We-ɛɛla 14
14
Pɔɔl ne Banabas Ikooniam laŋa
1Pɔɔl ne Banabas aa la Ikooniam la, ba kaa bol Korowii Waa bela Juu tena cheremi dea ta ɡɛ ba yon dɛɛ ɛ la. Korowii Domadɛɛɡe la cha ba, asɛ baa bola kɛrɛdɛ, asɛ bela Juu tena kɛrɛdɛ ne nɛra baa wola Juu tena ɛɛ la bwa yarada Yeesu waa la, dɛ kpɔ ba te tɛo. 2Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ. 3Pɔɔl ne Banabas soɡe bela biɡri. Baa lɔ bela la, dɛ ba dɛ bol Yeesu waa bansua ne, dɛɛ baɡle ɡɛ waa dɛ sune nɛwɛnyini nɛɛ dɛɛ cha ba. O cha ba asɛ ba won dɛɛ ɛ nyokpowaa ne wekpeɡa, asɛ nɛra na dɛ jemɛ kɛ o waa baa dɛ bol la ɛ kpela. 4Bwɛjen la tena baah peɡro, bane teŋɛ Juu tena la nɛ, bane ɡe teŋɛ Yeesu toroma la nɛ. 5Juu tena la bane ne nɛra baa wola Juu tena ɛɛ la ne ba bela nomonome fe vɔrɔwɔ ŋɔ bá ɛ Yeesu toroma la hɔhɔrɔwa dɛ foɡ ba bwea ɡe. 6Kɛ Yeesu toroma la no a ɡɛ waa nɔ, dɛ chwa kaa bwɛjena ane baa dɛ yera Lestra ne Dɛɛbe ne baah bela bwɛɛre la ta. Dɛ Laikoonia harɛ taa ɡɛ bwɛɛre la do. 7Baa lɔ bela la, dɛ ba dɛ bol Yeesu Amanesoma la bela.
Pɔɔl ne Banabas la Lestra ne Dɛɛbe
8Dɛ baa bɛl lɔ Lestra dɛ so boobi le o bechale saŋ bwa, waa wola wone valɛ bwa. 9Pɔɔl aa dɛ bol waa la bwa dɛ boobi la soɡe bela, dɛ cheɡ deŋne dɛɛ no o be. Pɔɔl nao kɛ boobi la yarada waa waa dɛ bol la, dɛ na kɛ wɛɛ wonoo che o yarada la ta dɛ́ chaoh. Belaa o pa sie boobi la be, 10dɛ kpɔ takpeɡ ŋɔ, “Ir che!” Asɛ boobi la fuɡri ir che chiŋ, dɛɛ valɛ.
11Nɛra aa na waa nɔ la, ba bol waa ba Laikoonia wobol la ne kpeɡri nɛɛ dɛɛ ŋɔ, “Ya voɡaa berɛ nɛra dɛ ba ya be la!” 12Ba ŋɔ ba voɡjen baa dɛ yerɔ Seus laanee Banabas, dɛ ŋɔ ba voɡa bini keame baa dɛ yerɔ Hɛɛmes laanee Pɔɔl, dɛ kpɔ a sɔna pa ba. Ba ŋɔ Pɔɔlee voɡa keame la, dɛkalkɛ dɛ on dɛɛ bol waa saŋ bɛlbwa. 13Dɛ Seus voɡ dea cheɡɛ bwɛjen la ŋwɛnɛ ta, dahara nyoa tenten. Seus voɡ te kpɔ nae ne kwaa ba ɡe aa kpɔa dɛɛ ɛ nɛra woowo le bwɛɛ la ŋwɛnɛ ta, dahara nyoa tenten, dɛ fe ɛɛ nyin kɛ o ne o bwɛɛ tena kpo tɛ Yeesu toroma la kɛ voɡa ken.
