We-ɛɛla 13
13
Ba le Banabas ne Sɔɔl ŋɔ bá ka bol Korowii wa
1Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl. 2Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.” 3Anomanta, ba vɔwɛ nyoa dɛ soŋe Korowii, dɛ kpɔ nɔɔra darawe nɛra banɛ la nɛ, dɛ kpɔ ba do Korowii nɔn ta, dɛ ɡel ba kaa.
Banabas ne Sɔɔl la Saepros harɛ ta
4Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ. 5Baa tel Saepros bwɛɛ bɛl baa dɛ yerɔ Salamis ta la, ba bol Korowii Waa baɡle nɛra bela Juu tena cheremi deene bini. Dɛ ba dɔ Jɔn Mak wɛɛ cha ba ba toma ta.#Weɛ 12:25 6Ba ɡaaɡe Saepros harɛ la bwa ta, dɛ bol Korowii Waa baɡle nɛra, dɛ ka le o nyoa bwɛɛ bɛl baa dɛ yerɔ Pafɔs la ta. Baa tel Pafɔs la, ba kaa na Juu te dobodobo te bɛl. Dɛ o sɔne Baa Jesɛs. Dɛ Grik tena ɡe dɛ yerɔ Ɛlemas. O koh o dobodobo la waa dɛɛ yerɛ o te Korowii keame. 7Dɛ ekwi la nomoa baa dɛ yerɔ Sɛɛjos Pɔɔlos la bee o do. A ɡɛ nomoa nɔ jemɛ waa taeh, dɛɛ nyin Korowii Waa dɛ́ no. Anomanta, o yerɛ Banabas ne Sɔɔl ba o be. 8Dɛ dobodobo te la aa nyin kɛŋɔ nomoa la no Yeesu wa, dɛɛ tɔ Banabas ne Sɔɔl ŋwɛnɛ, dɛɛ tɔŋ ba. 9Asɛ Korowii Domadɛɛɡe ir Sɔɔl Grik tena aa dɛ yerɔ Pɔɔl la nɛ, asɛ o pa sie baa la nɛɛ dɛ nyiŋu dɛ ŋɔ, 10“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ. 11Dɛɛ no bonɔ. Korowii ɛɛ baɡle o kpeɡri he nɛɛ, ásɛ he nyoŋe, ásɛ a biɡri tama mɔɔ he berɛ won dɛɛ na bɔr.”
Kerabeŋkpoŋ dɛ o sie ɛo jumaa kɛŋɔ kɔɔla ken, o den nyoŋe, dɛɛ laɡre bɔr dɛɛ nyin nɛn ó lawɔ da. 12Nomoa la aa na a ɡɛ waa nɔ la, o yarada Yeesu waa dɛ kpɔ o te tɛo, dɛkalkɛŋɔ Yeesu waa la baa dɛ chaɡle la kpo o nyoa.
Pɔɔl ne o bala la bwɛjen Anteɔk waa lɔ Pisidia harɛ ta
13Pɔɔl ne nɛra o ne baa dɛ valɛ la jo ɡbera ta le Pafɔs bela, dɛ ba Pɛɛɡa waa lɔ Pamfilia harɛ ta. Jɔn Mak ɡel ba bela dɛ berɛ kaa Jerusalam.#Weɛ 15:38 14Pɔɔl ne o nɛra la le Pɛɛɡa dɛ la bwɛjen Anteɔk waa lɔ Pisidia harɛ la ta. Ona Tɔpere la aa baa tel la, ba kaa jo bela Juu tena cheremi dea bini dɛ so. 15Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”
16Belaa Pɔɔl ir che dɛ kpɔ nɔn ɛɡ ba ŋɔ bá tɔ nyoa, dɛ ŋɔ, “N bala Israel tena ne he nɛra haa baa ja ya nɛɛ dɛɛ tomɛ Korowii, hé no n be. 17Korowii ya Israel tena nɔ aa dɛ tomɛ la fa le ya naawa ŋɔ bá ɛ o nɛra nɛwɛnyina bwa bini. A ɡɛ saŋ baa lɔ Ijipt harɛ la, o ɡelɔ ba warɛ, asɛ ba sɔn ɡe le kohona. Belaa o ba kpɔ ba le Ijipt harɛ o kpeɡri ne, 18dɛ nyiŋi ba nɛɛ ba bene fifraanaarɛ baa dia pua hɛŋle ɡbo harɛ la bwa ta. 19Harɛre bele anuanɛ bwa nɛraa o doŋi ba harɛre ta Keenan harɛ ta, dɛ ɡel a ɡɛ harɛre la ɛ ba kwaa bene lafraanaarɛ fifraanue.
