Axwɛ 28
28
Paulo ni banama gi bɛɛga kudeo e beku Malta
1Kwiku axu la kutu yɔ gi ɔnɔnɔ ótse e, xe banima bɛsi blɔ si bizɛxwa kunisi yo kesea lia klɔ si Malta a. 2Kesea lia klɔ aʋa benete ba bɛwa sinemi nì blɔ. Bɛkpɛ kifu lɛ bɛzi blɔ petee lɛ ese linu si dzeni ye azɛɛdɔ lɛ kublɔ fɛ kwize e. 3Paulo exogo inyi wli wli itɔ gi azaakpɛ lɛ ní kifu yɛ mɛ ɛ, ɔgblaga ɔtɔ edo ní inyi nɛ mɛ kɔkpɛ kifu yɛ kuhuhu yo loso, lɛ axla yɛ ɔwla lɔ xe ɔsunu lɔ su i. 4Agi niklɔ benete ba bɛmɔ ɔgblagaɛ gi ɔsunu Paulo kawlakpɔa ɛ, bɛsi ba ahanuglɔ ba si, “Ɔniliɛ ya aaze ɔnɔye, gi ɔ́wɔ ní axu la mɛ kyɛ ɛ, babu ʋa bátraki si aaze ligbã́ a.” 5Pɔ̀ Paulo esugu ɔgblagaɛ akpɛ ní kifu yɛ mɛ ɛ, lɛ ɔ́bitɛ yɛ kididɔ ɛ. 6Banima bezeedi kudeonu si Paulo aaye loo aagleʋe lɛ aatse kpataa. Pɔ̀ gi beze lipoe gblamadzaɛtɔ ɔ, xe bɛmɔ si kididɔ kísa yɛ ɛ, bekyi ba begyodi ʋa lɛ bɛpani si, “Onu ɔbu!”
7Inyrɔ ɛtɔ gi inu Publio kesea ɔʋadi ye inɛ ɛ, itipɔni kusio klɔ gi beze e. Yɛ azɛ blɔ akpɛ yɛ kepea mɛ lɛ kɔki ewe tata zizi i, edi blɔ aʋa mumɔ. 8Publio yɛka afɛ ní ɔnyanya ɔtɔsi aʋa ni kuwe ani lipo me tutu, lɛ loso Paulo azeedi ye ní yɛ kugbakeo me, lɛ gi axwa Aya ɛ, atrɔ awla yɛ aʋa, lɛ ayɔ ni yɛ ɛ. 9Agi liba lɛ mɛ nite e, banyanya gɔgɔ ba ní kesea klɔ aʋa ɛ, bɛba lɛ ayɔni ba petee e. 10Bɛki blɔ bidɔ glegle lɛ gi blɔ lisɛpoe le lina ɛ, bɛki blɔ kidɔ kakaa iliɛ gi kwiazia ní blɔ kude gaga mɛ ɛ.
Dɔni Malta trɛ ní Roma
11Kwize níklɔ badzidzi tiata, lɛ kwiku onitsahu ɔlɔ gi bɛzɛxwa si, “Babu Tiaʋa ʋɛ,” ohu lo ɛdɔ ní Aleksandria lɛ eze ni kunisi yo kesea lia klɔ aʋa ní kublɔ lipoe le me. 12Kwizeku Sirakusa ɔma ʋidi no me lɛ kwize ní niklɔ ewe tata. 13Dɔni níklɔ ʋa ɛ, kwisɛ dzɛ lɛ kwizeku Regio ɔma ʋidi no me. Ní liwe ʋla we le aʋa ɛ, liwɔ lɛ likpese kufu dɔni kaletu ya lɛ ní ewe taʋa kede e, kwizeku Puteoli ɔma nɔ mɛ. 14Kwitsani baʋaziŋaatɔ niklɔ lɛ beʋi dɔni blɔ kɔ si kuze ní basu ogle tole. Lɛ kwizeku Roma ɛ. 15Lɛ gi baʋaziŋa ba ní Roma benu blɔ onu i, bɛba ɛtsani blɔ ni Apía kedzia mɛ ani Izekɔ Tita lɛ̀ ɔma nɔ mɛ. Agi Paulo amɔ ba ɛ, edo Aya ɖase lɛ ɔna eku yɛ lipo e.
Paulo eku Roma
16Agi kwiku Roma ɛ, bɛki Paulo kude si oze ní yɛ isuwla mɛ atɔ ɔguta tole oze pe ye.
17Ní ewe tata kede e, Paulo axwa Yudanɛ ma baka ba ní Roma aki kutsatsa. Agi bɛkpɛ likpɔ ɛ asi ba si, “Mɛ benemi Israelbanɛ ma, gi máyɔ kedu ni blɔ benete ba su loo ní ikɔ lɛ gi kwizɛ ɛdɔni blɔ baka ba klɔ fɛ ɛ, bɛkpɛ mɛ ligba ní Yerusalem lɛ bɛkpɛ mɛ awla ɛki Roma banɛ ma ɛ. 18Agi beʋi me eboe pɔ́ ɛ, Roma banɛ ma bɛpɛ si bɛɛyurɔ mɛ lɛ ese linu si, bɛmɔ si mábitɛ kididɔ gi kibasɛ si ligyeno si mitse e. 19Pɔ̀ gi Yudanɛ ma bɛyɔ kedu ní mɛ su i, limi mɛ aʋa si miʋi si batsini mɛ ní Kaisaro klɔ, linya ɛli lɛ mɛ si liboeboe líma ní mɛ awla gi makɔ ní mɛ ɔtutɔ mɛ benete ba su u. 20Lɛ loso meʋi si mitsani mlɔ atɔ migu kunugu yo ni mlɔ ɔ. Ní anukwarɛɛ mɛ ɛ, bɛkpɛ mɛ bibɔ kɔkpɛ ɔniliɛ klɔ gi Israelbanɛ ma beedi kudeonu ikɔ ɛ.”
21Lɛ bɛsi Paulo si, “Blɔ fɛ ɛ kúzi kuplekpa ku tɔtɔ adɔ ni Yudanɛ ma klɔ ní Yudea ní wɔ su u. Lɛ blɔ benete batɔ gi bɛdɔ niklɔ ɛba fɛ ɛ, bámani liboetɔtɔ loo liboe zimizi litɔtɔ ní wɔ su u. 22Pɔ̀ kwipɛ si kunu wɔ begyodi ʋa, lɛ ese linu si kwite si ní ɔkɔ kakaaɛ banima bɛyɔ kedu ní wɔ ɔha lɔ su.”
23Lɛ bɛtrɔ liwe ni Paulo, lɛ ní liwe lɛ klɔ aʋa ɛ, banɔ glegle bɛba Paulo klɔ ní niklɔ gi eze e. Dɔni livlɛ kɔkpɛ ni kulagɔ ɛ, Paulo ebu liboe me aki ba ní Aya yɛ Kaʋaŋaa su, lɛ ekeni edi si yidra ba aŋu na ní Yesu su u, gani eboe dɔni Mose Ɔsã nɔ ni Aya yɛ baxwɛdzɛ ba ba bidɔŋwlimiŋwlimi ʋɛ ni Yesu su u mɛ. 24Bamɛ batɔ bɛzi yɛ liboe le aʋa ɛɛŋa pɔ̀ batɔ kɔ bázɛ ŋa a. 25Eboe ese kumonumonu kwiku ba kusi lɛ bekpese kusɛ ɛ, gi Paulo apani yɛ liboe gɔgɔ lɛ si i, “Aya yɛ Ɔfuɛfuɛ nɔ ɛpani mumɔ gani Aya yɛ Ɔxwɛdzɛ Yesaya aʋa ɛki mlɔ baka ba!
26“ ‘Si, Zɛpani kí banɔaya ba si,
“Mlaata kutu dzini kuta pɔ̀ mlátranu lɛ ese e; mlaadi dzini kudi, pɔ̀ mlátramɔ ɔ,”
27lɛ ese linu si banɔaya ba begyodi ʋa bɛ bɛgɔ̀ ɔ,
lɛ betsí ba atukpa la a,
lɛ bɛda ba bimbi ʋe e.
Xe aní nite e, ba bimbi ʋe biamɔ,
lɛ ba batu ʋa bianu u,
ba begyodi ʋa bianu eboe ese, lɛ biakyi vu me kɔ maayɔ ni ba ɛ.’
28“Lɛ Paulo agù yɛ liboe le si i: “Lilɛ si mlete abla si Aya yɛ kubúbú yo liboe le e, bɛtsisi lɛ ní banama gi bénu Yudanɛ ma kɔ ɔ. Biaxo le oto! 29Agi apani nite e, Yudanɛ ma bɛsɛ, gi bezehe eboe ní ba atsali kusi i.” 30Kɔki agɔ taʋa ɛ, Paulo eze niklɔ gi ahayi aki isu ya ɛ, lɛ niklɔ azaazɛ banama gi bɛzɛba yɛ klɔ ɔ. 31Apani liboe le ní Aya yɛ Kaʋaŋaa su lɛ abasi bidɔ ní Ɔkaɛ Yesu Kristo su lifumose lɛ ɔnɔnɔ ótsi kude ɔ́ki yɛ ɛ.
Currently Selected:
Axwɛ 28: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 28
28
Paulo ni banama gi bɛɛga kudeo e beku Malta
1Kwiku axu la kutu yɔ gi ɔnɔnɔ ótse e, xe banima bɛsi blɔ si bizɛxwa kunisi yo kesea lia klɔ si Malta a. 2Kesea lia klɔ aʋa benete ba bɛwa sinemi nì blɔ. Bɛkpɛ kifu lɛ bɛzi blɔ petee lɛ ese linu si dzeni ye azɛɛdɔ lɛ kublɔ fɛ kwize e. 3Paulo exogo inyi wli wli itɔ gi azaakpɛ lɛ ní kifu yɛ mɛ ɛ, ɔgblaga ɔtɔ edo ní inyi nɛ mɛ kɔkpɛ kifu yɛ kuhuhu yo loso, lɛ axla yɛ ɔwla lɔ xe ɔsunu lɔ su i. 4Agi niklɔ benete ba bɛmɔ ɔgblagaɛ gi ɔsunu Paulo kawlakpɔa ɛ, bɛsi ba ahanuglɔ ba si, “Ɔniliɛ ya aaze ɔnɔye, gi ɔ́wɔ ní axu la mɛ kyɛ ɛ, babu ʋa bátraki si aaze ligbã́ a.” 5Pɔ̀ Paulo esugu ɔgblagaɛ akpɛ ní kifu yɛ mɛ ɛ, lɛ ɔ́bitɛ yɛ kididɔ ɛ. 6Banima bezeedi kudeonu si Paulo aaye loo aagleʋe lɛ aatse kpataa. Pɔ̀ gi beze lipoe gblamadzaɛtɔ ɔ, xe bɛmɔ si kididɔ kísa yɛ ɛ, bekyi ba begyodi ʋa lɛ bɛpani si, “Onu ɔbu!”
7Inyrɔ ɛtɔ gi inu Publio kesea ɔʋadi ye inɛ ɛ, itipɔni kusio klɔ gi beze e. Yɛ azɛ blɔ akpɛ yɛ kepea mɛ lɛ kɔki ewe tata zizi i, edi blɔ aʋa mumɔ. 8Publio yɛka afɛ ní ɔnyanya ɔtɔsi aʋa ni kuwe ani lipo me tutu, lɛ loso Paulo azeedi ye ní yɛ kugbakeo me, lɛ gi axwa Aya ɛ, atrɔ awla yɛ aʋa, lɛ ayɔ ni yɛ ɛ. 9Agi liba lɛ mɛ nite e, banyanya gɔgɔ ba ní kesea klɔ aʋa ɛ, bɛba lɛ ayɔni ba petee e. 10Bɛki blɔ bidɔ glegle lɛ gi blɔ lisɛpoe le lina ɛ, bɛki blɔ kidɔ kakaa iliɛ gi kwiazia ní blɔ kude gaga mɛ ɛ.
Dɔni Malta trɛ ní Roma
11Kwize níklɔ badzidzi tiata, lɛ kwiku onitsahu ɔlɔ gi bɛzɛxwa si, “Babu Tiaʋa ʋɛ,” ohu lo ɛdɔ ní Aleksandria lɛ eze ni kunisi yo kesea lia klɔ aʋa ní kublɔ lipoe le me. 12Kwizeku Sirakusa ɔma ʋidi no me lɛ kwize ní niklɔ ewe tata. 13Dɔni níklɔ ʋa ɛ, kwisɛ dzɛ lɛ kwizeku Regio ɔma ʋidi no me. Ní liwe ʋla we le aʋa ɛ, liwɔ lɛ likpese kufu dɔni kaletu ya lɛ ní ewe taʋa kede e, kwizeku Puteoli ɔma nɔ mɛ. 14Kwitsani baʋaziŋaatɔ niklɔ lɛ beʋi dɔni blɔ kɔ si kuze ní basu ogle tole. Lɛ kwizeku Roma ɛ. 15Lɛ gi baʋaziŋa ba ní Roma benu blɔ onu i, bɛba ɛtsani blɔ ni Apía kedzia mɛ ani Izekɔ Tita lɛ̀ ɔma nɔ mɛ. Agi Paulo amɔ ba ɛ, edo Aya ɖase lɛ ɔna eku yɛ lipo e.
Paulo eku Roma
16Agi kwiku Roma ɛ, bɛki Paulo kude si oze ní yɛ isuwla mɛ atɔ ɔguta tole oze pe ye.
17Ní ewe tata kede e, Paulo axwa Yudanɛ ma baka ba ní Roma aki kutsatsa. Agi bɛkpɛ likpɔ ɛ asi ba si, “Mɛ benemi Israelbanɛ ma, gi máyɔ kedu ni blɔ benete ba su loo ní ikɔ lɛ gi kwizɛ ɛdɔni blɔ baka ba klɔ fɛ ɛ, bɛkpɛ mɛ ligba ní Yerusalem lɛ bɛkpɛ mɛ awla ɛki Roma banɛ ma ɛ. 18Agi beʋi me eboe pɔ́ ɛ, Roma banɛ ma bɛpɛ si bɛɛyurɔ mɛ lɛ ese linu si, bɛmɔ si mábitɛ kididɔ gi kibasɛ si ligyeno si mitse e. 19Pɔ̀ gi Yudanɛ ma bɛyɔ kedu ní mɛ su i, limi mɛ aʋa si miʋi si batsini mɛ ní Kaisaro klɔ, linya ɛli lɛ mɛ si liboeboe líma ní mɛ awla gi makɔ ní mɛ ɔtutɔ mɛ benete ba su u. 20Lɛ loso meʋi si mitsani mlɔ atɔ migu kunugu yo ni mlɔ ɔ. Ní anukwarɛɛ mɛ ɛ, bɛkpɛ mɛ bibɔ kɔkpɛ ɔniliɛ klɔ gi Israelbanɛ ma beedi kudeonu ikɔ ɛ.”
21Lɛ bɛsi Paulo si, “Blɔ fɛ ɛ kúzi kuplekpa ku tɔtɔ adɔ ni Yudanɛ ma klɔ ní Yudea ní wɔ su u. Lɛ blɔ benete batɔ gi bɛdɔ niklɔ ɛba fɛ ɛ, bámani liboetɔtɔ loo liboe zimizi litɔtɔ ní wɔ su u. 22Pɔ̀ kwipɛ si kunu wɔ begyodi ʋa, lɛ ese linu si kwite si ní ɔkɔ kakaaɛ banima bɛyɔ kedu ní wɔ ɔha lɔ su.”
23Lɛ bɛtrɔ liwe ni Paulo, lɛ ní liwe lɛ klɔ aʋa ɛ, banɔ glegle bɛba Paulo klɔ ní niklɔ gi eze e. Dɔni livlɛ kɔkpɛ ni kulagɔ ɛ, Paulo ebu liboe me aki ba ní Aya yɛ Kaʋaŋaa su, lɛ ekeni edi si yidra ba aŋu na ní Yesu su u, gani eboe dɔni Mose Ɔsã nɔ ni Aya yɛ baxwɛdzɛ ba ba bidɔŋwlimiŋwlimi ʋɛ ni Yesu su u mɛ. 24Bamɛ batɔ bɛzi yɛ liboe le aʋa ɛɛŋa pɔ̀ batɔ kɔ bázɛ ŋa a. 25Eboe ese kumonumonu kwiku ba kusi lɛ bekpese kusɛ ɛ, gi Paulo apani yɛ liboe gɔgɔ lɛ si i, “Aya yɛ Ɔfuɛfuɛ nɔ ɛpani mumɔ gani Aya yɛ Ɔxwɛdzɛ Yesaya aʋa ɛki mlɔ baka ba!
26“ ‘Si, Zɛpani kí banɔaya ba si,
“Mlaata kutu dzini kuta pɔ̀ mlátranu lɛ ese e; mlaadi dzini kudi, pɔ̀ mlátramɔ ɔ,”
27lɛ ese linu si banɔaya ba begyodi ʋa bɛ bɛgɔ̀ ɔ,
lɛ betsí ba atukpa la a,
lɛ bɛda ba bimbi ʋe e.
Xe aní nite e, ba bimbi ʋe biamɔ,
lɛ ba batu ʋa bianu u,
ba begyodi ʋa bianu eboe ese, lɛ biakyi vu me kɔ maayɔ ni ba ɛ.’
28“Lɛ Paulo agù yɛ liboe le si i: “Lilɛ si mlete abla si Aya yɛ kubúbú yo liboe le e, bɛtsisi lɛ ní banama gi bénu Yudanɛ ma kɔ ɔ. Biaxo le oto! 29Agi apani nite e, Yudanɛ ma bɛsɛ, gi bezehe eboe ní ba atsali kusi i.” 30Kɔki agɔ taʋa ɛ, Paulo eze niklɔ gi ahayi aki isu ya ɛ, lɛ niklɔ azaazɛ banama gi bɛzɛba yɛ klɔ ɔ. 31Apani liboe le ní Aya yɛ Kaʋaŋaa su lɛ abasi bidɔ ní Ɔkaɛ Yesu Kristo su lifumose lɛ ɔnɔnɔ ótsi kude ɔ́ki yɛ ɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc