We-ɛɛla 25
25
Ba bol Pɔɔl wa Koojen Fɛstɔs sie
1Fɛstɔs ba Sisaaria dɛ ba di tɔpera atoro, dɛ le bela la Jerusalam. 2Waa la bela la, Sɔfonomonome ne Juu tena nomonome kpɔ waa ba ne Pɔɔl aa dɔa bil o sie dɛ soŋo ŋɔ 3ó cha ba dɛ́ ba Pɔɔl ne Jerusalam ba tɛɛ ba. Dɛ ba dɔɔ vɔrɔwe cheɡ kɛ dɛ ba dɛ ba Pɔɔl ne naa, nɛ́ra ba sɔh ŋwɛnɛ ta dɛ́ kpoo. 4Belaa Koojen Fɛstɔs ŋɔ Pɔɔl chɔ dea Sisaaria, dɛ ŋɔ aa biɡri o ɡba la Sisaaria bela. 5Kɛ bá ɡel ba nomonome puu la bela, ásɛ dɛ Pɔɔl ɛ waane aa, bá baɡla bela.
6Koojen Fɛstɔs berɔ di tɔpera anuatoro, kɛɛ tɔpera fi ba be Jerusalam mɔɔ dɛ ba Sisaaria. Tɔ aa pera la, o kaa so bela baa dɛ bol waa dɛɛ pa bole la dɛ ŋɔ bá ba Pɔɔl ne. 7Pɔɔl aa bala la, Juu tena baa le Jerusalam la baa che o jwɛɛh dɛ bol waa aa wola were dawɛ o nɛ. Kɛ ane a bwa, ba ta wone dɔ wobɛlbwa dɛ chaɡle kɛ ba waa la ɛ kasinteŋ.
8Pɔɔl wono bol waa dɛ baɡle kɛ o ta wechɔɡa ɛɛ. O baɡlɔ kɛ o ta wobɛlbwa ɛɛ dɛ jo Juu tena kii bɛlbwa nɛ, dɛ baɡle kɛ o ta wobɛlbwa ɛɛ dɛ jo ba Korowii Dea kii bɛlbwa nɛ, dɛ ŋɔ o ta Rom Koojen la ɡe nɛɛ joɛ.
9Dɛ Koojen Fɛstɔs dɛ nyin kɛŋɔ o kpɔ Juu tena la darame, anomanta, o bɔɔ Pɔɔl ŋɔ, “Hɛɛ la Jerusalamee, ásɛ ba ka bol he waa baa kpɔa dawɛ he nɛɛ nɔ n siwi ta dɛ́ pa bole n ɡe na naa?”
10Belaa Pɔɔl ŋɔ, “Akai! Rom Koojen ɡbaɡba nɛra sie n che taraken nɔ. Bonɔɔ chɛ kɛ ba bol n waa nɔ dɛ́ pa bole. He ɡbabir jemɔ kɛ n ta Israel tena nɔ wechɔɡe bɛlbwa ɛɛ. 11Dɛ n fe jo ya kii bɛl nɛɛ asɛ a ɛ kɛ a chɛ kɛ bá kpo mɛ naa, n fe aa won ŋɔ mɛɛ chwa sewee. Kɛ dɛ ba waa baa kpɔa dɛ daɡ mɛ nɔ ta kasinteŋ ɛɛ te naa, nomɛlbwa aa won kpɔ mɛ do ba nɔn ta. N dɛ nyin kɛ he la n ne Rom Koojen Siisa sie, ásɛ o ka bol n waa nɔ dɛ́ pa bole.”
12Belaa Fɛstɔs ne o nomonome le jina. Baa bala la, Fɛstɔs ŋɔ Pɔɔl be ŋɔ, “Dɛ he ŋɔ hɛɛ la Rom Koojen bee ó ka bol waa nɔ dɛ́ pa bole te naa, hɛɛ la o bee.”
Pɔɔl kaa che Kooro Aɡrepa ne Bɛnes sie
13Aa baa ɛ tɔpera anɛ la, kooro bɛl baa dɛ yerɔ Aɡrepa ne haah bɛl baa dɛ yerɔ Bɛnes ba Sisaaria, dɛ ba chɔɔ Fɛstɔs. 14Baa di Sisaaria tɔpera anɛ la, Fɛstɔs taa Pɔɔl waa la baɡle Kooro Aɡrepa, dɛ ŋɔ, “Fɛlekse fa do a ɡɛ baa nɔ dea, kɛ o ta lole. 15N la Jerusalam, asɛ Juu tena Sɔfonomonome ne ba bwɛɛ nomonome kaa bol o wa, dɛ kpɔ waa dɛɛ dawɔ, dɛ ŋɔ ń bol o waa dɛ́ pao bolchɔɡe.
16Baa ŋɔ ɡɛ la, n ŋɔ ba be ŋɔ ya Rom tena te aa ɡɛ ɛ. Ya te bwɛ, dɛ nɛn ne o dɔŋ dɔɔ, dɛ ya ta on ŋwɛnɛ tɛɛ o ne nɛn waa kpɔ waa dawɔ la cheme o bol o kon, o ɡe bol, asɛ a bɔɔ waa, yaa on bolchɔɡe pa ɡɛ. 17Anomanta, Juu tena la aa lawɛ dɔŋa ba bonɔ la, n ta hɛlɛ kwaraa. Tɔ aa pera la, n baa so n kara ta bela maa soɡa dɛ bol waa dɛɛ pa bole la, dɛ ɡel ba ba Pɔɔl ne bela. 18Dɛ n te dɛ lii kɛŋɔ o ken ɛ wechɔɡa ane kohona. Kɛ nɛra la waa baa kpɔa dɛɛ dawɔ la ta wechɔɡa bɛlbwa ɛɛ. 19Dɛ ba Korowii toma wa, ne baa bɛl waa sewa baa yerɔ Yeesu la waa baa bol. Ba ŋɔ Pɔɔl te ŋɔ ɡɛ Yeesu la waa sewa la ir seo ta. 20Dɛ maa jemɛ ɡɛ maa ɛ dɛ́ bɔɔ ɡɛ waa nɔ bini, dɛ́ won bola kɛrɛdɛ. Anomanta, n bɔɔ Pɔɔl ŋɔ, ‘Yá la Jerusalam bá ka bol he waa nɔ dɛ́ pa bole bela kɛɛ?’ 21Maa ŋɔ ɡɛ la, o soŋɔ ŋɔ wɛɛ chɔ dea ka tel kɛ Rom Koojen Siisa ɡbaɡba aa bol o waa la dɛ́ pa bole. A waa n tɔɔ do dea la, ásɛ n baa dɔ ŋwɛnɛ aa, ń ɡel o la bela.”
22Belaa Kooro Aɡrepa ŋɔ Fɛstɔs be ŋɔ, “N ɡbaɡba dɛ nyin n na baa nɔ dɛ no o waa nɔ.” Asɛ Fɛstɔs ŋɔ, “Tɔ kere peraa, hɛɛ noo.”
23Tɔ aa pera la, Kooro Aɡrepa ne Bɛnes do ba koolaala, asɛ ba waa dɔ nyɛl kohona, asɛ ba ne bela bwɛjen soojanomonome ne bela nomonjena ba jo lamu ta. Baa chema la, Fɛstɔs ɡelɔ ba ba Pɔɔl ne. 24Belaa Fɛstɔs ŋɔ, “Kooro Aɡrepa, ne nɛra haa cheme bonɔ nɔ, n dɛ lii kɛ he bwa na baa nɔ. Juu tena baa lɔ Jerusalam ne banɔ la baa lɔ Sisaaria bonɔ bwa kpɔ bandia dɛɛ nyɛɡ ŋɔ o waa aa were, ŋɔ o do kpoe. 25Kɛ n ta wone na waa waa ɛa a ɛ kɛŋɔ o do kpoe. Anomanta, o ɡbaɡba aa baa ŋɔ yá tɛ ŋwɛnɛ ásɛ Rom Koojen Siisa ɡbaɡba ka bol o waa la dɛ́ pa bole la, n ɛ n liire kɛŋɔ mɛɛ ɡeloo ó la o be. 26Kɛ waa maa baɡla do tɔn bini kɛŋɔ ken ne kenii o ɛ waa n ŋɔ Rom Koojen ɡbaɡba nyiŋi o waa bini la, an kpeɡa tɛ mɛ nɔ. Amɔ a waa n ba o ne he bwa sie, ne Kooro Aɡrepa ɡbaɡba sie, ásɛ he nyiŋi o waa nɔ bini la. Bɛl lole he ken ɛɛ wonoo cha mɛ ń dɔ o waane dɛ́ chwerɛ ka tɛ Rom Koojen, 27dɛkalkɛŋɔ dɛ n la o ne o be dɛ n ta wechɔɡa waa ɛa baɡlaa, a ta maɡrɛ.”
Currently Selected:
We-ɛɛla 25: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 25
25
Ba bol Pɔɔl wa Koojen Fɛstɔs sie
1Fɛstɔs ba Sisaaria dɛ ba di tɔpera atoro, dɛ le bela la Jerusalam. 2Waa la bela la, Sɔfonomonome ne Juu tena nomonome kpɔ waa ba ne Pɔɔl aa dɔa bil o sie dɛ soŋo ŋɔ 3ó cha ba dɛ́ ba Pɔɔl ne Jerusalam ba tɛɛ ba. Dɛ ba dɔɔ vɔrɔwe cheɡ kɛ dɛ ba dɛ ba Pɔɔl ne naa, nɛ́ra ba sɔh ŋwɛnɛ ta dɛ́ kpoo. 4Belaa Koojen Fɛstɔs ŋɔ Pɔɔl chɔ dea Sisaaria, dɛ ŋɔ aa biɡri o ɡba la Sisaaria bela. 5Kɛ bá ɡel ba nomonome puu la bela, ásɛ dɛ Pɔɔl ɛ waane aa, bá baɡla bela.
6Koojen Fɛstɔs berɔ di tɔpera anuatoro, kɛɛ tɔpera fi ba be Jerusalam mɔɔ dɛ ba Sisaaria. Tɔ aa pera la, o kaa so bela baa dɛ bol waa dɛɛ pa bole la dɛ ŋɔ bá ba Pɔɔl ne. 7Pɔɔl aa bala la, Juu tena baa le Jerusalam la baa che o jwɛɛh dɛ bol waa aa wola were dawɛ o nɛ. Kɛ ane a bwa, ba ta wone dɔ wobɛlbwa dɛ chaɡle kɛ ba waa la ɛ kasinteŋ.
8Pɔɔl wono bol waa dɛ baɡle kɛ o ta wechɔɡa ɛɛ. O baɡlɔ kɛ o ta wobɛlbwa ɛɛ dɛ jo Juu tena kii bɛlbwa nɛ, dɛ baɡle kɛ o ta wobɛlbwa ɛɛ dɛ jo ba Korowii Dea kii bɛlbwa nɛ, dɛ ŋɔ o ta Rom Koojen la ɡe nɛɛ joɛ.
9Dɛ Koojen Fɛstɔs dɛ nyin kɛŋɔ o kpɔ Juu tena la darame, anomanta, o bɔɔ Pɔɔl ŋɔ, “Hɛɛ la Jerusalamee, ásɛ ba ka bol he waa baa kpɔa dawɛ he nɛɛ nɔ n siwi ta dɛ́ pa bole n ɡe na naa?”
10Belaa Pɔɔl ŋɔ, “Akai! Rom Koojen ɡbaɡba nɛra sie n che taraken nɔ. Bonɔɔ chɛ kɛ ba bol n waa nɔ dɛ́ pa bole. He ɡbabir jemɔ kɛ n ta Israel tena nɔ wechɔɡe bɛlbwa ɛɛ. 11Dɛ n fe jo ya kii bɛl nɛɛ asɛ a ɛ kɛ a chɛ kɛ bá kpo mɛ naa, n fe aa won ŋɔ mɛɛ chwa sewee. Kɛ dɛ ba waa baa kpɔa dɛ daɡ mɛ nɔ ta kasinteŋ ɛɛ te naa, nomɛlbwa aa won kpɔ mɛ do ba nɔn ta. N dɛ nyin kɛ he la n ne Rom Koojen Siisa sie, ásɛ o ka bol n waa nɔ dɛ́ pa bole.”
12Belaa Fɛstɔs ne o nomonome le jina. Baa bala la, Fɛstɔs ŋɔ Pɔɔl be ŋɔ, “Dɛ he ŋɔ hɛɛ la Rom Koojen bee ó ka bol waa nɔ dɛ́ pa bole te naa, hɛɛ la o bee.”
Pɔɔl kaa che Kooro Aɡrepa ne Bɛnes sie
13Aa baa ɛ tɔpera anɛ la, kooro bɛl baa dɛ yerɔ Aɡrepa ne haah bɛl baa dɛ yerɔ Bɛnes ba Sisaaria, dɛ ba chɔɔ Fɛstɔs. 14Baa di Sisaaria tɔpera anɛ la, Fɛstɔs taa Pɔɔl waa la baɡle Kooro Aɡrepa, dɛ ŋɔ, “Fɛlekse fa do a ɡɛ baa nɔ dea, kɛ o ta lole. 15N la Jerusalam, asɛ Juu tena Sɔfonomonome ne ba bwɛɛ nomonome kaa bol o wa, dɛ kpɔ waa dɛɛ dawɔ, dɛ ŋɔ ń bol o waa dɛ́ pao bolchɔɡe.
16Baa ŋɔ ɡɛ la, n ŋɔ ba be ŋɔ ya Rom tena te aa ɡɛ ɛ. Ya te bwɛ, dɛ nɛn ne o dɔŋ dɔɔ, dɛ ya ta on ŋwɛnɛ tɛɛ o ne nɛn waa kpɔ waa dawɔ la cheme o bol o kon, o ɡe bol, asɛ a bɔɔ waa, yaa on bolchɔɡe pa ɡɛ. 17Anomanta, Juu tena la aa lawɛ dɔŋa ba bonɔ la, n ta hɛlɛ kwaraa. Tɔ aa pera la, n baa so n kara ta bela maa soɡa dɛ bol waa dɛɛ pa bole la, dɛ ɡel ba ba Pɔɔl ne bela. 18Dɛ n te dɛ lii kɛŋɔ o ken ɛ wechɔɡa ane kohona. Kɛ nɛra la waa baa kpɔa dɛɛ dawɔ la ta wechɔɡa bɛlbwa ɛɛ. 19Dɛ ba Korowii toma wa, ne baa bɛl waa sewa baa yerɔ Yeesu la waa baa bol. Ba ŋɔ Pɔɔl te ŋɔ ɡɛ Yeesu la waa sewa la ir seo ta. 20Dɛ maa jemɛ ɡɛ maa ɛ dɛ́ bɔɔ ɡɛ waa nɔ bini, dɛ́ won bola kɛrɛdɛ. Anomanta, n bɔɔ Pɔɔl ŋɔ, ‘Yá la Jerusalam bá ka bol he waa nɔ dɛ́ pa bole bela kɛɛ?’ 21Maa ŋɔ ɡɛ la, o soŋɔ ŋɔ wɛɛ chɔ dea ka tel kɛ Rom Koojen Siisa ɡbaɡba aa bol o waa la dɛ́ pa bole. A waa n tɔɔ do dea la, ásɛ n baa dɔ ŋwɛnɛ aa, ń ɡel o la bela.”
22Belaa Kooro Aɡrepa ŋɔ Fɛstɔs be ŋɔ, “N ɡbaɡba dɛ nyin n na baa nɔ dɛ no o waa nɔ.” Asɛ Fɛstɔs ŋɔ, “Tɔ kere peraa, hɛɛ noo.”
23Tɔ aa pera la, Kooro Aɡrepa ne Bɛnes do ba koolaala, asɛ ba waa dɔ nyɛl kohona, asɛ ba ne bela bwɛjen soojanomonome ne bela nomonjena ba jo lamu ta. Baa chema la, Fɛstɔs ɡelɔ ba ba Pɔɔl ne. 24Belaa Fɛstɔs ŋɔ, “Kooro Aɡrepa, ne nɛra haa cheme bonɔ nɔ, n dɛ lii kɛ he bwa na baa nɔ. Juu tena baa lɔ Jerusalam ne banɔ la baa lɔ Sisaaria bonɔ bwa kpɔ bandia dɛɛ nyɛɡ ŋɔ o waa aa were, ŋɔ o do kpoe. 25Kɛ n ta wone na waa waa ɛa a ɛ kɛŋɔ o do kpoe. Anomanta, o ɡbaɡba aa baa ŋɔ yá tɛ ŋwɛnɛ ásɛ Rom Koojen Siisa ɡbaɡba ka bol o waa la dɛ́ pa bole la, n ɛ n liire kɛŋɔ mɛɛ ɡeloo ó la o be. 26Kɛ waa maa baɡla do tɔn bini kɛŋɔ ken ne kenii o ɛ waa n ŋɔ Rom Koojen ɡbaɡba nyiŋi o waa bini la, an kpeɡa tɛ mɛ nɔ. Amɔ a waa n ba o ne he bwa sie, ne Kooro Aɡrepa ɡbaɡba sie, ásɛ he nyiŋi o waa nɔ bini la. Bɛl lole he ken ɛɛ wonoo cha mɛ ń dɔ o waane dɛ́ chwerɛ ka tɛ Rom Koojen, 27dɛkalkɛŋɔ dɛ n la o ne o be dɛ n ta wechɔɡa waa ɛa baɡlaa, a ta maɡrɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.