Axwɛ 16
16
Timoteo Ekuni Paulo ni Sila Kude
1Paulo ni Sila bɛtrɛ Derbe lɛ gi bɛsɛ niklɔ ʋa ɛ, bɛtrɛ ní Listra niklɔ gi ɔʋaziŋa ɔtɔ ɔ gi bizɛxwa si Timoteo eze e. Yene eze Yudadze gi azɛ Yesu aʋa aŋa ɛ, pɔ̀ yɛka eze Hela ɔnɛ ɛ. 2Benemi ba petee ní Listra ni Ikonion, bɛki kunutsatsa gbã ní Timoteo su. 3Paulo apɛ si yigbani yɛ evu ní yɛ kudegagaa mɛ, lɛ loso aki si batsà ɔyaʋi aki yɛ kɔkpɛ Yudanɛ ma gi bali niklɔ loso o, lɛ ese linu si ba petee bete sì yɛka onu Hela ɔnɛ.
4Agi bɛzɛga ima nɛ mɛ ɛza ɛ, bɛsi baʋaziŋa ba batrɔtrɔ ʋa gi baxwɛdzɛ ba ni betsitsi ba, ní Yerusalem bɛtrɔ likla ɛki ba si bevu ní awla su u. 5Nite si kigagla kiku iha lɛ su ní kuziŋa mɛ, lɛ ba kiklaklaɛ kizɛsrɛ pɔnɔ liwe kakaa a.
Paulo Amɔ Kububasɛ ní Troa
6Gi bɛsɛ niklɔ ɛ, Paulo ni yɛ bagaglɔnɛ ba bɛga Frigia ni Galatia kuseo me eza, lɛ ese linu si Aya Ɔfuɛfuɛ nɔ etsí kude ɛki ba si bakípani liboe gbã nɛ ní Asia, 7lɛ gi beku Misia ɛ, bekeni idi si beetiku ní Bitinia, pɔ̀ Yesu yɛ Ɔfuɛfuɛ nɔ ɔ́ki ba kude e. 8Lɛ loso bɛdɔ Misia ɛza lɛ beple eku ní Troa ɛ. 9Elesi la ɛ, Paulo amɔ kububasɛ si onyime ɔtɔ gi ádɔ Makedonia ɛ, ɔlɛ kedu ya lɛ ɛɛki yɛ litukpo si, “Tsa axu la ba Makedonia tɔ gapɔni blɔ!”
10Agi Paulo amɔ kububasɛɔ ko e, kwibla kyɔŋ si, kutrɛ ní Makedonia lɛ ese linu si kwimɔ si, Aya axwa blɔ si kuzɛɛpani liboe gbã nɛ kí banima niklɔ.
Lidia Filipidzee Ekyi yɛ Ɔna mɛ
11Abla ɛ, kwiku onitsahu lo dɔni Troa lɛ kwitsa axu la ɛtrɛ ní Samotrake, ní keletitia mɛ ɛ, kwiku Neapoli. 12Lɛ dɔni niklɔ ɛ, kwiba Filipi gi onu Makedonia kesea ɔma ʋidi lo o, eze Roma banɛ ma ɔma lɛ kwize ní ɔma lɔ klɔ mɛ ewe atɔ ɔ.
13Ní Lizemɔniwe le aʋa ɛ, kwido ní ɔma nɔ mɛ ɛtrɛ ní onipe lo su ní blɔ kugyodi onu si, banima biaxogo ní ɔkutɔ klɔ ʋa zɛɛxwa Aya. Agi kwize kesɛa ɛ, kwipani ki badzɛatɔ gi bexogo niklɔ ɛ. 14Badzɛa ya gi beze nu Paulo liboe le e, bamɛ tole eze ɔdzɛ ɔtɔ gi bɛzɛxwa si Lidia a. Eze kusa kyikyi ɔdada ní Tiatira ɔma nɔ mɛ ɛ. Eze ɔnɔ gi azeesumu Aya a lɛ Ɔkaɛ adra yɛ ɔna nɔ si onu liboe gbã nɛ, lɛ azɛ eboa la gi Paulo ɛɛpani i. 15Lɛ gi bɛkpɛ kuni kí yɛ ni yɛ kepea petee e, asi blɔ si, “Xe mlɛzi lɛ si medzi Ɔkaɛ yɛ ɔʋaziŋa ɛ, kɔlɔ mlagaze ní mɛ kepea mɛ.” Lɛ blɔ fɛ kwizi lɛ ɛ.
Bɛkpɛ Paulo ni Sila Ligba ní Filipi
16Liba lɛ mɛ si, gi kwizɛtrɛ níklɔ gi bizɛxwa Aya ɛ, kadzɛʋi ɔnɔdzidzi ɔtɔ mɛ gi Ɔfuɛfuɛ zimizi eze e, xe eze ɔkpakpadze e, atsani blɔ, azɛɛki si yɛ benete ba bɛzɛɛmɔ kibɔ glegle dɔni yɛ kukpakpaa mɛ ɛ. 17Ekuni Paulo ni blɔ kude, ni ozi si, “Banɔaya ba ɛ, Aya Ʋidi ye yɛ baxwɛdzɛ benu, bɛɛpani kimlɔ ní kiliɛ gi mlaga a, xe mlamɔ kubúbú su u.” 18Eze ní lɛ aʋa ewe glegle gi liki si Paulo eyeʋi isu u, ekyi lɛ asi Ɔfuɛfuɛ nɔ ní ɔdzɛʋi ɛ mɛ si, “Makpɛ ɔsã akí wɔ ní Yesu Kristo linyi ne me si do za ní yɛ mɛ!” Lɛ Ɔfuɛfuɛ nɔ edo ní ɔnyɔsasa lɔ klɔ ke aʋa ɛ.
19Agi ɔdzɛʋi yɛ yɛ benete ba bɛmɔ si, ba ɔŋa klɔ gi lɔ aʋa bɛɛwa igyi le edo eza ɛ, bevu Paulo ni Sila, lɛ behe ba ɛtsini line ne me e, ní betsixwa ba aŋu mɛ, 20lɛ gi bɛgbani ba tsini ɔma nɔ betsixwa ba klɔ ɛ, bɛpani si, “Banɔ ba ya ba ɛ, Yudanɛ benu, lɛ bɛɛpisa blɔ ɔma nɔ, 21xe bɛɛbasɛ ikɔɛ lɛ klɔ ɔ, gi iyɔ kedu ní blɔ ɔsã nɔ su u, gi kutrátani lɛ aʋa kubitɛ ɛ, lɛ ese linu si Romaanɛ kunu u.”
22Lɛ linɔkpi le liyɔ kedu ní Paulo ni Sila su u, lɛ betsixwa ba bɛki si bakyì ewu la ní Paulo ni Sila su i, lɛ bɛki kigagla si bekusi ba a. 23Agi bekusi ba mɔmɔɔmɔ ɛ, bɛkpɛ ba ligba, lɛ bɛki ligba lɛ aʋa odidi ye ɔsã si ɔbla ba mɔmɔɔmɔ. 24Gi yɛ kɔɔ azɛ ɔsã nɔ ɛ, akɔ ba akpɛ ní ligba lɛ odzudzu klɔ ke, lɛ abɔ ba ikli lɛ ègboo na ɛ.
25Lɛ elesi la tetsu i, Paulo ni Sila bɛzɛxwa Aya, lɛ bɛzɛzà idzi i zɛkpɔ Aya a, lɛ banama gi beze ligba lɛ ɛ, bɛzɛɛta ba kutu. 26Kyɔŋ klɔ ko e, kesea kɛhwa gagla, niteme si ligba zizi nɛ lisugu, lɛ ipupo le petee idra ní lɛ isuwla mɛ ɛ, lɛ ègboo na gi bɛkpɛ banima ɛ eble e. 27Ko e, ligba lɛ aʋa odidi ye enyime adɔ ni sra mɛ, lɛ gi amɔ si ligba lɛ ipupo le idra edu i, ebu yɛ ihɛ gblamadzaɛ si yiye isu ya, lɛ ese linu si egyoedi si banama petee gi bɛkpɛ ligba lɛ ɛ, bese sɛ. 28Pɔ̀ Paulo akpɛ ozí ni ole gagla si, “Wukíkpɛ isu ya libi itɔtɔ, lɛ ese linu si blɔ petee kuli ní ni ya.”
29Gi ligba lɛ ɔʋadi ye eʋi i, xe bɛki yɛ kani yɛ ɛ, ese eku ní ligba lɛ mɛ, azeesugu lɛ adɔ ní Paulo ni Sila ikli lɛ onu u. 30Lɛ agbani ba edono xe eʋi si, “Baka ba, ege kilɛ kí mɛ si mibitɛ xe mamɔ kubúbú na a?”
31Lɛ bebu le onu si, “Zi Ɔkaɛ Yesu aʋa ŋa a, tɔ mlɔ ni mlɔ kepea mlamɔ kubúbú.” 32Lɛ bɛzɛpani Ɔkaɛ su eboe la ɛ si yɛ ni banima petee ní yɛ kepea mɛ ɛ. 33Lɛ agbani ba ní elesi la ɔnyɔsasa lɔ klɔ aʋa a, xe abɔ ba ebi la aki ba ɛ, lɛ bɛkpɛ kuni kí yɛ ni yɛ benete ba petee kyɔŋ ɔ. 34Lɛ ligba lɛ ɔʋadi ye atsini ba ní yɛ kepea mɛ ɛ, xe aki ba kiŋaŋa a, lɛ yɛ ni yɛ kepea pɔ́ bɛmɔ isami si, bedzi Aya yɛ baʋaziŋa a.
35Gi kelea kɛti i, ɔma nɔ betsixwa ba bɛkpɛ bewukpɛ ba ɛ tsisi ligba lɛ aʋa odidi ye ni ɔsã si, “Yurɔ benyime ba klɔ ba tɔ basɛ.” 36Lɛ ligba lɛ ɔʋadi ye asi Paulo eboa la si, “Ɔma nɔ betsixwa ba bɛtsisi ɔnɔ si, bayurɔ wɔ ni Sila; lɛ loso e, mledo abla tɔ mlatrɛ ní kusuyɔ mɛ ɛ!”
37Lɛ Paulo asi bewukpɛ ba si, “Gi bekusi blo litsi mɔxwamɔxwa ní ɔma nɔ kusi i, blɔ banama gi kunu Roma banɛ ma ɛ, xe bɛkpɛ blɔ ligba lɛ ɛ, abla kɔ mlábú blo ní kikpokpo me na a? Owo! mlaki tɔ baga ebu blo ba tutɔ.”
38Lɛ bewukpɛ ba bɛzɛpani eboa la ya ɛsi betsixwa ba ɛ, agi benu si Roma banɛ Paulo ni Sila benu i lifu liku ba, 39lɛ bɛba ɛyɔ Paulo ni Sila ba ina nɛ ɛ. Xe bɛ gbani ba edono e, lɛ beʋi dɔni ba iwla mɛ si basɛ ní ɔma nɔ mɛ ɛ. 40Gi Paulo ni Sila bedo ní ligba lɛ ɛ, bɛtrɛ ní Lidia kepea mɛ, niklɔ bɛtsani baʋaziŋa ba xe bɛkpɛ ɔna ba lipo, lɛ bɛsɛ ɛ.
Currently Selected:
Axwɛ 16: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 16
16
Timoteo Ekuni Paulo ni Sila Kude
1Paulo ni Sila bɛtrɛ Derbe lɛ gi bɛsɛ niklɔ ʋa ɛ, bɛtrɛ ní Listra niklɔ gi ɔʋaziŋa ɔtɔ ɔ gi bizɛxwa si Timoteo eze e. Yene eze Yudadze gi azɛ Yesu aʋa aŋa ɛ, pɔ̀ yɛka eze Hela ɔnɛ ɛ. 2Benemi ba petee ní Listra ni Ikonion, bɛki kunutsatsa gbã ní Timoteo su. 3Paulo apɛ si yigbani yɛ evu ní yɛ kudegagaa mɛ, lɛ loso aki si batsà ɔyaʋi aki yɛ kɔkpɛ Yudanɛ ma gi bali niklɔ loso o, lɛ ese linu si ba petee bete sì yɛka onu Hela ɔnɛ.
4Agi bɛzɛga ima nɛ mɛ ɛza ɛ, bɛsi baʋaziŋa ba batrɔtrɔ ʋa gi baxwɛdzɛ ba ni betsitsi ba, ní Yerusalem bɛtrɔ likla ɛki ba si bevu ní awla su u. 5Nite si kigagla kiku iha lɛ su ní kuziŋa mɛ, lɛ ba kiklaklaɛ kizɛsrɛ pɔnɔ liwe kakaa a.
Paulo Amɔ Kububasɛ ní Troa
6Gi bɛsɛ niklɔ ɛ, Paulo ni yɛ bagaglɔnɛ ba bɛga Frigia ni Galatia kuseo me eza, lɛ ese linu si Aya Ɔfuɛfuɛ nɔ etsí kude ɛki ba si bakípani liboe gbã nɛ ní Asia, 7lɛ gi beku Misia ɛ, bekeni idi si beetiku ní Bitinia, pɔ̀ Yesu yɛ Ɔfuɛfuɛ nɔ ɔ́ki ba kude e. 8Lɛ loso bɛdɔ Misia ɛza lɛ beple eku ní Troa ɛ. 9Elesi la ɛ, Paulo amɔ kububasɛ si onyime ɔtɔ gi ádɔ Makedonia ɛ, ɔlɛ kedu ya lɛ ɛɛki yɛ litukpo si, “Tsa axu la ba Makedonia tɔ gapɔni blɔ!”
10Agi Paulo amɔ kububasɛɔ ko e, kwibla kyɔŋ si, kutrɛ ní Makedonia lɛ ese linu si kwimɔ si, Aya axwa blɔ si kuzɛɛpani liboe gbã nɛ kí banima niklɔ.
Lidia Filipidzee Ekyi yɛ Ɔna mɛ
11Abla ɛ, kwiku onitsahu lo dɔni Troa lɛ kwitsa axu la ɛtrɛ ní Samotrake, ní keletitia mɛ ɛ, kwiku Neapoli. 12Lɛ dɔni niklɔ ɛ, kwiba Filipi gi onu Makedonia kesea ɔma ʋidi lo o, eze Roma banɛ ma ɔma lɛ kwize ní ɔma lɔ klɔ mɛ ewe atɔ ɔ.
13Ní Lizemɔniwe le aʋa ɛ, kwido ní ɔma nɔ mɛ ɛtrɛ ní onipe lo su ní blɔ kugyodi onu si, banima biaxogo ní ɔkutɔ klɔ ʋa zɛɛxwa Aya. Agi kwize kesɛa ɛ, kwipani ki badzɛatɔ gi bexogo niklɔ ɛ. 14Badzɛa ya gi beze nu Paulo liboe le e, bamɛ tole eze ɔdzɛ ɔtɔ gi bɛzɛxwa si Lidia a. Eze kusa kyikyi ɔdada ní Tiatira ɔma nɔ mɛ ɛ. Eze ɔnɔ gi azeesumu Aya a lɛ Ɔkaɛ adra yɛ ɔna nɔ si onu liboe gbã nɛ, lɛ azɛ eboa la gi Paulo ɛɛpani i. 15Lɛ gi bɛkpɛ kuni kí yɛ ni yɛ kepea petee e, asi blɔ si, “Xe mlɛzi lɛ si medzi Ɔkaɛ yɛ ɔʋaziŋa ɛ, kɔlɔ mlagaze ní mɛ kepea mɛ.” Lɛ blɔ fɛ kwizi lɛ ɛ.
Bɛkpɛ Paulo ni Sila Ligba ní Filipi
16Liba lɛ mɛ si, gi kwizɛtrɛ níklɔ gi bizɛxwa Aya ɛ, kadzɛʋi ɔnɔdzidzi ɔtɔ mɛ gi Ɔfuɛfuɛ zimizi eze e, xe eze ɔkpakpadze e, atsani blɔ, azɛɛki si yɛ benete ba bɛzɛɛmɔ kibɔ glegle dɔni yɛ kukpakpaa mɛ ɛ. 17Ekuni Paulo ni blɔ kude, ni ozi si, “Banɔaya ba ɛ, Aya Ʋidi ye yɛ baxwɛdzɛ benu, bɛɛpani kimlɔ ní kiliɛ gi mlaga a, xe mlamɔ kubúbú su u.” 18Eze ní lɛ aʋa ewe glegle gi liki si Paulo eyeʋi isu u, ekyi lɛ asi Ɔfuɛfuɛ nɔ ní ɔdzɛʋi ɛ mɛ si, “Makpɛ ɔsã akí wɔ ní Yesu Kristo linyi ne me si do za ní yɛ mɛ!” Lɛ Ɔfuɛfuɛ nɔ edo ní ɔnyɔsasa lɔ klɔ ke aʋa ɛ.
19Agi ɔdzɛʋi yɛ yɛ benete ba bɛmɔ si, ba ɔŋa klɔ gi lɔ aʋa bɛɛwa igyi le edo eza ɛ, bevu Paulo ni Sila, lɛ behe ba ɛtsini line ne me e, ní betsixwa ba aŋu mɛ, 20lɛ gi bɛgbani ba tsini ɔma nɔ betsixwa ba klɔ ɛ, bɛpani si, “Banɔ ba ya ba ɛ, Yudanɛ benu, lɛ bɛɛpisa blɔ ɔma nɔ, 21xe bɛɛbasɛ ikɔɛ lɛ klɔ ɔ, gi iyɔ kedu ní blɔ ɔsã nɔ su u, gi kutrátani lɛ aʋa kubitɛ ɛ, lɛ ese linu si Romaanɛ kunu u.”
22Lɛ linɔkpi le liyɔ kedu ní Paulo ni Sila su u, lɛ betsixwa ba bɛki si bakyì ewu la ní Paulo ni Sila su i, lɛ bɛki kigagla si bekusi ba a. 23Agi bekusi ba mɔmɔɔmɔ ɛ, bɛkpɛ ba ligba, lɛ bɛki ligba lɛ aʋa odidi ye ɔsã si ɔbla ba mɔmɔɔmɔ. 24Gi yɛ kɔɔ azɛ ɔsã nɔ ɛ, akɔ ba akpɛ ní ligba lɛ odzudzu klɔ ke, lɛ abɔ ba ikli lɛ ègboo na ɛ.
25Lɛ elesi la tetsu i, Paulo ni Sila bɛzɛxwa Aya, lɛ bɛzɛzà idzi i zɛkpɔ Aya a, lɛ banama gi beze ligba lɛ ɛ, bɛzɛɛta ba kutu. 26Kyɔŋ klɔ ko e, kesea kɛhwa gagla, niteme si ligba zizi nɛ lisugu, lɛ ipupo le petee idra ní lɛ isuwla mɛ ɛ, lɛ ègboo na gi bɛkpɛ banima ɛ eble e. 27Ko e, ligba lɛ aʋa odidi ye enyime adɔ ni sra mɛ, lɛ gi amɔ si ligba lɛ ipupo le idra edu i, ebu yɛ ihɛ gblamadzaɛ si yiye isu ya, lɛ ese linu si egyoedi si banama petee gi bɛkpɛ ligba lɛ ɛ, bese sɛ. 28Pɔ̀ Paulo akpɛ ozí ni ole gagla si, “Wukíkpɛ isu ya libi itɔtɔ, lɛ ese linu si blɔ petee kuli ní ni ya.”
29Gi ligba lɛ ɔʋadi ye eʋi i, xe bɛki yɛ kani yɛ ɛ, ese eku ní ligba lɛ mɛ, azeesugu lɛ adɔ ní Paulo ni Sila ikli lɛ onu u. 30Lɛ agbani ba edono xe eʋi si, “Baka ba, ege kilɛ kí mɛ si mibitɛ xe mamɔ kubúbú na a?”
31Lɛ bebu le onu si, “Zi Ɔkaɛ Yesu aʋa ŋa a, tɔ mlɔ ni mlɔ kepea mlamɔ kubúbú.” 32Lɛ bɛzɛpani Ɔkaɛ su eboe la ɛ si yɛ ni banima petee ní yɛ kepea mɛ ɛ. 33Lɛ agbani ba ní elesi la ɔnyɔsasa lɔ klɔ aʋa a, xe abɔ ba ebi la aki ba ɛ, lɛ bɛkpɛ kuni kí yɛ ni yɛ benete ba petee kyɔŋ ɔ. 34Lɛ ligba lɛ ɔʋadi ye atsini ba ní yɛ kepea mɛ ɛ, xe aki ba kiŋaŋa a, lɛ yɛ ni yɛ kepea pɔ́ bɛmɔ isami si, bedzi Aya yɛ baʋaziŋa a.
35Gi kelea kɛti i, ɔma nɔ betsixwa ba bɛkpɛ bewukpɛ ba ɛ tsisi ligba lɛ aʋa odidi ye ni ɔsã si, “Yurɔ benyime ba klɔ ba tɔ basɛ.” 36Lɛ ligba lɛ ɔʋadi ye asi Paulo eboa la si, “Ɔma nɔ betsixwa ba bɛtsisi ɔnɔ si, bayurɔ wɔ ni Sila; lɛ loso e, mledo abla tɔ mlatrɛ ní kusuyɔ mɛ ɛ!”
37Lɛ Paulo asi bewukpɛ ba si, “Gi bekusi blo litsi mɔxwamɔxwa ní ɔma nɔ kusi i, blɔ banama gi kunu Roma banɛ ma ɛ, xe bɛkpɛ blɔ ligba lɛ ɛ, abla kɔ mlábú blo ní kikpokpo me na a? Owo! mlaki tɔ baga ebu blo ba tutɔ.”
38Lɛ bewukpɛ ba bɛzɛpani eboa la ya ɛsi betsixwa ba ɛ, agi benu si Roma banɛ Paulo ni Sila benu i lifu liku ba, 39lɛ bɛba ɛyɔ Paulo ni Sila ba ina nɛ ɛ. Xe bɛ gbani ba edono e, lɛ beʋi dɔni ba iwla mɛ si basɛ ní ɔma nɔ mɛ ɛ. 40Gi Paulo ni Sila bedo ní ligba lɛ ɛ, bɛtrɛ ní Lidia kepea mɛ, niklɔ bɛtsani baʋaziŋa ba xe bɛkpɛ ɔna ba lipo, lɛ bɛsɛ ɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc