Roma 8
8
Ligbã́zeze ní Ɔfuɛfuɛ dradra lɔ mɛ
1Lɛ loso e, lipɔ bubu itɔtɔ líma ɛki banama gi balɛ ligbã́ a xe benu kidɔ tile nì Kristo Yesu u. 2Lɛ ese linu si Ɔfuɛfuɛ nɔ mɛ ɔsã nɔ, gi izɛɛmani blɔ ligbã́ nɛ ní likpɔkpɛkpɛ mɛ nì Kristo Yesu i, ɛki mɛ ɔwlamɔmɔ dɔni ɔsãa nɔ gi lɔ izɛɛmani kuzimizi nì kutse me e. 3Kidiliɛ gi Aya yɛ Ɔsã nɔ gi aki Mose ɔ́tani kubitɛ ɛ, kɔkpɛ gi ɔnɔ gbagbe ɔ́tani ɔsã nɔ aʋa kubitɛ ɛ, kɛ Aya abitɛ. Aya ebu kuzimizi yo ní ɔnɔ gbagbe ligbã́zeze ne me lipɔ gi atsisi yɛ ɔtutɔ Yebi ye e, xe aba ní ɔnɔ kizeze me ŋwisi blɔ kuzimizi yo kizeze me. Aba si yikɔ isu ikyɛ ní banɔ dzedze ba eboe zimizi na litukpo. 4Aya abitɛ lɛ nite tɔ ɔsã nɔ lɔ kupɛpɛ gyɔgyɔ kwiaba kɔ mɛ tututu ní blɔ banama gi kulɛ ligbã́ nɛ ní Ɔfuɛfuɛ dradra lɔ kupɛpɛɔ onu u, lɛ aní ní kisugyaɛ kupɛpɛɔ onu u. 5Banama gi balɛ ligbã́ nɛ ko ŋwisi kiliɛ gi ba kisugyaɛ kizezee me kiʋi dɔni ba awla ɛ, ba begyodi ʋa balɛ ní ba kisugyaɛ kupɛpɛɔ ese e. Banama gi balɛ ligbã́ nɛ ŋwisi kiliɛ gi Aya yɛ Ɔfuɛfuɛ nɔ izɛsi ba ɛ, ba begyodi ʋa balɛ ní Aya yɛ Ɔfuɛfuɛ nɔ lɔ kupɛpɛɔ ese. 6Lɛ ɔniliɛ gi yɛ begyodi ʋa balɛ ní kidiliɛ ɛ, gi yɛ kisugyaɛ kiipɛ aʋa ɛ, izɛɛmɔ kutse e. Pɔ̀ ɔniliɛ gi yɛ begyodi ʋa balɛ ní Aya yɛ Ɔfuɛfuɛ nɔ kupɛpɛɔ aʋa ɛ, izɛɛmɔ ligbã́ ni kusuyɔ. 7Lɛ loso banɔ biadzi ahwafianɛ ki Aya xegi kisugyaɛ kiigbani ba begyodi ʋa ɛ, lɛ ese linu si baʋínu kutu ki Aya yɛ ɔsã nɔ ɔ, lɛ batrátani ɔsã nɔ aʋa kubitɛ kyɛ ɛ. 8Banama gi bizeexo kisugyaɛ kutu i, batrátani Aya aŋu kuku.
9Pɔ̀ mláma ligbã́ ŋwisi kiliɛ gi mlɔ kisugyaɛ kizɛɛsi mlɔ si mlabitɛ ɛ; boŋu i, mlalɛ ligbã́ nɛ ŋwisi kiliɛ gi Ɔfuɛfuɛ nɔ izɛɛsi mlɔ ɛ. Ní anukwarɛ mɛ ɛ, Aya yɛ Ɔfuɛfuɛ nɔ ɔkpasi ní mlɔ mɛ. Ɔniliɛ mɛ gi Kristo yɛ Ɔfuɛfuɛ nɔ ɔma ɛ, ónu yɛ ɔnɛ. 10Pɔ̀ xegi Kristo ɔlɛ ní wɔ mɛ kyɛ ɛ, wɔ kisugyaɛ kiatse kɔkpɛ kuzimizi yo loso. Pɔ̀ wɔ Ɔfuɛfuɛ nɔ ɔlɛ ligbã́, lɛ ese linu si Aya aki si wɔ bede ʋa bɛgyɔ. 11Xe Aya yɛ Ɔfuɛfuɛ nɔ gi ɛyɔni Yesu idɔni kutse me e, ɔlɛ ní mlɔ mɛ, kɔlɔ ɔniliɛ klɔ gi ayɔni Kristo adɔ ni kutseo me e, aaki mlɔ kisugyaɛ gi kiatse e, fɛ ligbã́ gani yɛ Ɔfuɛfuɛ nɔ gi ɔkpasi ní mlɔ mɛ aʋa a.
12Lɛ loso mɛ benemi ba a, kwidɔ liʋɛ, pɔ̀ aní si kuze ligbã́ nɛ ní kisugyaɛ liɛ ya kupɛpɛɔ onu u. 13Lɛ ese linu si xegi mlalɛ ligbã́ nɛ ní kiliɛ gi mlɔ kisugyaɛ kipɛ onu i, mlɛtratse; pɔ̀ xe Aya yɛ Ɔfuɛfuɛ nɔ ɛpɔni mlɔ ɔ, xe mleye mlɔ kiboebitɛ zimizi ye e, mlaze ligbã́. 14Lɛ ese linu si banama gi Aya yɛ Ɔfuɛfuɛ nɔ ɛɛgbanɔ ɛ, ba benu Aya yɛ bebi ba a.
15Lɛ Ɔfuɛfuɛ nɔ gi Aya aki mlɔ ɛ, ɔ́bitɛ mlɔ banɔdzidzi gi aaki si mlaazese lifu u; boŋu i, Ɔfuɛfuɛ nɔ aabitɛ mlɔ Aya yɛ bebi, lɛ ni Ɔfuɛfuɛ nɔ kigaglaɛ kwixwa Aya si, “Ɔka! mɛ Ɔka!” 16Aya yɛ Ɔfuɛfuɛ nɔ ni blɔ ifuɛfuɛ nɛ izɛɛtrɔ likla lɛ aʋa si Aya yɛ bebi kunu u. 17Agi kunu yɛ bebi i, kwiamɔ kukrira liɔ gi abla aplɛ aki yɛ banima ɛ, lɛ blɔ fɛ kwiamɔ kɔpɔni Kristo kidiliɛ gi kɛ Aya abla aplɛ aki yɛ ɛ; lɛ xe kwimɔ ɔŋakɔ ní Kristo yɛ ɔziã nɔ mɛ ɛ, blɔ fɛ kwiamɔ ɔŋakɔ ní yɛ kusudra mɛ ɛ.
Kusudraa ní Ɔtɔ nɔ mɛ
18Makɔ lɛ si blɔ kupɛpɛɔ ní lipoe lɛ ya mɛ ɛ, batrátani kɔ kukɔsrɔ nɔ kusudraa liɔ gi Aya atrábu ibasɛ blɔ lɛ kede e. 19Aya yɛ bidɔbitɛbitɛ ʋɛ pɔ́ biidi kudeonu vevee iiki Aya si obu yɛ bebi ba basɛ. 20Lɛ ese linu si Aya atrɔ lɛ si yɛ bidɔbitɛbitɛ ʋɛ ɛ, bialila bɛ kidiliɛ gi kɛ loso bɛbitɛ ʋɛ ɛ, aní ní bɛ kupɛpɛɔ onu u, pɔ̀ Aya ɔtutɔ atrɔ lɛ nite e. Pɔ̀ kudeonu didi uliɔ kwize, 21si Aya aabu yɛ bidɔbitɛbitɛ ʋɛ liwetɔ dɔni bɛ ɔnɔdzidzi kuzeze me ki kutse ni kufumufumu mɛ lɛ Aya aaki biamɔ ba kapɛa ni Aya yɛ bebi ba ɔwlamɔmɔ nɔ gi lɔ kudeonu beedi i me. 22Lɛ kwite si gakɔna nì abla ɛ, Aya yɛ bidɔbitɛbitɛ ʋɛ petee biinimì ŋwisi kiliɛ gi bizeenu kuyeʋiyeʋi ní kubipɔ mɛ kinɛ ɛ.
23Pɔ̀ aní yɛ bidɔbitɛbitɛ ʋɛ tete ko biinimì i; blɔ banama awla gi Ɔfuɛfuɛ nɔ ɔlɛ ɛ, ŋwisi Aya yɛ bidɔkɔkɔ tɔpu mɛ fɛ ɛ, kuzeenimi ní isu ya mɛ, gi kwipe si Aya ɔbitɛ blɔ yɛ bebi ba ɛ, tɔ ɔki si blɔ inɔse zizi nɛ pɔ́ kubúbú u. 24Lɛ gani kudeonudidi me e, kwimɔ kubúbú yo; pɔ̀ xegi kwimɔ kidiliɛ gi kɛ kwidi kudeonu ikɔ ɛ, kɔlɔ bínu kudeonudidi tɔ ɔ. Lɛ blɔ mɛ owoli izeedi kudeonu iiki kidiliɛ gi kwimɔ ɛ? 25Pɔ̀ xe kwidi i kudeonu iiki kidiliɛ gi kuʋímɔ ɛ, kwiapé ke ni litɔplɛplɛkese.
26Niteme Aya yɛ Ɔfuɛfuɛ nɔ fɛ ibazɛ ɛpɔni blɔ, xe kigagla kíma blɔ mɛ fɛ ɛ. Lɛ kúte kiliɛ gi kwiaxwa Aya a; Ɔfuɛfuɛ nɔ ɔtutɔ izeebu blɔ onu ki Aya ni kutaniɔ gi eboe atrátani kupani i. 27Lɛ Aya, gi ete kidiliɛ gi kikpasi ní blɔ ina nɛ mɛ ɛ, yɛ ke ete Ɔfuɛfuɛ nɔ begyodi ʋa kyɛ ɛ. Lɛ ese linu si Ɔfuɛfuɛ nɔ izeebu yɛ banima onu iiki Aya ni Aya yɛ kupɛpɛɔ onu.
28Lɛ kwite si ní kidɔ kakaa mɛ ɛ, Aya izɛwa axwɛ ɛki banama gi bɛlɔ yɛ ɛ, ba ligbã, banama gi axwa ní yɛ kupɛpɛɔ onu i. 29Banama gi Aya ebu kooko e, ebu ba lidze tɔ biadzi ŋwisi Yebi ye e, tɔ Yebi ye aadzi obi tsitsi ye ní benemi glegle kusi i. 30Lɛ loso banama gi Aya ebu lidze e, ba axwa; lɛ banama gi axwa ɛ, aki si ba bede ʋa bɛɛgyɔ, lɛ aki si bamɔ ba kapɛa ní yɛ kusudraa mɛ ɛ.
Aya yɛ kulɔlɔɔ ní Kristo Yesu me
31Ɔkpɛ la ya petee e, liboe woli kwiapani i? Xe Aya ɔlɛ ni blɔ kude e, nyaŋwɛ aayɔ kedu ní blɔ su u? 32Lilɛ́ nite si aní Aya a, gi ɔ́ka blɔ Yebi ye, pɔ̀ akɔ yɛ akɔ ní blɔ litukpo o! Gi akɔ Yebi ye aki blɔ ɛ, kigbe aagbe si yɛ ɔ́trakɔ kidɔ kakaa ɛki blɔ faã na a? 33Nyaŋwɛ aakɔ̀ liboe ní Aya yɛ banɔ kyakya ba su u? Aya ɔtutɔ apani si báŋa lipɔ ɔ! 34Kɔ nyaŋwɛ ɔlɛ gi aabu ba lipɔ ɛ? Aní Kristo Yesu gi etse e, aloo gi bɛyɔni ligbã́ nɛ ɛ, xe ɔlɛ ní Aya yɛ kaŋawla mɛ ɛ, xe ɛɛŋwlɛ blɔ litukpo o. 35Kɔ nyaŋwɛ aatani blɔ ni Kristo yɛ kunɔlɔɔ kusi kulɛ ɛ? Kunugu kwiatani lɛ kubitɛ ɛ? loo baxixa loo keduyɔyɔ loo kuʋɛ loo lipi loo ɔxa loo kutse na a? 36Kiliɛ gi Aya liboe le lipani i si,
“Kɔkpɛ mlɔ loso e, kwize ní kutse ɔxa mɛ ɛ, lipoe kakaa;
bɛbitɛ blɔ ŋwisi iʋesi gi bɛtrɛtsà kinɛ ɛ.”
37Pɔ̀, ní la ya petee me e, kwimɔ kaʋaŋaŋa petee gani Yesu mɛ, yɛ gi alɔ blɔ ɛ! 38Lɛ maka ní lɛ aʋa si kididɔ kíma gi kialɛ blɔ ni yɛ kunɔlɔɔ kusi i: kutse loo ligbã́, Aya baxwɛdzɛ loo ifuɛfuɛ zimizi ne gi iŋa aʋa ní lifunu ne loo kigagla dzedze etɔtɔ, abla loo ɔtɔ nɔ mɛ o, 39kididɔ ní ayɛɛ mɛ loo kesea ese, ni anukwarɛɛ mɛ kididɔ kíma ní kelea mɛ bidɔbitɛbitɛ ʋɛ kusi gi kiatani blɔ kufili ní Aya yɛ kunɔlɔɔ gi kunu blɔ kunɛ ɛ, gani Kristo Yesu blɔ Ɔkaɛ aʋa su u.
Currently Selected:
Roma 8: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Roma 8
8
Ligbã́zeze ní Ɔfuɛfuɛ dradra lɔ mɛ
1Lɛ loso e, lipɔ bubu itɔtɔ líma ɛki banama gi balɛ ligbã́ a xe benu kidɔ tile nì Kristo Yesu u. 2Lɛ ese linu si Ɔfuɛfuɛ nɔ mɛ ɔsã nɔ, gi izɛɛmani blɔ ligbã́ nɛ ní likpɔkpɛkpɛ mɛ nì Kristo Yesu i, ɛki mɛ ɔwlamɔmɔ dɔni ɔsãa nɔ gi lɔ izɛɛmani kuzimizi nì kutse me e. 3Kidiliɛ gi Aya yɛ Ɔsã nɔ gi aki Mose ɔ́tani kubitɛ ɛ, kɔkpɛ gi ɔnɔ gbagbe ɔ́tani ɔsã nɔ aʋa kubitɛ ɛ, kɛ Aya abitɛ. Aya ebu kuzimizi yo ní ɔnɔ gbagbe ligbã́zeze ne me lipɔ gi atsisi yɛ ɔtutɔ Yebi ye e, xe aba ní ɔnɔ kizeze me ŋwisi blɔ kuzimizi yo kizeze me. Aba si yikɔ isu ikyɛ ní banɔ dzedze ba eboe zimizi na litukpo. 4Aya abitɛ lɛ nite tɔ ɔsã nɔ lɔ kupɛpɛ gyɔgyɔ kwiaba kɔ mɛ tututu ní blɔ banama gi kulɛ ligbã́ nɛ ní Ɔfuɛfuɛ dradra lɔ kupɛpɛɔ onu u, lɛ aní ní kisugyaɛ kupɛpɛɔ onu u. 5Banama gi balɛ ligbã́ nɛ ko ŋwisi kiliɛ gi ba kisugyaɛ kizezee me kiʋi dɔni ba awla ɛ, ba begyodi ʋa balɛ ní ba kisugyaɛ kupɛpɛɔ ese e. Banama gi balɛ ligbã́ nɛ ŋwisi kiliɛ gi Aya yɛ Ɔfuɛfuɛ nɔ izɛsi ba ɛ, ba begyodi ʋa balɛ ní Aya yɛ Ɔfuɛfuɛ nɔ lɔ kupɛpɛɔ ese. 6Lɛ ɔniliɛ gi yɛ begyodi ʋa balɛ ní kidiliɛ ɛ, gi yɛ kisugyaɛ kiipɛ aʋa ɛ, izɛɛmɔ kutse e. Pɔ̀ ɔniliɛ gi yɛ begyodi ʋa balɛ ní Aya yɛ Ɔfuɛfuɛ nɔ kupɛpɛɔ aʋa ɛ, izɛɛmɔ ligbã́ ni kusuyɔ. 7Lɛ loso banɔ biadzi ahwafianɛ ki Aya xegi kisugyaɛ kiigbani ba begyodi ʋa ɛ, lɛ ese linu si baʋínu kutu ki Aya yɛ ɔsã nɔ ɔ, lɛ batrátani ɔsã nɔ aʋa kubitɛ kyɛ ɛ. 8Banama gi bizeexo kisugyaɛ kutu i, batrátani Aya aŋu kuku.
9Pɔ̀ mláma ligbã́ ŋwisi kiliɛ gi mlɔ kisugyaɛ kizɛɛsi mlɔ si mlabitɛ ɛ; boŋu i, mlalɛ ligbã́ nɛ ŋwisi kiliɛ gi Ɔfuɛfuɛ nɔ izɛɛsi mlɔ ɛ. Ní anukwarɛ mɛ ɛ, Aya yɛ Ɔfuɛfuɛ nɔ ɔkpasi ní mlɔ mɛ. Ɔniliɛ mɛ gi Kristo yɛ Ɔfuɛfuɛ nɔ ɔma ɛ, ónu yɛ ɔnɛ. 10Pɔ̀ xegi Kristo ɔlɛ ní wɔ mɛ kyɛ ɛ, wɔ kisugyaɛ kiatse kɔkpɛ kuzimizi yo loso. Pɔ̀ wɔ Ɔfuɛfuɛ nɔ ɔlɛ ligbã́, lɛ ese linu si Aya aki si wɔ bede ʋa bɛgyɔ. 11Xe Aya yɛ Ɔfuɛfuɛ nɔ gi ɛyɔni Yesu idɔni kutse me e, ɔlɛ ní mlɔ mɛ, kɔlɔ ɔniliɛ klɔ gi ayɔni Kristo adɔ ni kutseo me e, aaki mlɔ kisugyaɛ gi kiatse e, fɛ ligbã́ gani yɛ Ɔfuɛfuɛ nɔ gi ɔkpasi ní mlɔ mɛ aʋa a.
12Lɛ loso mɛ benemi ba a, kwidɔ liʋɛ, pɔ̀ aní si kuze ligbã́ nɛ ní kisugyaɛ liɛ ya kupɛpɛɔ onu u. 13Lɛ ese linu si xegi mlalɛ ligbã́ nɛ ní kiliɛ gi mlɔ kisugyaɛ kipɛ onu i, mlɛtratse; pɔ̀ xe Aya yɛ Ɔfuɛfuɛ nɔ ɛpɔni mlɔ ɔ, xe mleye mlɔ kiboebitɛ zimizi ye e, mlaze ligbã́. 14Lɛ ese linu si banama gi Aya yɛ Ɔfuɛfuɛ nɔ ɛɛgbanɔ ɛ, ba benu Aya yɛ bebi ba a.
15Lɛ Ɔfuɛfuɛ nɔ gi Aya aki mlɔ ɛ, ɔ́bitɛ mlɔ banɔdzidzi gi aaki si mlaazese lifu u; boŋu i, Ɔfuɛfuɛ nɔ aabitɛ mlɔ Aya yɛ bebi, lɛ ni Ɔfuɛfuɛ nɔ kigaglaɛ kwixwa Aya si, “Ɔka! mɛ Ɔka!” 16Aya yɛ Ɔfuɛfuɛ nɔ ni blɔ ifuɛfuɛ nɛ izɛɛtrɔ likla lɛ aʋa si Aya yɛ bebi kunu u. 17Agi kunu yɛ bebi i, kwiamɔ kukrira liɔ gi abla aplɛ aki yɛ banima ɛ, lɛ blɔ fɛ kwiamɔ kɔpɔni Kristo kidiliɛ gi kɛ Aya abla aplɛ aki yɛ ɛ; lɛ xe kwimɔ ɔŋakɔ ní Kristo yɛ ɔziã nɔ mɛ ɛ, blɔ fɛ kwiamɔ ɔŋakɔ ní yɛ kusudra mɛ ɛ.
Kusudraa ní Ɔtɔ nɔ mɛ
18Makɔ lɛ si blɔ kupɛpɛɔ ní lipoe lɛ ya mɛ ɛ, batrátani kɔ kukɔsrɔ nɔ kusudraa liɔ gi Aya atrábu ibasɛ blɔ lɛ kede e. 19Aya yɛ bidɔbitɛbitɛ ʋɛ pɔ́ biidi kudeonu vevee iiki Aya si obu yɛ bebi ba basɛ. 20Lɛ ese linu si Aya atrɔ lɛ si yɛ bidɔbitɛbitɛ ʋɛ ɛ, bialila bɛ kidiliɛ gi kɛ loso bɛbitɛ ʋɛ ɛ, aní ní bɛ kupɛpɛɔ onu u, pɔ̀ Aya ɔtutɔ atrɔ lɛ nite e. Pɔ̀ kudeonu didi uliɔ kwize, 21si Aya aabu yɛ bidɔbitɛbitɛ ʋɛ liwetɔ dɔni bɛ ɔnɔdzidzi kuzeze me ki kutse ni kufumufumu mɛ lɛ Aya aaki biamɔ ba kapɛa ni Aya yɛ bebi ba ɔwlamɔmɔ nɔ gi lɔ kudeonu beedi i me. 22Lɛ kwite si gakɔna nì abla ɛ, Aya yɛ bidɔbitɛbitɛ ʋɛ petee biinimì ŋwisi kiliɛ gi bizeenu kuyeʋiyeʋi ní kubipɔ mɛ kinɛ ɛ.
23Pɔ̀ aní yɛ bidɔbitɛbitɛ ʋɛ tete ko biinimì i; blɔ banama awla gi Ɔfuɛfuɛ nɔ ɔlɛ ɛ, ŋwisi Aya yɛ bidɔkɔkɔ tɔpu mɛ fɛ ɛ, kuzeenimi ní isu ya mɛ, gi kwipe si Aya ɔbitɛ blɔ yɛ bebi ba ɛ, tɔ ɔki si blɔ inɔse zizi nɛ pɔ́ kubúbú u. 24Lɛ gani kudeonudidi me e, kwimɔ kubúbú yo; pɔ̀ xegi kwimɔ kidiliɛ gi kɛ kwidi kudeonu ikɔ ɛ, kɔlɔ bínu kudeonudidi tɔ ɔ. Lɛ blɔ mɛ owoli izeedi kudeonu iiki kidiliɛ gi kwimɔ ɛ? 25Pɔ̀ xe kwidi i kudeonu iiki kidiliɛ gi kuʋímɔ ɛ, kwiapé ke ni litɔplɛplɛkese.
26Niteme Aya yɛ Ɔfuɛfuɛ nɔ fɛ ibazɛ ɛpɔni blɔ, xe kigagla kíma blɔ mɛ fɛ ɛ. Lɛ kúte kiliɛ gi kwiaxwa Aya a; Ɔfuɛfuɛ nɔ ɔtutɔ izeebu blɔ onu ki Aya ni kutaniɔ gi eboe atrátani kupani i. 27Lɛ Aya, gi ete kidiliɛ gi kikpasi ní blɔ ina nɛ mɛ ɛ, yɛ ke ete Ɔfuɛfuɛ nɔ begyodi ʋa kyɛ ɛ. Lɛ ese linu si Ɔfuɛfuɛ nɔ izeebu yɛ banima onu iiki Aya ni Aya yɛ kupɛpɛɔ onu.
28Lɛ kwite si ní kidɔ kakaa mɛ ɛ, Aya izɛwa axwɛ ɛki banama gi bɛlɔ yɛ ɛ, ba ligbã, banama gi axwa ní yɛ kupɛpɛɔ onu i. 29Banama gi Aya ebu kooko e, ebu ba lidze tɔ biadzi ŋwisi Yebi ye e, tɔ Yebi ye aadzi obi tsitsi ye ní benemi glegle kusi i. 30Lɛ loso banama gi Aya ebu lidze e, ba axwa; lɛ banama gi axwa ɛ, aki si ba bede ʋa bɛɛgyɔ, lɛ aki si bamɔ ba kapɛa ní yɛ kusudraa mɛ ɛ.
Aya yɛ kulɔlɔɔ ní Kristo Yesu me
31Ɔkpɛ la ya petee e, liboe woli kwiapani i? Xe Aya ɔlɛ ni blɔ kude e, nyaŋwɛ aayɔ kedu ní blɔ su u? 32Lilɛ́ nite si aní Aya a, gi ɔ́ka blɔ Yebi ye, pɔ̀ akɔ yɛ akɔ ní blɔ litukpo o! Gi akɔ Yebi ye aki blɔ ɛ, kigbe aagbe si yɛ ɔ́trakɔ kidɔ kakaa ɛki blɔ faã na a? 33Nyaŋwɛ aakɔ̀ liboe ní Aya yɛ banɔ kyakya ba su u? Aya ɔtutɔ apani si báŋa lipɔ ɔ! 34Kɔ nyaŋwɛ ɔlɛ gi aabu ba lipɔ ɛ? Aní Kristo Yesu gi etse e, aloo gi bɛyɔni ligbã́ nɛ ɛ, xe ɔlɛ ní Aya yɛ kaŋawla mɛ ɛ, xe ɛɛŋwlɛ blɔ litukpo o. 35Kɔ nyaŋwɛ aatani blɔ ni Kristo yɛ kunɔlɔɔ kusi kulɛ ɛ? Kunugu kwiatani lɛ kubitɛ ɛ? loo baxixa loo keduyɔyɔ loo kuʋɛ loo lipi loo ɔxa loo kutse na a? 36Kiliɛ gi Aya liboe le lipani i si,
“Kɔkpɛ mlɔ loso e, kwize ní kutse ɔxa mɛ ɛ, lipoe kakaa;
bɛbitɛ blɔ ŋwisi iʋesi gi bɛtrɛtsà kinɛ ɛ.”
37Pɔ̀, ní la ya petee me e, kwimɔ kaʋaŋaŋa petee gani Yesu mɛ, yɛ gi alɔ blɔ ɛ! 38Lɛ maka ní lɛ aʋa si kididɔ kíma gi kialɛ blɔ ni yɛ kunɔlɔɔ kusi i: kutse loo ligbã́, Aya baxwɛdzɛ loo ifuɛfuɛ zimizi ne gi iŋa aʋa ní lifunu ne loo kigagla dzedze etɔtɔ, abla loo ɔtɔ nɔ mɛ o, 39kididɔ ní ayɛɛ mɛ loo kesea ese, ni anukwarɛɛ mɛ kididɔ kíma ní kelea mɛ bidɔbitɛbitɛ ʋɛ kusi gi kiatani blɔ kufili ní Aya yɛ kunɔlɔɔ gi kunu blɔ kunɛ ɛ, gani Kristo Yesu blɔ Ɔkaɛ aʋa su u.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc