba be ŋɔ, “Dɛ soojanomonjen Lisias balaa, mɛɛ nyiŋi he waa nɔ taa.” 23Waa teŋe waa la ta la, o ŋɔ nomoa waa dɛ nyiŋi Pɔɔl nɛɛ la be ŋɔ ó berɛ kaa Pɔɔl ne dea, dɛ ŋɔ wɛ́ɛ nyiŋu kɛrɛdɛ kɛŋɔ o bɛ on tɔ do dea, asɛ dɛ Pɔɔl daamanar ba o be naa, ó tɛɛ ba ŋwɛnɛ ba baa chao.
24Aa baa di tɔpera anɛ la, Fɛlekse ne o haah Drusila ba Sisaaria. Dɛ Juu tee o haah la. Fɛlekse ɡelɔ ba ka yerɛ Pɔɔl, asɛ o baa baɡlo ɡɛ baa teŋɛ Yeesu Kristo nɛɛ dɛ́ yaradao. 25Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.” 26Dɛ o dɛ lii kɛ Pɔɔl ɛɛ tɛo suuɡaa, anomanta, tama dɛ o yerɔ ŋɔ ó ba ásɛ baa bol wa.
27Bene anɛ baa ɡale, asɛ Fɛlekse le kara ta, asɛ Pɔkeɔs Fɛstɔs ba di kara. Dɛ Fɛlekse dɛ nyin kɛ Juu tena sie lɛ o nɛ, anomanta, o ɡelɔ Pɔɔl ta do dea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.