20Anɔ bwa habɔɔ la, Korowii tɛɛ ba nomonome baa nyiŋi ba nɛɛ dɛ ka tel Korowii keame Samoɛl bere saŋ. 21A ɡɛ saŋ la ba soŋe Korowii ŋɔ ó tɛɛ ba kooro, asɛ o tɛɛ ba Kes bibaa Sɔɔl ŋɔ ó ɛ ba kooro. Dɛ Bɛnjamen dea biee on. Bene fifraanaarɛɛ Sɔɔl di kora la mɔɔ, 22Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’#1Sa 13:14; Yel 89:20#Aes 11:1
23Gɛ Devid nɔ dea taa Korowii le Yeesu waa baɡɛ Israel tena nyoa ŋɔ wɛɛ ɡeloo ó ba lɛɛ ba la. 24Yeesu aa wola balɛ mɔɔ la, dɛ Jɔn dɛ baɡle Israel tena bwa ŋɔ bá charɛ ba liire dɛ́ le ba wechɔɡa ta, ásɛ o sɔ ba Korowii ne. 25Jɔn toma aa dɛ tonɛ la, o bɔɔ nɛra bane ŋɔ, ‘Nɛn besoo hɛɛ lii mɛ nɔ? Nɛn haa dɛ kpao la laa men. O ta lɔ habɔɔ. Maa o napaa tee kwaraa dɔ.’
26Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba. 27Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la. 28Dɛ ba ta wobɛlbwaa dɔe dɛ́ kpɔ dawɔ kɛŋɔ o chɛ kpoe, kɛ dɛ ɡe soŋe ba harɛ nomoa Paelet ŋɔ ó pao bolchɔɡe dɛ́ kpoo. 29Baa ɛo ɡɛ Korowii Tɔn aa baɡla ŋɔ baa ɛo bwa tonɛ la, ba kpɔɔ le daɡaɡre la doa dɛ ka huɡo. 30Asɛ Korowii berɛ iru seo ta. 31O kpɔ o te baɡle nɛra o ne baa le Galilia harɛ kaa Jerusalam la kera aŋwɛnɛ bwa. A ɡɛ nɛra nɔɔ dɛɛ diu danseɛ Juu tena bwa be.
32Amanesoma nee ya ba he be. Gɛ Korowii aa baɡɛ ya naawa nyoa la, 33ɡɛɛ o ɛ tɛ ya nɛra yaa ɛ ba naanar la. Anee kɛ o ir Yeesu seo ta. Ba chwerɛ o waa Korowii Yel Tɔn yel nɛɛte la bini ŋɔ,
‘N Biee hen, fini n berɛ he Mɛɛ.’#Yel 2:7
34Gɛ Korowii aa baɡle o waa o Tɔn bini ŋɔ wɛɛ iru seo taa ásɛ o bɛ bɔɔ bini chɔ pɔh laanee nɔ.
‘Mɛɛ ɛɛ wedɛɛɡa maa baɡɛ Devid nyoa
kasinteŋ bwa ne laanee.’
35A waa ba berɛ chwerɛ a ɡɛ tɔn la bobɛl ŋɔ,
‘Haa ɡel he Biɡoroŋ chɔ bɔɔ bini pɔh’ la.#Yel 16:10
36Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh. 37Kɛ nɛn la Korowii aa iru seo ta la te ta pɔeh.
38Yabala, ya dɛ nyin kɛ he jemɛ kɛŋɔ Yeesu waa waa ɛa la waa ya won dɛɛ bol he be ŋɔ Korowii ɛɛ kpɔ he wechɔɡaa kɛ heyaa la. 39Wubwa la, haa dɛ nyin ɡɛ haa ɛ ásɛ Korowii kpɔ he wechɔɡa kɛ heyaa la, Mmara la Korowii aa kpɔa do Mosis nɔn ta la ta wone cha heya. Kɛ taraken te, nomɛlbwa waa yarada Yeesu la, Korowii dɛ lɛo kɛ nɛndɛɛɡe o waa su o siwi. 40Anomanta, hɛ́ɛ do dɛɛɡɔ ásɛ waa Korowii keamere la aa bola la bɛ heyaa ɛ. Ba baɡlɔ ŋɔ,
41‘He nɛra haa nyiŋi nɛra dɛɛ vah
dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ.
Aa ba kpo he nyoa he serewe.
Waa maa dɛ ɛ fini nɔ ɛ waane,
dɛ nɛn baɡle a bini tɛ heyaa
kwara naa, haa wola yarada!’ ”#Hab 1:5
42Pɔɔl aa bol waa tonɛ la, o ne Banabas iro dɛɛ le cheremi dea la bini. Belaa nɛra baa bol waa baɡ ba la ŋɔ Pɔ́ɔlwa berɛ ba Ona Tɔpere waa ba ja la ta, dɛ́ ba bol waa la baɡ ba ja. 43Nɛra la aa le cheremibɔr bela la, Juu tena ne nɛra baa wola Juu tena ɛɛ dɛ baa ja Juu tena nɛɛ dɛɛ tomɛ Korowii ɡɛ Juu tena aa dɛ tomɔ la teŋɛ Pɔɔl ne Banabas nɛɛ pirim. Yeesu toroma la bol waa baɡ ba, dɛ ja ba ŋɔ báa teŋɛ Korowii ŋwɛnɛ ta ásɛ wɛɛ cha ba.
44Ona Tɔpere la aa bala ja la, bwɛɛ la tena kɛrɛdɛ bwa la cheremi dea bela dɛ ka no Korowii Wa. 45Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.
46Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be, 47dɛkalkɛŋɔ ɡɛɛ ya Dɔɔ ŋɔ ya be ŋɔ,
‘N le heyaa ŋɔ hé ɛ nii dɛɛ chaah
nɛra baa wola Juu tena ɛɛ la bwa,
ásɛ nɛra baa lɔ harɛ jaɡa bwa
che he nɛɛ dɛ́ no Korowii Waa
aa dɛ ba ba lɛɛ la he be.’ ”#Aes 49:6
48Nɛra baa wola Juu tena ɛɛ la aa no waa nɔ la, ba sie lɛo taeh. Anomanta, ba jam Korowii kɛŋɔ waa ɡela ba no o waa la. Ásɛ nɛra Korowii aa ŋɔa baa dɔ o mkpa laanee la yarada Yeesu waa la, dɛ́ kpɔ ba te tɛo.
49O waa la perɛ bela bwɛɛre la bwa ta. 50Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta. 51Pɔɔl ne Banabas pee ba napaala teera ta bela, dɛ baɡle kɛŋɔ ba kpɔ Korowii Waa ba ba be, asɛ ba vɛah, dɛ kaa Ikooniam.#Mak 6:11 52Anɔ bwa aa dɛ ɛ la, bɔhwaah ta asɔre tena baa lɔ bela la lawɛ. Dɛ ba sie lɛo kɛrɛdɛ, asɛ Korowii Domadɛɛɡe la ɡe so ba nɛɛ taeh.
Currently Selected:
We-ɛɛla 13: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 13
13
Ba le Banabas ne Sɔɔl ŋɔ bá ka bol Korowii wa
1Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl. 2Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.” 3Anomanta, ba vɔwɛ nyoa dɛ soŋe Korowii, dɛ kpɔ nɔɔra darawe nɛra banɛ la nɛ, dɛ kpɔ ba do Korowii nɔn ta, dɛ ɡel ba kaa.
Banabas ne Sɔɔl la Saepros harɛ ta
4Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ. 5Baa tel Saepros bwɛɛ bɛl baa dɛ yerɔ Salamis ta la, ba bol Korowii Waa baɡle nɛra bela Juu tena cheremi deene bini. Dɛ ba dɔ Jɔn Mak wɛɛ cha ba ba toma ta.#Weɛ 12:25 6Ba ɡaaɡe Saepros harɛ la bwa ta, dɛ bol Korowii Waa baɡle nɛra, dɛ ka le o nyoa bwɛɛ bɛl baa dɛ yerɔ Pafɔs la ta. Baa tel Pafɔs la, ba kaa na Juu te dobodobo te bɛl. Dɛ o sɔne Baa Jesɛs. Dɛ Grik tena ɡe dɛ yerɔ Ɛlemas. O koh o dobodobo la waa dɛɛ yerɛ o te Korowii keame. 7Dɛ ekwi la nomoa baa dɛ yerɔ Sɛɛjos Pɔɔlos la bee o do. A ɡɛ nomoa nɔ jemɛ waa taeh, dɛɛ nyin Korowii Waa dɛ́ no. Anomanta, o yerɛ Banabas ne Sɔɔl ba o be. 8Dɛ dobodobo te la aa nyin kɛŋɔ nomoa la no Yeesu wa, dɛɛ tɔ Banabas ne Sɔɔl ŋwɛnɛ, dɛɛ tɔŋ ba. 9Asɛ Korowii Domadɛɛɡe ir Sɔɔl Grik tena aa dɛ yerɔ Pɔɔl la nɛ, asɛ o pa sie baa la nɛɛ dɛ nyiŋu dɛ ŋɔ, 10“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ. 11Dɛɛ no bonɔ. Korowii ɛɛ baɡle o kpeɡri he nɛɛ, ásɛ he nyoŋe, ásɛ a biɡri tama mɔɔ he berɛ won dɛɛ na bɔr.”
Kerabeŋkpoŋ dɛ o sie ɛo jumaa kɛŋɔ kɔɔla ken, o den nyoŋe, dɛɛ laɡre bɔr dɛɛ nyin nɛn ó lawɔ da. 12Nomoa la aa na a ɡɛ waa nɔ la, o yarada Yeesu waa dɛ kpɔ o te tɛo, dɛkalkɛŋɔ Yeesu waa la baa dɛ chaɡle la kpo o nyoa.
Pɔɔl ne o bala la bwɛjen Anteɔk waa lɔ Pisidia harɛ ta
13Pɔɔl ne nɛra o ne baa dɛ valɛ la jo ɡbera ta le Pafɔs bela, dɛ ba Pɛɛɡa waa lɔ Pamfilia harɛ ta. Jɔn Mak ɡel ba bela dɛ berɛ kaa Jerusalam.#Weɛ 15:38 14Pɔɔl ne o nɛra la le Pɛɛɡa dɛ la bwɛjen Anteɔk waa lɔ Pisidia harɛ la ta. Ona Tɔpere la aa baa tel la, ba kaa jo bela Juu tena cheremi dea bini dɛ so. 15Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”
16Belaa Pɔɔl ir che dɛ kpɔ nɔn ɛɡ ba ŋɔ bá tɔ nyoa, dɛ ŋɔ, “N bala Israel tena ne he nɛra haa baa ja ya nɛɛ dɛɛ tomɛ Korowii, hé no n be. 17Korowii ya Israel tena nɔ aa dɛ tomɛ la fa le ya naawa ŋɔ bá ɛ o nɛra nɛwɛnyina bwa bini. A ɡɛ saŋ baa lɔ Ijipt harɛ la, o ɡelɔ ba warɛ, asɛ ba sɔn ɡe le kohona. Belaa o ba kpɔ ba le Ijipt harɛ o kpeɡri ne, 18dɛ nyiŋi ba nɛɛ ba bene fifraanaarɛ baa dia pua hɛŋle ɡbo harɛ la bwa ta. 19Harɛre bele anuanɛ bwa nɛraa o doŋi ba harɛre ta Keenan harɛ ta, dɛ ɡel a ɡɛ harɛre la ɛ ba kwaa bene lafraanaarɛ fifraanue.
20Anɔ bwa habɔɔ la, Korowii tɛɛ ba nomonome baa nyiŋi ba nɛɛ dɛ ka tel Korowii keame Samoɛl bere saŋ. 21A ɡɛ saŋ la ba soŋe Korowii ŋɔ ó tɛɛ ba kooro, asɛ o tɛɛ ba Kes bibaa Sɔɔl ŋɔ ó ɛ ba kooro. Dɛ Bɛnjamen dea biee on. Bene fifraanaarɛɛ Sɔɔl di kora la mɔɔ, 22Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’#1Sa 13:14; Yel 89:20#Aes 11:1
23Gɛ Devid nɔ dea taa Korowii le Yeesu waa baɡɛ Israel tena nyoa ŋɔ wɛɛ ɡeloo ó ba lɛɛ ba la. 24Yeesu aa wola balɛ mɔɔ la, dɛ Jɔn dɛ baɡle Israel tena bwa ŋɔ bá charɛ ba liire dɛ́ le ba wechɔɡa ta, ásɛ o sɔ ba Korowii ne. 25Jɔn toma aa dɛ tonɛ la, o bɔɔ nɛra bane ŋɔ, ‘Nɛn besoo hɛɛ lii mɛ nɔ? Nɛn haa dɛ kpao la laa men. O ta lɔ habɔɔ. Maa o napaa tee kwaraa dɔ.’
26Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba. 27Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la. 28Dɛ ba ta wobɛlbwaa dɔe dɛ́ kpɔ dawɔ kɛŋɔ o chɛ kpoe, kɛ dɛ ɡe soŋe ba harɛ nomoa Paelet ŋɔ ó pao bolchɔɡe dɛ́ kpoo. 29Baa ɛo ɡɛ Korowii Tɔn aa baɡla ŋɔ baa ɛo bwa tonɛ la, ba kpɔɔ le daɡaɡre la doa dɛ ka huɡo. 30Asɛ Korowii berɛ iru seo ta. 31O kpɔ o te baɡle nɛra o ne baa le Galilia harɛ kaa Jerusalam la kera aŋwɛnɛ bwa. A ɡɛ nɛra nɔɔ dɛɛ diu danseɛ Juu tena bwa be.
32Amanesoma nee ya ba he be. Gɛ Korowii aa baɡɛ ya naawa nyoa la, 33ɡɛɛ o ɛ tɛ ya nɛra yaa ɛ ba naanar la. Anee kɛ o ir Yeesu seo ta. Ba chwerɛ o waa Korowii Yel Tɔn yel nɛɛte la bini ŋɔ,
‘N Biee hen, fini n berɛ he Mɛɛ.’#Yel 2:7
34Gɛ Korowii aa baɡle o waa o Tɔn bini ŋɔ wɛɛ iru seo taa ásɛ o bɛ bɔɔ bini chɔ pɔh laanee nɔ.
‘Mɛɛ ɛɛ wedɛɛɡa maa baɡɛ Devid nyoa
kasinteŋ bwa ne laanee.’
35A waa ba berɛ chwerɛ a ɡɛ tɔn la bobɛl ŋɔ,
‘Haa ɡel he Biɡoroŋ chɔ bɔɔ bini pɔh’ la.#Yel 16:10
36Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh. 37Kɛ nɛn la Korowii aa iru seo ta la te ta pɔeh.
38Yabala, ya dɛ nyin kɛ he jemɛ kɛŋɔ Yeesu waa waa ɛa la waa ya won dɛɛ bol he be ŋɔ Korowii ɛɛ kpɔ he wechɔɡaa kɛ heyaa la. 39Wubwa la, haa dɛ nyin ɡɛ haa ɛ ásɛ Korowii kpɔ he wechɔɡa kɛ heyaa la, Mmara la Korowii aa kpɔa do Mosis nɔn ta la ta wone cha heya. Kɛ taraken te, nomɛlbwa waa yarada Yeesu la, Korowii dɛ lɛo kɛ nɛndɛɛɡe o waa su o siwi. 40Anomanta, hɛ́ɛ do dɛɛɡɔ ásɛ waa Korowii keamere la aa bola la bɛ heyaa ɛ. Ba baɡlɔ ŋɔ,
41‘He nɛra haa nyiŋi nɛra dɛɛ vah
dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ.
Aa ba kpo he nyoa he serewe.
Waa maa dɛ ɛ fini nɔ ɛ waane,
dɛ nɛn baɡle a bini tɛ heyaa
kwara naa, haa wola yarada!’ ”#Hab 1:5
42Pɔɔl aa bol waa tonɛ la, o ne Banabas iro dɛɛ le cheremi dea la bini. Belaa nɛra baa bol waa baɡ ba la ŋɔ Pɔ́ɔlwa berɛ ba Ona Tɔpere waa ba ja la ta, dɛ́ ba bol waa la baɡ ba ja. 43Nɛra la aa le cheremibɔr bela la, Juu tena ne nɛra baa wola Juu tena ɛɛ dɛ baa ja Juu tena nɛɛ dɛɛ tomɛ Korowii ɡɛ Juu tena aa dɛ tomɔ la teŋɛ Pɔɔl ne Banabas nɛɛ pirim. Yeesu toroma la bol waa baɡ ba, dɛ ja ba ŋɔ báa teŋɛ Korowii ŋwɛnɛ ta ásɛ wɛɛ cha ba.
44Ona Tɔpere la aa bala ja la, bwɛɛ la tena kɛrɛdɛ bwa la cheremi dea bela dɛ ka no Korowii Wa. 45Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.
46Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be, 47dɛkalkɛŋɔ ɡɛɛ ya Dɔɔ ŋɔ ya be ŋɔ,
‘N le heyaa ŋɔ hé ɛ nii dɛɛ chaah
nɛra baa wola Juu tena ɛɛ la bwa,
ásɛ nɛra baa lɔ harɛ jaɡa bwa
che he nɛɛ dɛ́ no Korowii Waa
aa dɛ ba ba lɛɛ la he be.’ ”#Aes 49:6
48Nɛra baa wola Juu tena ɛɛ la aa no waa nɔ la, ba sie lɛo taeh. Anomanta, ba jam Korowii kɛŋɔ waa ɡela ba no o waa la. Ásɛ nɛra Korowii aa ŋɔa baa dɔ o mkpa laanee la yarada Yeesu waa la, dɛ́ kpɔ ba te tɛo.
49O waa la perɛ bela bwɛɛre la bwa ta. 50Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta. 51Pɔɔl ne Banabas pee ba napaala teera ta bela, dɛ baɡle kɛŋɔ ba kpɔ Korowii Waa ba ba be, asɛ ba vɛah, dɛ kaa Ikooniam.#Mak 6:11 52Anɔ bwa aa dɛ ɛ la, bɔhwaah ta asɔre tena baa lɔ bela la lawɛ. Dɛ ba sie lɛo kɛrɛdɛ, asɛ Korowii Domadɛɛɡe la ɡe so ba nɛɛ taeh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.