14Banabas ne Pɔɔl aa no ɡɛ waa nɔ la, a ɛɛ ba anebɛlbwa, asɛ ba kpɔ tebinichɔɡ kɛɛ ba ɡbaɡba batakaani, ɡɛ ba bwɛɛ tena yon dɛɛ ɛ la, dɛ lɔ jo nɛra la bini sibeɡra ne, dɛɛ bol waa takpeɡ ne dɛɛ ŋɔ, 15“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la. 16A saŋ la, dɛ Korowii ɡelɔ he nɛra haa wola Juu tena ɛɛ la ɛɛ ɛ he tetoowa. 17Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”
18Dɛ nɛra la nae kpoora dɛ tɛ Yeesu toroma la swɛɛ ba siwi taeh. Wedamanta Yeesu toroma la aa bola la bwa habɔɔ la, dɛ ba siwi ta swɛɛ kwaa kpoora dɛ tɛɛ ba la ta. Gɛɛ ba ɛ aaa, mɔɔ dɛ ta ba ɡel.
19A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ. 20Nɛra baa yarada Yeesu waa la ba Pɔɔl be dɛ ba baro cheme, asɛ o ir dɛ berɛ jo bwɛjen la bini. Tɔ aa pera la, o ne Banabas la Dɛɛbe.
Pɔɔl ne Banabas bera ba kaa Anteɔk
21Pɔɔl Ne Banabas aa lɔ bwɛjen Dɛɛbe la, ba bol Amanesoma la bela. Bela tena baa no ba waa la, dɛ charɛ ba liire, dɛ yarada Yeesu waa dɛ kpɔ ba te tɛo la warɔ. Ba le bela, dɛ laa berɛ ba Lestra, dɛ la Ikooniam, dɛ ka che bela kaa Anteɔk waa lɔ Pisidia harɛ ta la. 22Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo. 23Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta. 24Ba ɡaaɡe Pisidia harɛ kɛrɛdɛ, dɛ che bela ba Pamfilia harɛ ta. 25Ba bol Korowii waa Pɛɛɡa, dɛ che bela la Ataalia.
26Belaa ba che kpɔ ɡbera dɛ laa berɛ ba Anteɔk. Anteɔkee ba fa kpɔ Pɔɔl ne Banabas do Korowii nɔn ta kɛŋɔ ó cha ba, asɛ ba ɛ toma baa tona taraken nɔ la. 27Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa. 28Ba ne asɔre tena la soɡo biɡri.
Currently Selected:
We-ɛɛla 14: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 14
14
Pɔɔl ne Banabas Ikooniam laŋa
1Pɔɔl ne Banabas aa la Ikooniam la, ba kaa bol Korowii Waa bela Juu tena cheremi dea ta ɡɛ ba yon dɛɛ ɛ la. Korowii Domadɛɛɡe la cha ba, asɛ baa bola kɛrɛdɛ, asɛ bela Juu tena kɛrɛdɛ ne nɛra baa wola Juu tena ɛɛ la bwa yarada Yeesu waa la, dɛ kpɔ ba te tɛo. 2Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ. 3Pɔɔl ne Banabas soɡe bela biɡri. Baa lɔ bela la, dɛ ba dɛ bol Yeesu waa bansua ne, dɛɛ baɡle ɡɛ waa dɛ sune nɛwɛnyini nɛɛ dɛɛ cha ba. O cha ba asɛ ba won dɛɛ ɛ nyokpowaa ne wekpeɡa, asɛ nɛra na dɛ jemɛ kɛ o waa baa dɛ bol la ɛ kpela. 4Bwɛjen la tena baah peɡro, bane teŋɛ Juu tena la nɛ, bane ɡe teŋɛ Yeesu toroma la nɛ. 5Juu tena la bane ne nɛra baa wola Juu tena ɛɛ la ne ba bela nomonome fe vɔrɔwɔ ŋɔ bá ɛ Yeesu toroma la hɔhɔrɔwa dɛ foɡ ba bwea ɡe. 6Kɛ Yeesu toroma la no a ɡɛ waa nɔ, dɛ chwa kaa bwɛjena ane baa dɛ yera Lestra ne Dɛɛbe ne baah bela bwɛɛre la ta. Dɛ Laikoonia harɛ taa ɡɛ bwɛɛre la do. 7Baa lɔ bela la, dɛ ba dɛ bol Yeesu Amanesoma la bela.
Pɔɔl ne Banabas la Lestra ne Dɛɛbe
8Dɛ baa bɛl lɔ Lestra dɛ so boobi le o bechale saŋ bwa, waa wola wone valɛ bwa. 9Pɔɔl aa dɛ bol waa la bwa dɛ boobi la soɡe bela, dɛ cheɡ deŋne dɛɛ no o be. Pɔɔl nao kɛ boobi la yarada waa waa dɛ bol la, dɛ na kɛ wɛɛ wonoo che o yarada la ta dɛ́ chaoh. Belaa o pa sie boobi la be, 10dɛ kpɔ takpeɡ ŋɔ, “Ir che!” Asɛ boobi la fuɡri ir che chiŋ, dɛɛ valɛ.
11Nɛra aa na waa nɔ la, ba bol waa ba Laikoonia wobol la ne kpeɡri nɛɛ dɛɛ ŋɔ, “Ya voɡaa berɛ nɛra dɛ ba ya be la!” 12Ba ŋɔ ba voɡjen baa dɛ yerɔ Seus laanee Banabas, dɛ ŋɔ ba voɡa bini keame baa dɛ yerɔ Hɛɛmes laanee Pɔɔl, dɛ kpɔ a sɔna pa ba. Ba ŋɔ Pɔɔlee voɡa keame la, dɛkalkɛ dɛ on dɛɛ bol waa saŋ bɛlbwa. 13Dɛ Seus voɡ dea cheɡɛ bwɛjen la ŋwɛnɛ ta, dahara nyoa tenten. Seus voɡ te kpɔ nae ne kwaa ba ɡe aa kpɔa dɛɛ ɛ nɛra woowo le bwɛɛ la ŋwɛnɛ ta, dahara nyoa tenten, dɛ fe ɛɛ nyin kɛ o ne o bwɛɛ tena kpo tɛ Yeesu toroma la kɛ voɡa ken.
14Banabas ne Pɔɔl aa no ɡɛ waa nɔ la, a ɛɛ ba anebɛlbwa, asɛ ba kpɔ tebinichɔɡ kɛɛ ba ɡbaɡba batakaani, ɡɛ ba bwɛɛ tena yon dɛɛ ɛ la, dɛ lɔ jo nɛra la bini sibeɡra ne, dɛɛ bol waa takpeɡ ne dɛɛ ŋɔ, 15“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la. 16A saŋ la, dɛ Korowii ɡelɔ he nɛra haa wola Juu tena ɛɛ la ɛɛ ɛ he tetoowa. 17Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”
18Dɛ nɛra la nae kpoora dɛ tɛ Yeesu toroma la swɛɛ ba siwi taeh. Wedamanta Yeesu toroma la aa bola la bwa habɔɔ la, dɛ ba siwi ta swɛɛ kwaa kpoora dɛ tɛɛ ba la ta. Gɛɛ ba ɛ aaa, mɔɔ dɛ ta ba ɡel.
19A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ. 20Nɛra baa yarada Yeesu waa la ba Pɔɔl be dɛ ba baro cheme, asɛ o ir dɛ berɛ jo bwɛjen la bini. Tɔ aa pera la, o ne Banabas la Dɛɛbe.
Pɔɔl ne Banabas bera ba kaa Anteɔk
21Pɔɔl Ne Banabas aa lɔ bwɛjen Dɛɛbe la, ba bol Amanesoma la bela. Bela tena baa no ba waa la, dɛ charɛ ba liire, dɛ yarada Yeesu waa dɛ kpɔ ba te tɛo la warɔ. Ba le bela, dɛ laa berɛ ba Lestra, dɛ la Ikooniam, dɛ ka che bela kaa Anteɔk waa lɔ Pisidia harɛ ta la. 22Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo. 23Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta. 24Ba ɡaaɡe Pisidia harɛ kɛrɛdɛ, dɛ che bela ba Pamfilia harɛ ta. 25Ba bol Korowii waa Pɛɛɡa, dɛ che bela la Ataalia.
26Belaa ba che kpɔ ɡbera dɛ laa berɛ ba Anteɔk. Anteɔkee ba fa kpɔ Pɔɔl ne Banabas do Korowii nɔn ta kɛŋɔ ó cha ba, asɛ ba ɛ toma baa tona taraken nɔ la. 27Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa. 28Ba ne asɔre tena la soɡo biɡri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.