Roma 4
4
Abraham yɛ kuziŋaa kunu liŋwitsɛ ɛ
1Liboe woli kwiapani dzɛ ɛ?, Abraham gi onu blɔ Ɔka tsitsi ye e, liboe woli amɔ xe ete ni liboe lɛ ya su i? 2Atɛsi yɛ eboe gbã kubitɛ mɛ Aya amɔ yɛ si yɛ bede bɛgyɔ ɛ, nya liboe lilɛ yɛ awla gi lɛ aʋa aafeke isu i; pɔ̀ aní Aya aŋu mɛ ɛ. 3Lɛ ese linu si Aya liboe le lipani si, “Abraham azɛ Aya aʋa aŋa, lɛ kɔkpɛ yɛ kuziŋaa loso e, Aya azɛ yɛ ŋwisi ɔnɔ gi yɛ kude kwigyɔ ɛ.”
4Ɔxwɛwa bizɛɛtsa liʋɛ ɛkɔ, ɔ́trakɔ lɛ ŋwisi bidɔ kɔkɔ binu u; boŋu i, binu liʋɛ gi bɛtsa ɛki yɛ ɛ. 5Pɔ̀ banama gi bɛkɔ ba aŋu na ɛtrɔ ní kuziŋaa aʋa a, gi aní ba axwɛwawa la aʋa a, xe bɛzi Aya a gi yɛ izɛɛtsà litsi gyɔgyɔ ɛki banima ɛ, kuziŋa liɔ ya su axwɛ Aya izɛwa, xe izɛmɔ banɔ ba klɔ si ba linɛ ligyɔ ɔ. 6Liboe lɛ ya su Dawid apani gi apani ní isami i nɛ gi ɔnɔ izɛmɔ su u, xe Aya azɛ yɛ si yɛ bede ʋa bɛgyɔ ɔ, gi Aya ódi yɛ axwɛ ana gi awa kyɛ ɛ: 7Dawid apani si
“Isami iaku banama gi bɛkɔ ba kesetataa ɛkyɛ ba a,
isami iaku banama gi bɛkɔ bidɔ ewe ba eboe zimizi na ɛ.
8Ɔsamì nɛ onu ɔniliɛ klɔ
gi Ɔkaɛ ɔ́trabu akɔnta ní yɛ kesetataa su u!”
9Isami inɛ su gi Dawid apani i, inu banama tètè gi bɛtsa ɔyaʋi ba inɛ na a? Kura! Ilɛ ɛki banama gi bátsa iyaʋi kɔ kyɛ ɛ. Kwipani si, Abraham azɛ Aya aʋa aŋa, lɛ gani yɛ kuziŋaa mɛ ɛ, Aya azɛ yɛ ŋwisi ɔnɔ gi yɛ bede ʋa bɛgyɔ ɔ. 10Lipoe woli liboe lɛ ya liba lɛ mɛ ɛ? Liba ɛkpɛ ɔtɔ ɛki yɛ ɔyaʋi tsatsa lɔ loo lɛ kede na a? Liba ɛkpɛ ɔtɔ aní lɛ kede e. 11Aga ɔyaʋi tsatsa lɔ mɛ ní lɛ kede, lɛ yɛ ɔyaʋi tsatsa lɔ ligoʋi le lize gyesi gi abasɛ si kɔkpɛ yɛ kuziŋa loso e, Aya azɛ yɛ ŋwisi ɔnɔ gi yɛ bede ʋa bɛgyɔ ɔ, xe ableke aga ɔyaʋi tsatsa lɔ mɛ ɛ. Lɛ loso Abraham yɛ onu Ɔfuɛfuɛ nɔ mɛ Ɔka ki banama pɔ̀ gi bɛzi Aya aʋa ɛɛŋa a, lɛ bɛzi ba ŋwisi banɔ gi ba bede ʋa bɛgyɔ gani yɛ aʋa a, banama gi bága ɔyaʋi tsatsa lɔ mɛ fɛ ɛ. 12Yɛ ke onu Ɔka ɔki banama gi bɛga ɔyaʋi tsatsa lɔ mɛ ɛ, lɛ linu si kɔpɔni banama gi bɛga ɔyaʋi tsatsa lɔ mɛ ɛ, xe balɛ ní kuziŋa tuleo liɔ klɔ mɛ ɛ, gi blɔ ɔkaɛ Abraham eze e, xe ableke aga ɔyaʋi tsatsa lɔ mɛ ɛ.
Abraham azɛ aya yɛ kakaplɛa gani kuziŋaa mɛ
13Gi Aya aka aplɛ aki Abraham ni yɛ besoebi ba si kelea mɛ kiadzi ba kaŋase e, abitɛ lɛ nite, aní gi Abraham aga ní Ɔsã nɔ aʋa loso o, pɔ̀ gani kude gyɔgyɔ liɔ gi kuzɛɛba gani kuziŋaa mɛ loso o. 14Xegi banama gi bizɛga ni ɔsã nɔ aʋa ba bizɛzɛ kaŋasea ɛ, kɔlɔ kuziŋaa kúnu kididɔ ɔ, lɛ Aya yɛ kakaplɛa kébu libi tɔtɔ ɔ. 15Lɛ ese linu si Ɔsã nɔ izɛɛmani Aya yɛ kusuyeʋio; pɔ̀ niklɔ gi Ɔsã nɔ ɔma ɛ, ɔsã nɔ ese kutata tɔtɔ kyɛ kúma a.
16Lɛ loso Aya yɛ kakaplɛa, bɛtrɔ ka ní kuziŋaa aʋa, tɔ kakaplɛa keze liklatrɔtrɔ ŋwisi Aya yɛ lipomepɛpɛ nɛ bidɔkɔkɔ faã ki Abraham yɛ besoebi ba petee aní ki banɔ baklɔ gi bizɛɛga ní Ɔsã nɔ aʋa a, pɔ̀ ki banɔ baklɔ fɛ gi bɛziŋa ŋwisi Abraham kinɛ ɛ. Lɛ ese linu si Abraham yɛ onu ɔka ki blɔ petee; 17ŋwisi kiliɛ gi bɛŋwlimi kpɛ ní Aya yɛ liboe le me si, “Mabitɛ wɔ ɔka aki amade glegle.” Yɛ onu blɔ ɔka ní Aya aŋu mɛ, gi yɛ aʋa Abraham azɛ aŋa ɛ, Aya gi yɛ kigaglaɛ kizɛɛki bekpo ba bizeedzi ligbã́ nɛ ɛ, lɛ yɛ izɛɛki si kidɔ gi kíze edi i, si kiba kɛ mɛ.
18Abraham azɛ aŋa lɛ edi kudeonu, gi nya liboeboe líze e, gi liaki kudeonudidi uliɔ klɔ ɔ, gani lɛ mɛ ɛ, lɛ edzì “ɔka aki amade glegle e.” Ŋwisi kiliɛ gi bɛsi yɛ si “nite wɔ besoebi ba kyɛ biasrɛ ɛ.” 19Abraham azɛ agɔ alafa tole kloe; pɔ̀ gi egyo yɛ kisugyaɛ edi i, ɔnà odo yɛ lipo o, gi amɔ si yɛ ana kutsedeo onu fɛ ɛ, aloo ní lɛ mɛ si Sarai adɔ kubipɔ ede aza kyɛ ɛ. 20Pɔ̀ ɔna ódo yɛ lipo o, boŋu i, evu Aya yɛ kakaplɛa mɛ gaglaa; lɛ yɛ kuziŋaa kwiki yɛ kigagla, lɛ aki Aya kukpɔ̀kpɔ̀ ɔ. 21Aka ní lɛ aʋa mɔmɔmɔ si kigagla kilɛ Aya awla gi aabitɛ kidiliɛ gi aka aplɛ ɛ. 22Lɛ loso “Aya azɛ Abraham gani yɛ kuziŋaa mɛ si onu ɔnɔ gi yɛ bede ʋa bɛgyɔ ɔ.” 23Eboe la gi ɛpani si i, “bɛzi yɛ” ŋwisi ɔnɔ gi yɛ bede ʋa bɛgyɔ ɛ báŋwlimi na aki yɛ tètè e. 24Pɔ́ bɛŋwlimi na ɛki blɔ banama kyɛ gi biazɛ ŋwisi banɔ gi ba bede ʋa bɛgyɔ ɛ, gi kwizi yɛ aʋa ɛɛŋa ɛ, ɔniliɛ gi ayɔ ni blɔ Ɔkaɛ Yesu adɔ ni bekpo ʋa mɛ ɛ. 25Kɔkpɛ blɔ eboe zimizi na loso e, Aya ayurɔ yɛ akɔ si otse, lɛ Aya ayɔni yɛ tɔ ɔlulɔ blɔ ni Aya kusi i.
Currently Selected:
Roma 4: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Roma 4
4
Abraham yɛ kuziŋaa kunu liŋwitsɛ ɛ
1Liboe woli kwiapani dzɛ ɛ?, Abraham gi onu blɔ Ɔka tsitsi ye e, liboe woli amɔ xe ete ni liboe lɛ ya su i? 2Atɛsi yɛ eboe gbã kubitɛ mɛ Aya amɔ yɛ si yɛ bede bɛgyɔ ɛ, nya liboe lilɛ yɛ awla gi lɛ aʋa aafeke isu i; pɔ̀ aní Aya aŋu mɛ ɛ. 3Lɛ ese linu si Aya liboe le lipani si, “Abraham azɛ Aya aʋa aŋa, lɛ kɔkpɛ yɛ kuziŋaa loso e, Aya azɛ yɛ ŋwisi ɔnɔ gi yɛ kude kwigyɔ ɛ.”
4Ɔxwɛwa bizɛɛtsa liʋɛ ɛkɔ, ɔ́trakɔ lɛ ŋwisi bidɔ kɔkɔ binu u; boŋu i, binu liʋɛ gi bɛtsa ɛki yɛ ɛ. 5Pɔ̀ banama gi bɛkɔ ba aŋu na ɛtrɔ ní kuziŋaa aʋa a, gi aní ba axwɛwawa la aʋa a, xe bɛzi Aya a gi yɛ izɛɛtsà litsi gyɔgyɔ ɛki banima ɛ, kuziŋa liɔ ya su axwɛ Aya izɛwa, xe izɛmɔ banɔ ba klɔ si ba linɛ ligyɔ ɔ. 6Liboe lɛ ya su Dawid apani gi apani ní isami i nɛ gi ɔnɔ izɛmɔ su u, xe Aya azɛ yɛ si yɛ bede ʋa bɛgyɔ ɔ, gi Aya ódi yɛ axwɛ ana gi awa kyɛ ɛ: 7Dawid apani si
“Isami iaku banama gi bɛkɔ ba kesetataa ɛkyɛ ba a,
isami iaku banama gi bɛkɔ bidɔ ewe ba eboe zimizi na ɛ.
8Ɔsamì nɛ onu ɔniliɛ klɔ
gi Ɔkaɛ ɔ́trabu akɔnta ní yɛ kesetataa su u!”
9Isami inɛ su gi Dawid apani i, inu banama tètè gi bɛtsa ɔyaʋi ba inɛ na a? Kura! Ilɛ ɛki banama gi bátsa iyaʋi kɔ kyɛ ɛ. Kwipani si, Abraham azɛ Aya aʋa aŋa, lɛ gani yɛ kuziŋaa mɛ ɛ, Aya azɛ yɛ ŋwisi ɔnɔ gi yɛ bede ʋa bɛgyɔ ɔ. 10Lipoe woli liboe lɛ ya liba lɛ mɛ ɛ? Liba ɛkpɛ ɔtɔ ɛki yɛ ɔyaʋi tsatsa lɔ loo lɛ kede na a? Liba ɛkpɛ ɔtɔ aní lɛ kede e. 11Aga ɔyaʋi tsatsa lɔ mɛ ní lɛ kede, lɛ yɛ ɔyaʋi tsatsa lɔ ligoʋi le lize gyesi gi abasɛ si kɔkpɛ yɛ kuziŋa loso e, Aya azɛ yɛ ŋwisi ɔnɔ gi yɛ bede ʋa bɛgyɔ ɔ, xe ableke aga ɔyaʋi tsatsa lɔ mɛ ɛ. Lɛ loso Abraham yɛ onu Ɔfuɛfuɛ nɔ mɛ Ɔka ki banama pɔ̀ gi bɛzi Aya aʋa ɛɛŋa a, lɛ bɛzi ba ŋwisi banɔ gi ba bede ʋa bɛgyɔ gani yɛ aʋa a, banama gi bága ɔyaʋi tsatsa lɔ mɛ fɛ ɛ. 12Yɛ ke onu Ɔka ɔki banama gi bɛga ɔyaʋi tsatsa lɔ mɛ ɛ, lɛ linu si kɔpɔni banama gi bɛga ɔyaʋi tsatsa lɔ mɛ ɛ, xe balɛ ní kuziŋa tuleo liɔ klɔ mɛ ɛ, gi blɔ ɔkaɛ Abraham eze e, xe ableke aga ɔyaʋi tsatsa lɔ mɛ ɛ.
Abraham azɛ aya yɛ kakaplɛa gani kuziŋaa mɛ
13Gi Aya aka aplɛ aki Abraham ni yɛ besoebi ba si kelea mɛ kiadzi ba kaŋase e, abitɛ lɛ nite, aní gi Abraham aga ní Ɔsã nɔ aʋa loso o, pɔ̀ gani kude gyɔgyɔ liɔ gi kuzɛɛba gani kuziŋaa mɛ loso o. 14Xegi banama gi bizɛga ni ɔsã nɔ aʋa ba bizɛzɛ kaŋasea ɛ, kɔlɔ kuziŋaa kúnu kididɔ ɔ, lɛ Aya yɛ kakaplɛa kébu libi tɔtɔ ɔ. 15Lɛ ese linu si Ɔsã nɔ izɛɛmani Aya yɛ kusuyeʋio; pɔ̀ niklɔ gi Ɔsã nɔ ɔma ɛ, ɔsã nɔ ese kutata tɔtɔ kyɛ kúma a.
16Lɛ loso Aya yɛ kakaplɛa, bɛtrɔ ka ní kuziŋaa aʋa, tɔ kakaplɛa keze liklatrɔtrɔ ŋwisi Aya yɛ lipomepɛpɛ nɛ bidɔkɔkɔ faã ki Abraham yɛ besoebi ba petee aní ki banɔ baklɔ gi bizɛɛga ní Ɔsã nɔ aʋa a, pɔ̀ ki banɔ baklɔ fɛ gi bɛziŋa ŋwisi Abraham kinɛ ɛ. Lɛ ese linu si Abraham yɛ onu ɔka ki blɔ petee; 17ŋwisi kiliɛ gi bɛŋwlimi kpɛ ní Aya yɛ liboe le me si, “Mabitɛ wɔ ɔka aki amade glegle.” Yɛ onu blɔ ɔka ní Aya aŋu mɛ, gi yɛ aʋa Abraham azɛ aŋa ɛ, Aya gi yɛ kigaglaɛ kizɛɛki bekpo ba bizeedzi ligbã́ nɛ ɛ, lɛ yɛ izɛɛki si kidɔ gi kíze edi i, si kiba kɛ mɛ.
18Abraham azɛ aŋa lɛ edi kudeonu, gi nya liboeboe líze e, gi liaki kudeonudidi uliɔ klɔ ɔ, gani lɛ mɛ ɛ, lɛ edzì “ɔka aki amade glegle e.” Ŋwisi kiliɛ gi bɛsi yɛ si “nite wɔ besoebi ba kyɛ biasrɛ ɛ.” 19Abraham azɛ agɔ alafa tole kloe; pɔ̀ gi egyo yɛ kisugyaɛ edi i, ɔnà odo yɛ lipo o, gi amɔ si yɛ ana kutsedeo onu fɛ ɛ, aloo ní lɛ mɛ si Sarai adɔ kubipɔ ede aza kyɛ ɛ. 20Pɔ̀ ɔna ódo yɛ lipo o, boŋu i, evu Aya yɛ kakaplɛa mɛ gaglaa; lɛ yɛ kuziŋaa kwiki yɛ kigagla, lɛ aki Aya kukpɔ̀kpɔ̀ ɔ. 21Aka ní lɛ aʋa mɔmɔmɔ si kigagla kilɛ Aya awla gi aabitɛ kidiliɛ gi aka aplɛ ɛ. 22Lɛ loso “Aya azɛ Abraham gani yɛ kuziŋaa mɛ si onu ɔnɔ gi yɛ bede ʋa bɛgyɔ ɔ.” 23Eboe la gi ɛpani si i, “bɛzi yɛ” ŋwisi ɔnɔ gi yɛ bede ʋa bɛgyɔ ɛ báŋwlimi na aki yɛ tètè e. 24Pɔ́ bɛŋwlimi na ɛki blɔ banama kyɛ gi biazɛ ŋwisi banɔ gi ba bede ʋa bɛgyɔ ɛ, gi kwizi yɛ aʋa ɛɛŋa ɛ, ɔniliɛ gi ayɔ ni blɔ Ɔkaɛ Yesu adɔ ni bekpo ʋa mɛ ɛ. 25Kɔkpɛ blɔ eboe zimizi na loso e, Aya ayurɔ yɛ akɔ si otse, lɛ Aya ayɔni yɛ tɔ ɔlulɔ blɔ ni Aya kusi i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc