Axwɛ 27
27
Bɛtsini Paulo ni Roma
1Agi bɛtrɔ lɛ si kwiaku onitsahu lo etrɛ ní Italia ɛ, bɛkɔ Paulo ni banɔ dzedze gi beze ligba lɛ, kpɛ awla ki Yulio, gi onu ɔka ní Roma baguta ba kusi i, gi bɛzɛxwa si i, “Roma Kesea Okusi ye yɛ baguta ba ɔha lɔ.” 2Kwiku onitsahu lo edɔni Adramitio axu la kutu gi bɛzɛɛtrɛ ní Asia kuseo me e. Aristarxo gi ádɔ Tesalonika a, gi ònu ɔma ní Makedonia ɛ, apɔni blɔ.
3Gi kelea kɛti i, kwizeku Sidon axu la kutu. Yulio apɛ lipo me aki Paulo lɛ loso aki yɛ kudeo si ɔzeedi yɛ baʋia ba, atɔ baki yɛ yɛ bidɔ ziazia ʋɛ ɛ. 4Kwisɛ níklɔ, lɛ gi liwɔ lɛ liyɔ kedu ní blɔ su i, kwikyi klani Kipro kunisi yo kesea niklɔ gi liwɔ lɛ onu li bubɔ taʋɛ ɛ. 5Kwitsa Kilikia ani Pamfilia axu la lɛ kwiba Mira ní Likia ɛ. 6Niklɔ baguta ba ɔkaɛ amɔ onitsahu lo gi ɛdɔ Aleksandria a, xe ɛzɛɛtrɛ ní Italia ɛ, lɛ aki kwiku lo e.
7Kwiga kuni yo aʋa blewu ewe glegle lɛ ní kupèpè glegle kede e, kwizeku Knido ɔma nɔ mɛ. Liwɔ lɛ onu lize gagla si kútani ɔtɔ kutrɛ ní kudeo liɔ klɔ aʋa tɔ ɔ, lɛ loso kwiga axu la kutu ní Kreta kunisi yo kesea aʋa, riɖiɖi kwidɔ Salmone ɛza. 8Kwize ní axu la aʋa gi kwitipɔni kesea lɛ nì kupèpè zizi kwiba eku ɔkutɔ gi bɛxwa si i, “Ɔyakɔ Gbã ki initsahu le” gi ódze ní Lasea ɔma nɔ su u.
9Kwize níklɔ ewe glegle lɛ axu la aʋa kude gaga kwiku lifu itrɔ, lɛ ese linu si liwe lɛ gi bizɛnya onugu lo ɛki eboe zimizi na kukɔkyɛ fɛ liza kooko, lɛ loso Paulo akpɛ kiɖaŋui liɛ ya aki ba si, 10“Benyime, mamɔ si blɔ kude gaga dɔni ní ya kɔtsinɔ ɛ kwitrazee gagla ɛpɔnɔ; bidɔ glegle biazizi aní adɔtu la tètè pɔ̀ onitsahu lo kyɛ ɛ, lɛ banima kyɛ biatse e.” 11Pɔ̀ baguta ba ɔkaɛ ɔ́zɛ Paulo liboe le, boŋu i, eboa la gi ohu lo me baxwɛwa ba ɔkaɛ ni ohu lo onete bɛpani i, eku ye aŋu i sanɔ ɔ. 12Gi ohu lo ɔyakɔ lɔ gi beze ɔ́pɛ gi biaze ní kublɔ lipoe le loso e, ohu lo me banima kapɛ ʋidi a kɛkpɛ lɛ manɔ si kusɛ ni kugyodi si kwiiku Foinike tɔ kwiaze níklɔ kublɔ lipoe le. Foinike onu initsahu ɔyakɔ ní Kreta gi ekyi aŋu mɛ kpɛ keweku ya a.
Liwɔ gagla lifu ní axu la aʋa
13Liwɔ bɔlɔɛtɔ tɔ likpese kufu dɔni kaala ɔza lɔ lɛ banima begyodi si kidiliɛ gi bɛpɛ ɛ, kɛ kiba kɛ mɛ. Lɛ loso behe igbé nɛ gi ivu onitsahu lo emuno lɛ ohu lo ɛkpaʋi i, pɔ̀ eze ní Kreta kesea su u. 14Lídze xe liwɔ gagla ɛtɔ ɔ gi bizɛxwa si, “Kewetu ya kaʋetu ya ɛ.”#27:14 Kewetu ya ɛ ka kenu liwo le otu klɔ kaʋa kenu ka kalɛ ni kewetu ya kaʋa me xegi wokyi wɔ aŋu na mɛ ɔkpɛ liwo le otu klɔ. likpese kufu dɔni Kreta kesea aʋa. 15Liwɔ lɛ lizɛhali onitsahu lo, lɛ gi líze liboe plɔplɔ si bekyi onitsahu lo akpɛ liwɔ lɛ mɛ tɔ ɛ, kwiyurɔ lɔ tɔ liwɔ lɛ lifu lo etsinɔ níklɔ gi lipɛ ɛ. 16Lipoe lɛ gi kwina kunisi yo keseatɔ gi bizɛxwa si Klauda ka kaletu ya ɛ, gi liwɔ lɛ onu lika ɛyɔ taʋɛ ɛ, niklɔ bekeni edi ni kupepe xe kwitani onitsahu lo katapokpaa kunya a. 17Behe katapokpaa ɛkpɛ ní onitsahu lo me, lɛ bɛkɔ igbé ne enya klani onitsahu lo e. Bezese lifu si liwɔ lɛ liafu ohu lo zɛkpɛ siklami sɛ mɛ ní Libia axuta la, lɛ loso bepleni ohu lo basa ʋa tɔ liwɔ lɛ ligbani ohu lo kiliɛ gi lipɛ ɛ. 18Liwɔ gagla lɛ lizeefu dzɛ, lɛ loso keletitia mɛ ɛ, bekpese ohu lo me adɔtu la kuŋwia kpɛ ní axu la mɛ. 19Ní liwe tanɛ nɛ aʋa ɛ, bɛta ohu lo me bixwɛwadɔ mɛ bitɔ ɛŋwia ɛkpɛ ní axu la mɛ. 20Kɔki ewe glegle e, kúmɔ liwo le loo badzidziebi ʋa, lɛ liwɔ lɛ lizeefu gagla niteme si gɔgɔ ɛ, kwilila kudeonudidi si blɔ mɛ ɔtɔ agɔ ligbã́.
21Agi banima bamɔ lipoe ŋa bidɔ lipoe gblamadza ɛ, Paulo ayɔ ɔlɛɛ ní banima aŋu mɛ lɛ apani si, “Benyime, nya mlegbe mɛ liboe le kunu si kukísɛ ní Kreta a. Nya eboa la ya ni bidɔzizi bɛ ya ni bidɔlilalila bɛ ya ʋa bítraba ba mlɔ aʋa a. 22Pɔ́ abla ɛ, maki mlɔ litukpo si mlevu ɔna! Ɔnɔnɔ ɔ́tratse ní blɔ kusi i; onitsahu lo ko aayaʋi i. 23Kivoe elesi la ɛ, Aya gi yɛ ɔnɛ menu i, gi yɛ mizeesumu i, yɛ ɔxwɛdzɛɛ aba mɔ klɔ 24lɛ apani si, ‘Paulo! Wukíse lifu u, Wɔtralɛɛ ní Kaisaro aŋu mɛ. Lɛ ní Aya yɛ lipomepɛpɛ nɛ kiwɔ onu i, ebu banama pɔ́ gi bɛɛga kudeo pɔni wɔ ɛ, ba agbã́ na.’ 25Lɛ loso, mlevu ɔna mɛ benemi ba! Lɛ ese linu si mazi Aya aʋa ŋa si litraze kiliɛ ɖi gi asi mɛ ɛ. 26Pɔ̀ liwɔ lɛ litrabu blo eplɛ plɛ ní kunisi yo keseatɔ aʋa a.”
27Liwe liɔfɔ ni onee yɛ elesi la ɛ, liwɔ lɛ lize lɛ aʋa zefu blo eza nɔ ní Adria axu la aʋa. Lɛ elesi la tetsu i, ohu lo me baxwɛwa ba bɛmɔ egyesi si kwiti pɔni keseatɔ. 28Gi bɛta ogbe gi bɛka bidɔ zegbezegbe bitɔ ní lɔ onu i, bɛkla kuklikpɔ alafa ni avitaʋa ki kuni yo kidzudzu ye; lipoetɔ kede gi bɛta ogbe no dzɛ ɛ, kɔ kidzudzu yo kwize kuklikpɔ avi ɔgɔtole. 29Lɛ gi bezese lifu si onitsahu lo iihali aklakpɔ loso e, bepleni igbé tine gi bɛka bala ʋidi lɛ onu i, ní ohu lo kedea lɛ bɛxwa Aya si kelea kati i. 30Lɛ ohu lo me baxwɛwa ba bɛpɛ si beese ni ohu lo su u, bepleni katapokpaa ɛkpɛ ní kuni yo me lɛ bɛkpɛ imɔ nɛ si bɛtrɛ ɛ pleni igbé ne ní ohu lo ɔtɔ nɔ kyɛ. 31Pɔ̀ Paulo asi baguta ba ɔkaɛ ni baguta ba si, “Xe ohu lo baxwɛwa ba báma ní ohu lo me e, mlatrátani kubúbú kumɔ ɔ.” 32Lɛ baguta ba bɛtsa igbé nɛ gi ivu katapokpaa a, xe kɛwɔli eku ní kuni yo me e. 33Olezatɔ nɔ ɛ, Paulo aki ba pɔ́ litukpo si bapɛ kiditɔ aŋa a. “Lɛ ese linu si ewe liɔfɔ ni tene la ya gi mlɔ ina ídɔ ɔ, lɛ mlaʋíŋa kididɔ ɔ. 34Mɛɛki mlɔ litukpo, mlaŋa kiditɔ; mlɛzia kiŋaŋaɛ tɔ mlakítse. Mlɔ kuya tule fɛ kutralila a.” 35Gi apani nite pɔ́ ɛ, Paulo akɔ lìklã ɛtɔ, edo Aya ɖase ní ba pɔ́ aŋu mɛ, lɛ ayaʋi lɛ xe ekpese aklã na kuta ɛ. 36Lɛ ɔna eku ba lipo o, xe ba pɔ́ bɛŋa kiditɔ ɛ. 37Lɛ banima pɔ́ gi beze ní ohu lo me e, ba kisrɛsrɛ mɛ kize alafa tiaʋa ni avi tegloele ni tieglo. 38Agi ɔnɔ kakaa aŋa bidɔ xe eke e, bɛŋwia kiŋaŋa gɔgɔɛ pɔ́ ɛkpɛ ní axu la mɛ tɔ ohu zizi nɔ odzi fotsofotso.
Onitsahu lo ɛyaʋi
39Agi kanɔa mɛ kɛdra ɛ, ohu lo me baxwɛwa ba bámɔ kesea egyesi pɔ̀ bɛmɔ kuni yo kutu itsisi ŋwisi ohu ɔyakɔ lɛ bɛtrɔ lɛ si xe liapɛ ɛ, biaseni onitsahu lo kpɛ ní siklami sɛ mɛ niklɔ ɔ. 40Lɛ bɛtsa igbé ne gi bɛka bala ʋa ni lɛ onu gi bizɛ kɔ ɛtɔ initsahu le petee lɛ bɛyurɔ lɛ ɛkpɛ ní axu la mɛ ɛ, ní lipoe lɛ klɔ mɛ ke e, beble igbé nɛ gi lɛ ivu akufa ba a, gi bɛkɔ ɛgyɔ ohu lo e. Lɛ bemuni ohu lo basa ʋa ní ɔtɔ nɔ atɔ liwɔ lɛ lifu onitsahu lo atsini ɔtɔ nɔ, lɛ kwibu aŋu mɛ ɛkpɛ ní kuni yo kutu i. 41Pɔ̀ onitsahu lo ɛzɛɛhali siklami sɛ ní kuni yo me, lɛ ɛwɔ niklɔ ɛ; ohu lo ɔtɔ nɔ ewɔ kuni yo me gi ɔ́tani kuga tɔ ɔ, lɛ lɔ kedea kapɛa kɛzɛɛyaʋi kukpe kukpe ní axu la abla la kuwawa onu u. 42Lɛ baguta ba begyodi si biaye banama petee gi bɛkpɛ ligba ɛ, tɔ bakímɔ kudeo onu tɔ biase xegi bewlo etrɛ ní oge no o. 43Pɔ̀ baguta ba ɔkaɛ apɛ si yibu Paulo ligbã́ nɛ ɛ, lɛ loso ɔ́dimɛ ní lɛ aʋa a. Boŋu i, akpɛ ɔsã aki banama gi biatani kuwlo si bayɔ eku kuni yo me kpɛ ɔtɔ tɔ bewlo atrɛ oge no; 44banɔ gɔgɔ ba pɔ̀ ɛ, bekuni ba kude, ní kusepɛɔ loo ohu lo kupɛɔ aʋa. Nite lize xe blɔ petee kwiba eku oge no o xe ɔnɔnɔ otse e.
Currently Selected:
Axwɛ 27: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 27
27
Bɛtsini Paulo ni Roma
1Agi bɛtrɔ lɛ si kwiaku onitsahu lo etrɛ ní Italia ɛ, bɛkɔ Paulo ni banɔ dzedze gi beze ligba lɛ, kpɛ awla ki Yulio, gi onu ɔka ní Roma baguta ba kusi i, gi bɛzɛxwa si i, “Roma Kesea Okusi ye yɛ baguta ba ɔha lɔ.” 2Kwiku onitsahu lo edɔni Adramitio axu la kutu gi bɛzɛɛtrɛ ní Asia kuseo me e. Aristarxo gi ádɔ Tesalonika a, gi ònu ɔma ní Makedonia ɛ, apɔni blɔ.
3Gi kelea kɛti i, kwizeku Sidon axu la kutu. Yulio apɛ lipo me aki Paulo lɛ loso aki yɛ kudeo si ɔzeedi yɛ baʋia ba, atɔ baki yɛ yɛ bidɔ ziazia ʋɛ ɛ. 4Kwisɛ níklɔ, lɛ gi liwɔ lɛ liyɔ kedu ní blɔ su i, kwikyi klani Kipro kunisi yo kesea niklɔ gi liwɔ lɛ onu li bubɔ taʋɛ ɛ. 5Kwitsa Kilikia ani Pamfilia axu la lɛ kwiba Mira ní Likia ɛ. 6Niklɔ baguta ba ɔkaɛ amɔ onitsahu lo gi ɛdɔ Aleksandria a, xe ɛzɛɛtrɛ ní Italia ɛ, lɛ aki kwiku lo e.
7Kwiga kuni yo aʋa blewu ewe glegle lɛ ní kupèpè glegle kede e, kwizeku Knido ɔma nɔ mɛ. Liwɔ lɛ onu lize gagla si kútani ɔtɔ kutrɛ ní kudeo liɔ klɔ aʋa tɔ ɔ, lɛ loso kwiga axu la kutu ní Kreta kunisi yo kesea aʋa, riɖiɖi kwidɔ Salmone ɛza. 8Kwize ní axu la aʋa gi kwitipɔni kesea lɛ nì kupèpè zizi kwiba eku ɔkutɔ gi bɛxwa si i, “Ɔyakɔ Gbã ki initsahu le” gi ódze ní Lasea ɔma nɔ su u.
9Kwize níklɔ ewe glegle lɛ axu la aʋa kude gaga kwiku lifu itrɔ, lɛ ese linu si liwe lɛ gi bizɛnya onugu lo ɛki eboe zimizi na kukɔkyɛ fɛ liza kooko, lɛ loso Paulo akpɛ kiɖaŋui liɛ ya aki ba si, 10“Benyime, mamɔ si blɔ kude gaga dɔni ní ya kɔtsinɔ ɛ kwitrazee gagla ɛpɔnɔ; bidɔ glegle biazizi aní adɔtu la tètè pɔ̀ onitsahu lo kyɛ ɛ, lɛ banima kyɛ biatse e.” 11Pɔ̀ baguta ba ɔkaɛ ɔ́zɛ Paulo liboe le, boŋu i, eboa la gi ohu lo me baxwɛwa ba ɔkaɛ ni ohu lo onete bɛpani i, eku ye aŋu i sanɔ ɔ. 12Gi ohu lo ɔyakɔ lɔ gi beze ɔ́pɛ gi biaze ní kublɔ lipoe le loso e, ohu lo me banima kapɛ ʋidi a kɛkpɛ lɛ manɔ si kusɛ ni kugyodi si kwiiku Foinike tɔ kwiaze níklɔ kublɔ lipoe le. Foinike onu initsahu ɔyakɔ ní Kreta gi ekyi aŋu mɛ kpɛ keweku ya a.
Liwɔ gagla lifu ní axu la aʋa
13Liwɔ bɔlɔɛtɔ tɔ likpese kufu dɔni kaala ɔza lɔ lɛ banima begyodi si kidiliɛ gi bɛpɛ ɛ, kɛ kiba kɛ mɛ. Lɛ loso behe igbé nɛ gi ivu onitsahu lo emuno lɛ ohu lo ɛkpaʋi i, pɔ̀ eze ní Kreta kesea su u. 14Lídze xe liwɔ gagla ɛtɔ ɔ gi bizɛxwa si, “Kewetu ya kaʋetu ya ɛ.”#27:14 Kewetu ya ɛ ka kenu liwo le otu klɔ kaʋa kenu ka kalɛ ni kewetu ya kaʋa me xegi wokyi wɔ aŋu na mɛ ɔkpɛ liwo le otu klɔ. likpese kufu dɔni Kreta kesea aʋa. 15Liwɔ lɛ lizɛhali onitsahu lo, lɛ gi líze liboe plɔplɔ si bekyi onitsahu lo akpɛ liwɔ lɛ mɛ tɔ ɛ, kwiyurɔ lɔ tɔ liwɔ lɛ lifu lo etsinɔ níklɔ gi lipɛ ɛ. 16Lipoe lɛ gi kwina kunisi yo keseatɔ gi bizɛxwa si Klauda ka kaletu ya ɛ, gi liwɔ lɛ onu lika ɛyɔ taʋɛ ɛ, niklɔ bekeni edi ni kupepe xe kwitani onitsahu lo katapokpaa kunya a. 17Behe katapokpaa ɛkpɛ ní onitsahu lo me, lɛ bɛkɔ igbé ne enya klani onitsahu lo e. Bezese lifu si liwɔ lɛ liafu ohu lo zɛkpɛ siklami sɛ mɛ ní Libia axuta la, lɛ loso bepleni ohu lo basa ʋa tɔ liwɔ lɛ ligbani ohu lo kiliɛ gi lipɛ ɛ. 18Liwɔ gagla lɛ lizeefu dzɛ, lɛ loso keletitia mɛ ɛ, bekpese ohu lo me adɔtu la kuŋwia kpɛ ní axu la mɛ. 19Ní liwe tanɛ nɛ aʋa ɛ, bɛta ohu lo me bixwɛwadɔ mɛ bitɔ ɛŋwia ɛkpɛ ní axu la mɛ. 20Kɔki ewe glegle e, kúmɔ liwo le loo badzidziebi ʋa, lɛ liwɔ lɛ lizeefu gagla niteme si gɔgɔ ɛ, kwilila kudeonudidi si blɔ mɛ ɔtɔ agɔ ligbã́.
21Agi banima bamɔ lipoe ŋa bidɔ lipoe gblamadza ɛ, Paulo ayɔ ɔlɛɛ ní banima aŋu mɛ lɛ apani si, “Benyime, nya mlegbe mɛ liboe le kunu si kukísɛ ní Kreta a. Nya eboa la ya ni bidɔzizi bɛ ya ni bidɔlilalila bɛ ya ʋa bítraba ba mlɔ aʋa a. 22Pɔ́ abla ɛ, maki mlɔ litukpo si mlevu ɔna! Ɔnɔnɔ ɔ́tratse ní blɔ kusi i; onitsahu lo ko aayaʋi i. 23Kivoe elesi la ɛ, Aya gi yɛ ɔnɛ menu i, gi yɛ mizeesumu i, yɛ ɔxwɛdzɛɛ aba mɔ klɔ 24lɛ apani si, ‘Paulo! Wukíse lifu u, Wɔtralɛɛ ní Kaisaro aŋu mɛ. Lɛ ní Aya yɛ lipomepɛpɛ nɛ kiwɔ onu i, ebu banama pɔ́ gi bɛɛga kudeo pɔni wɔ ɛ, ba agbã́ na.’ 25Lɛ loso, mlevu ɔna mɛ benemi ba! Lɛ ese linu si mazi Aya aʋa ŋa si litraze kiliɛ ɖi gi asi mɛ ɛ. 26Pɔ̀ liwɔ lɛ litrabu blo eplɛ plɛ ní kunisi yo keseatɔ aʋa a.”
27Liwe liɔfɔ ni onee yɛ elesi la ɛ, liwɔ lɛ lize lɛ aʋa zefu blo eza nɔ ní Adria axu la aʋa. Lɛ elesi la tetsu i, ohu lo me baxwɛwa ba bɛmɔ egyesi si kwiti pɔni keseatɔ. 28Gi bɛta ogbe gi bɛka bidɔ zegbezegbe bitɔ ní lɔ onu i, bɛkla kuklikpɔ alafa ni avitaʋa ki kuni yo kidzudzu ye; lipoetɔ kede gi bɛta ogbe no dzɛ ɛ, kɔ kidzudzu yo kwize kuklikpɔ avi ɔgɔtole. 29Lɛ gi bezese lifu si onitsahu lo iihali aklakpɔ loso e, bepleni igbé tine gi bɛka bala ʋidi lɛ onu i, ní ohu lo kedea lɛ bɛxwa Aya si kelea kati i. 30Lɛ ohu lo me baxwɛwa ba bɛpɛ si beese ni ohu lo su u, bepleni katapokpaa ɛkpɛ ní kuni yo me lɛ bɛkpɛ imɔ nɛ si bɛtrɛ ɛ pleni igbé ne ní ohu lo ɔtɔ nɔ kyɛ. 31Pɔ̀ Paulo asi baguta ba ɔkaɛ ni baguta ba si, “Xe ohu lo baxwɛwa ba báma ní ohu lo me e, mlatrátani kubúbú kumɔ ɔ.” 32Lɛ baguta ba bɛtsa igbé nɛ gi ivu katapokpaa a, xe kɛwɔli eku ní kuni yo me e. 33Olezatɔ nɔ ɛ, Paulo aki ba pɔ́ litukpo si bapɛ kiditɔ aŋa a. “Lɛ ese linu si ewe liɔfɔ ni tene la ya gi mlɔ ina ídɔ ɔ, lɛ mlaʋíŋa kididɔ ɔ. 34Mɛɛki mlɔ litukpo, mlaŋa kiditɔ; mlɛzia kiŋaŋaɛ tɔ mlakítse. Mlɔ kuya tule fɛ kutralila a.” 35Gi apani nite pɔ́ ɛ, Paulo akɔ lìklã ɛtɔ, edo Aya ɖase ní ba pɔ́ aŋu mɛ, lɛ ayaʋi lɛ xe ekpese aklã na kuta ɛ. 36Lɛ ɔna eku ba lipo o, xe ba pɔ́ bɛŋa kiditɔ ɛ. 37Lɛ banima pɔ́ gi beze ní ohu lo me e, ba kisrɛsrɛ mɛ kize alafa tiaʋa ni avi tegloele ni tieglo. 38Agi ɔnɔ kakaa aŋa bidɔ xe eke e, bɛŋwia kiŋaŋa gɔgɔɛ pɔ́ ɛkpɛ ní axu la mɛ tɔ ohu zizi nɔ odzi fotsofotso.
Onitsahu lo ɛyaʋi
39Agi kanɔa mɛ kɛdra ɛ, ohu lo me baxwɛwa ba bámɔ kesea egyesi pɔ̀ bɛmɔ kuni yo kutu itsisi ŋwisi ohu ɔyakɔ lɛ bɛtrɔ lɛ si xe liapɛ ɛ, biaseni onitsahu lo kpɛ ní siklami sɛ mɛ niklɔ ɔ. 40Lɛ bɛtsa igbé ne gi bɛka bala ʋa ni lɛ onu gi bizɛ kɔ ɛtɔ initsahu le petee lɛ bɛyurɔ lɛ ɛkpɛ ní axu la mɛ ɛ, ní lipoe lɛ klɔ mɛ ke e, beble igbé nɛ gi lɛ ivu akufa ba a, gi bɛkɔ ɛgyɔ ohu lo e. Lɛ bemuni ohu lo basa ʋa ní ɔtɔ nɔ atɔ liwɔ lɛ lifu onitsahu lo atsini ɔtɔ nɔ, lɛ kwibu aŋu mɛ ɛkpɛ ní kuni yo kutu i. 41Pɔ̀ onitsahu lo ɛzɛɛhali siklami sɛ ní kuni yo me, lɛ ɛwɔ niklɔ ɛ; ohu lo ɔtɔ nɔ ewɔ kuni yo me gi ɔ́tani kuga tɔ ɔ, lɛ lɔ kedea kapɛa kɛzɛɛyaʋi kukpe kukpe ní axu la abla la kuwawa onu u. 42Lɛ baguta ba begyodi si biaye banama petee gi bɛkpɛ ligba ɛ, tɔ bakímɔ kudeo onu tɔ biase xegi bewlo etrɛ ní oge no o. 43Pɔ̀ baguta ba ɔkaɛ apɛ si yibu Paulo ligbã́ nɛ ɛ, lɛ loso ɔ́dimɛ ní lɛ aʋa a. Boŋu i, akpɛ ɔsã aki banama gi biatani kuwlo si bayɔ eku kuni yo me kpɛ ɔtɔ tɔ bewlo atrɛ oge no; 44banɔ gɔgɔ ba pɔ̀ ɛ, bekuni ba kude, ní kusepɛɔ loo ohu lo kupɛɔ aʋa. Nite lize xe blɔ petee kwiba eku oge no o xe ɔnɔnɔ otse e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc