Roma 6
6
Mletse aki eboe zimizi na tɔ mleze ligbã ní Kristo me.
1Kɔlɔ liboe woli kwiapani i? Kwiatrɛ ní eboe zimizi na kubitɛɔ aʋa tɔ Aya yɛ lipomepɛpɛ nɛ lisrɛ pɔnɔ ɔ? 2Lítraze nite kura! Lɛ ese linu si kwitse lɛ eboe zimizi na ámɔ kigagla ní blɔ aʋa tɔ ɔ, lɛ kitɛ mɛ kwiaze ní eboe zimizi na mɛ dzɛ ɛ? 3Aloo mléte si gi bɛkpɛ kuni ki blɔ ɔ, xe kwidzi tole ni Kristo Yesu i, kikpɛ bɛkpɛ kuni ki blɔ ɔ, xe kwidzi tole ni yɛ kutseo na a?. 4Gani blɔ kuni kpɛkpɛɔ mɛ ɛ, blɔ fɛ kwitse lɛ bevive blo epɔni yɛ, tɔ kiliɛ gi bɛyɔni yɛ ɛdɔni bekpo ʋa mɛ gani Yɛka kusudra kigaglaɛ mɛ ɛ, nite blɔ fɛ kwiayɔ xe kwiaze ligbã vuvu nɛ ɛ.
5Lɛ gi kwidzi tole ni yɛ ní kutseo me e, gi etse e, nite ke kwiaze tole ni yɛ gi bɛyɔni blɔ ɔ, ŋwisi kiliɛ gi bɛyɔni yɛ kyɛ kinɛ ɛ. 6Lɛ kwite si bɛkla blɔ kizeze me kokoe me ni Kristo o, ní yɛ osetsase lo su tɔ bikyrɔ blɔ kuzimizi yo kigaglaɛ atɔ kukíze banɔ dzidzi ɛki kuzimizi yo. 7Lɛ ese linu si xegi ɔnɔ etse e, izɛmɔ ɔwla edɔni kuzimizi yo kigaglaɛ ese e.
8Agi kwitse nì Kristo e, kwiziŋa si blɔ fɛ kwiaze ligbã nì yɛ. 9Lɛ ese linu si kwite si bɛyɔ nì Kristo edɔni bekpo ʋa mɛ ɛ, lɛ ɔ́tratse tɔ ɔ, kutseo kútraŋa yɛ aʋa tɔ ɔ. 10Lɛ loso e, gi etse tule e, kigagla kíma ní kuzimizi yo awla ní yɛ aʋa tɔ ɔ; lɛ abla ɛ, ɔlɛ yɛ ligbã́ nɛ ní likpɔkpɛkpɛ mɛ ni Aya. 11Niteme ke lilɛ si mlebu isu ya sì mletse, lɛ eboe zimizi na ámɔ kigagla ní mlɔ aʋa tɔ ɔ, pɔ̀ mlalɛ ligbã ní likpɔkpɛkpɛ mɛ ni Aya gani Kristo Yesu me e.
12Lɛ loso mlakíki si kuzimizi yo kuŋa aʋa ní mlɔ kisugya tsetsee liɛ ya mɛ ɛ, tɔ mlazɛyurɔ isu iiki mlɔ kusuŋwasi yɔ. 13Loo tɔ mlayurɔ mlɔ kisugyaɛ kapɛatɔtɔ kɔ ki eboe zimizi kubitɛ ɛ. Boŋu i, mlayurɔ isu ya aki Aya, ŋwisi banama gi bɛɛdɔnɔ ní bekpo ʋa mɛ mani ligbã nɛ mɛ kinɛ ɛ. Mlayurɔ mlɔ isu ya petee aki Aya tɔ ɔwa mlɔ su axwɛ ki eboe gi alɛ ní kude gyɔgyɔ aʋa a. 14Líma si kuzimizi kuŋa mlɔ aʋa a; lɛ ese linu si mláma ní ɔsã nɔ ese. Boŋu i, mlalɛ ní Aya yɛ lipomepɛpɛ nɛ ese e.
Mleze banɔdzidzi aki kude gyɔgyɔɔ
15Kɔ liboe woli kwiapani i? Kuzɛɛbitɛ eboe zimizi na gi kúma ní ɔsã nɔ ese e, xe kulɛ ní Aya yɛ lipomepɛpɛ nɛ ese na a? Lítraze nite e! 16Sugba mlete si xe mlɛyurɔ isu ikɔ ŋwisi banɔdzidzi si mlaanu kutu ki onutɔ ɛ, mlenu banɔdzidzi ki ɔka liɛ klɔ gi yɛ axwɛ mlɛɛwa ɛ. Kɔ mlenu banɔdzidzi ki kuzimizi gi kwiagbani mlɔ kutsinɔ ní kutse me e, loo ki kutununu gi kwiagbani mlɔ kutsinɔ ní kude gyɔgyɔ aʋa a. 17Pɔ̀ kwido Aya ɖase! Gi lipoetɔ zanɔ ɛ mleze banɔdzidzi ki eboe zimizi i. Pɔ̀ abla ɛ, mleenu kutu ni mlɔ ɔna petee ɛki anukwarɛɛ liboe lɛ gi kwibasɛ mlɔ ɛ. 18Bebú mlo liʋɛ mɔtsa ɛdɔni eboe zimizi na iwla mɛ, lɛ mledzi banɔdzidzi iiki kude gyɔgyɔ ɛ. 19Mɛɛwa liwe kakaa siya sɛ su axwɛ ní ya tɔ mlaanu eboe la ese e. Lipoetɔ gi liza ɛ, mlɛyurɔ isu ya petee ŋwisi banɔdzidzi ki anyaniboe ni litukpo me gagla ni eboe zimizi kakaa elu. Niteme ke, abla ɛ, lilɛ si mlayurɔ isu ya petee akɔ ŋwisi banɔdzidzi ki kude gyɔgyɔɔ tɔ mlɔ isu ya idra aki Aya.
20Lipoe lɛ gi mleze banɔdzidzi ikí eboe zimizi na ɛ, mlɛmɔ ɔwla ɛdɔni kidiliɛ gi Aya apɛ mɛ ɛ. 21Libi woli mlɛmɔ ɛdɔni eyeyeboe ala gi mlɛbitɛ zanɔ ɔ, xe eeku mlɔ kuyeo abla mɛ ɛ? Kutse kunu eboa la klɔ ʋa la libi le! 22Pɔ̀ abla ɛ, Aya ebu mlo adɔ ni eboe zimizi na iwla mɛ ɛ, lɛ mleedzi yɛ banɔdzidzi i. Mlɔ libi le linu ligbã́ gi bɛkɔ ɛki Aya petee e, lɛ lilɛ gi liado dɔni lɛ mɛ ɛ, lɛ linu ligbã moblo le. 23Lɛ eboe zimizi na la liʋɛ nɛ linu kutse e, pɔ̀ Aya yɛ bidɔkɔkɔɛ ʋɛ gi izɛɛkɔ faã ɛ, bɛ binu ligbã́ moblo le ní likpɔkpɛkpɛ mɛ ni Kristo Yesu blɔ Ɔkaɛ.
Currently Selected:
Roma 6: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Roma 6
6
Mletse aki eboe zimizi na tɔ mleze ligbã ní Kristo me.
1Kɔlɔ liboe woli kwiapani i? Kwiatrɛ ní eboe zimizi na kubitɛɔ aʋa tɔ Aya yɛ lipomepɛpɛ nɛ lisrɛ pɔnɔ ɔ? 2Lítraze nite kura! Lɛ ese linu si kwitse lɛ eboe zimizi na ámɔ kigagla ní blɔ aʋa tɔ ɔ, lɛ kitɛ mɛ kwiaze ní eboe zimizi na mɛ dzɛ ɛ? 3Aloo mléte si gi bɛkpɛ kuni ki blɔ ɔ, xe kwidzi tole ni Kristo Yesu i, kikpɛ bɛkpɛ kuni ki blɔ ɔ, xe kwidzi tole ni yɛ kutseo na a?. 4Gani blɔ kuni kpɛkpɛɔ mɛ ɛ, blɔ fɛ kwitse lɛ bevive blo epɔni yɛ, tɔ kiliɛ gi bɛyɔni yɛ ɛdɔni bekpo ʋa mɛ gani Yɛka kusudra kigaglaɛ mɛ ɛ, nite blɔ fɛ kwiayɔ xe kwiaze ligbã vuvu nɛ ɛ.
5Lɛ gi kwidzi tole ni yɛ ní kutseo me e, gi etse e, nite ke kwiaze tole ni yɛ gi bɛyɔni blɔ ɔ, ŋwisi kiliɛ gi bɛyɔni yɛ kyɛ kinɛ ɛ. 6Lɛ kwite si bɛkla blɔ kizeze me kokoe me ni Kristo o, ní yɛ osetsase lo su tɔ bikyrɔ blɔ kuzimizi yo kigaglaɛ atɔ kukíze banɔ dzidzi ɛki kuzimizi yo. 7Lɛ ese linu si xegi ɔnɔ etse e, izɛmɔ ɔwla edɔni kuzimizi yo kigaglaɛ ese e.
8Agi kwitse nì Kristo e, kwiziŋa si blɔ fɛ kwiaze ligbã nì yɛ. 9Lɛ ese linu si kwite si bɛyɔ nì Kristo edɔni bekpo ʋa mɛ ɛ, lɛ ɔ́tratse tɔ ɔ, kutseo kútraŋa yɛ aʋa tɔ ɔ. 10Lɛ loso e, gi etse tule e, kigagla kíma ní kuzimizi yo awla ní yɛ aʋa tɔ ɔ; lɛ abla ɛ, ɔlɛ yɛ ligbã́ nɛ ní likpɔkpɛkpɛ mɛ ni Aya. 11Niteme ke lilɛ si mlebu isu ya sì mletse, lɛ eboe zimizi na ámɔ kigagla ní mlɔ aʋa tɔ ɔ, pɔ̀ mlalɛ ligbã ní likpɔkpɛkpɛ mɛ ni Aya gani Kristo Yesu me e.
12Lɛ loso mlakíki si kuzimizi yo kuŋa aʋa ní mlɔ kisugya tsetsee liɛ ya mɛ ɛ, tɔ mlazɛyurɔ isu iiki mlɔ kusuŋwasi yɔ. 13Loo tɔ mlayurɔ mlɔ kisugyaɛ kapɛatɔtɔ kɔ ki eboe zimizi kubitɛ ɛ. Boŋu i, mlayurɔ isu ya aki Aya, ŋwisi banama gi bɛɛdɔnɔ ní bekpo ʋa mɛ mani ligbã nɛ mɛ kinɛ ɛ. Mlayurɔ mlɔ isu ya petee aki Aya tɔ ɔwa mlɔ su axwɛ ki eboe gi alɛ ní kude gyɔgyɔ aʋa a. 14Líma si kuzimizi kuŋa mlɔ aʋa a; lɛ ese linu si mláma ní ɔsã nɔ ese. Boŋu i, mlalɛ ní Aya yɛ lipomepɛpɛ nɛ ese e.
Mleze banɔdzidzi aki kude gyɔgyɔɔ
15Kɔ liboe woli kwiapani i? Kuzɛɛbitɛ eboe zimizi na gi kúma ní ɔsã nɔ ese e, xe kulɛ ní Aya yɛ lipomepɛpɛ nɛ ese na a? Lítraze nite e! 16Sugba mlete si xe mlɛyurɔ isu ikɔ ŋwisi banɔdzidzi si mlaanu kutu ki onutɔ ɛ, mlenu banɔdzidzi ki ɔka liɛ klɔ gi yɛ axwɛ mlɛɛwa ɛ. Kɔ mlenu banɔdzidzi ki kuzimizi gi kwiagbani mlɔ kutsinɔ ní kutse me e, loo ki kutununu gi kwiagbani mlɔ kutsinɔ ní kude gyɔgyɔ aʋa a. 17Pɔ̀ kwido Aya ɖase! Gi lipoetɔ zanɔ ɛ mleze banɔdzidzi ki eboe zimizi i. Pɔ̀ abla ɛ, mleenu kutu ni mlɔ ɔna petee ɛki anukwarɛɛ liboe lɛ gi kwibasɛ mlɔ ɛ. 18Bebú mlo liʋɛ mɔtsa ɛdɔni eboe zimizi na iwla mɛ, lɛ mledzi banɔdzidzi iiki kude gyɔgyɔ ɛ. 19Mɛɛwa liwe kakaa siya sɛ su axwɛ ní ya tɔ mlaanu eboe la ese e. Lipoetɔ gi liza ɛ, mlɛyurɔ isu ya petee ŋwisi banɔdzidzi ki anyaniboe ni litukpo me gagla ni eboe zimizi kakaa elu. Niteme ke, abla ɛ, lilɛ si mlayurɔ isu ya petee akɔ ŋwisi banɔdzidzi ki kude gyɔgyɔɔ tɔ mlɔ isu ya idra aki Aya.
20Lipoe lɛ gi mleze banɔdzidzi ikí eboe zimizi na ɛ, mlɛmɔ ɔwla ɛdɔni kidiliɛ gi Aya apɛ mɛ ɛ. 21Libi woli mlɛmɔ ɛdɔni eyeyeboe ala gi mlɛbitɛ zanɔ ɔ, xe eeku mlɔ kuyeo abla mɛ ɛ? Kutse kunu eboa la klɔ ʋa la libi le! 22Pɔ̀ abla ɛ, Aya ebu mlo adɔ ni eboe zimizi na iwla mɛ ɛ, lɛ mleedzi yɛ banɔdzidzi i. Mlɔ libi le linu ligbã́ gi bɛkɔ ɛki Aya petee e, lɛ lilɛ gi liado dɔni lɛ mɛ ɛ, lɛ linu ligbã moblo le. 23Lɛ eboe zimizi na la liʋɛ nɛ linu kutse e, pɔ̀ Aya yɛ bidɔkɔkɔɛ ʋɛ gi izɛɛkɔ faã ɛ, bɛ binu ligbã́ moblo le ní likpɔkpɛkpɛ mɛ ni Kristo Yesu blɔ Ɔkaɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc