Axwɛ 26
26
Paulo ebu isu unu ní Agripa aŋu mɛ
1Agripa asi Paulo si, “Kudeonu kwidra ɛki wɔ si bu isu ya onu.”
Lɛ loso Paulo edo ye ɖase lɛ ekpese isu ya onu kubu si: 2“Okusi ʋidi ye Agripa! Mebu isu ya si mɛ litukpo lipɛ si omete e, matrabu isu ya onu ní wɔ aŋu mɛ ní liboe kakaa gi Yudanɛ ma bɛkɔ ní mɛ su i su. 3Li veve le linu si wote Yudanɛ ma ikɔ lɛ petee ni ba eboe hehe la ni ba kiboebitɛɛ. Meeʋi si ta mɛ eboe la kutu ni litɔ plɛplɛ kese.
4“Yudanɛ ma pɔ́ bete mɛ ligbã́zeze ne dɔni mɛ kunuvɔ mɛ ɛ. Bete kiliɛ gi meze e, mɛ ligbã́ nɛ petee dɔni mɛ ɔtutɔ mɛ kesea mɛ ani Yerusalem. 5Bete lipoe kakaa, xe bɛpɛ si bɛpani ní mɛ su i, si dɔni okpese kɔ ke e, meze ɔnɔ gi mevu kusumu yo ikɔ lɛ mɛ ɖii ŋwisi Farisiɔnɛ kinɛ ɛ. 6Lɛ abla ɛ, malɛɛ ní ya gi bɛxwa litsi ni me e, kɔkpɛ mɛ kudeonudidi ní kakaplɛa lia gi Aya aka aplɛ aki blɔ baka ba a, 7kakaplɛa lia ɖii gi blɔ amade liɔfɔ ni taʋa la beedi kudeonu ikɔ si biamɔ, gi beesumu Aya elesi ni kemize e. Lɛ kɔkpɛ kudeonudidi uliɔ ya loso e, Okusi ʋidi ye Agripa, Yudanɛ ma beebu me lipɔ! 8Kitɛ lilɛ gagla ɛki mlɔ banama gi mlalɛ ni ya a si mlazi ŋa si Aya izɛyɔ ni bekpo ʋa na a?
9“Mɛ ɔtutɔ mebu le si lilɛ si mibitɛ kidɔ kakaa gi maatanɔ ɔ, gi kiyɔ kedu ní Yesu Nazaret ɔnɛɛ linyi ne su u. 10Nite ɖii mabitɛ ní Yerusalem. Mazi kigagla dɔni kusumu yo baka ba kɔ, lɛ makpɛ Aya yɛ banima ní ligba a; lɛ xe bɛtsa kutsépia ɛki ba ɛ, mizɛɛtrɔ awla ní lɛ aʋa. 11Epoe glegle e, maki si behe kutu iiki ba ní Yudanɛ ma itsa klɔ, lɛ mekeni edi si míki tɔ banada ba kuziŋa a. Magɔni kifu ni ba si mezeni ba kude adzɛ ima ʋidi dzedze le me.
Paulo apani ní yɛ kukyikyi yo su
12“Liboe lɛ ya loso, matrɛ ní Damasko gi mazi kigagla ni ɔsã adɔ ni kusumu yo baka ba klɔ ɔ. 13Lize kemize gi kwize ní kudeo aʋa ɛ, Okusi ʋidi ye Agripa, xe mamɔ kuklekle dɔni lifunu ne e, gi kuli gagla sani liwo le e, gi kwikle klani mɛ ɛ, ni banama gi mɛ ni ba kwiga kudeo e. 14Blɔ pɔ́ kwigleʋe dɔ ní kesea, lɛ menu ole ɔtɔ gi ɛpani ki mɛ ní Hebri se me si, “Saulo, Saulo! Ege lɛ loso woeti me e? Wɔɛwa isu ya nyɔnyɔɛ gi wɔɛdzi kede ní mɛ su i, ŋwisi ligume gi likɔ ɔkli si lɛta lɛ onetee otséʋi lo e.” 15Lɛ meʋi si, ‘Wɔ wonu Nyaŋwɛ ɛ, Ɔkaɛ?’ Ɔkaɛ ebu le onu si, “Mɛ menu Yesu gi woeti i. 16‘Pɔ̀ yɔ tɔ lɛɛ ní wɔ ikli lɛ aʋa a. Mebu isu ya abasi wɔ tɔ mixwa wɔ ŋwisi mɛ ɔxwɛdzɛ kinɛ ɛ. Wɔtrasi banima kidiliɛ gi wɔmɔ ní mɛ su omono ni kidiliɛ gi wɔamɔ ní ɔtɔ nɔ mɛ ɛ. 17Maabu wo dɔni Israel bebi ba ni banama gi bénu u Yudanɛ gi ba klɔ makpɛ wɔ ɛ, iwla mɛ. 18Atɔ dra ba bimbi ʋe tɔ kyi ba dɔni litumu ne me kɔmanɔ ní kuklekle mɛ, dɔni Satana kigaglaɛ ese kɔmanɔ ní Aya klɔ, atɔ gani ba kuziŋaa ní mɛ aʋa ɛ, biakɔ ba eboe zimizi na kukɔkyɛ ba, lɛ biamɔ ba izekɔ ní Aya yɛ banɔ kyakya ba kusi i.’
Paulo apani ní yɛ axwɛwawa la su
19“Lɛ loso e, Okusi ʋidi ye Agripa, máta kidiliɛ gi mamɔ adɔ ni lifunu ne ese e. 20Kutɔpu yɔ ní Damasko, lɛ Yerusalem i, lɛ kede e, ní Yudea pɔ́ lɛ ní banama gi bénu Yudanɛ ma kusi i. Mapani liboe gbã nɛ si bekyi ní ba eboe zimizi na kude, tɔ bekyi evu Aya tɔ babitɛ eboa la gi aabasɛ si bekyi i. 21Kɔkpɛ eboa la ya loso Yudanɛ ma bevu me gi meze ní Lisɔligba lɛ mɛ ɛ, lɛ bekeni edi si beeye me e. 22Pɔ̀ kɔna ni omete e, Aya apɔni mɛ lɛ loso malɛɛ ní ya a, xe mɛɛpani anukwarɛɛ ɛki ɔnɔ kakaa a, ki banuvɔ ni betsitsi petee. Eboa la gi mapani i, la ɖii Aya yɛ beboedoplɛ ba ni Mose bɛpani si ɛtrába la mɛ ɛ; 23si lilɛ si Kristo ye ɔmɔ kini tɔ yɛ oze ɔnɔ tɔpu yɛ gi aayɔ dɔni kutse me e, tɔ aapani ní kuklekleo su ki Yudanɛ ma ni banama gi bénu Yudanɛ ɛ.” 24Agi Paulo azeebu isu ya onu nite e, Festo akpɛ ozi yɛ aʋa si, “Wɔewle, Paulo! Wɔ keplekpa tetea kɛki si wɔ aŋu mɛ eezizi!” 25Pɔ̀ Paulo ebu le onu si, “Méʋiwle, mɛ Obùbù nɛ! Malɛ nì aŋu lɛ liboe lɛ gi mɛɛpani i, linu anukwarɛ. 26Okusi ʋidi ye Agripa! Maatani kupani kiwɔ kede modi, lɛ ese linu si wote eboa la ya pɔ́. Maka lɛ aʋa si wɔkpɛ liboe kakaa lixaŋu, lɛ ese linu si liboe lɛ ya líba ní likɔtɔ mɛ loo kikpokpo me e. 27Okusi ʋidi ye Agripa, wɔzi Aya yɛ beboedoplɛ ba aʋa ŋa na a? Mete si wɔzi ŋa!” 28Lɛ Agripa asi Paulo si, “Ní lipoe kpekpemi lɛ ya mɛ ɛ, kibu wobu si wɔakyi me Ɔʋaziŋa na a?” 29Lɛ Paulo ebu le onu si, “Xe ní lipoe kpekpemi loo lipoe gblamadza mɛ o, mɛɛxwa Aya si ɔki si wɔ ni banɔgɔgɔ ba gi mleenu liboe lɛ gi mɛɛpani omono e, mleze ŋwisi mɛ bibɔɛ ʋɛ gi bilɛ ní mɛ su ko bitráze ní mlɔ su u!” 30Lɛ Okusi ʋidi ye, Agripa, Roma banɛ ma kesea ɔʋadi ye, Bernike ani banɔ gɔgɔ ba bɛyɔ ɛ, 31lɛ gi bɛsɛ ɛ, bɛpani ki ba ahanuglɔ ba si, “Ɔniliɛ ya ɔ́bitɛ kididɔ gi kiaki si aatse loo biakpɛ yɛ ligba a.” 32Lɛ Agripa asi Festo si, “Ɔniliɛ ya ɛ, nya biatani yɛ kuyurɔ atɛsi ɔpani si Kaisaro asi yɛ liboe le ɔki yɛ ɛ.”
Currently Selected:
Axwɛ 26: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 26
26
Paulo ebu isu unu ní Agripa aŋu mɛ
1Agripa asi Paulo si, “Kudeonu kwidra ɛki wɔ si bu isu ya onu.”
Lɛ loso Paulo edo ye ɖase lɛ ekpese isu ya onu kubu si: 2“Okusi ʋidi ye Agripa! Mebu isu ya si mɛ litukpo lipɛ si omete e, matrabu isu ya onu ní wɔ aŋu mɛ ní liboe kakaa gi Yudanɛ ma bɛkɔ ní mɛ su i su. 3Li veve le linu si wote Yudanɛ ma ikɔ lɛ petee ni ba eboe hehe la ni ba kiboebitɛɛ. Meeʋi si ta mɛ eboe la kutu ni litɔ plɛplɛ kese.
4“Yudanɛ ma pɔ́ bete mɛ ligbã́zeze ne dɔni mɛ kunuvɔ mɛ ɛ. Bete kiliɛ gi meze e, mɛ ligbã́ nɛ petee dɔni mɛ ɔtutɔ mɛ kesea mɛ ani Yerusalem. 5Bete lipoe kakaa, xe bɛpɛ si bɛpani ní mɛ su i, si dɔni okpese kɔ ke e, meze ɔnɔ gi mevu kusumu yo ikɔ lɛ mɛ ɖii ŋwisi Farisiɔnɛ kinɛ ɛ. 6Lɛ abla ɛ, malɛɛ ní ya gi bɛxwa litsi ni me e, kɔkpɛ mɛ kudeonudidi ní kakaplɛa lia gi Aya aka aplɛ aki blɔ baka ba a, 7kakaplɛa lia ɖii gi blɔ amade liɔfɔ ni taʋa la beedi kudeonu ikɔ si biamɔ, gi beesumu Aya elesi ni kemize e. Lɛ kɔkpɛ kudeonudidi uliɔ ya loso e, Okusi ʋidi ye Agripa, Yudanɛ ma beebu me lipɔ! 8Kitɛ lilɛ gagla ɛki mlɔ banama gi mlalɛ ni ya a si mlazi ŋa si Aya izɛyɔ ni bekpo ʋa na a?
9“Mɛ ɔtutɔ mebu le si lilɛ si mibitɛ kidɔ kakaa gi maatanɔ ɔ, gi kiyɔ kedu ní Yesu Nazaret ɔnɛɛ linyi ne su u. 10Nite ɖii mabitɛ ní Yerusalem. Mazi kigagla dɔni kusumu yo baka ba kɔ, lɛ makpɛ Aya yɛ banima ní ligba a; lɛ xe bɛtsa kutsépia ɛki ba ɛ, mizɛɛtrɔ awla ní lɛ aʋa. 11Epoe glegle e, maki si behe kutu iiki ba ní Yudanɛ ma itsa klɔ, lɛ mekeni edi si míki tɔ banada ba kuziŋa a. Magɔni kifu ni ba si mezeni ba kude adzɛ ima ʋidi dzedze le me.
Paulo apani ní yɛ kukyikyi yo su
12“Liboe lɛ ya loso, matrɛ ní Damasko gi mazi kigagla ni ɔsã adɔ ni kusumu yo baka ba klɔ ɔ. 13Lize kemize gi kwize ní kudeo aʋa ɛ, Okusi ʋidi ye Agripa, xe mamɔ kuklekle dɔni lifunu ne e, gi kuli gagla sani liwo le e, gi kwikle klani mɛ ɛ, ni banama gi mɛ ni ba kwiga kudeo e. 14Blɔ pɔ́ kwigleʋe dɔ ní kesea, lɛ menu ole ɔtɔ gi ɛpani ki mɛ ní Hebri se me si, “Saulo, Saulo! Ege lɛ loso woeti me e? Wɔɛwa isu ya nyɔnyɔɛ gi wɔɛdzi kede ní mɛ su i, ŋwisi ligume gi likɔ ɔkli si lɛta lɛ onetee otséʋi lo e.” 15Lɛ meʋi si, ‘Wɔ wonu Nyaŋwɛ ɛ, Ɔkaɛ?’ Ɔkaɛ ebu le onu si, “Mɛ menu Yesu gi woeti i. 16‘Pɔ̀ yɔ tɔ lɛɛ ní wɔ ikli lɛ aʋa a. Mebu isu ya abasi wɔ tɔ mixwa wɔ ŋwisi mɛ ɔxwɛdzɛ kinɛ ɛ. Wɔtrasi banima kidiliɛ gi wɔmɔ ní mɛ su omono ni kidiliɛ gi wɔamɔ ní ɔtɔ nɔ mɛ ɛ. 17Maabu wo dɔni Israel bebi ba ni banama gi bénu u Yudanɛ gi ba klɔ makpɛ wɔ ɛ, iwla mɛ. 18Atɔ dra ba bimbi ʋe tɔ kyi ba dɔni litumu ne me kɔmanɔ ní kuklekle mɛ, dɔni Satana kigaglaɛ ese kɔmanɔ ní Aya klɔ, atɔ gani ba kuziŋaa ní mɛ aʋa ɛ, biakɔ ba eboe zimizi na kukɔkyɛ ba, lɛ biamɔ ba izekɔ ní Aya yɛ banɔ kyakya ba kusi i.’
Paulo apani ní yɛ axwɛwawa la su
19“Lɛ loso e, Okusi ʋidi ye Agripa, máta kidiliɛ gi mamɔ adɔ ni lifunu ne ese e. 20Kutɔpu yɔ ní Damasko, lɛ Yerusalem i, lɛ kede e, ní Yudea pɔ́ lɛ ní banama gi bénu Yudanɛ ma kusi i. Mapani liboe gbã nɛ si bekyi ní ba eboe zimizi na kude, tɔ bekyi evu Aya tɔ babitɛ eboa la gi aabasɛ si bekyi i. 21Kɔkpɛ eboa la ya loso Yudanɛ ma bevu me gi meze ní Lisɔligba lɛ mɛ ɛ, lɛ bekeni edi si beeye me e. 22Pɔ̀ kɔna ni omete e, Aya apɔni mɛ lɛ loso malɛɛ ní ya a, xe mɛɛpani anukwarɛɛ ɛki ɔnɔ kakaa a, ki banuvɔ ni betsitsi petee. Eboa la gi mapani i, la ɖii Aya yɛ beboedoplɛ ba ni Mose bɛpani si ɛtrába la mɛ ɛ; 23si lilɛ si Kristo ye ɔmɔ kini tɔ yɛ oze ɔnɔ tɔpu yɛ gi aayɔ dɔni kutse me e, tɔ aapani ní kuklekleo su ki Yudanɛ ma ni banama gi bénu Yudanɛ ɛ.” 24Agi Paulo azeebu isu ya onu nite e, Festo akpɛ ozi yɛ aʋa si, “Wɔewle, Paulo! Wɔ keplekpa tetea kɛki si wɔ aŋu mɛ eezizi!” 25Pɔ̀ Paulo ebu le onu si, “Méʋiwle, mɛ Obùbù nɛ! Malɛ nì aŋu lɛ liboe lɛ gi mɛɛpani i, linu anukwarɛ. 26Okusi ʋidi ye Agripa! Maatani kupani kiwɔ kede modi, lɛ ese linu si wote eboa la ya pɔ́. Maka lɛ aʋa si wɔkpɛ liboe kakaa lixaŋu, lɛ ese linu si liboe lɛ ya líba ní likɔtɔ mɛ loo kikpokpo me e. 27Okusi ʋidi ye Agripa, wɔzi Aya yɛ beboedoplɛ ba aʋa ŋa na a? Mete si wɔzi ŋa!” 28Lɛ Agripa asi Paulo si, “Ní lipoe kpekpemi lɛ ya mɛ ɛ, kibu wobu si wɔakyi me Ɔʋaziŋa na a?” 29Lɛ Paulo ebu le onu si, “Xe ní lipoe kpekpemi loo lipoe gblamadza mɛ o, mɛɛxwa Aya si ɔki si wɔ ni banɔgɔgɔ ba gi mleenu liboe lɛ gi mɛɛpani omono e, mleze ŋwisi mɛ bibɔɛ ʋɛ gi bilɛ ní mɛ su ko bitráze ní mlɔ su u!” 30Lɛ Okusi ʋidi ye, Agripa, Roma banɛ ma kesea ɔʋadi ye, Bernike ani banɔ gɔgɔ ba bɛyɔ ɛ, 31lɛ gi bɛsɛ ɛ, bɛpani ki ba ahanuglɔ ba si, “Ɔniliɛ ya ɔ́bitɛ kididɔ gi kiaki si aatse loo biakpɛ yɛ ligba a.” 32Lɛ Agripa asi Festo si, “Ɔniliɛ ya ɛ, nya biatani yɛ kuyurɔ atɛsi ɔpani si Kaisaro asi yɛ liboe le ɔki yɛ ɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc