We-ɛɛla 23
23
1Waa baa che nomonome la bwa sie la, o nyiŋ ba, dɛ ŋɔ, “Yabala, n bambile bwa nee n tomɛ Korowii le saŋ la bwa ba le fini. N liire ta men ɛɛ kɛ n ɛ wechɔɡa bwa.” 2Asɛ Ananias waa ɛ Sɔfonomoa la ŋɔ nɛ́ra baa cheɡɛ Pɔɔl jwɛɛh la kpaa o nyoa ta. 3Belaa Pɔɔl ŋɔ, “Korowii ɛɛ lɔe bɔ kem, nɛra sie ta ɡboo he ɛ nɛndɛɛɡe kɛŋɔ dekɔɔh baa lɔɔ fula. Haa chema nɔ, ɡɛ Mmara aa chaɡla laa hɛɛ ba nyiŋa dɛ́ bol n wa aa? Aah dɛ haa ŋɔa bá lɔɔ mɛ nɔ, dɛ Mmara tɛ ŋwɛnɛ ɡɛ naa?”
4Anee nɛra baa cheɡɛ Pɔɔl jwɛɛh la ŋɔ, “Hei! Sɔfonomoaa hɛɛ chɛɡre naa?”
5Asɛ Pɔɔl ŋɔ, “Yabala, n ta jemɛ kɛ Sɔfonomoaa on. Korowii Tɔn baɡlɔ kɛŋɔ ŋwɛnɛ toole kɛ nomɛlbwa chɛɡɛ nomoa waa dɛ nyiŋi o bwɛɛ tena nɛ.”#Kaa 22:28
6Pɔɔl nyiŋi nɛra baa cheme bela la dɛ na kɛŋɔ bane ɛ Saduki tena, asɛ bane ɡe ɛ Farisii tena. Belaa o kpɔ takpeɡ ŋɔ, “Yabala, Farisii tee men noo! Farisii tena biee men. N dɛ hwɛɡɛ kɛ nɛra ɛɛ ir seo taa. Gɛ hwɛɡa nɔ maa dɔa nɔ waa ba ba n ne ŋɔ hé bol n waa dɛ́ pa bole la!” 7Waa dena ŋɔ ɡɛ la, wetɔŋla chole Saduki tena la ne Farisii tena la baah. Ba nyoa ta berɛ pɛ kpa, 8dɛkalkɛ dɛ Farisii tena la te ŋɔ nɛra bwa ɛɛ ba ir seo taa, dɛ ŋɔ lala ɡe lole, dɛ ŋɔ nyundua toroma ɡe lole. Kɛ dɛ Saduki tena la te aa ɡɛ waa nɔ bɛlbwa yarada. 9Ba nyɛɡa la nyoa baa do kpeɡri, asɛ Farisii tena Tɔnjerema la ir che dɛ ŋɔ, “Ya ta wechɔɡa bɛlbwa baa nɔ nɛɛ nae. Bɛl lole komɛl kɛɛ nyundua torome bɛlee bol waa o be!”
10Ba wetɔŋla la nyoa baa do kpeɡri kohona, asɛ ɔmee berɛ lawɛ soojanomonjen la, asɛ wɛɛ lii kɛ baa tɛɡre Pɔɔlee kpo. Anomanta, o ɡelɔ o bechale jo nɛra la baah ta, dɛ lɛ Pɔɔl ba nɔn ta, dɛ kpɔɔ kaa soojare dejen baa doo o bini la ta.
11Awola jwaana ne la, ya Dɔɔ Yeesu baa che Pɔɔl jwɛh dɛ ŋɔ o be ŋɔ, “Bɛ ɔmɛ. Hɛɛ di danseɛ tɛ mɛ Rom ɡɛ haa dia tɛ mɛ Jerusalam nɔ.”#Weɛ 17:9
Pɔɔl kpoe vɔrɔwa
12Tɔ aa pera la, Juu tena la bane chemo dɛ vɔrɔwe waane. Ba ŋwɛɛ ntam ŋɔ dɛ ba ta Pɔɔl kpoe yaa, ba bɛlbwa bɛ kwaa di, o bɛ nee nyɔ. Ba ŋɔ nomɛlbwa waa to ntam la, Kórowii kpoo. 13Ba nɛra ba nyoa aa pɛa ba vɔrɔwe ɡɛ waa nɔ la ɡwaa nɛra fifraanaarɛ. 14Ba la Sɔfonomonome ne bwɛɛ nomonome be dɛ ka ŋɔ ba be ŋɔ, “Ya ŋwɛɛ ntam ŋɔ dɛ ya ta Pɔɔl kpoe yaa, yaa kwaa di. 15Anomanta, hé ne Juu tena nomonome baa dɛ bol waa la tomɛ nɛn soojanomonjen la be ŋɔ ó le Pɔɔl tɛ heya, á do kɛŋɔ haa dɛ nyin he kwaa nyiŋi o waa bini kɛrɛdɛ la. Ba dɛ ba o ne naa, waa bonɔɔ tel ya te kpoo.”
16Jaah Pɔɔl nimambie bɛl bibaa no ɡɛ waa la. Anomanta, o la soojare dejen baa kpɔ Pɔɔl ka do o bini la ta, dɛ ka ŋɔ o be.
17Belaa Pɔɔl yerɛ soojanomonome la bɛl dɛ ŋɔ o be ŋɔ, “La bonɔɔ nɔ ne he nomonjen la be. O dɔ waane dɛ bol o be.” 18Sooja la la o ne ba nomoa la be dɛ ka ŋɔ o be ŋɔ, “Pɔɔl la baa doo dea laanee yer mɛ dɛ ŋɔ n be ŋɔ ń ba bonɔɔ nɔ ne he be. O dɔ waane dɛ́ bol he be.”
19Belaa nomoa la lawɛ bonɔɔ la nɔn dɛ le o ne bokɛre dɛ pɛɛro ŋɔ, “Bɔkwa waa he dɔ dɛɛ nyin he bol n be nɔ?”
20Anee bonɔɔ la ŋɔ, “Juu tena vɔrɔwɔ ŋɔ baa ba soŋee ásɛ he kere kpɔ Pɔɔl tɛɛ ba bá la o ne ba nomonome baa dɛ bol waa la sie, á do kɛŋɔ baa dɛ nyin ba ka kwaa nyiŋi o waa bini kɛrɛdɛ la. 21Kɛ bɛ Pɔɔl kpɔ tɛɛ ba, dɛkalkɛ ba nɛra dɛ ɡwaa fifraanaarɛ sɔh ŋwɛnɛ ta dɛ́ kpoo. Gɛ nɛra la ŋwɛɛ ntam ŋɔ ba ta Pɔɔl kpoe yaa, baa kwaa di, baa nee ɡee nyɔ. Ba ɛ wobɛlbwa tonɛ. He siwi taa baa nyiŋi.”
22Belaa nomoa la ŋɔ o be ŋɔ, “Bɛ ɡel nomɛlbwa no kɛŋɔ he bol ɡɛ waa nɔ n be.” O ta bonɔɔ la ŋwɛnɛ o kaa.
Ba kpɔ Pɔɔl ka tɛ harɛ nomoa Fɛlekse
23Soojanomonjen la yerɛ o soojanomonome la banɛ, dɛ ŋɔ ba be ŋɔ, “Hé nyin soojare lafraanɛ, dɛ nyin soojare baa soɡe jaɡre ta dɛɛ yo la ɡe fifraanuanɛ, ne soojare baa dɛ yo lampea ne la lafraanɛ ásɛ ba la Sisaaria fini jwaana dɔŋ anuanaarɛ saŋ. 24Nyin konteehna tɛ Pɔɔl ásɛ o so bɛl ta, dɛ́ la o ne sɔnɔnɔɔ ka tɛ harɛ nomoa Fɛlekse.”
25Nomoa la chwerɛ tɔn tɛɛ ba ŋɔ bá kpɔ ka tɛ harɛ nomoa la. Kenii o chwerɔ.
26Men Klɔdeɔs Lisiasii chwerɛ tɔn nɔ dɛɛ tɛ n nomoa Fɛlekse. He le aa?
27Juu tena lawɛ baa nɔ dɛ fe ɛɛ nyin o kpoe, asɛ n ka le ba nɛ, dɛ no kɛ o ɛ Rom te, dɛ kpɔ soojare ka lɛo. 28Maa lɛo dɛɛ nyin n jemɛ waa la waa baa dɛ nyin o kpoe la, n kpɔɔ la Juu tena nomonome baa dɛ bol waa dɛɛ pa bole la sie. 29Belaa n na kɛŋɔ ba kii waa ba lawɔ. Waa baa kpɔa dawɔ la ta chɛ kɛŋɔ bá kpoo. A ta chɛ kɛ bá doo dea ɡba. 30A habɔɔ la, n berɔ ba no kɛŋɔ ba vɔrɔwe o vɔrɔwa dɛɛ nyin o kpoe, asɛ n ŋɔ a chɛ kɛ ń ba o ne he be buɡ ta. N ŋɔ nɛ́ra o ne baa dɔa la ɡe ba he be, dɛ́ ba baɡle waa la aa lɔ o ne ba baah ta. N jaɡɛ bonɔ.
31Gɛ nomoa la aa baɡle soojare la, ɡɛɛ ba ɛ. Ba kpɔ Pɔɔl le jwaana dɛ ka tel o ne bwɛɛ bɛl baa dɛ yerɔ Antipatris la. 32Asɛ tɔ aa pera la, ba bini banɔ la baa kpɔ naa ta la berɛ ba Jerusalam, dɛ ɡel konteehna tena la, asɛ ba ne Pɔɔl kaa. 33Baa kaa tel Sisaaria dɛ kpɔ tɔn la tɛ nomoa waa dɛ nyiŋi harɛ la ta la, ba kpɔ Pɔɔl ɡe do o nɔn ta. 34O kure tɔn la, dɛ pɛɛ Pɔɔl harɛ la ta waa lea. Pɔɔl aa ŋɔa Silisiaa o le la, 35nomoa la ŋɔ o be ŋɔ, “Nɛra he ne baa dɔa la balaa, mɛɛ bol he waa laanee dɛ́ pa bole.” Dɛ o lɔ Hɛrɔd koodem bɛl ta. O ŋɔ bá kpɔ Pɔɔl do bela, dɛ ŋɔ bá nyiŋu kɛrɛdɛ.
Currently Selected:
We-ɛɛla 23: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 23
23
1Waa baa che nomonome la bwa sie la, o nyiŋ ba, dɛ ŋɔ, “Yabala, n bambile bwa nee n tomɛ Korowii le saŋ la bwa ba le fini. N liire ta men ɛɛ kɛ n ɛ wechɔɡa bwa.” 2Asɛ Ananias waa ɛ Sɔfonomoa la ŋɔ nɛ́ra baa cheɡɛ Pɔɔl jwɛɛh la kpaa o nyoa ta. 3Belaa Pɔɔl ŋɔ, “Korowii ɛɛ lɔe bɔ kem, nɛra sie ta ɡboo he ɛ nɛndɛɛɡe kɛŋɔ dekɔɔh baa lɔɔ fula. Haa chema nɔ, ɡɛ Mmara aa chaɡla laa hɛɛ ba nyiŋa dɛ́ bol n wa aa? Aah dɛ haa ŋɔa bá lɔɔ mɛ nɔ, dɛ Mmara tɛ ŋwɛnɛ ɡɛ naa?”
4Anee nɛra baa cheɡɛ Pɔɔl jwɛɛh la ŋɔ, “Hei! Sɔfonomoaa hɛɛ chɛɡre naa?”
5Asɛ Pɔɔl ŋɔ, “Yabala, n ta jemɛ kɛ Sɔfonomoaa on. Korowii Tɔn baɡlɔ kɛŋɔ ŋwɛnɛ toole kɛ nomɛlbwa chɛɡɛ nomoa waa dɛ nyiŋi o bwɛɛ tena nɛ.”#Kaa 22:28
6Pɔɔl nyiŋi nɛra baa cheme bela la dɛ na kɛŋɔ bane ɛ Saduki tena, asɛ bane ɡe ɛ Farisii tena. Belaa o kpɔ takpeɡ ŋɔ, “Yabala, Farisii tee men noo! Farisii tena biee men. N dɛ hwɛɡɛ kɛ nɛra ɛɛ ir seo taa. Gɛ hwɛɡa nɔ maa dɔa nɔ waa ba ba n ne ŋɔ hé bol n waa dɛ́ pa bole la!” 7Waa dena ŋɔ ɡɛ la, wetɔŋla chole Saduki tena la ne Farisii tena la baah. Ba nyoa ta berɛ pɛ kpa, 8dɛkalkɛ dɛ Farisii tena la te ŋɔ nɛra bwa ɛɛ ba ir seo taa, dɛ ŋɔ lala ɡe lole, dɛ ŋɔ nyundua toroma ɡe lole. Kɛ dɛ Saduki tena la te aa ɡɛ waa nɔ bɛlbwa yarada. 9Ba nyɛɡa la nyoa baa do kpeɡri, asɛ Farisii tena Tɔnjerema la ir che dɛ ŋɔ, “Ya ta wechɔɡa bɛlbwa baa nɔ nɛɛ nae. Bɛl lole komɛl kɛɛ nyundua torome bɛlee bol waa o be!”
10Ba wetɔŋla la nyoa baa do kpeɡri kohona, asɛ ɔmee berɛ lawɛ soojanomonjen la, asɛ wɛɛ lii kɛ baa tɛɡre Pɔɔlee kpo. Anomanta, o ɡelɔ o bechale jo nɛra la baah ta, dɛ lɛ Pɔɔl ba nɔn ta, dɛ kpɔɔ kaa soojare dejen baa doo o bini la ta.
11Awola jwaana ne la, ya Dɔɔ Yeesu baa che Pɔɔl jwɛh dɛ ŋɔ o be ŋɔ, “Bɛ ɔmɛ. Hɛɛ di danseɛ tɛ mɛ Rom ɡɛ haa dia tɛ mɛ Jerusalam nɔ.”#Weɛ 17:9
Pɔɔl kpoe vɔrɔwa
12Tɔ aa pera la, Juu tena la bane chemo dɛ vɔrɔwe waane. Ba ŋwɛɛ ntam ŋɔ dɛ ba ta Pɔɔl kpoe yaa, ba bɛlbwa bɛ kwaa di, o bɛ nee nyɔ. Ba ŋɔ nomɛlbwa waa to ntam la, Kórowii kpoo. 13Ba nɛra ba nyoa aa pɛa ba vɔrɔwe ɡɛ waa nɔ la ɡwaa nɛra fifraanaarɛ. 14Ba la Sɔfonomonome ne bwɛɛ nomonome be dɛ ka ŋɔ ba be ŋɔ, “Ya ŋwɛɛ ntam ŋɔ dɛ ya ta Pɔɔl kpoe yaa, yaa kwaa di. 15Anomanta, hé ne Juu tena nomonome baa dɛ bol waa la tomɛ nɛn soojanomonjen la be ŋɔ ó le Pɔɔl tɛ heya, á do kɛŋɔ haa dɛ nyin he kwaa nyiŋi o waa bini kɛrɛdɛ la. Ba dɛ ba o ne naa, waa bonɔɔ tel ya te kpoo.”
16Jaah Pɔɔl nimambie bɛl bibaa no ɡɛ waa la. Anomanta, o la soojare dejen baa kpɔ Pɔɔl ka do o bini la ta, dɛ ka ŋɔ o be.
17Belaa Pɔɔl yerɛ soojanomonome la bɛl dɛ ŋɔ o be ŋɔ, “La bonɔɔ nɔ ne he nomonjen la be. O dɔ waane dɛ bol o be.” 18Sooja la la o ne ba nomoa la be dɛ ka ŋɔ o be ŋɔ, “Pɔɔl la baa doo dea laanee yer mɛ dɛ ŋɔ n be ŋɔ ń ba bonɔɔ nɔ ne he be. O dɔ waane dɛ́ bol he be.”
19Belaa nomoa la lawɛ bonɔɔ la nɔn dɛ le o ne bokɛre dɛ pɛɛro ŋɔ, “Bɔkwa waa he dɔ dɛɛ nyin he bol n be nɔ?”
20Anee bonɔɔ la ŋɔ, “Juu tena vɔrɔwɔ ŋɔ baa ba soŋee ásɛ he kere kpɔ Pɔɔl tɛɛ ba bá la o ne ba nomonome baa dɛ bol waa la sie, á do kɛŋɔ baa dɛ nyin ba ka kwaa nyiŋi o waa bini kɛrɛdɛ la. 21Kɛ bɛ Pɔɔl kpɔ tɛɛ ba, dɛkalkɛ ba nɛra dɛ ɡwaa fifraanaarɛ sɔh ŋwɛnɛ ta dɛ́ kpoo. Gɛ nɛra la ŋwɛɛ ntam ŋɔ ba ta Pɔɔl kpoe yaa, baa kwaa di, baa nee ɡee nyɔ. Ba ɛ wobɛlbwa tonɛ. He siwi taa baa nyiŋi.”
22Belaa nomoa la ŋɔ o be ŋɔ, “Bɛ ɡel nomɛlbwa no kɛŋɔ he bol ɡɛ waa nɔ n be.” O ta bonɔɔ la ŋwɛnɛ o kaa.
Ba kpɔ Pɔɔl ka tɛ harɛ nomoa Fɛlekse
23Soojanomonjen la yerɛ o soojanomonome la banɛ, dɛ ŋɔ ba be ŋɔ, “Hé nyin soojare lafraanɛ, dɛ nyin soojare baa soɡe jaɡre ta dɛɛ yo la ɡe fifraanuanɛ, ne soojare baa dɛ yo lampea ne la lafraanɛ ásɛ ba la Sisaaria fini jwaana dɔŋ anuanaarɛ saŋ. 24Nyin konteehna tɛ Pɔɔl ásɛ o so bɛl ta, dɛ́ la o ne sɔnɔnɔɔ ka tɛ harɛ nomoa Fɛlekse.”
25Nomoa la chwerɛ tɔn tɛɛ ba ŋɔ bá kpɔ ka tɛ harɛ nomoa la. Kenii o chwerɔ.
26Men Klɔdeɔs Lisiasii chwerɛ tɔn nɔ dɛɛ tɛ n nomoa Fɛlekse. He le aa?
27Juu tena lawɛ baa nɔ dɛ fe ɛɛ nyin o kpoe, asɛ n ka le ba nɛ, dɛ no kɛ o ɛ Rom te, dɛ kpɔ soojare ka lɛo. 28Maa lɛo dɛɛ nyin n jemɛ waa la waa baa dɛ nyin o kpoe la, n kpɔɔ la Juu tena nomonome baa dɛ bol waa dɛɛ pa bole la sie. 29Belaa n na kɛŋɔ ba kii waa ba lawɔ. Waa baa kpɔa dawɔ la ta chɛ kɛŋɔ bá kpoo. A ta chɛ kɛ bá doo dea ɡba. 30A habɔɔ la, n berɔ ba no kɛŋɔ ba vɔrɔwe o vɔrɔwa dɛɛ nyin o kpoe, asɛ n ŋɔ a chɛ kɛ ń ba o ne he be buɡ ta. N ŋɔ nɛ́ra o ne baa dɔa la ɡe ba he be, dɛ́ ba baɡle waa la aa lɔ o ne ba baah ta. N jaɡɛ bonɔ.
31Gɛ nomoa la aa baɡle soojare la, ɡɛɛ ba ɛ. Ba kpɔ Pɔɔl le jwaana dɛ ka tel o ne bwɛɛ bɛl baa dɛ yerɔ Antipatris la. 32Asɛ tɔ aa pera la, ba bini banɔ la baa kpɔ naa ta la berɛ ba Jerusalam, dɛ ɡel konteehna tena la, asɛ ba ne Pɔɔl kaa. 33Baa kaa tel Sisaaria dɛ kpɔ tɔn la tɛ nomoa waa dɛ nyiŋi harɛ la ta la, ba kpɔ Pɔɔl ɡe do o nɔn ta. 34O kure tɔn la, dɛ pɛɛ Pɔɔl harɛ la ta waa lea. Pɔɔl aa ŋɔa Silisiaa o le la, 35nomoa la ŋɔ o be ŋɔ, “Nɛra he ne baa dɔa la balaa, mɛɛ bol he waa laanee dɛ́ pa bole.” Dɛ o lɔ Hɛrɔd koodem bɛl ta. O ŋɔ bá kpɔ Pɔɔl do bela, dɛ ŋɔ bá nyiŋu kɛrɛdɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.