Axwɛ 23
23
1Paulo efeke aŋu na edi betsixwa ba lɛ apani si i, “Mɛ akɔanɛ Israɛlanɛ ma, mawa mɛ lixwɛ nɛ aki Aya gi mɛ ɔna nɔ mɛ ɛdra ní kiliɛ gi meze ní Aya aŋu mɛ ga kɔna ni abla ɛ su.” 2Kusɔliɔ ɔka ʋidi ye Anania asi banama gi bɛlɛɛ ní Paulo su si, basa yɛ bidɔ ní onugu lo aʋa a. 3Paulo asi ye si, “Aya aasa wɔ bidɔ godoo wɔ ligli gi besi akalo ye kɔ ɛ. Wodi niklɔ ɛxwa litsi nì mɛ ní ɔsã nɔ onu pɔ̀ wɔɛta ɔsã nɔ ese gi wɔki ɔsã si basa mɛ bidɔ ɛ!”
4Banama gi beti pɔni Paulo e, bɛsi yɛ si, “Aya yɛ kusɔliɔ Ɔka ʋidi ye wɔekpini te e?”
5Paulo ebu le onu si, “Mɛ akɔanɛ Israɛlanɛ ma, Méte si yɛ onu kusɔliɔ ɔka ʋidi ye e, kuŋwlimi dradra kwipani si, ‘wukipani liboe zimizi ni ɔnɔ gi ɛɛŋa mlɔ akɔanɛ ma aʋa su u.’ ”
6Gi Paulo amɔ si betsixwa ba mɛ batɔ benu Saduki banɛ ɛ, xe batɔ kyɛ benu Farisianɛ loso e, akpɛ ozi lo gagla ní litsi le me si, “Blɔ akɔanɛ Israɛlanɛ ma, menu Farisiɔnɛ, lɛ menu Farisianɛ ma obi. Bɛɛxwa litsi nì mɛ ni ya kɔkpɛ mɛ kudeonudidi si bekpo ʋa biayɔ lɛ biadzi ligbã a.”
7Gi anya apani nite ko e, kuboehe kwiku ni Farisianɛ ma ni Saduki banɛ ma kusi. lɛ kutsatsaa kwilɛ ɛ. 8Saduki banɛ ma bizeedo si banima bátrayɔ ɛdɔni bekpo ba mɛ ɛ, lɛ bázɛ lɛ kyɛ si Aya yɛ baxwɛdzɛ balɛ ɛ, lɛ ifuɛfuɛ nɛ kyɛ ilɛ ɛ, pɔ̀ farisianɛ ma kɔ bɛzi bɛ petee aʋa ɛɛŋa a.
9Ozi lo ɛfiʋi kɔtɔɔ ní klɔ, ɔsã nɔ badɔbasɛ batɔ gi bali ní Farisianɛ ma ɔha lɔ mɛ ɛ, bɛyɔ ɛlɛ, lɛ behe eboe gagla si: “Kumɔ kididɔ gi kizizi ni onyime liɛ ya su u! Nyaŋwɛ ete xe Ɔfuɛfuɛ loo Aya yɛ ɔxwɛdzɛ ɔtɔ anya egu kunugu aki yɛ ɛ?” 10Kuboeheo kwize gagla nite me si lifu liku baguta ba ɔka ʋidi ye si biakyi Paulo ɔgbagbee. Lɛ loso asi yɛ baguta ba si bagbani Paulo edono ní banima kusi atsinɔ ni baguta ba kepea mɛ ɛ.
11Liwe lɛ klɔ elesi la ɛ, Ɔkaɛ alɛ ní Paulo su lɛ asi yɛ si, “Ɔna oze wɔ lipo. Kiliɛ gi wɔŋa katsalia ɔki mɛ ní Yerusalem i, nite ke wɔaŋa kimɛ ni Roma kyɛ.”
Bɛbitɛ kunyanya Si Biaye Paulo
12Gi kelea kɛti i, Yudanɛ ma bɛtsa lɛ bɛnya onugu si, bátraŋa bidɔ loo ŋwe kididɔ kɔkpɛni lipoe lɛ gi beye Paulo o. 13Banama gi bɛnya onugu ɔlɔ ya ɛ, bɛsani benyime avi tene. 14Lɛ bɛtrɛ ní Kusumu yo baka ba ni banɔtsitsi ba klɔ lɛ bɛsi ba si, “kwinya onugu ni kakaplɛ si kutraŋa kididɔ kɔkpɛni lipoe lɛ gi kwiye Paulo e. 15Abla ɛ, mlɔ ni betsixwa ba ɛ, mlakpɛ banɔ ní baguta ba ɔka ʋidi ye klɔ tɔ ba si yɛ si, ɔgbani Paulo ɔmani mlɔ; mlɛpɛ si mlenu eboe atɔ mɛ sanɔ ɛdɔni yɛ kɔ. Pɔ̀ blɔ kɔ kwiaze ní kublabla mɛ si kwiaye ye xe aba eku ní ya a.”
16Pɔ̀ Paulo yenemidzɛ Yebi enu liboe le lɛ atrɛ ní baguta ba kepea mɛ ɛ, xe azɛɛsi Paulo e.
17Lɛ Paulo axwa baguta ba ɔka ɔtɔ lɛ asi yɛ si “gbani ɔyasɔʋi ɔ lɔ ya tsini baguta ba ɔka ʋidi ye liboetɔ lilɛ yɛ awla gi si yisi yɛ ɛ.”
18Baguta ba ɔkaɛ agbani yɛ atsini ɔka ʋidi ye lɛ asi yɛ si, “Paulo gi ɔkpasi ligba lɛ ɛ, axwa mɛ lɛ asi mɛ si, migbani ɔyasɔʋi ɔ lɔ ya mani wɔ, lɛ ese linu si liboetɔ lilɛ ní lɔ awla gi si lɔɛsi wɔ ɛ.”
19Baguta ba ɔka ʋidi ye evu yɛ kawlakpɔa lɛ ebu ye kuka a, xe eʋi ye si i, “Liboe woli lilɛ gi wɔ si wusi mɛ ɛ?”
20Ebu le onu si “Yudanɛ ma bɛtrɔ si biasi wɔ si gbani Paulo mani otsixwa klɔ kivo tɔ beʋi ye liboetɔ mɛ ɛdɔni yɛ kɔ. 21Pɔ̀ wukíta ba kutu u, lɛ ese linu si benyime gi bɛsani banɔ avi tene e, bɛtráze ni ɔxa mɛ ɛki yɛ ɛ. Bɛnya onugu si bátraŋa bidɔ loo ŋwɛ kididɔ gakɔkpɛ ni lipoe lɛ gi beye ye e. Bali ní kublabla mɛ abla lɛ wɔ liboe le onu kubúbú ko beepe.” 22Baguta ba ɔka ʋidi ye asi yɛ si “Kúsi ɔnɔnɔ si wodo liboe lɛ ya ɔsi mɛ ɛ.” Lɛ akpɛ ɔyasɔʋi lɔ kude xe ɛsɛ ɛ.
Bɛtsisi Paulo Ní Okusi ye Felikisi Klɔ
23Gi ɔyasɔʋi lɔ ɛsɛ ɛ, baguta ba ɔka ʋidi ye axwa yɛ baguta baka tiaʋa le asi ba si, “Mlaki tɔ baguta alafa tiaʋa beze ní kublabla mɛ gi biatrɛ ní Kaisarea ɛ, ba ni isɔ bakpɛkpɛ avi tegloele ni baguta ba gi bizevu akplɔ ʋa ɛ alafa tiaʋa, mlabla tɔ mlasɛ kulagɔ ní inyɔ ɔgɔtole me. 24Mlapɛ isɔ batɔ aki Paulo gi aakpɛ ɛ, tɔ mledi le aʋa si eku Kesea Ɔʋadi ye Felikisi iwla mɛ ɛ liboeboe mɔbamɔba.”
25Lɛ baguta ba ɔka ʋidi ye aŋwlimi keplekpa gi ka mɛ eboe la ɛtrɛ nite, apɔnɔ aki ba ɛ.
26Kɛ dɔ ní Claudio Lisias kɔ ɛki Kesea Ɔʋadi ye Obùbùnɛ Felikisi: Mapani wɔ.
27Yudanɛ ma bevu onyime liɛ gi bɛpɛ si beye ye e. Menu si onu Roma ɔnɛ lɛ matsini mɛ baguta ba xe kwizi yɛ ní ba awla ɛ. 28Mapɛ si mite kidiliɛ gi kɛ loso beehe eboe la ni yɛ ɛ, lɛ loso magbani yɛ atsini ba otsixwa klɔ. 29Mamɔ egyesi si ɔ́bitɛ kididɔ gi kizia si otse e, loo bakpɛ yɛ ligba; kunutsatsa ní yɛ su kunu ba tutɔ ba ɔsã nɔ su eboe. 30Lɛ gi bɛki mete si bɛtrɔ si beye ye e, matrɔ lɛ si maatsisi yɛ ní wɔ klɔ. Masi banama gi bɛyɔ kedu ya ní yɛ su si, bakɔ liboe le amani wɔ klɔ ɔ.
31Lɛ loso baguta ba bɛbitɛ ní ɔsã nɔ aʋa. lɛ bɛgbani Paulo esɛnɔ elesi la a, xe bezeku Antipatri i. 32Kele titia mɛ ɛ, bagutaa ba gi bɛga ikli lɛ ɛ, bekyi dzi ba kepea mɛ, lɛ bɛyurɔ báklɔ gi bɛzɛ kpɛ isɔ ʋa a si ba gbani yɛ atsinɔ ní Kaisarea ɛ. 33Gi beku Kaisarea ɛ, bɛkɔ keplekpa ɛki Kesea ɔʋadi ye lɛ bɛkɔ Paulo ɛkpɛ ní yɛ awla ɛ. 34Kesea ɔʋadi ye akla keplekpaa, lɛ eʋi Paulo si nifɔ ádɔ na a? Gi enu si ádɔ ní Kilikia ɛ, 35asi yɛ si, “Maanu wɔ liboe le xegi banama gi bɛkɔ liboe ní wɔsu bɛ ba ɛ.” Lɛ aki ɔsã si bakpɛ Paulo ní ligba tɔ bazeepe pe ye ní Kepea lia gi Herodes atsa ɛ mɛ.
Currently Selected:
Axwɛ 23: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 23
23
1Paulo efeke aŋu na edi betsixwa ba lɛ apani si i, “Mɛ akɔanɛ Israɛlanɛ ma, mawa mɛ lixwɛ nɛ aki Aya gi mɛ ɔna nɔ mɛ ɛdra ní kiliɛ gi meze ní Aya aŋu mɛ ga kɔna ni abla ɛ su.” 2Kusɔliɔ ɔka ʋidi ye Anania asi banama gi bɛlɛɛ ní Paulo su si, basa yɛ bidɔ ní onugu lo aʋa a. 3Paulo asi ye si, “Aya aasa wɔ bidɔ godoo wɔ ligli gi besi akalo ye kɔ ɛ. Wodi niklɔ ɛxwa litsi nì mɛ ní ɔsã nɔ onu pɔ̀ wɔɛta ɔsã nɔ ese gi wɔki ɔsã si basa mɛ bidɔ ɛ!”
4Banama gi beti pɔni Paulo e, bɛsi yɛ si, “Aya yɛ kusɔliɔ Ɔka ʋidi ye wɔekpini te e?”
5Paulo ebu le onu si, “Mɛ akɔanɛ Israɛlanɛ ma, Méte si yɛ onu kusɔliɔ ɔka ʋidi ye e, kuŋwlimi dradra kwipani si, ‘wukipani liboe zimizi ni ɔnɔ gi ɛɛŋa mlɔ akɔanɛ ma aʋa su u.’ ”
6Gi Paulo amɔ si betsixwa ba mɛ batɔ benu Saduki banɛ ɛ, xe batɔ kyɛ benu Farisianɛ loso e, akpɛ ozi lo gagla ní litsi le me si, “Blɔ akɔanɛ Israɛlanɛ ma, menu Farisiɔnɛ, lɛ menu Farisianɛ ma obi. Bɛɛxwa litsi nì mɛ ni ya kɔkpɛ mɛ kudeonudidi si bekpo ʋa biayɔ lɛ biadzi ligbã a.”
7Gi anya apani nite ko e, kuboehe kwiku ni Farisianɛ ma ni Saduki banɛ ma kusi. lɛ kutsatsaa kwilɛ ɛ. 8Saduki banɛ ma bizeedo si banima bátrayɔ ɛdɔni bekpo ba mɛ ɛ, lɛ bázɛ lɛ kyɛ si Aya yɛ baxwɛdzɛ balɛ ɛ, lɛ ifuɛfuɛ nɛ kyɛ ilɛ ɛ, pɔ̀ farisianɛ ma kɔ bɛzi bɛ petee aʋa ɛɛŋa a.
9Ozi lo ɛfiʋi kɔtɔɔ ní klɔ, ɔsã nɔ badɔbasɛ batɔ gi bali ní Farisianɛ ma ɔha lɔ mɛ ɛ, bɛyɔ ɛlɛ, lɛ behe eboe gagla si: “Kumɔ kididɔ gi kizizi ni onyime liɛ ya su u! Nyaŋwɛ ete xe Ɔfuɛfuɛ loo Aya yɛ ɔxwɛdzɛ ɔtɔ anya egu kunugu aki yɛ ɛ?” 10Kuboeheo kwize gagla nite me si lifu liku baguta ba ɔka ʋidi ye si biakyi Paulo ɔgbagbee. Lɛ loso asi yɛ baguta ba si bagbani Paulo edono ní banima kusi atsinɔ ni baguta ba kepea mɛ ɛ.
11Liwe lɛ klɔ elesi la ɛ, Ɔkaɛ alɛ ní Paulo su lɛ asi yɛ si, “Ɔna oze wɔ lipo. Kiliɛ gi wɔŋa katsalia ɔki mɛ ní Yerusalem i, nite ke wɔaŋa kimɛ ni Roma kyɛ.”
Bɛbitɛ kunyanya Si Biaye Paulo
12Gi kelea kɛti i, Yudanɛ ma bɛtsa lɛ bɛnya onugu si, bátraŋa bidɔ loo ŋwe kididɔ kɔkpɛni lipoe lɛ gi beye Paulo o. 13Banama gi bɛnya onugu ɔlɔ ya ɛ, bɛsani benyime avi tene. 14Lɛ bɛtrɛ ní Kusumu yo baka ba ni banɔtsitsi ba klɔ lɛ bɛsi ba si, “kwinya onugu ni kakaplɛ si kutraŋa kididɔ kɔkpɛni lipoe lɛ gi kwiye Paulo e. 15Abla ɛ, mlɔ ni betsixwa ba ɛ, mlakpɛ banɔ ní baguta ba ɔka ʋidi ye klɔ tɔ ba si yɛ si, ɔgbani Paulo ɔmani mlɔ; mlɛpɛ si mlenu eboe atɔ mɛ sanɔ ɛdɔni yɛ kɔ. Pɔ̀ blɔ kɔ kwiaze ní kublabla mɛ si kwiaye ye xe aba eku ní ya a.”
16Pɔ̀ Paulo yenemidzɛ Yebi enu liboe le lɛ atrɛ ní baguta ba kepea mɛ ɛ, xe azɛɛsi Paulo e.
17Lɛ Paulo axwa baguta ba ɔka ɔtɔ lɛ asi yɛ si “gbani ɔyasɔʋi ɔ lɔ ya tsini baguta ba ɔka ʋidi ye liboetɔ lilɛ yɛ awla gi si yisi yɛ ɛ.”
18Baguta ba ɔkaɛ agbani yɛ atsini ɔka ʋidi ye lɛ asi yɛ si, “Paulo gi ɔkpasi ligba lɛ ɛ, axwa mɛ lɛ asi mɛ si, migbani ɔyasɔʋi ɔ lɔ ya mani wɔ, lɛ ese linu si liboetɔ lilɛ ní lɔ awla gi si lɔɛsi wɔ ɛ.”
19Baguta ba ɔka ʋidi ye evu yɛ kawlakpɔa lɛ ebu ye kuka a, xe eʋi ye si i, “Liboe woli lilɛ gi wɔ si wusi mɛ ɛ?”
20Ebu le onu si “Yudanɛ ma bɛtrɔ si biasi wɔ si gbani Paulo mani otsixwa klɔ kivo tɔ beʋi ye liboetɔ mɛ ɛdɔni yɛ kɔ. 21Pɔ̀ wukíta ba kutu u, lɛ ese linu si benyime gi bɛsani banɔ avi tene e, bɛtráze ni ɔxa mɛ ɛki yɛ ɛ. Bɛnya onugu si bátraŋa bidɔ loo ŋwɛ kididɔ gakɔkpɛ ni lipoe lɛ gi beye ye e. Bali ní kublabla mɛ abla lɛ wɔ liboe le onu kubúbú ko beepe.” 22Baguta ba ɔka ʋidi ye asi yɛ si “Kúsi ɔnɔnɔ si wodo liboe lɛ ya ɔsi mɛ ɛ.” Lɛ akpɛ ɔyasɔʋi lɔ kude xe ɛsɛ ɛ.
Bɛtsisi Paulo Ní Okusi ye Felikisi Klɔ
23Gi ɔyasɔʋi lɔ ɛsɛ ɛ, baguta ba ɔka ʋidi ye axwa yɛ baguta baka tiaʋa le asi ba si, “Mlaki tɔ baguta alafa tiaʋa beze ní kublabla mɛ gi biatrɛ ní Kaisarea ɛ, ba ni isɔ bakpɛkpɛ avi tegloele ni baguta ba gi bizevu akplɔ ʋa ɛ alafa tiaʋa, mlabla tɔ mlasɛ kulagɔ ní inyɔ ɔgɔtole me. 24Mlapɛ isɔ batɔ aki Paulo gi aakpɛ ɛ, tɔ mledi le aʋa si eku Kesea Ɔʋadi ye Felikisi iwla mɛ ɛ liboeboe mɔbamɔba.”
25Lɛ baguta ba ɔka ʋidi ye aŋwlimi keplekpa gi ka mɛ eboe la ɛtrɛ nite, apɔnɔ aki ba ɛ.
26Kɛ dɔ ní Claudio Lisias kɔ ɛki Kesea Ɔʋadi ye Obùbùnɛ Felikisi: Mapani wɔ.
27Yudanɛ ma bevu onyime liɛ gi bɛpɛ si beye ye e. Menu si onu Roma ɔnɛ lɛ matsini mɛ baguta ba xe kwizi yɛ ní ba awla ɛ. 28Mapɛ si mite kidiliɛ gi kɛ loso beehe eboe la ni yɛ ɛ, lɛ loso magbani yɛ atsini ba otsixwa klɔ. 29Mamɔ egyesi si ɔ́bitɛ kididɔ gi kizia si otse e, loo bakpɛ yɛ ligba; kunutsatsa ní yɛ su kunu ba tutɔ ba ɔsã nɔ su eboe. 30Lɛ gi bɛki mete si bɛtrɔ si beye ye e, matrɔ lɛ si maatsisi yɛ ní wɔ klɔ. Masi banama gi bɛyɔ kedu ya ní yɛ su si, bakɔ liboe le amani wɔ klɔ ɔ.
31Lɛ loso baguta ba bɛbitɛ ní ɔsã nɔ aʋa. lɛ bɛgbani Paulo esɛnɔ elesi la a, xe bezeku Antipatri i. 32Kele titia mɛ ɛ, bagutaa ba gi bɛga ikli lɛ ɛ, bekyi dzi ba kepea mɛ, lɛ bɛyurɔ báklɔ gi bɛzɛ kpɛ isɔ ʋa a si ba gbani yɛ atsinɔ ní Kaisarea ɛ. 33Gi beku Kaisarea ɛ, bɛkɔ keplekpa ɛki Kesea ɔʋadi ye lɛ bɛkɔ Paulo ɛkpɛ ní yɛ awla ɛ. 34Kesea ɔʋadi ye akla keplekpaa, lɛ eʋi Paulo si nifɔ ádɔ na a? Gi enu si ádɔ ní Kilikia ɛ, 35asi yɛ si, “Maanu wɔ liboe le xegi banama gi bɛkɔ liboe ní wɔsu bɛ ba ɛ.” Lɛ aki ɔsã si bakpɛ Paulo ní ligba tɔ bazeepe pe ye ní Kepea lia gi Herodes atsa ɛ mɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc