We-ɛɛla 15
15
Jerusalam chema wa
1Baala bane le Juda harɛ ba Anteɔk dɛ baa baɡle nɛra baa yarada Yeesu waa la dɛɛ ŋɔ, “Dɛ he ta he pena teŋe ɡɛ Mosis Mmara la aa baɡla la aa, haa Korowii mkpa dɔe ba.”#Lew 12:3 2Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa. 3Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh. 4Baa tel Jerusalam la, Yeesu toroma la ne bela asɔre tena ne ba nomonome lɛɛ ba kɛrɛdɛ. Pɔɔlwa baɡle toma Korowii aa cheɡɛ ba nɛɛ dɛ ɛ bwa.
5Dɛ asɔre tena la bane ɛ Farisii tena. Ba iro dɛ ŋɔ, “A chɛ kɛ nɛra baa wola Juu tena ɛɛ dɛ baa yarada Yeesu taraken la ɛɛ teŋe ba pena dɛɛ teŋɛ Mosis Mmara ɡe ta.”
6Belaa Yeesu toroma la ne asɔre tena nomonome la cheme dɛ nyiŋi waa la ta. 7Ba bol waa dɛ tɔŋle dɔŋa la sie, asɛ Pita ir che dɛ ŋɔ, “Yabala, he jemɔ kɛ Korowiirii fa lee mɛ he bini ŋɔ ń bol o Amanesoma la baɡle banɔ la baa wola Juu tena ɛɛ la, ásɛ ba ɡe no o waa dɛ yarada.#Weɛ 10:1-48 8Korowiirii jemɛ nomɛlbwa nyu bini, dɛ tɛɛ ba o Domadɛɛɡe ɡɛ waa tɛ yaa la, dɛ baɡle kɛ o nɛraa ba ɡe. 9O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ. 10Aah dɛ ɛrɛ waa hɛɛ nyin kɛ he daah Korowii dɛ na nɔɔ? Dɛ bontɔɡa ya ne ya naawa bwa fa aa wola wone che la laa hɛɛ nyin he kpɔ choɡ ba nɔ naa? 11Aa maɡre! Yarada yaa yarada ya Dɔɔ Yeesu la waa o na ya sum dɛ cha yaa, dɛ lɛ yaa. Gɛ tentenee ba ɡe yaradao o lɛɛ ba.”
12Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini. 13Baa bol waa tonɛ la, Jems ɡe bol waa ŋɔ, “Yabala, hé no n be! 14Seemɔn Pita baɡle ɡɛ Korowii aa tɔ sie ɛ dɛ baɡle kɛ o dɛ nyin nɛra baa wola Juu tena ɛɛ la taeh. O baɡlɔ ŋɔ Korowii le ba bini bane ŋɔ ba ɛ o nɛra. 15Korowii keamere la bwaa fa bol a ɡɛ waa nɔ dɛ chwerɛ Korowii Tɔn bini ŋɔ,
16‘A habɔɔ la, mɛɛ berɔɔ ba nyiŋi Devid kora
waa ɡua kɛŋɔ dea waa kua chole la ta.
Mɛɛ berɔɔ ir ba kora la kɛŋɔ dea waa chola
ba kwaa mao la, dɛ́ tɛ ba naa bɛl kpeɡri
ásɛ o di kora ja,#Emɔ 9:11-12
17ásɛ harɛ ta nɛra baa kaa baa wola Juu tena
ɛɛ la bwa ba nyin n bɔr, dɛ́ tom mɛ.
Men lee ba ŋɔ ba ɛ n nɛra.
N Naa Korowiirii ŋɔ ɡɛ.
18A saŋ la bwaa o ɡel nɛra na ɡɛ waa nɔ.’
19Gɛ n te aa naa laanee kɛ, ya bɛ Mosis Mmara nɔ kpɔ dɛɛ ha nɛra baa wola Juu tena ɛɛ dɛ charɛ ba liire dɛɛ teŋɛ Korowii ŋwɛnɛ ta la, 20kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,#Lew 3:17 21dɛkalkɛŋɔ Mosis Mmara nɔ yaa baɡle a waa nɔ, bwɛɛre bɛlbwa taa nɛra baa dɛ baɡla la do. Ona Tɔpere te bɛlbwa taa baa kure Mosis Mmara waa nɔ cheremi deene ta, dɛ le saŋ la bwa ba le fini.”
Tɔn baa chwera ka tɛ nɛŋhɔɔhra baa yarada Yeesu la
22Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane. 23Asɛ ba chwerɛ tɔn tɛɛ ba ŋɔ bá kpɔ kaa. Tɔn la bini waa nɔ,
“Yabala haa lɔ Anteɔk ne Siiria harɛ ne Silisia harɛ haa wola Juu tena ɛɛ la, Yeesu toroma la ne ya asɔre tena ne ya nomonome yaa ɛ he bala Jerusalam la bwa dɛ na heya.
24Ya noɔ kɛ ya bini bane ba dɛ baɡle heyaa waane, asɛ he liire ɛ heyaa sakaa ken. Ya laa tom ba. 25Anomanta, ya chemo ya nyoa pɛ, asɛ ya ŋɔ yaa le nɛraa ásɛ ba ne Banabas ne Pɔɔl ba wa aa too ya tea kohona la ba he be. 26Bambile bwa nee Pɔɔl ne Banabas ɛɛ ɛ ya Dɔɔ Yeesu Kristo toma nɔ. Dɛ baa dɔ sewee toma nɔ ɛɛ ta noo, ba waane laa. 27Ya ŋɔ Júdas ne Silas ɡe ja ba nɛɛ dɛ ba bol tɔn nɔ bini waa tenten hé no. 28Waa ya ne Korowii Domadɛɛɡe la aa naa laanee kɛ, aa were kɛ ya ɡel hɛɛ ki komɛlbwa ka ja anɔ aa dɛ ba wona cha heyaa nɔ ta. 29Anee kɛ, he bɛ voɡa kwaa dɛɛ di, he bɛ chal dɛɛ di, he bɛ ol baa wola o baŋa teŋe o sewɛ dɛɛ di, hé laa he te kpɔ jwamane waa ta. Dɛ he wono dɛɛ ki anɔ bwa naa, he wobɛlbwa ɛɛ maɡroo tɛ heya. Kórowii cha heya.”
30Ba kpɔ tɔn la do Pɔɔl ne Banabaswa nɔn ta, dɛ ta ba ŋwɛnɛ, asɛ ba kaa Anteɔk. Ba kaa yerɛ bela asɔre tena bwa cheme, dɛ kpɔ tɔn la tɛɛ ba. 31Baa kure tɔn la, ba sie lɛo, dɛkalkɛŋɔ tɔn la do ba ɡbemba. 32Dɛ Korowii keameree Judas ne Silas. Ba bol waa taeh dɛ kpɔ do ba ɡbemba, dɛ ja ba. 33-34Ba soɡe Anteɔk tama, asɛ ba bala la ŋɔ bá berɛ la nɛra baa tom ba la be, dɛ ŋɔ Kórowii la ba ne sɔnɔnɔɔ. 35Pɔɔl ne Banabas te soɡe Anteɔk tama, asɛ ba ne ba bala bane ɛɛ bol Amanesoma la dɛɛ baɡle ya Dɔɔ Yeesu waa nɛra be.
Pɔɔl ne Banabas dɔŋa baah peɡra
36A habɔɔ la, Pɔɔl ŋɔ Banabas be ŋɔ ó ɡel ba berɛ la bwɛɛre baa baɡle nɛra Yeesu waa a ta la bwa ta, dɛ́ ka na ɡɛ ba bala baa baɡ ba Yeesu waa la aa doa. 37Dɛ Banabas dɛ nyin kɛ Jɔn Mak ja ba nɛɛ dɛ la. 38Dɛ Pɔɔl ɡe be la, a ta maɡrɛ kɛ Jɔn Mak la bɛl, dɛkalkɛŋɔ o fa teŋɛ ba nɛɛ toma la ta, dɛ ka tel baah ta, dɛ chwa ɡel ba Pamfilia.#Weɛ 13:13 39Pɔɔl ne Banabas beɡre wa, dɛ a nyoa kpeɡri, asɛ ba peɡri. Banabas kpɔ Jɔn Mak ja o nɛɛ ba jo ɡbera ta kaa Saepros, 40asɛ Pɔɔl ɡe kpɔ Silas. Baa dɛ ba kaala la, asɔre tena la kpɔ ba do Korowii nɔn ta ŋɔ wɛ́ɛ nyiŋi ba nɛ. 41Baa dɛ kaa la, ba kpɔ Siiria ne Silisia harɛ ta dɛɛ ja bela asɔre tena, dɛɛ do ba ɡbemba.
Currently Selected:
We-ɛɛla 15: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 15
15
Jerusalam chema wa
1Baala bane le Juda harɛ ba Anteɔk dɛ baa baɡle nɛra baa yarada Yeesu waa la dɛɛ ŋɔ, “Dɛ he ta he pena teŋe ɡɛ Mosis Mmara la aa baɡla la aa, haa Korowii mkpa dɔe ba.”#Lew 12:3 2Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa. 3Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh. 4Baa tel Jerusalam la, Yeesu toroma la ne bela asɔre tena ne ba nomonome lɛɛ ba kɛrɛdɛ. Pɔɔlwa baɡle toma Korowii aa cheɡɛ ba nɛɛ dɛ ɛ bwa.
5Dɛ asɔre tena la bane ɛ Farisii tena. Ba iro dɛ ŋɔ, “A chɛ kɛ nɛra baa wola Juu tena ɛɛ dɛ baa yarada Yeesu taraken la ɛɛ teŋe ba pena dɛɛ teŋɛ Mosis Mmara ɡe ta.”
6Belaa Yeesu toroma la ne asɔre tena nomonome la cheme dɛ nyiŋi waa la ta. 7Ba bol waa dɛ tɔŋle dɔŋa la sie, asɛ Pita ir che dɛ ŋɔ, “Yabala, he jemɔ kɛ Korowiirii fa lee mɛ he bini ŋɔ ń bol o Amanesoma la baɡle banɔ la baa wola Juu tena ɛɛ la, ásɛ ba ɡe no o waa dɛ yarada.#Weɛ 10:1-48 8Korowiirii jemɛ nomɛlbwa nyu bini, dɛ tɛɛ ba o Domadɛɛɡe ɡɛ waa tɛ yaa la, dɛ baɡle kɛ o nɛraa ba ɡe. 9O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ. 10Aah dɛ ɛrɛ waa hɛɛ nyin kɛ he daah Korowii dɛ na nɔɔ? Dɛ bontɔɡa ya ne ya naawa bwa fa aa wola wone che la laa hɛɛ nyin he kpɔ choɡ ba nɔ naa? 11Aa maɡre! Yarada yaa yarada ya Dɔɔ Yeesu la waa o na ya sum dɛ cha yaa, dɛ lɛ yaa. Gɛ tentenee ba ɡe yaradao o lɛɛ ba.”
12Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini. 13Baa bol waa tonɛ la, Jems ɡe bol waa ŋɔ, “Yabala, hé no n be! 14Seemɔn Pita baɡle ɡɛ Korowii aa tɔ sie ɛ dɛ baɡle kɛ o dɛ nyin nɛra baa wola Juu tena ɛɛ la taeh. O baɡlɔ ŋɔ Korowii le ba bini bane ŋɔ ba ɛ o nɛra. 15Korowii keamere la bwaa fa bol a ɡɛ waa nɔ dɛ chwerɛ Korowii Tɔn bini ŋɔ,
16‘A habɔɔ la, mɛɛ berɔɔ ba nyiŋi Devid kora
waa ɡua kɛŋɔ dea waa kua chole la ta.
Mɛɛ berɔɔ ir ba kora la kɛŋɔ dea waa chola
ba kwaa mao la, dɛ́ tɛ ba naa bɛl kpeɡri
ásɛ o di kora ja,#Emɔ 9:11-12
17ásɛ harɛ ta nɛra baa kaa baa wola Juu tena
ɛɛ la bwa ba nyin n bɔr, dɛ́ tom mɛ.
Men lee ba ŋɔ ba ɛ n nɛra.
N Naa Korowiirii ŋɔ ɡɛ.
18A saŋ la bwaa o ɡel nɛra na ɡɛ waa nɔ.’
19Gɛ n te aa naa laanee kɛ, ya bɛ Mosis Mmara nɔ kpɔ dɛɛ ha nɛra baa wola Juu tena ɛɛ dɛ charɛ ba liire dɛɛ teŋɛ Korowii ŋwɛnɛ ta la, 20kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,#Lew 3:17 21dɛkalkɛŋɔ Mosis Mmara nɔ yaa baɡle a waa nɔ, bwɛɛre bɛlbwa taa nɛra baa dɛ baɡla la do. Ona Tɔpere te bɛlbwa taa baa kure Mosis Mmara waa nɔ cheremi deene ta, dɛ le saŋ la bwa ba le fini.”
Tɔn baa chwera ka tɛ nɛŋhɔɔhra baa yarada Yeesu la
22Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane. 23Asɛ ba chwerɛ tɔn tɛɛ ba ŋɔ bá kpɔ kaa. Tɔn la bini waa nɔ,
“Yabala haa lɔ Anteɔk ne Siiria harɛ ne Silisia harɛ haa wola Juu tena ɛɛ la, Yeesu toroma la ne ya asɔre tena ne ya nomonome yaa ɛ he bala Jerusalam la bwa dɛ na heya.
24Ya noɔ kɛ ya bini bane ba dɛ baɡle heyaa waane, asɛ he liire ɛ heyaa sakaa ken. Ya laa tom ba. 25Anomanta, ya chemo ya nyoa pɛ, asɛ ya ŋɔ yaa le nɛraa ásɛ ba ne Banabas ne Pɔɔl ba wa aa too ya tea kohona la ba he be. 26Bambile bwa nee Pɔɔl ne Banabas ɛɛ ɛ ya Dɔɔ Yeesu Kristo toma nɔ. Dɛ baa dɔ sewee toma nɔ ɛɛ ta noo, ba waane laa. 27Ya ŋɔ Júdas ne Silas ɡe ja ba nɛɛ dɛ ba bol tɔn nɔ bini waa tenten hé no. 28Waa ya ne Korowii Domadɛɛɡe la aa naa laanee kɛ, aa were kɛ ya ɡel hɛɛ ki komɛlbwa ka ja anɔ aa dɛ ba wona cha heyaa nɔ ta. 29Anee kɛ, he bɛ voɡa kwaa dɛɛ di, he bɛ chal dɛɛ di, he bɛ ol baa wola o baŋa teŋe o sewɛ dɛɛ di, hé laa he te kpɔ jwamane waa ta. Dɛ he wono dɛɛ ki anɔ bwa naa, he wobɛlbwa ɛɛ maɡroo tɛ heya. Kórowii cha heya.”
30Ba kpɔ tɔn la do Pɔɔl ne Banabaswa nɔn ta, dɛ ta ba ŋwɛnɛ, asɛ ba kaa Anteɔk. Ba kaa yerɛ bela asɔre tena bwa cheme, dɛ kpɔ tɔn la tɛɛ ba. 31Baa kure tɔn la, ba sie lɛo, dɛkalkɛŋɔ tɔn la do ba ɡbemba. 32Dɛ Korowii keameree Judas ne Silas. Ba bol waa taeh dɛ kpɔ do ba ɡbemba, dɛ ja ba. 33-34Ba soɡe Anteɔk tama, asɛ ba bala la ŋɔ bá berɛ la nɛra baa tom ba la be, dɛ ŋɔ Kórowii la ba ne sɔnɔnɔɔ. 35Pɔɔl ne Banabas te soɡe Anteɔk tama, asɛ ba ne ba bala bane ɛɛ bol Amanesoma la dɛɛ baɡle ya Dɔɔ Yeesu waa nɛra be.
Pɔɔl ne Banabas dɔŋa baah peɡra
36A habɔɔ la, Pɔɔl ŋɔ Banabas be ŋɔ ó ɡel ba berɛ la bwɛɛre baa baɡle nɛra Yeesu waa a ta la bwa ta, dɛ́ ka na ɡɛ ba bala baa baɡ ba Yeesu waa la aa doa. 37Dɛ Banabas dɛ nyin kɛ Jɔn Mak ja ba nɛɛ dɛ la. 38Dɛ Pɔɔl ɡe be la, a ta maɡrɛ kɛ Jɔn Mak la bɛl, dɛkalkɛŋɔ o fa teŋɛ ba nɛɛ toma la ta, dɛ ka tel baah ta, dɛ chwa ɡel ba Pamfilia.#Weɛ 13:13 39Pɔɔl ne Banabas beɡre wa, dɛ a nyoa kpeɡri, asɛ ba peɡri. Banabas kpɔ Jɔn Mak ja o nɛɛ ba jo ɡbera ta kaa Saepros, 40asɛ Pɔɔl ɡe kpɔ Silas. Baa dɛ ba kaala la, asɔre tena la kpɔ ba do Korowii nɔn ta ŋɔ wɛ́ɛ nyiŋi ba nɛ. 41Baa dɛ kaa la, ba kpɔ Siiria ne Silisia harɛ ta dɛɛ ja bela asɔre tena, dɛɛ do ba ɡbemba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.