Roma 5
5
Aya aki kusuyɔ ni isami
1Abla gi Aya azɛ blɔ gani kuziŋaa mɛ si blɔ bede ʋa bɛgyɔ ɛ, kwimɔ kusuyɔ ni Aya gani blɔ Ɔkaɛ Yesu Kristo aʋa. 2Amani blɔ gani kuziŋaa mɛ gi kwimɔ kudeonu ni Aya yɛ lipomepɛpɛ nɛ mɛ gi kulɛ abla ɛ. Lɛ kwimɔ isami ní kudeonudidi uliɔ gi kulɛ blɔ awla a, si kwimɔ libi ní Aya yɛ kusudra mɛ. 3Aní lɛ tètè, kwimɔ isami ní blɔ baxixa ʋa mɛ, lɛ ese linu si kwite si baxixa ʋa bizɛɛmani igyidodo, 4igyidodo izɛmani kizeze me gbã; lɛ kizeze me gbã kizɛki kudeonudidi i. 5Lɛ kudeonudidi uliɔ ya kuʋíbu ɔna ní blɔ lipo o, lɛ ese linu si Aya yɛ akɔ yɛ kunɔlɔɔ akpɛ ní blɔ ina nɛ mɛ gani Ɔfuɛfuɛ Dradra lɔ gi onu Aya yɛ bidɔkɔkɔ ʋɛ mɛ ɛ.
6Lipoe lɛ gi kibitɛ kíze ní blɔ su i, Kristo etse aki banama gi béte Aya a ní lipoe lɛ gi Aya akya aʋa a. 7Linu liboe gagla si ɔnɔ otse ní ɔnɔ gi ɔlɛ ní kude gyɔgyɔ aʋa ɛ litukpo. Lɛ ƒaã xe ɔnɔ aasi si yitse ní ɔnɔ gbã litukpo o. 8Pɔ̀ Aya ebu abasɛ blɔ kiliɛ gbɛgbɛ gi alɔ blɔ ɛ, lɛ ese linu si lipoe lɛ gi kwize banɔ zimizi i, Kristo etse aki blɔ. 9Abla gi bebu blo egani yɛ ika lɛ mɛ ɛ, kitɛ gbɛgbɛ liaze xe yɛ kutseo kwiabu blo dɔni Aya yɛ kusuyeʋio me gani yɛ mɛ ɛ! 10Kɔlɔ gi kwize Aya yɛ ahwafianɛ ma a, xe Aya edzini blɔ ni yɛ akpɛ likpɔ, gani Yebi ye yɛ kutseo me e, lɛ abla gi Aya alulɔ blɔ ni yɛ kusi i, kitɛ gbɛgbɛ, ɔ́traki blɔ ligbã́ gani Kristo yɛ ligba nɛ mɛ ɛ! 11Pɔ̀ aní lɛ odukɔ lɔ klɔ ɔ, kɔpɔnɔ ɛ, kuzɛmɔ isami kɔkpɛ kidiliɛ gi Aya abitɛ ɛ, gani blɔ Ɔkaɛ Yesu Kristo me, gi abla ɛ, Aya akpɛ blɔ ni yɛ likpɔ.
Gani Adam aʋa ɛ, kutseo kwiba, pɔ̀ gani Yesu aʋa ɛ, ligbã́ nɛ liba
12Eboe zimizi na ɛba kelea mɛ ɛ, gani ɔnɔ tole aʋa a, lɛ yɛ eboe zimizi na ɛmani kutse e, gani lɛ mɛ ɛ, kutseo kwiba ɔnɔ kakaa aʋa, lɛ ese linu si ɔnɔ kakaa abitɛ eboe zimizi i. 13Xe ableke biaaki ɔsã nɔ ɛ, eboe zimizi eze ní kelea mɛ. Pɔ̀ niklɔ gi ɔsã nɔ ɔma ɛ Aya óʋibú banɔ zimizi ba lipɔ ɔ. 14Pɔ̀ dɔni Adam lipoe le aʋa zɛɛkɔna ni Mose lipoe le e, kutseo kwiŋa banima petee aʋa a, banama gi bábitɛ eboe zimizi ŋwisi Adam kiniɛ gi ata Aya yɛ ɔsã nɔ ese kyɛ ɛ. Adam eze ɔnutɔ gi eyi ɔniliɛ gi atrába ɛ. 15Pɔ̀ ba tiaʋa bénu kidɔ tile e, lɛ ese linu si Aya yɛ bidɔkɔkɔ ʋɛ gi akɔ faã ɛ, bíma ŋwisi Adam yɛ liboe zimizi nɛ gi abitɛ ɛ. Lɛmɛ lidra si banɔ glegle betse kɔ kpɛ ɔnɔ tole liɛ klɔ yɛ eboe zimizi na. Pɔ̀ Aya yɛ lipomepɛpɛ nɛ likeme sanɔ kooko lɛ nite ke yɛ bidɔkɔkɔ ʋɛ gi akɔ faã ki banɔ glegle ba gani Yesu Kristo yɛ lipomepɛpɛ nɛ mɛ kyɛ bisrɛ ɛ. 16Lɛ lidzegaga lilɛ ní Aya yɛ bidɔkɔkɔ ʋɛ ni ɔnɔ tole yɛ eboe zimizi na kusi i, litsixwaxwa nɛ ligba eboe zimizi na ɛkpɛ ɛ; gi bebu ɔniliɛ klɔ ʋa lipɔ ɔ. Pɔ̀ lɛ klɔ ʋa kede e, ni eboe zimizi glegle kede e, Aya yɛ bidɔkɔkɔɛ ʋɛ gi kúgyeno e, biba gi bɛtsà litsi iiki blɔ si blɔ linɛ ligyɔ. 17Lilɛ lɛ mɛ si gani ɔnɔ tole yɛ liboe zimizi ne me e, kutseo kwikpese kaʋa kuŋa kɔkpɛ ɔnɔ tolee loso. Pɔ̀ lixwɛ nɛ gi ɔnɔ tolee Yesu Kristo awa ɛ, likeme sani kidiliɛ gi kiba kɛ mɛ kɔkpɛ ɔnɔ tolee yɛ eboe zimizi na ɛ. Kitɛ banɔ baklɔ petee gi bɛzi Aya yɛ lipomepɛpɛ srɛsrɛ ɛ, lɛ xe ba bede ʋa bɛgyɔ ɔ, biaŋa kukusi ní ligbã nɛ mɛ gani ɔnɔ tolee Yesu Kristo aʋa a.
18Lɛ klɔ loso ɛ; kiliɛ gi bebu banima petee lipɔ kɔkpɛ ɔnɔ tole eboe zimizi na loso e, niteme ke gani kidɔ gbã tile kubitɛɔ mɛ ɛ, Aya aki si banima petee bede ʋa bɛgyɔ xe aki ba ligbã́ a. 19Lɛ ŋwisi kiliɛ gi gani ɔnɔ tole yɛ kutumonumonu yo me e, banima petee bedzi banɔ zimizi i, nite ke kɔ gani ɔnɔ tole yɛ kutununu yo me e, Aya aaki si banima petee ba bede ʋa biagyɔ.
20Bɛkpɛ ɔsã nɔ tɔ eboe zimizi na aasrɛ apɔnɔ ɔ. Pɔ̀ gi eboe zimizi na ɛsrɛ ɛ, Aya yɛ lipomepɛpɛ nɛ kyɛ lisrɛ ɛsanɔ. 21Lɛ loso e, ŋwisi kiliɛ gi kuzimizi yo kwiŋa banima ligbã nɛ aʋa gani kutse me e, niteme ke Aya yɛ lipomepɛpɛ nɛ kyɛ liŋa aʋa gani kude gyɔgyɔ aʋa gi kwigbani blɔ ɛtsinɔ ní ligbã moblo le me gani Yesu Kristo blɔ Ɔkaɛ aʋa a.
Currently Selected:
Roma 5: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Roma 5
5
Aya aki kusuyɔ ni isami
1Abla gi Aya azɛ blɔ gani kuziŋaa mɛ si blɔ bede ʋa bɛgyɔ ɛ, kwimɔ kusuyɔ ni Aya gani blɔ Ɔkaɛ Yesu Kristo aʋa. 2Amani blɔ gani kuziŋaa mɛ gi kwimɔ kudeonu ni Aya yɛ lipomepɛpɛ nɛ mɛ gi kulɛ abla ɛ. Lɛ kwimɔ isami ní kudeonudidi uliɔ gi kulɛ blɔ awla a, si kwimɔ libi ní Aya yɛ kusudra mɛ. 3Aní lɛ tètè, kwimɔ isami ní blɔ baxixa ʋa mɛ, lɛ ese linu si kwite si baxixa ʋa bizɛɛmani igyidodo, 4igyidodo izɛmani kizeze me gbã; lɛ kizeze me gbã kizɛki kudeonudidi i. 5Lɛ kudeonudidi uliɔ ya kuʋíbu ɔna ní blɔ lipo o, lɛ ese linu si Aya yɛ akɔ yɛ kunɔlɔɔ akpɛ ní blɔ ina nɛ mɛ gani Ɔfuɛfuɛ Dradra lɔ gi onu Aya yɛ bidɔkɔkɔ ʋɛ mɛ ɛ.
6Lipoe lɛ gi kibitɛ kíze ní blɔ su i, Kristo etse aki banama gi béte Aya a ní lipoe lɛ gi Aya akya aʋa a. 7Linu liboe gagla si ɔnɔ otse ní ɔnɔ gi ɔlɛ ní kude gyɔgyɔ aʋa ɛ litukpo. Lɛ ƒaã xe ɔnɔ aasi si yitse ní ɔnɔ gbã litukpo o. 8Pɔ̀ Aya ebu abasɛ blɔ kiliɛ gbɛgbɛ gi alɔ blɔ ɛ, lɛ ese linu si lipoe lɛ gi kwize banɔ zimizi i, Kristo etse aki blɔ. 9Abla gi bebu blo egani yɛ ika lɛ mɛ ɛ, kitɛ gbɛgbɛ liaze xe yɛ kutseo kwiabu blo dɔni Aya yɛ kusuyeʋio me gani yɛ mɛ ɛ! 10Kɔlɔ gi kwize Aya yɛ ahwafianɛ ma a, xe Aya edzini blɔ ni yɛ akpɛ likpɔ, gani Yebi ye yɛ kutseo me e, lɛ abla gi Aya alulɔ blɔ ni yɛ kusi i, kitɛ gbɛgbɛ, ɔ́traki blɔ ligbã́ gani Kristo yɛ ligba nɛ mɛ ɛ! 11Pɔ̀ aní lɛ odukɔ lɔ klɔ ɔ, kɔpɔnɔ ɛ, kuzɛmɔ isami kɔkpɛ kidiliɛ gi Aya abitɛ ɛ, gani blɔ Ɔkaɛ Yesu Kristo me, gi abla ɛ, Aya akpɛ blɔ ni yɛ likpɔ.
Gani Adam aʋa ɛ, kutseo kwiba, pɔ̀ gani Yesu aʋa ɛ, ligbã́ nɛ liba
12Eboe zimizi na ɛba kelea mɛ ɛ, gani ɔnɔ tole aʋa a, lɛ yɛ eboe zimizi na ɛmani kutse e, gani lɛ mɛ ɛ, kutseo kwiba ɔnɔ kakaa aʋa, lɛ ese linu si ɔnɔ kakaa abitɛ eboe zimizi i. 13Xe ableke biaaki ɔsã nɔ ɛ, eboe zimizi eze ní kelea mɛ. Pɔ̀ niklɔ gi ɔsã nɔ ɔma ɛ Aya óʋibú banɔ zimizi ba lipɔ ɔ. 14Pɔ̀ dɔni Adam lipoe le aʋa zɛɛkɔna ni Mose lipoe le e, kutseo kwiŋa banima petee aʋa a, banama gi bábitɛ eboe zimizi ŋwisi Adam kiniɛ gi ata Aya yɛ ɔsã nɔ ese kyɛ ɛ. Adam eze ɔnutɔ gi eyi ɔniliɛ gi atrába ɛ. 15Pɔ̀ ba tiaʋa bénu kidɔ tile e, lɛ ese linu si Aya yɛ bidɔkɔkɔ ʋɛ gi akɔ faã ɛ, bíma ŋwisi Adam yɛ liboe zimizi nɛ gi abitɛ ɛ. Lɛmɛ lidra si banɔ glegle betse kɔ kpɛ ɔnɔ tole liɛ klɔ yɛ eboe zimizi na. Pɔ̀ Aya yɛ lipomepɛpɛ nɛ likeme sanɔ kooko lɛ nite ke yɛ bidɔkɔkɔ ʋɛ gi akɔ faã ki banɔ glegle ba gani Yesu Kristo yɛ lipomepɛpɛ nɛ mɛ kyɛ bisrɛ ɛ. 16Lɛ lidzegaga lilɛ ní Aya yɛ bidɔkɔkɔ ʋɛ ni ɔnɔ tole yɛ eboe zimizi na kusi i, litsixwaxwa nɛ ligba eboe zimizi na ɛkpɛ ɛ; gi bebu ɔniliɛ klɔ ʋa lipɔ ɔ. Pɔ̀ lɛ klɔ ʋa kede e, ni eboe zimizi glegle kede e, Aya yɛ bidɔkɔkɔɛ ʋɛ gi kúgyeno e, biba gi bɛtsà litsi iiki blɔ si blɔ linɛ ligyɔ. 17Lilɛ lɛ mɛ si gani ɔnɔ tole yɛ liboe zimizi ne me e, kutseo kwikpese kaʋa kuŋa kɔkpɛ ɔnɔ tolee loso. Pɔ̀ lixwɛ nɛ gi ɔnɔ tolee Yesu Kristo awa ɛ, likeme sani kidiliɛ gi kiba kɛ mɛ kɔkpɛ ɔnɔ tolee yɛ eboe zimizi na ɛ. Kitɛ banɔ baklɔ petee gi bɛzi Aya yɛ lipomepɛpɛ srɛsrɛ ɛ, lɛ xe ba bede ʋa bɛgyɔ ɔ, biaŋa kukusi ní ligbã nɛ mɛ gani ɔnɔ tolee Yesu Kristo aʋa a.
18Lɛ klɔ loso ɛ; kiliɛ gi bebu banima petee lipɔ kɔkpɛ ɔnɔ tole eboe zimizi na loso e, niteme ke gani kidɔ gbã tile kubitɛɔ mɛ ɛ, Aya aki si banima petee bede ʋa bɛgyɔ xe aki ba ligbã́ a. 19Lɛ ŋwisi kiliɛ gi gani ɔnɔ tole yɛ kutumonumonu yo me e, banima petee bedzi banɔ zimizi i, nite ke kɔ gani ɔnɔ tole yɛ kutununu yo me e, Aya aaki si banima petee ba bede ʋa biagyɔ.
20Bɛkpɛ ɔsã nɔ tɔ eboe zimizi na aasrɛ apɔnɔ ɔ. Pɔ̀ gi eboe zimizi na ɛsrɛ ɛ, Aya yɛ lipomepɛpɛ nɛ kyɛ lisrɛ ɛsanɔ. 21Lɛ loso e, ŋwisi kiliɛ gi kuzimizi yo kwiŋa banima ligbã nɛ aʋa gani kutse me e, niteme ke Aya yɛ lipomepɛpɛ nɛ kyɛ liŋa aʋa gani kude gyɔgyɔ aʋa gi kwigbani blɔ ɛtsinɔ ní ligbã moblo le me gani Yesu Kristo blɔ Ɔkaɛ aʋa a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc