Axwɛ 18
18
Paulo yɛ Axwɛwawa la ní Korinto
1Ní eboa la ya kede e, Paulo asɛ ní Atene, lɛ aba Korinto e. 2Lɛ amɔ Yudanɛ ɔtɔ, yɛ linyi ne linu Akwila, bɛpɔ yɛ ní Ponto, yɛ ni yedze Priskila bɛdɔ Italia ɛ ba liʋí dze, lɛ ese linu si Okusi ye Klaudio akpɛ ɔsã si, Yudanɛ ma petee basɛ ní Roma, lɛ Paulo atrɛ si yizedi ba ɛ, 3lɛ gi yɛ kyɛ agba la basa ʋa su ɔxwɛwa onu loso e, awɔ baklɔ lɛ bɛzɛɛwa axwɛ a na klɔ ɛ, lɛ ese linu si la izɛwa xe izɛpɛ yɛ kiŋaŋa ɛ. 4Lɛ azaapani ní ɔtsaklɔ ní Lizemɔniwe kakaa aʋa a, gi azeebu eboe la mɛ aki Yudanɛ ma ni Helanɛ ma tɔ bazɛ aŋa a.
5Gi Sila ni Timoteo bɛdɔ Makedonia ɛba ɛ, Paulo amɔ lipoe le gi azeebu liboe le me akí Yudanɛ ma si Yesu yɛ onu Kristo ye. 6Pɔ̀ gi bɛyɔ kedu ní yɛ su i, xe bɛpani ebusioboe la ɛmani yɛ su i, ekple yɛ iwla lɛ akpɛ ba lɛ apani si, “Xegi mlɛlila ɛ, lídɔ mɔkɔ, mɛ isu idra, dɔni lɛ ya aʋa ɛ miipani liboe gbã nɛ ɛki banama gi bénu Yudanɛ ɛ.”
7Gi asɛ ní ba su i, atrɛ si yizeeze ní onyime ɔtɔ gi onu Yuda ɔnɛ kɔ ɔ, yɛ linyi ne linu Tito Yusto, onu ɔnɔ gi izesumu Aya a, lɛ yɛ kepea ketipɔni Yudanɛ ma ɔtsaklɔ ɔ. 8Pɔ̀ Krispo ɔtsaklɔ ɔʋadi ye ni yɛ kepea kɔ bɛzi ɔkaɛ aʋa ɛɛŋa, lɛ Korintoanɛ ba mɛ glegle gi bɛta yɛ kutu i, bɛziŋa, lɛ bɛkpɛ kuni kí ba ɛ.
9Lɛ Ɔkaɛ asi Paulo ní kububasɛ mɛ elesi la si, “Wukíse lifu, pɔ̀ pani liboe le, wukígɔ tsriɖi i, 10lɛ ese linu si malɛ ni wɔ, lɛ ɔnɔnɔ ɔ́trado ní wɔ aʋa si yiwa wɔ nyɔnyɔɛ, lɛ ese linu si banɔ glegle bali ní mɛ awla ní ɔma nɔ ya mɛ.” 11Lɛ Paulo eze niklɔ ligɔ tile ni badzidzi tieglo lɛ azɛɛbasɛ Aya liboe le ní ba kusi i.
12Lipoe lɛ gi Galio edzì Roma ɔnɛ ɔʋadi ye ní Axaya kesea aʋa ɛ, Yudanɛ atɔ bɛkpɛ isu likpɔ lɛ bɛyɔ kedu ní Paulo su i, xe bevu ye mani otsixwaklɔ ɛ, 13lɛ bɛpani si, “Ɔniliɛ eekyi banima begyodi ʋa, ɛɛbasɛ si besumu Aya gani bedeatɔ gi bɛyɔ kedu ní ɔsã nɔ su aʋa a.”
14Agi Paulo si yidra yɛ onugu lo ko e, Galio asi Yudanɛ ma si, “Xegi liboe zimizi litɔ, loo liboe nyaninyani itɔ abitɛ mlɔ Yudanɛ ma ɛ, nya maaplɛ litɔ kese ta mlɔ kutu, 15pɔ̀ gi linu eboe hehe, enyi kɔpɔni mlɔ isã nɛ ɛ, mlɔ tutɔ mledi lɛ ɔza, lɛ ese linu si mátraxwa litsi ni eboa la ya elu su u.” 16Lɛ akpikpini ba dɔni otsixwa klɔ ɛ. 17Ko ba petee bevu Sostene, Yudanɛ ma ɔtsaklɔ ɔʋadi ye lɛ bekusi ye ní litsixwagbo le ɔtɔ nɔ ɛ. Pɔ̀ Galio ɔ́kɔ litɔtɔ lɛ mɛ koŋu u.
Paulo Edzi aba Antioxia
18Agi Paulo eze Korinto ewe glegle e, akla baʋaziŋa ba niklɔ lɛ eku ohu lo atrɛ ní Siria a, Priskila ni Akwila bɛpɔni yɛ, pɔ̀ xe aasɛ ní Kenkrea ɛ, axwa yɛ litukpo le lɛ ese linu si aka kitamu aplɛ aki Aya ní Yudanɛ ma ɔsã nɔ onu u. 19Lɛ bɛba Efeso e, lɛ asɛ ní Priskila ni Akwila su niklɔ ɛ, xe yɛ tete atrɛ ní Yudanɛ ma ɔtsaklɔ, lɛ yɛ nì Yudanɛ ma bɛkya eboe me e. 20Agi bɛki yɛ litukpo si oze ní basu tɔ lidze taʋɛ ɛ, ɔ́dimɛ 21pɔ̀ akla ba lɛ apani si, xe linu Aya yɛ kupɛpɛ ɛ, maadziba mlɔ klɔ. Lɛ eku ohu lo asɛ ní Efeso e.
22Gi ana Kaisarea ɛ, emu atrɛ ní Yerusalem xe azɛɛpani baʋaziŋa ba a, lɛ eple atre ní Antioxia ɛ. 23Agi eze ní niklɔ taʋɛ ɛ, asɛ lɛ azɛɛga Galatia ni Frigia bidɔ mɛ mɛ̀ ɛ, xe azaakpɛ baʋaziŋa ba pɔ́ kigagla ɛ.
Apolo Atrɛ Efeso ni Korinto
24Ni lipoe lɛ klɔ mɛ ɛ, Yudanɛ ɔtɔ gi yɛ linyi ne linu Apolo o, gi bɛpɔ ní Aleksandria ɛ, aba Efeso. Eze onyime, gi ete kunugu kìgu u, lɛ ete kuŋwlimi dradra mɛ eboe la fɛ ɛ. 25Bɛbasɛ yɛ Ɔkaɛ kudeo, lɛ ekpese Ɔkaɛ Yesu su eboe la kubasɛ mɔmɔmɔ ni kifu i, pɔ̀ Yohanes kuni kpɛkpɛ ki banima su liboe ko ete. 26Lɛ Apolo ekpese kunugu yo kugu lifumose ní ɔtsaklɔ ɔ. Pɔ̀ gi Akwila ni Priskila bɛta yɛ kutu i, bɛgbani yɛ tsini ba kepea mɛ lɛ bebu Aya liboe le ese kí yɛ mɔmɔɔmɔ ɔ.
27Gi Apolo apɛ si yitrɛ Axaya ɛ, baʋaziŋa ba bɛkpɛ ɔna yɛ lipo, lɛ bɛŋwlimi keplekpa ɛki baʋaziŋa ba ní Axaya tɔ bazɛ yɛ. Agi eku niklɔ ɛ, apɔni banɔ glegle si baziŋa gani Aya yɛ lipomepɛpɛ nɛ mɛ ɛ. 28Lɛ Yudanɛ ma bátani yɛ onu kulɛ ɛ, lɛ ese linu si gani kuŋwlimi dradraa mɛ ɛ, abasi ɔnɔ kakaa si Yesu yɛ onu Kristo ye.
Currently Selected:
Axwɛ 18: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 18
18
Paulo yɛ Axwɛwawa la ní Korinto
1Ní eboa la ya kede e, Paulo asɛ ní Atene, lɛ aba Korinto e. 2Lɛ amɔ Yudanɛ ɔtɔ, yɛ linyi ne linu Akwila, bɛpɔ yɛ ní Ponto, yɛ ni yedze Priskila bɛdɔ Italia ɛ ba liʋí dze, lɛ ese linu si Okusi ye Klaudio akpɛ ɔsã si, Yudanɛ ma petee basɛ ní Roma, lɛ Paulo atrɛ si yizedi ba ɛ, 3lɛ gi yɛ kyɛ agba la basa ʋa su ɔxwɛwa onu loso e, awɔ baklɔ lɛ bɛzɛɛwa axwɛ a na klɔ ɛ, lɛ ese linu si la izɛwa xe izɛpɛ yɛ kiŋaŋa ɛ. 4Lɛ azaapani ní ɔtsaklɔ ní Lizemɔniwe kakaa aʋa a, gi azeebu eboe la mɛ aki Yudanɛ ma ni Helanɛ ma tɔ bazɛ aŋa a.
5Gi Sila ni Timoteo bɛdɔ Makedonia ɛba ɛ, Paulo amɔ lipoe le gi azeebu liboe le me akí Yudanɛ ma si Yesu yɛ onu Kristo ye. 6Pɔ̀ gi bɛyɔ kedu ní yɛ su i, xe bɛpani ebusioboe la ɛmani yɛ su i, ekple yɛ iwla lɛ akpɛ ba lɛ apani si, “Xegi mlɛlila ɛ, lídɔ mɔkɔ, mɛ isu idra, dɔni lɛ ya aʋa ɛ miipani liboe gbã nɛ ɛki banama gi bénu Yudanɛ ɛ.”
7Gi asɛ ní ba su i, atrɛ si yizeeze ní onyime ɔtɔ gi onu Yuda ɔnɛ kɔ ɔ, yɛ linyi ne linu Tito Yusto, onu ɔnɔ gi izesumu Aya a, lɛ yɛ kepea ketipɔni Yudanɛ ma ɔtsaklɔ ɔ. 8Pɔ̀ Krispo ɔtsaklɔ ɔʋadi ye ni yɛ kepea kɔ bɛzi ɔkaɛ aʋa ɛɛŋa, lɛ Korintoanɛ ba mɛ glegle gi bɛta yɛ kutu i, bɛziŋa, lɛ bɛkpɛ kuni kí ba ɛ.
9Lɛ Ɔkaɛ asi Paulo ní kububasɛ mɛ elesi la si, “Wukíse lifu, pɔ̀ pani liboe le, wukígɔ tsriɖi i, 10lɛ ese linu si malɛ ni wɔ, lɛ ɔnɔnɔ ɔ́trado ní wɔ aʋa si yiwa wɔ nyɔnyɔɛ, lɛ ese linu si banɔ glegle bali ní mɛ awla ní ɔma nɔ ya mɛ.” 11Lɛ Paulo eze niklɔ ligɔ tile ni badzidzi tieglo lɛ azɛɛbasɛ Aya liboe le ní ba kusi i.
12Lipoe lɛ gi Galio edzì Roma ɔnɛ ɔʋadi ye ní Axaya kesea aʋa ɛ, Yudanɛ atɔ bɛkpɛ isu likpɔ lɛ bɛyɔ kedu ní Paulo su i, xe bevu ye mani otsixwaklɔ ɛ, 13lɛ bɛpani si, “Ɔniliɛ eekyi banima begyodi ʋa, ɛɛbasɛ si besumu Aya gani bedeatɔ gi bɛyɔ kedu ní ɔsã nɔ su aʋa a.”
14Agi Paulo si yidra yɛ onugu lo ko e, Galio asi Yudanɛ ma si, “Xegi liboe zimizi litɔ, loo liboe nyaninyani itɔ abitɛ mlɔ Yudanɛ ma ɛ, nya maaplɛ litɔ kese ta mlɔ kutu, 15pɔ̀ gi linu eboe hehe, enyi kɔpɔni mlɔ isã nɛ ɛ, mlɔ tutɔ mledi lɛ ɔza, lɛ ese linu si mátraxwa litsi ni eboa la ya elu su u.” 16Lɛ akpikpini ba dɔni otsixwa klɔ ɛ. 17Ko ba petee bevu Sostene, Yudanɛ ma ɔtsaklɔ ɔʋadi ye lɛ bekusi ye ní litsixwagbo le ɔtɔ nɔ ɛ. Pɔ̀ Galio ɔ́kɔ litɔtɔ lɛ mɛ koŋu u.
Paulo Edzi aba Antioxia
18Agi Paulo eze Korinto ewe glegle e, akla baʋaziŋa ba niklɔ lɛ eku ohu lo atrɛ ní Siria a, Priskila ni Akwila bɛpɔni yɛ, pɔ̀ xe aasɛ ní Kenkrea ɛ, axwa yɛ litukpo le lɛ ese linu si aka kitamu aplɛ aki Aya ní Yudanɛ ma ɔsã nɔ onu u. 19Lɛ bɛba Efeso e, lɛ asɛ ní Priskila ni Akwila su niklɔ ɛ, xe yɛ tete atrɛ ní Yudanɛ ma ɔtsaklɔ, lɛ yɛ nì Yudanɛ ma bɛkya eboe me e. 20Agi bɛki yɛ litukpo si oze ní basu tɔ lidze taʋɛ ɛ, ɔ́dimɛ 21pɔ̀ akla ba lɛ apani si, xe linu Aya yɛ kupɛpɛ ɛ, maadziba mlɔ klɔ. Lɛ eku ohu lo asɛ ní Efeso e.
22Gi ana Kaisarea ɛ, emu atrɛ ní Yerusalem xe azɛɛpani baʋaziŋa ba a, lɛ eple atre ní Antioxia ɛ. 23Agi eze ní niklɔ taʋɛ ɛ, asɛ lɛ azɛɛga Galatia ni Frigia bidɔ mɛ mɛ̀ ɛ, xe azaakpɛ baʋaziŋa ba pɔ́ kigagla ɛ.
Apolo Atrɛ Efeso ni Korinto
24Ni lipoe lɛ klɔ mɛ ɛ, Yudanɛ ɔtɔ gi yɛ linyi ne linu Apolo o, gi bɛpɔ ní Aleksandria ɛ, aba Efeso. Eze onyime, gi ete kunugu kìgu u, lɛ ete kuŋwlimi dradra mɛ eboe la fɛ ɛ. 25Bɛbasɛ yɛ Ɔkaɛ kudeo, lɛ ekpese Ɔkaɛ Yesu su eboe la kubasɛ mɔmɔmɔ ni kifu i, pɔ̀ Yohanes kuni kpɛkpɛ ki banima su liboe ko ete. 26Lɛ Apolo ekpese kunugu yo kugu lifumose ní ɔtsaklɔ ɔ. Pɔ̀ gi Akwila ni Priskila bɛta yɛ kutu i, bɛgbani yɛ tsini ba kepea mɛ lɛ bebu Aya liboe le ese kí yɛ mɔmɔɔmɔ ɔ.
27Gi Apolo apɛ si yitrɛ Axaya ɛ, baʋaziŋa ba bɛkpɛ ɔna yɛ lipo, lɛ bɛŋwlimi keplekpa ɛki baʋaziŋa ba ní Axaya tɔ bazɛ yɛ. Agi eku niklɔ ɛ, apɔni banɔ glegle si baziŋa gani Aya yɛ lipomepɛpɛ nɛ mɛ ɛ. 28Lɛ Yudanɛ ma bátani yɛ onu kulɛ ɛ, lɛ ese linu si gani kuŋwlimi dradraa mɛ ɛ, abasi ɔnɔ kakaa si Yesu yɛ onu Kristo ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc