Axwɛ 25
25
Paulo eʋi si yɛ atrɛ ní Okusi ye Kaisaro klɔ
1Ni ewetata kede gi Festo aba eku yɛ kesea mɛ ɛ, ádɔ Kaisarea lɛ emu atrɛ ní Yerusalem i 2niklɔ kusumu yo baka ʋidi ba ni Yudanɛ ma ɔtɔ nɔ bezeze ba bɛzɛtsà Paulo onu. Bɛki Festo litukpo 3si ɔpɛ lipo me ɔki ba tɔ bamani Paulo ní Yerusalem, lɛ ese linu si bɛbitɛ kunyanya si biaye Paulo ní kudeo aʋa a. 4Festo ebu le onu si, “Bɛkpɛ Paulo ní ligba ní Kaisarea, lɛ mɛ ɔtutɔ matradzi itrɛ niklɔ kpékpe e. 5Lɛ loso mlaki tɔ mlɔ ɔtɔ nɔ bezeze ba bekuni mɛ kude atrɛ ní Kaisarea atɔ bazɛtsà Paulo onu, xe kesetata eboe atɔ alɛ ní mlɔ awla ní yɛ su i.”
6Festo eze ní ba kusi ewe ɔgɔtaʋa kɔtsini liɔfɔ, lɛ kede e edzi eple atrɛ ní Kaisarea. Kele titia mɛ ɛ, Festo azeeze ní yɛ litsixwagbo le aʋa lɛ aki ɔsã si bagbani Paulo amanɔ ɔ. 7Agi Paulo aba eku i, Yudanɛ a ma gi bɛdɔ Yerusalem ba ɛ, bazɛlɛɛ klani yɛ lɛ bekpese eboe gagla la kukɔ ní yɛ su i, gi átani yɛ kuvu u.
8Paulo aŋwlɛ isu ya litukpo si, “Mábitɛ kididɔ ɔ, gi kiyɔ kedu ní Yudanɛ ma Ɔsã nɔ su loo ní Lisɔligba lɛ su loo ni Ɔʋaŋaɛ Kaisaro su u.” 9Gi Festo apɛ si yiku Yudanɛ ma liŋu i, lɛ loso e eʋi Paulo si, “Wɔapɛ si wutrɛ ni Yerusalem atɔ mizɛɛxwa litsi ni wɔ ní eboa la gi bɛkɔ ní wɔ su ní mɛ aŋu mɛ na a?”
10Lɛ Paulo asi Festo si, “Owo malɛɛ ní Kaisaro ɔtutɔ yɛ otsixwa klɔ, niklɔ gi biaxwa litsi ni me e. Maʋíta Yudanɛ ma ese e, kiliɛ gi wɔ tutɔ wote mɔmɔmɔ ɛ. 11Máta ɔsã nɔ ese e, pɔ̀ xe mábitɛ kiditɔ ɔ, gi linu si mitse e, méʋiʋi si mise ní bɛ su. Pɔ̀ xe anukwarɛ ɔtɔtɔ ɔ́ma ní eboa la gi bɛkɔ ní mɛ su mɛ ɛ, ɔnɔnɔ ɔ́tratani mɛ kukɔ ɔki ba a. Meʋi si Ɔʋaŋaɛ Kaisaro ɔtutɔ ɔxwa litsi ni me.”
12Lɛ gi Festo adzɛ agyina ni yɛ axɔtɔ ba pɔ̀ ɛ, apani si, “Agi wɔkɔ wɔ eboe la kpɛ ní Kaisaro iwla lɛ mɛ ɛ, kɔ Kaisaro klɔ ko wɔatrɛ.”
Bɛ gbani Paulo mani Okusi ye Agripa ani Bernike aŋu mɛ
13Ní ewe atɔ kede e, Okusi ye Agripa ani Bernike bɛba Kaisarea si bɛɛpani Festo tɔ bɛɛkpɛ yɛ wolaa. 14Agi bɛtráze níklɔ ewe glegle onu i, Festo apani ní Paulo su aki Okusi ye Agripa si, “Onyime ɔtɔ ɔlɛ ní ya gi Felikisi ayurɔ akpɛ ligba lɛ ɛ; 15lɛ agi madzi Yerusalem i, Yudanɛ ma kusumu yo baka ʋidi ba ni banɔ tsitsi ba bɛtsà yɛ onu, lɛ beʋi si mibu ye lipɔ ɔ.
16“Pɔ̀ masi ba si, blɔ Roma banɛ ma kɔ ɛ, líma blɔ ɔsã nɔ onu si kuyurɔ ɔnɔ ɔkɔ si ata kese e, xe ɔ́tsani banama gi bɛkɔ liboe ní yɛ su aŋu mɛ ni aŋu mɛ ɛ, tɔ ɔmɔ lipoe atɔ obu isu ya onu ní eboa la gi bɛkɔ ni yɛ su i su. 17Agi bɛba ni ya ɛ, mézizi lipoe lɛ ní kele titia mɛ ɛ, meze ní mɛ litsixwagbo le aʋa lɛ makpɛ banɔ si bagbani yɛ amanɔ ɔ. 18Banama gi bɛyɔ kedu ya ní yɛ su i, bɛyɔ pɔ̀ ɛ, bátsa yɛ onu ni eboe zimizi gi mebu si biapani i. 19Eboa la gi bɛmanɔ ko eze eboe hehe ní yɛ ní ba kusumu yo su ani ɔka ɔtɔ gi bɛxwa si Yesu u, gi etse koko o, pɔ̀ xe Paulo kɔ azɛ lɛ si ɔlɛ ligbã́ nɛ su u. 20Agi méte kiliɛ gi maaga ní liboe zizi nɛ ya su i, meʋi Paulo xe aapɛ si yitrɛ ɛ, ní Yerusalem atɔ bazɛxwa litsi ni yɛ ní eboa la gi bɛkɔ ɛtsa yɛ onu su u. 21Pɔ̀ Paulo si yɛ atrɛ ní Kaisaro klɔ ɔ, ɔlɛ eʋi si bakɔ yɛ akpɛ ní banɔpe ba iwla mɛ ɛ ani tɔ baki Kaisaro ɔpani ní yɛ liboe le su. Lɛ maki ɔsã si bakpɛ yɛ awla ki banɔpe ba kɔzɛna ni lipoe lɛ klɔ gi maatani yɛ kutsisi Kaisaro klɔ ɛ.”
22Agripa asi Festo si, “Maapɛ si mɛ ɔtutɔ minu ɔniliɛ klɔ yɛ kunugu yo.”
Lɛ Festo ebu le onu si, “Wɔanu yɛ onu kivo.”
Paulo alɛɛ ni Agripa Aŋu mɛ
23Gi kelea kɛti i, Agripa ni Bernike bɛba ní sikusi me, lɛ banima bɛkpɛ kubùbù glegle ní basu u, gi beetiku ní ɔtsaklɔ ɛ, baguta ba baka ba kɔpɔni ɔma nɔ banɔ ʋidi ba beze ni ba kude. Festo aki ɔsã, lɛ bɛzɛmani Paulo e. 24Festo apani si, “Okusi ʋidi ye Agripa ani banama pɔ́ gi bɛtsa ní ya ni blɔ ɔ: Dani mlɛmɔ ɔniliɛ ya, gi yɛ Yudanɛ ma pɔ́ ɔ gi bali ní ya ni Yerusalem i bɛtsà yɛ onu kí mɛ ɛ. Bɛkpɛ lɛ ozi si líma si oze ligbã́ tɔ ɔ. 25Pɔ̀ mámɔ kesetata katɔtɔ ní yɛ su u, gi kiaki si biatsa kutsépia ɔki yɛ ɛ. Pɔ̀ gi yɛ ɔtutɔ eʋi si batsini yɛ ní Kaisaro klɔ ɛ, mazi lɛ si maatsisi yɛ. 26Pɔ̀ mámɔ liboeboe e, gi maaŋwlimi ní yɛ su tsisi blɔ Okusi ʋidi ye Kaisaro o. Lɛ loso mamani yɛ ní mlɔ petee aŋu mɛ ní ɔtɔpu kɔ ɛ Okusi ʋidi ye Agripa atɔ xe kwipami yɛ liboe le me pɔ́ ɛ, maamɔ liboetɔ gi maaŋwlimi i. 27Lɛ ese linu si mamɔ si bítratrɔ mɛ aʋa si mikɔ ɔnɔ gi bɛkpɛ ligba tsisi yɛ ɛ, xegi máŋwlimi kidiliɛ gi kɛ abitɛ ɛ, xe kɛ loso bevu ye kpɛ ligba lɛ ɛ.”
Currently Selected:
Axwɛ 25: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 25
25
Paulo eʋi si yɛ atrɛ ní Okusi ye Kaisaro klɔ
1Ni ewetata kede gi Festo aba eku yɛ kesea mɛ ɛ, ádɔ Kaisarea lɛ emu atrɛ ní Yerusalem i 2niklɔ kusumu yo baka ʋidi ba ni Yudanɛ ma ɔtɔ nɔ bezeze ba bɛzɛtsà Paulo onu. Bɛki Festo litukpo 3si ɔpɛ lipo me ɔki ba tɔ bamani Paulo ní Yerusalem, lɛ ese linu si bɛbitɛ kunyanya si biaye Paulo ní kudeo aʋa a. 4Festo ebu le onu si, “Bɛkpɛ Paulo ní ligba ní Kaisarea, lɛ mɛ ɔtutɔ matradzi itrɛ niklɔ kpékpe e. 5Lɛ loso mlaki tɔ mlɔ ɔtɔ nɔ bezeze ba bekuni mɛ kude atrɛ ní Kaisarea atɔ bazɛtsà Paulo onu, xe kesetata eboe atɔ alɛ ní mlɔ awla ní yɛ su i.”
6Festo eze ní ba kusi ewe ɔgɔtaʋa kɔtsini liɔfɔ, lɛ kede e edzi eple atrɛ ní Kaisarea. Kele titia mɛ ɛ, Festo azeeze ní yɛ litsixwagbo le aʋa lɛ aki ɔsã si bagbani Paulo amanɔ ɔ. 7Agi Paulo aba eku i, Yudanɛ a ma gi bɛdɔ Yerusalem ba ɛ, bazɛlɛɛ klani yɛ lɛ bekpese eboe gagla la kukɔ ní yɛ su i, gi átani yɛ kuvu u.
8Paulo aŋwlɛ isu ya litukpo si, “Mábitɛ kididɔ ɔ, gi kiyɔ kedu ní Yudanɛ ma Ɔsã nɔ su loo ní Lisɔligba lɛ su loo ni Ɔʋaŋaɛ Kaisaro su u.” 9Gi Festo apɛ si yiku Yudanɛ ma liŋu i, lɛ loso e eʋi Paulo si, “Wɔapɛ si wutrɛ ni Yerusalem atɔ mizɛɛxwa litsi ni wɔ ní eboa la gi bɛkɔ ní wɔ su ní mɛ aŋu mɛ na a?”
10Lɛ Paulo asi Festo si, “Owo malɛɛ ní Kaisaro ɔtutɔ yɛ otsixwa klɔ, niklɔ gi biaxwa litsi ni me e. Maʋíta Yudanɛ ma ese e, kiliɛ gi wɔ tutɔ wote mɔmɔmɔ ɛ. 11Máta ɔsã nɔ ese e, pɔ̀ xe mábitɛ kiditɔ ɔ, gi linu si mitse e, méʋiʋi si mise ní bɛ su. Pɔ̀ xe anukwarɛ ɔtɔtɔ ɔ́ma ní eboa la gi bɛkɔ ní mɛ su mɛ ɛ, ɔnɔnɔ ɔ́tratani mɛ kukɔ ɔki ba a. Meʋi si Ɔʋaŋaɛ Kaisaro ɔtutɔ ɔxwa litsi ni me.”
12Lɛ gi Festo adzɛ agyina ni yɛ axɔtɔ ba pɔ̀ ɛ, apani si, “Agi wɔkɔ wɔ eboe la kpɛ ní Kaisaro iwla lɛ mɛ ɛ, kɔ Kaisaro klɔ ko wɔatrɛ.”
Bɛ gbani Paulo mani Okusi ye Agripa ani Bernike aŋu mɛ
13Ní ewe atɔ kede e, Okusi ye Agripa ani Bernike bɛba Kaisarea si bɛɛpani Festo tɔ bɛɛkpɛ yɛ wolaa. 14Agi bɛtráze níklɔ ewe glegle onu i, Festo apani ní Paulo su aki Okusi ye Agripa si, “Onyime ɔtɔ ɔlɛ ní ya gi Felikisi ayurɔ akpɛ ligba lɛ ɛ; 15lɛ agi madzi Yerusalem i, Yudanɛ ma kusumu yo baka ʋidi ba ni banɔ tsitsi ba bɛtsà yɛ onu, lɛ beʋi si mibu ye lipɔ ɔ.
16“Pɔ̀ masi ba si, blɔ Roma banɛ ma kɔ ɛ, líma blɔ ɔsã nɔ onu si kuyurɔ ɔnɔ ɔkɔ si ata kese e, xe ɔ́tsani banama gi bɛkɔ liboe ní yɛ su aŋu mɛ ni aŋu mɛ ɛ, tɔ ɔmɔ lipoe atɔ obu isu ya onu ní eboa la gi bɛkɔ ni yɛ su i su. 17Agi bɛba ni ya ɛ, mézizi lipoe lɛ ní kele titia mɛ ɛ, meze ní mɛ litsixwagbo le aʋa lɛ makpɛ banɔ si bagbani yɛ amanɔ ɔ. 18Banama gi bɛyɔ kedu ya ní yɛ su i, bɛyɔ pɔ̀ ɛ, bátsa yɛ onu ni eboe zimizi gi mebu si biapani i. 19Eboa la gi bɛmanɔ ko eze eboe hehe ní yɛ ní ba kusumu yo su ani ɔka ɔtɔ gi bɛxwa si Yesu u, gi etse koko o, pɔ̀ xe Paulo kɔ azɛ lɛ si ɔlɛ ligbã́ nɛ su u. 20Agi méte kiliɛ gi maaga ní liboe zizi nɛ ya su i, meʋi Paulo xe aapɛ si yitrɛ ɛ, ní Yerusalem atɔ bazɛxwa litsi ni yɛ ní eboa la gi bɛkɔ ɛtsa yɛ onu su u. 21Pɔ̀ Paulo si yɛ atrɛ ní Kaisaro klɔ ɔ, ɔlɛ eʋi si bakɔ yɛ akpɛ ní banɔpe ba iwla mɛ ɛ ani tɔ baki Kaisaro ɔpani ní yɛ liboe le su. Lɛ maki ɔsã si bakpɛ yɛ awla ki banɔpe ba kɔzɛna ni lipoe lɛ klɔ gi maatani yɛ kutsisi Kaisaro klɔ ɛ.”
22Agripa asi Festo si, “Maapɛ si mɛ ɔtutɔ minu ɔniliɛ klɔ yɛ kunugu yo.”
Lɛ Festo ebu le onu si, “Wɔanu yɛ onu kivo.”
Paulo alɛɛ ni Agripa Aŋu mɛ
23Gi kelea kɛti i, Agripa ni Bernike bɛba ní sikusi me, lɛ banima bɛkpɛ kubùbù glegle ní basu u, gi beetiku ní ɔtsaklɔ ɛ, baguta ba baka ba kɔpɔni ɔma nɔ banɔ ʋidi ba beze ni ba kude. Festo aki ɔsã, lɛ bɛzɛmani Paulo e. 24Festo apani si, “Okusi ʋidi ye Agripa ani banama pɔ́ gi bɛtsa ní ya ni blɔ ɔ: Dani mlɛmɔ ɔniliɛ ya, gi yɛ Yudanɛ ma pɔ́ ɔ gi bali ní ya ni Yerusalem i bɛtsà yɛ onu kí mɛ ɛ. Bɛkpɛ lɛ ozi si líma si oze ligbã́ tɔ ɔ. 25Pɔ̀ mámɔ kesetata katɔtɔ ní yɛ su u, gi kiaki si biatsa kutsépia ɔki yɛ ɛ. Pɔ̀ gi yɛ ɔtutɔ eʋi si batsini yɛ ní Kaisaro klɔ ɛ, mazi lɛ si maatsisi yɛ. 26Pɔ̀ mámɔ liboeboe e, gi maaŋwlimi ní yɛ su tsisi blɔ Okusi ʋidi ye Kaisaro o. Lɛ loso mamani yɛ ní mlɔ petee aŋu mɛ ní ɔtɔpu kɔ ɛ Okusi ʋidi ye Agripa atɔ xe kwipami yɛ liboe le me pɔ́ ɛ, maamɔ liboetɔ gi maaŋwlimi i. 27Lɛ ese linu si mamɔ si bítratrɔ mɛ aʋa si mikɔ ɔnɔ gi bɛkpɛ ligba tsisi yɛ ɛ, xegi máŋwlimi kidiliɛ gi kɛ abitɛ ɛ, xe kɛ loso bevu ye kpɛ ligba lɛ ɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc