Roma 7
7
Liŋwitsɛ dɔni Kudzɛgbanɔ mɛ ɛ
1Mɛ benemi ba, lɛ mɛ lidra si mlaanu liboe lɛ gi matrapani i ese, lɛ ese linu si mlɔ pɔ́ mleete kiditɔ ní ɔsã nɔ su u. Ɔsã nɔ izɛɛgbani banɔ ligbã́ gi banɔ ba klɔ balɛ ligbã́ nɛ ɛ. 2Ŋwi liŋwitsɛ kinɛ ɛ, ɔdzɛ gi odi ni onyime e, ɔsã ɛnya ɔdzɛ ni yenye kpɛ likpɔ, xe onyimee ɔlɛ ligba nɛ ɛ; pɔ̀ xe yenye etse e, kɔ ɔdzɛɛ amɔ ɔwla ní ɔsã nɔ gi ɛnya yɛ ni onyimee iwla mɛ ɛ. 3Lɛ loso e, xe azeeze ni onyime dzedze e, gi yenye ɔlɛ ligbã́ nɛ ɛ, biapani si ɛɛsi enyimeboe; pɔ̀ xe yenye etse e, ɔdzɛɛ amɔ ɔwla ní ɔsã nɔ onu lɛ lítraze si ɛɛsi enyimeboe e, xe azeezeni onyime dzedze e.
4Nite ke lilɛ ki mlɔ mɛ benemi ba. Ni ɔsã nɔ onu i, lilɛ ŋwisi mlɔ fɛ mletse, lɛ ese linu si mlenu Kristo yɛ kisugyaɛ kapɛ katɔ; lɛ abla ɛ, mlenu yɛ banɛ gi bɛyɔnɔ ɛdɔni kutseo me e, tɔ kwiabu libi ní Aya yɛ axwɛwawa la mɛ. 5Lɛ gi kwize ligbã́ nɛ ní blɔ banɔ gbagbe ba kilɛlɛɛ mɛ onu i, ɔsã nɔ ɛɛhwani kulekuku zimizi yo ní blɔ mɛ si kubitɛ eboe zimizi na, lɛ lɔ izɛwa axwɛ na ní blɔ mɛ gi kidiliɛ gi kwibitɛ ɛ, kimani kutse e. 6Abla kɔ ɛ, kwido ní Ɔsã nɔ ese, lɛ ese linu si kwitse ki kidiliɛ klɔ gi kɛ kinya blɔ ɛ. Kuʋísumu ní kude kokoo aʋa ní kiliɛ ɔsã nɔ gi bɛŋwlimi plɛ ɛ, ɛpɛ si kuzeesumu aʋa tɔ ɔ, pɔ̀ ní kude vuvu yɔ gi Ɔfuɛfuɛ nɔ ɛbasɛ si kuze aʋa a.
Ɔsã nɔ ɛki si kwite blɔ eboe zimizi na
7Kɔ kipani kwiapani si, Ɔsã nɔ ɔtutɔ lɔ onu kidɔ zimizi na a? Kura lítraze nite! Pɔ̀ Aya ɔsã nɔ ɛki si mete kidiliɛ gi kuzimizi kunu u. Xe nya ɔsã nɔ ɔ́pani si, “Wukíkɔ kaŋuza ní kidiliɛ gi kinu ɔnutɔ kinɛ su i”, nya mátrate kidiliɛ gi kinu kaŋuzã a. 8Pɔ̀ gani ɔsãa lɔ klɔ aʋa ɛ, kuzimizi yo kwimɔ kɔ kudeonu lɛ kwihwa ni kaŋuza kakaa elu ní mɛ mɛ̀ ɛ. Xegi ɔsã nɔ ɔma ɛ, kuzimizi yo kunu bidɔ tsetse. 9Mɛ ɔtutɔ fɛ meze ligbã́ gi ménu ɔsã nɔ ese e; pɔ̀ lipoe lɛ gi menu ɔsã nɔ ɛ, kuzimizi yo kwidzi ligbã́, lɛ metse e. 10Lɛ ɔsã nɔ gi bɛki si ɔmani ligbã́ ɛ, ní mɛ kapɛa mɛ ɛ, ɛmani kutse.
11Lɛ kuzimizi yo kwimɔ kɔ kudeonu u, lɛ gani ɔsã nɔ mɛ ɛ, kwimeni me lɛ kwiye me e.
12Kɔlɔ, ɔsã nɔ ɔtutɔ lɔ ɛdra, lɛ lɔ kukpɛkpɛɔ su kwidra, kwina, lɛ kwipɛ ɛ. 13Pɔ̀ kɔ kibasɛ libasɛ si kidiliɛ klɔ gi kipɛ ɛ, kɛ kimani kutseo ɛki mɛ na a? Kura! Kuzimizi yo kwikɔ; gi kwiwa kidɔgbã su axwɛ ɛ, kuzimizi yo kwimani kutse ɛki mɛ ɛ, tɔ kɔ kizezee me ɔtutɔ lɔ ɛ, kwiaŋwi. Lɛ loso gani ɔsã nɔ mɛ ɛ, kuzimizi yo kwibu ibasɛ si kwinyani isanɔ ɔ!
Kuŋwlɛŋwlɛ ni blɔ mɛ
14Kwite si Ɔsã nɔ onu Ɔfuɛfuɛ nɔ mɛ bidɔ; pɔ̀ menu kisugya gi kuzimizi kuzɛɛŋa mɛ aʋa a. 15Maʋínu kidiliɛ gi mizɛɛbitɛ ɛ ese; pɔ̀ máʋibitɛ kidiliɛ gi maapɛ si mibitɛ ɛ, boŋu i, mizɛɛbitɛ kidiliɛ gi mekyri i. 16Agi kidiliɛ gi kɛ mizɛɛbitɛ ɛ, xe aní kɛ mizɛɛpɛ si mibitɛ ɛ, libasɛ si madimɛ si ɔsã nɔ ɛgyɔ ɔ. 17Lɛ loso e, aní mɛ mɛɛbitɛ kidiliɛ gi mɛɛbitɛ ɛ; pɔ̀ kuzimizi uliɔ gi kukpasi ní mɛ mɛ̀ ɛ, kɔ kwibitɛ lɛ.
18Mete si bidɔ gbã bíma ní mɛ mɛ̀ ɛ, ŋwisi ɔnɔ kinɛ ɛ. Gi mizɛɛpɛ si mibitɛ eboe gbã kyɛ ɛ, maʋítani la kubitɛ ɛ. 19Máʋibitɛ eboe gbã na gi mapɛ si míbitɛ ɛ; boŋu i, mizɛɛbitɛ eboe zimizia na gi maʋípɛ si mibitɛ ɛ. 20Xe mabitɛ kidiliɛ gi mápɛ si mibitɛ tɔ ɔ; boŋu i, kuzimizi uliɔ klɔ gi kukpasi ní mɛ mɛ̀ ɛ, kɔ kwibitɛ nite eboa la ya.
21Lɛ loso mamɔ si ɔsã nɔ ya ɛɛwa lɔ axwɛ na; xegi mapɛ si mibitɛ kidiliɛ gi kipɛ ɛ, kidiliɛ gi kinyani i, kɛ ko kilɛ gi maabitɛ ɛ. 22Ní mɛ ɔna nɔ mɛ ɛ, mizɛɛmɔ isami ní Aya yɛ ɔsã nɔ su. 23Pɔ̀ mamɔ ɔsã dzedze gi ɛɛwa axwɛ ní mɛ isu ya mɛ ɛ, ɔsã gi ɛɛta kigũ ni ɔsãa nɔ aʋa gi mɛ ɔna nɔ ɛtrɔ awla ɛ. Biki si medzi ɔnɔ gi bɛkpɛ ligba ɛki kuzimizi yo ɔsã nɔ gi ɛɛwa axwɛ na ní mɛ isu ya mɛ ɛ. 24Medzi ɔsigaganete! Nyaŋwɛ aabu mɛ ní mɛ kisugyaɛ liɛ ya awla gi kiitsini mɛ ní kutse mɛ ɛ? 25Medo Aya ɖase si gani blɔ Ɔkaɛ Yesu Kristo aʋa ɛ, mamɔ kubúbú.
Lɛ linu si ní mɛ ɔtutɔ mɛ kapɛa mɛ ɛ, maatani Aya yɛ ɔsã nɔ kusumu ní mɛ ɔna nɔ mɛ, pɔ̀ me kisugyaɛ kɔ ɛ, kisumu kuzimizi yo ɔsã nɔ ɔ.
