Axwɛ 17
17
Paulo ni Sila Betrɛ ní Tesalonika
1Gi bɛga Amfipoli ni Apolonia ɛza ɛ, bɛba Tesalonika, niklɔ gi Yudanɛ ma ɔtsaklɔ ɔlɛ ɛ, 2lɛ kiliɛ gi Paulo izɛbitɛ lɛ ɛ, eti eku ní ɔtsaklɔ; lɛ akɔ Ezemɔniwe tata nyɔŋ akɔ aka sika ni ba dɔni kuŋwlimi dradra mɛ ɛ, 3lɛ azeebu lɛ mɛ aki ba si, lilɛ si Kristo ɔmɔ ɔzia, tɔ ɔyɔ dɔni bekpo ʋa mɛ, “Ɔniliɛ ya ɛ yɛ onu Kristo Yesu, ɔniliɛ klɔ su liboe gi lɛ mɛɛpani si mlɔ ɔ.” 4Lɛ ba mɛ batɔ bɛziŋa, xe bɛsú Paulo ni Sila su nite ke badzɛ dzi aŋu mɛ glegle ba kyɛ ni Hela nɛ ba ya gi bizeese Aya ɛ, bamɛ beglegle kyɛ bekyi vu Aya.
5Pɔ̀ Yudanɛ ma bɛkɔ kaŋuza ní ba su u, lɛ loso bɛgbani benyime zimizi batɔ ɛpɔni isu ya dɔni ablɔ ʋa aʋa, lɛ gi bɛki banɔaklɔ ʋa bɛkpɛ likpɔ ɛ, bekpese ozi kukpɛ ní ɔma nɔ mɛ, lɛ ba balɛ ní Yason kepea onu u, gi bɛzɛpɛ́ Paulo ni Sila si bebu ba ɛki linɔkpi le e. 6Gi bámɔ ba ɛ, behe Yason ni baʋaziŋaatɔ ɛtsini ɔma nɔ betsixwa ba klɔ ni ozi si, “Benyime ba ya gi bɛɛkpɛ kunugu ní kelea mɛ ɛ, bɛba ni ya fɛ. 7Ba Yason azɛakpɛ yɛ kepea mɛ; lɛ banɔ ba ya ʋa petee bɛta Kaisaro ɔsã nɔ ese, gi bɛbasɛ si ɔnɔ dzedze e, gi bɛxwa si Yesu i, yɛ onu okusi ye.” 8Lɛ ɔnɔha lɔ ni ɔma nɔ betsixwa ba bɛpisa a, gi benu eboa la ya ʋa ɛ. 9Gi bɛnya bidɔ ɛki Yason ni banɔ gɔgɔ ba a, xe bɛtsa bɛ ɛ, bɛyurɔ awla ní basu.
Paulo ni Sila Bɛtrɛ ní Beroia
10Gi kelea keblo e, baʋaziŋa ba bɛkpɛ Paulo ni Sila kude kyɔŋ ɛtsisi Beroia. Agi beku niklɔ ɛ, bɛtrɛ ní Yudanɛ ma ɔtsaklɔ. 11Pɔ̀ banɔ ba ya kɔ ɛ, ba begyodi ʋa mɛ bɛdra ɛsani banima ní Tesalonika, ba kɔ ɛ, bɛzi liboe le ni ɔna faã, lɛ bɛzɛpami kuŋwlimi dradra mɛ liwe kakaa si eboa la gi Paulo apani i, alɛ ní la mɛ na a. 12Lɛ loso e, ba mɛ banɔ glegle bɛzi lɛ aʋa ɛɛŋa, lɛ Heladze dzi aŋu mɛ ni Helanɛ glegle ba fɛ bɛzi ŋa a.
13Agi Yudanɛ a ma gi bali ní Tesalonika benu si, Paulo apani Aya liboe le ní Beroia fɛ ɛ, bɛba niklɔ, lɛ bɛkpɛ ozi kpɛ ɔnɔha lɔ mɛ tɔ bɛɛpisa ba kyɛ. 14Pɔ̀ baʋaziŋa ba bɛtsisi Paulo axuta la kyɔŋ, lɛ Sila ni Timoteo bɛwɔ ní Beroia ɛ. 15Lɛ banama gi beze ni Paulo kude e, bɛgbani yɛ zɛnani Atene, lɛ gi Paulo aki ba ole akí Sila ni Timoteo si bagatsani yɛ kyikya ɛ, bedzi ba Beroia.
Paulo Abasi Bidɔ ní Atene
16Agi Paulo ezeedi ba kudeo onu ní Atene e, likpɛ yɛ kunugu, gi amɔ si etugu na ɛsrɛ ní ɔma nɔ mɛ ɛ. 17Lɛ apani akí Yudanɛ ma ni banama gi bénu Yudanɛ ɛ, gi bizese Aya ní Yudanɛ ma ɔtsaklɔ ɔ, kɔpɔni banama gi bizɛtsani yɛ liwe kakaa ní kedzia mɛ ɛ. 18Yɛ ni Epikurio banɛ ma ni Stoa badɔbasɛ batɔ tɔ fɛ bɛka sika. Lɛ banɔatɔ beʋi si, “Liboe woli koŋ motemotee onugugu liɛ ya fɛ ɛpɛ si yido o?” Pɔ̀ batɔ fɛ si, “Libitɛ ŋwisi kese dzedze me babuatɔ su ɛɛpani kinɛ ɛ;” lɛ ese linu si apani Yesu yɛ liboe gbã nɛ ni yɛ kuyɔyɔ dɔni bekpo ʋa mɛ su asi ba. 19Lɛ loso bɛgbani yɛ tsini otsixwa klɔ ɔ, gi bizɛxwa si Areopago o, niklɔ gi ɔma nɔ betsitsi ba bizɛtsa ɛ, ni liboe lɛ ya si, “Kwipɛ si kute kidɔ vuvu iliɛ gi wɔɛbasɛ ɛ. 20Lɛ ese linu si eboa la gi wɔɛpani i, edzì eboe vuvu ní blɔ atukpa la mɛ lɛ loso ga bu la ese e.” 21Lɛ Ateneanɛ ma petee pɔ́ ni bababa ba níklɔ ɛ, baʋímɔ ɔwla aki kidɔ dzedze tɔtɔ sani si bazenu eboe vuvu tɔ bazɛpani ní la su u.
22Gi Paulo ɔlɛɛ ní Areopago ye kutsatsa mɛ ɛ, apani si, “Mlɔ Atene benyime ba, mamɔ si, ní kidɔ kakaa mɛ ɛ, mleezesumu babu ʋa koŋ. 23Lɛ ese linu si gi maklanɔ ní mlɔ ɔma nɔ mɛ ɛ, xe mamɔ kudɔkpaa liɔ gi mleezesumu i, mamɔ ɔdɔpɔʋisuʋɔ ɔtɔ gi bɛŋwlimi ní lɔ aʋa si, ‘Ki Aya, liɛ gi béte e.’ Abla ɛ, kidiliɛ gi mléte e, pɔ̀ xe mleesumu ke e, kɛ su ko mapɛ si mipani kí mlɔ. 24Aya gi yɛ abitɛ kelea mɛ ni kidɔ kakaa ní kamɛ ɛ, yɛ onu lifunu ne ni kesea Ɔkaɛ, óʋize ní agba gi bɛwa ni iwla mɛ ɛ, 25lɛ aní banɔ iwla fɛ bizɛkɔ esumu ye e, kɔpɔnɔ ɛ, ɔ́ziã kididɔ ɛdɔnɔ ɔnɔnɔ kɔ ɔ, lɛ ese linu si yɛ ɔtutɔ yɛ aki ɔnɔ kakaa ligbã, Ɔfuɛfuɛ ni kidɔ kakaa, 26lɛ dɔni ɔnɔ tole me e, ebu kelea mɛ limade kakaa si beze kelea petee me, lɛ yɛ ɔtutɔ atrɔ lipoe ni ozekɔ aplɛ aki ba si beze e. 27Aya abitɛ la ya tɔ banima biapɛ́ yɛ, atɔ nyafɛ biamɔ yɛ, nya yɛ ɔnya dze ni blɔ su xe e. 28Lɛ ese linu si ɔnutɔ apani si,
“‘Yɛ ɔlɛ xe kulɛ ɛ, xe kuzɛɛhwa a, xe kunu kidiliɛ gi kunu u.’
“Lɛ mlɔ badzipɔ̀ ba bɛpani si, ‘Blɔ kyɛ yɛ besoebi kunu u.’
29“Abla gi kunu Aya yɛ bebi i, líma si kugyo le edi si, Aya liɛ ya ɛ, ɔlɛ ko ŋwisi sika loo klosalo loo likla gi bɛ bitɛ ní ɔnɔ yɛ kibitɛ ani litukpo me kugyodi unu kinɛ ɛ. 30Lɛ tsã ní lipoe lɛ klɔ mɛ gi mlézete e, Aya ada bimbi ní lɛ aʋa, pɔ̀ abla ɛ, akpɛ ɔsã kí banima ní ɔkɔ kakaa si, bekyi ní ba ina nɛ mɛ. 31Lɛ ese linu si atrɔ liwe gi lɛ aʋa atráxwa litsi ni kelea petee ní anukwarɛ mɛ ɛ, gani onyime ɔtɔ gi akya aʋa, lɛ abasi ɔnɔ kakaa si, linu anukwarɛɛ gi ayɔ ni ɔniliɛ klɔ ʋa dɔni bekpo ʋa mɛ ɛ.”
32Agi benu gi Paulo ɛɛpani ní bekpo ʋa kuyɔyɔ su i, banɔatɔ bebu onugu me ní yɛ su, pɔ̀ batɔ bɛpani si, “Kwiapɛ si kwidzini eboa la ya unu lipoe dzedze.” 33Nite lize xe Paulo asɛ ní ba kusi i. 34Pɔ̀ benyimeatɔ bɛsú yɛ su, lɛ bɛziŋa ɛ, banɔ ba ya ba mɛ tole onu Dionisio, ɔnɔtsitsi tole e, ani ɔdzɛ ɔtɔ gi bizɛxwa si Damari kɔpɔni banɔdzedze gi bɛpɔni ba ɛ.
Currently Selected:
Axwɛ 17: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 17
17
Paulo ni Sila Betrɛ ní Tesalonika
1Gi bɛga Amfipoli ni Apolonia ɛza ɛ, bɛba Tesalonika, niklɔ gi Yudanɛ ma ɔtsaklɔ ɔlɛ ɛ, 2lɛ kiliɛ gi Paulo izɛbitɛ lɛ ɛ, eti eku ní ɔtsaklɔ; lɛ akɔ Ezemɔniwe tata nyɔŋ akɔ aka sika ni ba dɔni kuŋwlimi dradra mɛ ɛ, 3lɛ azeebu lɛ mɛ aki ba si, lilɛ si Kristo ɔmɔ ɔzia, tɔ ɔyɔ dɔni bekpo ʋa mɛ, “Ɔniliɛ ya ɛ yɛ onu Kristo Yesu, ɔniliɛ klɔ su liboe gi lɛ mɛɛpani si mlɔ ɔ.” 4Lɛ ba mɛ batɔ bɛziŋa, xe bɛsú Paulo ni Sila su nite ke badzɛ dzi aŋu mɛ glegle ba kyɛ ni Hela nɛ ba ya gi bizeese Aya ɛ, bamɛ beglegle kyɛ bekyi vu Aya.
5Pɔ̀ Yudanɛ ma bɛkɔ kaŋuza ní ba su u, lɛ loso bɛgbani benyime zimizi batɔ ɛpɔni isu ya dɔni ablɔ ʋa aʋa, lɛ gi bɛki banɔaklɔ ʋa bɛkpɛ likpɔ ɛ, bekpese ozi kukpɛ ní ɔma nɔ mɛ, lɛ ba balɛ ní Yason kepea onu u, gi bɛzɛpɛ́ Paulo ni Sila si bebu ba ɛki linɔkpi le e. 6Gi bámɔ ba ɛ, behe Yason ni baʋaziŋaatɔ ɛtsini ɔma nɔ betsixwa ba klɔ ni ozi si, “Benyime ba ya gi bɛɛkpɛ kunugu ní kelea mɛ ɛ, bɛba ni ya fɛ. 7Ba Yason azɛakpɛ yɛ kepea mɛ; lɛ banɔ ba ya ʋa petee bɛta Kaisaro ɔsã nɔ ese, gi bɛbasɛ si ɔnɔ dzedze e, gi bɛxwa si Yesu i, yɛ onu okusi ye.” 8Lɛ ɔnɔha lɔ ni ɔma nɔ betsixwa ba bɛpisa a, gi benu eboa la ya ʋa ɛ. 9Gi bɛnya bidɔ ɛki Yason ni banɔ gɔgɔ ba a, xe bɛtsa bɛ ɛ, bɛyurɔ awla ní basu.
Paulo ni Sila Bɛtrɛ ní Beroia
10Gi kelea keblo e, baʋaziŋa ba bɛkpɛ Paulo ni Sila kude kyɔŋ ɛtsisi Beroia. Agi beku niklɔ ɛ, bɛtrɛ ní Yudanɛ ma ɔtsaklɔ. 11Pɔ̀ banɔ ba ya kɔ ɛ, ba begyodi ʋa mɛ bɛdra ɛsani banima ní Tesalonika, ba kɔ ɛ, bɛzi liboe le ni ɔna faã, lɛ bɛzɛpami kuŋwlimi dradra mɛ liwe kakaa si eboa la gi Paulo apani i, alɛ ní la mɛ na a. 12Lɛ loso e, ba mɛ banɔ glegle bɛzi lɛ aʋa ɛɛŋa, lɛ Heladze dzi aŋu mɛ ni Helanɛ glegle ba fɛ bɛzi ŋa a.
13Agi Yudanɛ a ma gi bali ní Tesalonika benu si, Paulo apani Aya liboe le ní Beroia fɛ ɛ, bɛba niklɔ, lɛ bɛkpɛ ozi kpɛ ɔnɔha lɔ mɛ tɔ bɛɛpisa ba kyɛ. 14Pɔ̀ baʋaziŋa ba bɛtsisi Paulo axuta la kyɔŋ, lɛ Sila ni Timoteo bɛwɔ ní Beroia ɛ. 15Lɛ banama gi beze ni Paulo kude e, bɛgbani yɛ zɛnani Atene, lɛ gi Paulo aki ba ole akí Sila ni Timoteo si bagatsani yɛ kyikya ɛ, bedzi ba Beroia.
Paulo Abasi Bidɔ ní Atene
16Agi Paulo ezeedi ba kudeo onu ní Atene e, likpɛ yɛ kunugu, gi amɔ si etugu na ɛsrɛ ní ɔma nɔ mɛ ɛ. 17Lɛ apani akí Yudanɛ ma ni banama gi bénu Yudanɛ ɛ, gi bizese Aya ní Yudanɛ ma ɔtsaklɔ ɔ, kɔpɔni banama gi bizɛtsani yɛ liwe kakaa ní kedzia mɛ ɛ. 18Yɛ ni Epikurio banɛ ma ni Stoa badɔbasɛ batɔ tɔ fɛ bɛka sika. Lɛ banɔatɔ beʋi si, “Liboe woli koŋ motemotee onugugu liɛ ya fɛ ɛpɛ si yido o?” Pɔ̀ batɔ fɛ si, “Libitɛ ŋwisi kese dzedze me babuatɔ su ɛɛpani kinɛ ɛ;” lɛ ese linu si apani Yesu yɛ liboe gbã nɛ ni yɛ kuyɔyɔ dɔni bekpo ʋa mɛ su asi ba. 19Lɛ loso bɛgbani yɛ tsini otsixwa klɔ ɔ, gi bizɛxwa si Areopago o, niklɔ gi ɔma nɔ betsitsi ba bizɛtsa ɛ, ni liboe lɛ ya si, “Kwipɛ si kute kidɔ vuvu iliɛ gi wɔɛbasɛ ɛ. 20Lɛ ese linu si eboa la gi wɔɛpani i, edzì eboe vuvu ní blɔ atukpa la mɛ lɛ loso ga bu la ese e.” 21Lɛ Ateneanɛ ma petee pɔ́ ni bababa ba níklɔ ɛ, baʋímɔ ɔwla aki kidɔ dzedze tɔtɔ sani si bazenu eboe vuvu tɔ bazɛpani ní la su u.
22Gi Paulo ɔlɛɛ ní Areopago ye kutsatsa mɛ ɛ, apani si, “Mlɔ Atene benyime ba, mamɔ si, ní kidɔ kakaa mɛ ɛ, mleezesumu babu ʋa koŋ. 23Lɛ ese linu si gi maklanɔ ní mlɔ ɔma nɔ mɛ ɛ, xe mamɔ kudɔkpaa liɔ gi mleezesumu i, mamɔ ɔdɔpɔʋisuʋɔ ɔtɔ gi bɛŋwlimi ní lɔ aʋa si, ‘Ki Aya, liɛ gi béte e.’ Abla ɛ, kidiliɛ gi mléte e, pɔ̀ xe mleesumu ke e, kɛ su ko mapɛ si mipani kí mlɔ. 24Aya gi yɛ abitɛ kelea mɛ ni kidɔ kakaa ní kamɛ ɛ, yɛ onu lifunu ne ni kesea Ɔkaɛ, óʋize ní agba gi bɛwa ni iwla mɛ ɛ, 25lɛ aní banɔ iwla fɛ bizɛkɔ esumu ye e, kɔpɔnɔ ɛ, ɔ́ziã kididɔ ɛdɔnɔ ɔnɔnɔ kɔ ɔ, lɛ ese linu si yɛ ɔtutɔ yɛ aki ɔnɔ kakaa ligbã, Ɔfuɛfuɛ ni kidɔ kakaa, 26lɛ dɔni ɔnɔ tole me e, ebu kelea mɛ limade kakaa si beze kelea petee me, lɛ yɛ ɔtutɔ atrɔ lipoe ni ozekɔ aplɛ aki ba si beze e. 27Aya abitɛ la ya tɔ banima biapɛ́ yɛ, atɔ nyafɛ biamɔ yɛ, nya yɛ ɔnya dze ni blɔ su xe e. 28Lɛ ese linu si ɔnutɔ apani si,
“‘Yɛ ɔlɛ xe kulɛ ɛ, xe kuzɛɛhwa a, xe kunu kidiliɛ gi kunu u.’
“Lɛ mlɔ badzipɔ̀ ba bɛpani si, ‘Blɔ kyɛ yɛ besoebi kunu u.’
29“Abla gi kunu Aya yɛ bebi i, líma si kugyo le edi si, Aya liɛ ya ɛ, ɔlɛ ko ŋwisi sika loo klosalo loo likla gi bɛ bitɛ ní ɔnɔ yɛ kibitɛ ani litukpo me kugyodi unu kinɛ ɛ. 30Lɛ tsã ní lipoe lɛ klɔ mɛ gi mlézete e, Aya ada bimbi ní lɛ aʋa, pɔ̀ abla ɛ, akpɛ ɔsã kí banima ní ɔkɔ kakaa si, bekyi ní ba ina nɛ mɛ. 31Lɛ ese linu si atrɔ liwe gi lɛ aʋa atráxwa litsi ni kelea petee ní anukwarɛ mɛ ɛ, gani onyime ɔtɔ gi akya aʋa, lɛ abasi ɔnɔ kakaa si, linu anukwarɛɛ gi ayɔ ni ɔniliɛ klɔ ʋa dɔni bekpo ʋa mɛ ɛ.”
32Agi benu gi Paulo ɛɛpani ní bekpo ʋa kuyɔyɔ su i, banɔatɔ bebu onugu me ní yɛ su, pɔ̀ batɔ bɛpani si, “Kwiapɛ si kwidzini eboa la ya unu lipoe dzedze.” 33Nite lize xe Paulo asɛ ní ba kusi i. 34Pɔ̀ benyimeatɔ bɛsú yɛ su, lɛ bɛziŋa ɛ, banɔ ba ya ba mɛ tole onu Dionisio, ɔnɔtsitsi tole e, ani ɔdzɛ ɔtɔ gi bizɛxwa si Damari kɔpɔni banɔdzedze gi bɛpɔni ba ɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc