Psalms 49
49
As 'n mens ryk is en nie verstandig is nie, dan is hy soos die diere
1Vir die leier van die koor: Van die Korag-groep. 'n Psalm.
2Al die mense moet luister na wat ek sê,
almal wat in die wêreld woon, moet dit hoor,
3almal saam, ryk mense en arm mense.
4Ek sal woorde van wysheid praat,
ek sal verstandige dinge sê.
5Ek wil luister na 'n spreuk
en terwyl ek op die lier speel,
wil ek sê wat dit beteken.
6Ek sal nie bang word
wanneer dit sleg gaan nie,
wanneer ek die sondes rondom my sien
van mense wat my bedrieg nie.
7Hulle dink hulle geld en rykdom sal hulle help,
hulle spog oor die baie goed wat hulle het.
8Een mens kan nie 'n ander mens
loskoop van die dood nie, glad nie,
hy kan nie vir God betaal
om die persoon vry te maak nie.
9Om te betaal vir sy lewe,
sal te veel kos.
Hy sal nooit genoeg kan betaal
10sodat hy vir altyd kan lewe
en nie in die graf kom nie.
11Ja, hy sal sien dat wyse mense ook sterf
soos dwase en dom mense,
hy sal sien hulle sterf
en hulle los hulle geld en rykdom vir ander mense.
12Hulle bly altyd in die graf,
elke nuwe geslag sien dat hulle daar is,
hierdie mense wat voorheen
elkeen sy eie grond gehad het.
13'n Mens lewe nie vir altyd nie,
ook nie as hy ryk is nie,
hy is soos die diere wat sterf.
14Dit is wat gebeur met mense
wat dink dat hulle alles het,
mense wat graag luister na wat hulle self sê.
Sela
15Hulle moet ook sterf, soos skape,
hulle behoort aan die dood.
Hulle gaan dadelik in die graf in,
dan sien niemand hulle nie,
en hulle het niks.
16Maar God self sal my lewe red
van die doderyk,
ja, Hy sal my neem om aan Hom te behoort.
Sela
17Jy moenie bekommerd wees
wanneer iemand ryk word
en die goed in sy huis baie word nie,
18want hy sal niks met hom saamneem
wanneer hy sterf nie,
sy goed sal nie saam met hom gaan nie.
19Ja, iemand kan dink
dat hy gelukkig is terwyl hy lewe,
en mense kan hom prys
omdat dit goed gaan met hom.
20Maar hy sal na sy voorvaders toe gaan
en nooit weer die lig sien nie.
21As 'n mens ryk is en nie verstandig is nie,
dan is hy soos die diere wat sterf.
Currently Selected:
Psalms 49: ABA
Highlight
Share
Copy
Want to have your highlights saved across all your devices? Sign up or sign in
© Bybelgenootskap van Suid-Afrika 2007. Gebruik met toestemming. Alle regte voorbehou.