Currently Selected:
Roma 7: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Roma 7
7
Liŋwitsɛ dɔni Kudzɛgbanɔ mɛ ɛ
1Mɛ benemi ba, lɛ mɛ lidra si mlaanu liboe lɛ gi matrapani i ese, lɛ ese linu si mlɔ pɔ́ mleete kiditɔ ní ɔsã nɔ su u. Ɔsã nɔ izɛɛgbani banɔ ligbã́ gi banɔ ba klɔ balɛ ligbã́ nɛ ɛ. 2Ŋwi liŋwitsɛ kinɛ ɛ, ɔdzɛ gi odi ni onyime e, ɔsã ɛnya ɔdzɛ ni yenye kpɛ likpɔ, xe onyimee ɔlɛ ligba nɛ ɛ; pɔ̀ xe yenye etse e, kɔ ɔdzɛɛ amɔ ɔwla ní ɔsã nɔ gi ɛnya yɛ ni onyimee iwla mɛ ɛ. 3Lɛ loso e, xe azeeze ni onyime dzedze e, gi yenye ɔlɛ ligbã́ nɛ ɛ, biapani si ɛɛsi enyimeboe; pɔ̀ xe yenye etse e, ɔdzɛɛ amɔ ɔwla ní ɔsã nɔ onu lɛ lítraze si ɛɛsi enyimeboe e, xe azeezeni onyime dzedze e.
4Nite ke lilɛ ki mlɔ mɛ benemi ba. Ni ɔsã nɔ onu i, lilɛ ŋwisi mlɔ fɛ mletse, lɛ ese linu si mlenu Kristo yɛ kisugyaɛ kapɛ katɔ; lɛ abla ɛ, mlenu yɛ banɛ gi bɛyɔnɔ ɛdɔni kutseo me e, tɔ kwiabu libi ní Aya yɛ axwɛwawa la mɛ. 5Lɛ gi kwize ligbã́ nɛ ní blɔ banɔ gbagbe ba kilɛlɛɛ mɛ onu i, ɔsã nɔ ɛɛhwani kulekuku zimizi yo ní blɔ mɛ si kubitɛ eboe zimizi na, lɛ lɔ izɛwa axwɛ na ní blɔ mɛ gi kidiliɛ gi kwibitɛ ɛ, kimani kutse e. 6Abla kɔ ɛ, kwido ní Ɔsã nɔ ese, lɛ ese linu si kwitse ki kidiliɛ klɔ gi kɛ kinya blɔ ɛ. Kuʋísumu ní kude kokoo aʋa ní kiliɛ ɔsã nɔ gi bɛŋwlimi plɛ ɛ, ɛpɛ si kuzeesumu aʋa tɔ ɔ, pɔ̀ ní kude vuvu yɔ gi Ɔfuɛfuɛ nɔ ɛbasɛ si kuze aʋa a.
Ɔsã nɔ ɛki si kwite blɔ eboe zimizi na
7Kɔ kipani kwiapani si, Ɔsã nɔ ɔtutɔ lɔ onu kidɔ zimizi na a? Kura lítraze nite! Pɔ̀ Aya ɔsã nɔ ɛki si mete kidiliɛ gi kuzimizi kunu u. Xe nya ɔsã nɔ ɔ́pani si, “Wukíkɔ kaŋuza ní kidiliɛ gi kinu ɔnutɔ kinɛ su i”, nya mátrate kidiliɛ gi kinu kaŋuzã a. 8Pɔ̀ gani ɔsãa lɔ klɔ aʋa ɛ, kuzimizi yo kwimɔ kɔ kudeonu lɛ kwihwa ni kaŋuza kakaa elu ní mɛ mɛ̀ ɛ. Xegi ɔsã nɔ ɔma ɛ, kuzimizi yo kunu bidɔ tsetse. 9Mɛ ɔtutɔ fɛ meze ligbã́ gi ménu ɔsã nɔ ese e; pɔ̀ lipoe lɛ gi menu ɔsã nɔ ɛ, kuzimizi yo kwidzi ligbã́, lɛ metse e. 10Lɛ ɔsã nɔ gi bɛki si ɔmani ligbã́ ɛ, ní mɛ kapɛa mɛ ɛ, ɛmani kutse.
11Lɛ kuzimizi yo kwimɔ kɔ kudeonu u, lɛ gani ɔsã nɔ mɛ ɛ, kwimeni me lɛ kwiye me e.
12Kɔlɔ, ɔsã nɔ ɔtutɔ lɔ ɛdra, lɛ lɔ kukpɛkpɛɔ su kwidra, kwina, lɛ kwipɛ ɛ. 13Pɔ̀ kɔ kibasɛ libasɛ si kidiliɛ klɔ gi kipɛ ɛ, kɛ kimani kutseo ɛki mɛ na a? Kura! Kuzimizi yo kwikɔ; gi kwiwa kidɔgbã su axwɛ ɛ, kuzimizi yo kwimani kutse ɛki mɛ ɛ, tɔ kɔ kizezee me ɔtutɔ lɔ ɛ, kwiaŋwi. Lɛ loso gani ɔsã nɔ mɛ ɛ, kuzimizi yo kwibu ibasɛ si kwinyani isanɔ ɔ!
Kuŋwlɛŋwlɛ ni blɔ mɛ
14Kwite si Ɔsã nɔ onu Ɔfuɛfuɛ nɔ mɛ bidɔ; pɔ̀ menu kisugya gi kuzimizi kuzɛɛŋa mɛ aʋa a. 15Maʋínu kidiliɛ gi mizɛɛbitɛ ɛ ese; pɔ̀ máʋibitɛ kidiliɛ gi maapɛ si mibitɛ ɛ, boŋu i, mizɛɛbitɛ kidiliɛ gi mekyri i. 16Agi kidiliɛ gi kɛ mizɛɛbitɛ ɛ, xe aní kɛ mizɛɛpɛ si mibitɛ ɛ, libasɛ si madimɛ si ɔsã nɔ ɛgyɔ ɔ. 17Lɛ loso e, aní mɛ mɛɛbitɛ kidiliɛ gi mɛɛbitɛ ɛ; pɔ̀ kuzimizi uliɔ gi kukpasi ní mɛ mɛ̀ ɛ, kɔ kwibitɛ lɛ.
18Mete si bidɔ gbã bíma ní mɛ mɛ̀ ɛ, ŋwisi ɔnɔ kinɛ ɛ. Gi mizɛɛpɛ si mibitɛ eboe gbã kyɛ ɛ, maʋítani la kubitɛ ɛ. 19Máʋibitɛ eboe gbã na gi mapɛ si míbitɛ ɛ; boŋu i, mizɛɛbitɛ eboe zimizia na gi maʋípɛ si mibitɛ ɛ. 20Xe mabitɛ kidiliɛ gi mápɛ si mibitɛ tɔ ɔ; boŋu i, kuzimizi uliɔ klɔ gi kukpasi ní mɛ mɛ̀ ɛ, kɔ kwibitɛ nite eboa la ya.
21Lɛ loso mamɔ si ɔsã nɔ ya ɛɛwa lɔ axwɛ na; xegi mapɛ si mibitɛ kidiliɛ gi kipɛ ɛ, kidiliɛ gi kinyani i, kɛ ko kilɛ gi maabitɛ ɛ. 22Ní mɛ ɔna nɔ mɛ ɛ, mizɛɛmɔ isami ní Aya yɛ ɔsã nɔ su. 23Pɔ̀ mamɔ ɔsã dzedze gi ɛɛwa axwɛ ní mɛ isu ya mɛ ɛ, ɔsã gi ɛɛta kigũ ni ɔsãa nɔ aʋa gi mɛ ɔna nɔ ɛtrɔ awla ɛ. Biki si medzi ɔnɔ gi bɛkpɛ ligba ɛki kuzimizi yo ɔsã nɔ gi ɛɛwa axwɛ na ní mɛ isu ya mɛ ɛ. 24Medzi ɔsigaganete! Nyaŋwɛ aabu mɛ ní mɛ kisugyaɛ liɛ ya awla gi kiitsini mɛ ní kutse mɛ ɛ? 25Medo Aya ɖase si gani blɔ Ɔkaɛ Yesu Kristo aʋa ɛ, mamɔ kubúbú.
Lɛ linu si ní mɛ ɔtutɔ mɛ kapɛa mɛ ɛ, maatani Aya yɛ ɔsã nɔ kusumu ní mɛ ɔna nɔ mɛ, pɔ̀ me kisugyaɛ kɔ ɛ, kisumu kuzimizi yo ɔsã nɔ ɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc