Axwɛ 24
24
Liboe Lɛ Gi Bɛkɔ Ni Saulo Su i
1Ewe tetsu kede e, Kusumu yo ɔka ʋidi ye Anania, eple atrɛ ní Kaisarea. Ɔha lɔ banɔ tsitsi batɔ ni otsixwa ɔtɔ gi bizɛxwa si Tertulo o, ba bɛgbani yɛ tsinɔ. Bɛlɛɛ ní kesea ɔʋadi ye Felikisi aŋu mɛ lɛ bɛkɔ liboe ní Paulo su i. 2Gi bɛxwa Paulo ɛmanɔ ɛ, Tertulo akɔ liboe Paulo su si; “Ɔka ʋidi ye Felikisi; Wɔ kukusi ŋaŋaa kwimani blɔ kusuyɔ lipoe gblamadzaɛtɔ lɛ ya, lɛ wɔ kuboeteo kwiki si eboe glegle ekyi gi ɛki kupɛ̀pɛ ni blɔ kesea mɛ ɛ. 3Kwizi lɛ ni iwla tiʋa ní ɔkɔ kakaa ni lipoe kakaa lɛ kwido wɔ ɖase popopo ní lɛ litukpo. 4Mápɛ si mizizi wɔ lipoe e, lɛ loso mɛɛki wɔ litukpo si ta blɔ liboe le kutu ní onyime liɛ ya su.
5“Kwimɔ si onyime liɛ ya ɛ, onu ɔnɔ gi ɛɛkpɛ kunugu u, gi izɛɛpisa banɔ ɔ, lɛ izɛɛki si Yudanɛ ma bizɛyɔ kedu ní kelea petee me e. Yɛ onu Nazarene ɔha lɔ onu ozezee. 6Lɛ apɛ si yikpɛ blɔ lisɔligba lɛ ogú u, xe kwivu ye e. Kwitrɔ lɛ si kwiaxwa litsi nì yɛ ní blɔ ɔsã nɔ onu, 7pɔ̀ baguta ba ɔka ʋidi ye Lisia aba azɛ yɛ blɔ awla ni kigagla. 8Lisia aki ɔsã si banama gi liboetɔ lilɛ ní ba awla ní yɛ su i, baba wɔ klɔ. Xe woʋi onyime liɛ ya igbè e, wɔ tutɔ wɔamɔ eboa la gi la kwikɔ ní yɛ su i.”
9Yudanɛ ma kyɛ bɛtrɔ ní yɛ liboe le aʋa si lilɛ ní lɛ mɛ.
Paulo Aŋwlɛ Isu Litukpo ní Felikisi aŋu mɛ
10Gi Kesea ɔʋadi ye abasi Paulo awla la si ɔpani i, Paulo apani si:
“Mete si wonu otsixwa ni kesea lia aʋa agɔ glegle la ya, lɛ loso linu mɛ isami si miŋwlɛ isu litukpo ní wɔ aŋu mɛ. 11Ŋwisi ewe liɔfɔ ni taʋa ko la ya gi matrɛ ní Yerusalem si mizeesumu Aya a. Banɔ biatani likla kutrɔ lɛ aʋa kiwɔ ɔ, 12Banama gi bɛkɔ liboe ní mɛ su i, bámɔ si mɛ ni ɔnɔnɔ kwihe eboe ní lisɔligba lɛ mɛ ɛ, loo si mɛɛpisa ɔnɔha si ɔyɔ kedu ní ɔnɔnɔ su u, ní Yudanɛ ma ɔtsakɔ loo ní ɔkɔ dzedze ɔtɔtɔ kɔ ní ɔma ʋidi no me. 13Lɛ bátratani likla kutrɔ ní eboa la gi la bɛkɔ ní mɛ su i aʋa. 14Mazi lɛ ní wɔ aŋu mɛ si meesumu Aya blɔ bakatsi ba Aya gani kude uliɔ gi bɛɛxwa si baʋaziŋa ba kudeo o, gi bɛɛsi sì kupɛ ɛ aʋa. Pɔ̀ mɛ fɛ mazi kidɔ kakaa a gi bɛŋwlimi kpɛ ní Mose ɔsã nɔ, ani beboedoplɛ ba kuplekpaa mɛ aʋa aŋa a. 15Kudeonu didi uliɔ gi kuli ní mɛ awla ɛ, kɔ ke kuli ní banɔaya fɛ ba awla, si ɔnɔ kakaa; banɔ gbã ni banɔ zimizi ba pɔ́ biayɔ dɔni bekpo ʋa mɛ ɛ. 16Lɛ loso mizeekeni idi lipoe kakaa si tɔ mikíta kese ní Aya nì ɔnɔ gbagbe aŋu mɛ ɛ.
17“Gi masɛ ní Yerusalem agɔ glegle onu loso e, medzi atrɛ níklɔ ni kibɔ kí mɛ akɔanɛ ma ani tɔ mizɛɛki Aya bidɔ pɔʋi pɔʋi i. 18Meblo ni isu ya kuploploo ɔkɔ lɔ xe bɛmɔ mɛ ní lisɔligba lɛ mɛ ɛ. Ɔnɔha ɔtɔtɔ óze pɔni mɛ ɛ, lɛ ozi loo avitɛ kyɛ bíze niklɔ ɔ. 19Pɔ̀ Yudanɛ atɔ gi bɛdɔ Asia ɛ, beze níklɔ, nya lilɛ si beze ní ya tɔ bakɔ ba kunutsatsa akí wɔ ba tutɔ, xe gi liboetɔ lilɛ ní ba awla ni mɛ ɛ. 20Loo banama gi bali ní ya abla ɛ, bapani ní lipɔɛ lɛ gi maŋa lipoe lɛ gi malɛ ní Yudanɛ ma betsixwa ba aŋu mɛ ɛ. 21Sani liboe tile gi me muni mɛ ole lo o, xe mapani i, gi malɛ ní ba aŋu mɛ ɛ, lɛ linu si: ‘mlɛɛxwa litsi ni mɛ omono kɔkpɛ mɛ kuziŋaa si bekpo ba biayɔ gi biadzi ligbã́ a.’ ”
22Lɛ Felikisi gi ete baʋaziŋaa ba kudeo kpaŋu i, apani si “Xegi Lisia, baguta ba ɔka ʋidi ye aba ɛ, maatsa mlɔ liboe le e.” Lɛ aki si bɛyɔ ɛ. 23Akpɛ ɔsã aki baguta ba ɔkaɛ gi eepe ye e, si odzini ye ɔkpɛ ligba lɛ, pɔ̀ tɔ ɔki kudeo onu si yɛ baʋianɛ ba biatani yɛ baziazia ʋa kubitɛ ɔki yɛ.
Paulo ebu yɛ liboe le ese aki Felikisi ni Drusila
24Ewe atɔ kede e, Felikisi ni yedze Drusila gi onu Yudanɛ e, bɛba lɛ bɛkpɛ banɔ ní Paulo ese tɔ benu yɛ eboa la gi ɛɛpani ní kuziŋa ní Kristo Yesu su i. 25Pɔ̀ gi Paulo azɛɛpani ní ligbã́ gbã kuzeze, isu aʋa kuŋaŋa ni litsixwaxwa ɛnɛ gi litrába su i, Lifu liku Felikisi lɛ asi yɛ si, “Wɔatani kusɛ abla, xegi mamɔ lipoe lɛ kede e, maxwa wɔ dzɛ.” 26Gi azeegyo le edi si Paulo aaki yɛ kibɔ kitɔ ɛ, azaaxwa yɛ lɛ yɛ ni yɛ bezegu kunugu yo lipoe me ni lipoe me e.
27Agi agɔ taʋa ɛza ɛ, bebu Felikisi isɛnɔ lɛ bɛmani Pɔrsus Festo ní yɛ linyi ne me e. Ɔkpɛ gi Felikisi apɛ si yipɛ lipo me ɛki Yudanɛ ma loso e, aki si Paulo awɔ ligba lɛ.
Currently Selected:
Axwɛ 24: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 24
24
Liboe Lɛ Gi Bɛkɔ Ni Saulo Su i
1Ewe tetsu kede e, Kusumu yo ɔka ʋidi ye Anania, eple atrɛ ní Kaisarea. Ɔha lɔ banɔ tsitsi batɔ ni otsixwa ɔtɔ gi bizɛxwa si Tertulo o, ba bɛgbani yɛ tsinɔ. Bɛlɛɛ ní kesea ɔʋadi ye Felikisi aŋu mɛ lɛ bɛkɔ liboe ní Paulo su i. 2Gi bɛxwa Paulo ɛmanɔ ɛ, Tertulo akɔ liboe Paulo su si; “Ɔka ʋidi ye Felikisi; Wɔ kukusi ŋaŋaa kwimani blɔ kusuyɔ lipoe gblamadzaɛtɔ lɛ ya, lɛ wɔ kuboeteo kwiki si eboe glegle ekyi gi ɛki kupɛ̀pɛ ni blɔ kesea mɛ ɛ. 3Kwizi lɛ ni iwla tiʋa ní ɔkɔ kakaa ni lipoe kakaa lɛ kwido wɔ ɖase popopo ní lɛ litukpo. 4Mápɛ si mizizi wɔ lipoe e, lɛ loso mɛɛki wɔ litukpo si ta blɔ liboe le kutu ní onyime liɛ ya su.
5“Kwimɔ si onyime liɛ ya ɛ, onu ɔnɔ gi ɛɛkpɛ kunugu u, gi izɛɛpisa banɔ ɔ, lɛ izɛɛki si Yudanɛ ma bizɛyɔ kedu ní kelea petee me e. Yɛ onu Nazarene ɔha lɔ onu ozezee. 6Lɛ apɛ si yikpɛ blɔ lisɔligba lɛ ogú u, xe kwivu ye e. Kwitrɔ lɛ si kwiaxwa litsi nì yɛ ní blɔ ɔsã nɔ onu, 7pɔ̀ baguta ba ɔka ʋidi ye Lisia aba azɛ yɛ blɔ awla ni kigagla. 8Lisia aki ɔsã si banama gi liboetɔ lilɛ ní ba awla ní yɛ su i, baba wɔ klɔ. Xe woʋi onyime liɛ ya igbè e, wɔ tutɔ wɔamɔ eboa la gi la kwikɔ ní yɛ su i.”
9Yudanɛ ma kyɛ bɛtrɔ ní yɛ liboe le aʋa si lilɛ ní lɛ mɛ.
Paulo Aŋwlɛ Isu Litukpo ní Felikisi aŋu mɛ
10Gi Kesea ɔʋadi ye abasi Paulo awla la si ɔpani i, Paulo apani si:
“Mete si wonu otsixwa ni kesea lia aʋa agɔ glegle la ya, lɛ loso linu mɛ isami si miŋwlɛ isu litukpo ní wɔ aŋu mɛ. 11Ŋwisi ewe liɔfɔ ni taʋa ko la ya gi matrɛ ní Yerusalem si mizeesumu Aya a. Banɔ biatani likla kutrɔ lɛ aʋa kiwɔ ɔ, 12Banama gi bɛkɔ liboe ní mɛ su i, bámɔ si mɛ ni ɔnɔnɔ kwihe eboe ní lisɔligba lɛ mɛ ɛ, loo si mɛɛpisa ɔnɔha si ɔyɔ kedu ní ɔnɔnɔ su u, ní Yudanɛ ma ɔtsakɔ loo ní ɔkɔ dzedze ɔtɔtɔ kɔ ní ɔma ʋidi no me. 13Lɛ bátratani likla kutrɔ ní eboa la gi la bɛkɔ ní mɛ su i aʋa. 14Mazi lɛ ní wɔ aŋu mɛ si meesumu Aya blɔ bakatsi ba Aya gani kude uliɔ gi bɛɛxwa si baʋaziŋa ba kudeo o, gi bɛɛsi sì kupɛ ɛ aʋa. Pɔ̀ mɛ fɛ mazi kidɔ kakaa a gi bɛŋwlimi kpɛ ní Mose ɔsã nɔ, ani beboedoplɛ ba kuplekpaa mɛ aʋa aŋa a. 15Kudeonu didi uliɔ gi kuli ní mɛ awla ɛ, kɔ ke kuli ní banɔaya fɛ ba awla, si ɔnɔ kakaa; banɔ gbã ni banɔ zimizi ba pɔ́ biayɔ dɔni bekpo ʋa mɛ ɛ. 16Lɛ loso mizeekeni idi lipoe kakaa si tɔ mikíta kese ní Aya nì ɔnɔ gbagbe aŋu mɛ ɛ.
17“Gi masɛ ní Yerusalem agɔ glegle onu loso e, medzi atrɛ níklɔ ni kibɔ kí mɛ akɔanɛ ma ani tɔ mizɛɛki Aya bidɔ pɔʋi pɔʋi i. 18Meblo ni isu ya kuploploo ɔkɔ lɔ xe bɛmɔ mɛ ní lisɔligba lɛ mɛ ɛ. Ɔnɔha ɔtɔtɔ óze pɔni mɛ ɛ, lɛ ozi loo avitɛ kyɛ bíze niklɔ ɔ. 19Pɔ̀ Yudanɛ atɔ gi bɛdɔ Asia ɛ, beze níklɔ, nya lilɛ si beze ní ya tɔ bakɔ ba kunutsatsa akí wɔ ba tutɔ, xe gi liboetɔ lilɛ ní ba awla ni mɛ ɛ. 20Loo banama gi bali ní ya abla ɛ, bapani ní lipɔɛ lɛ gi maŋa lipoe lɛ gi malɛ ní Yudanɛ ma betsixwa ba aŋu mɛ ɛ. 21Sani liboe tile gi me muni mɛ ole lo o, xe mapani i, gi malɛ ní ba aŋu mɛ ɛ, lɛ linu si: ‘mlɛɛxwa litsi ni mɛ omono kɔkpɛ mɛ kuziŋaa si bekpo ba biayɔ gi biadzi ligbã́ a.’ ”
22Lɛ Felikisi gi ete baʋaziŋaa ba kudeo kpaŋu i, apani si “Xegi Lisia, baguta ba ɔka ʋidi ye aba ɛ, maatsa mlɔ liboe le e.” Lɛ aki si bɛyɔ ɛ. 23Akpɛ ɔsã aki baguta ba ɔkaɛ gi eepe ye e, si odzini ye ɔkpɛ ligba lɛ, pɔ̀ tɔ ɔki kudeo onu si yɛ baʋianɛ ba biatani yɛ baziazia ʋa kubitɛ ɔki yɛ.
Paulo ebu yɛ liboe le ese aki Felikisi ni Drusila
24Ewe atɔ kede e, Felikisi ni yedze Drusila gi onu Yudanɛ e, bɛba lɛ bɛkpɛ banɔ ní Paulo ese tɔ benu yɛ eboa la gi ɛɛpani ní kuziŋa ní Kristo Yesu su i. 25Pɔ̀ gi Paulo azɛɛpani ní ligbã́ gbã kuzeze, isu aʋa kuŋaŋa ni litsixwaxwa ɛnɛ gi litrába su i, Lifu liku Felikisi lɛ asi yɛ si, “Wɔatani kusɛ abla, xegi mamɔ lipoe lɛ kede e, maxwa wɔ dzɛ.” 26Gi azeegyo le edi si Paulo aaki yɛ kibɔ kitɔ ɛ, azaaxwa yɛ lɛ yɛ ni yɛ bezegu kunugu yo lipoe me ni lipoe me e.
27Agi agɔ taʋa ɛza ɛ, bebu Felikisi isɛnɔ lɛ bɛmani Pɔrsus Festo ní yɛ linyi ne me e. Ɔkpɛ gi Felikisi apɛ si yipɛ lipo me ɛki Yudanɛ ma loso e, aki si Paulo awɔ ligba lɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc