2 Obakki 16

Loc Akaj

1I mwaka me apar wie abiro me loc a Peka wot a Remalia, en ame Akaj wot a Yocam abaka me Juda ocako kede loc iye. 2En ocako loc kun mwaka me dittere tye pyeraryo nono, te bedo loc i Jerucalem pi mwakki apar wie abicel. En mom obedo timo gin a tye atira i nyim Rwot Obaŋa mere kite ame kwaro mere Daudi rik otimo. 3#Lodo 12.31Ento en obedo lubo gin ame oloc me Icrael obedo timo. En daŋ owaŋo wode acalo mot me yalo jok kun lubo kit tim me kwer ame rok luŋ ame yam Rwot oryemo i nyim jo Icrael timo. 4En obedo yalo jogi kun waŋo daŋ odok akur i ka woro jogi ame tye i wi kiddi malo kede i wi tur malo naka atot i te yen obuŋere-gu.

5 # Ica. 7.1 Rejin abaka me Curia kede Peka wot a Remalia abaka me Icrael, rik ote twaro monygi i kom Jerucalem, ote wot guro Akaj i dyere ento naka mom ote loyo. 6I kare-nono abaka me Edom onwoŋo odwoggo Elat i te loc a jo Edom, te ryemo jo Juda oko i Elat; jo Edom te cako bedo i Elat, gin te bedo kuno naka atot tin. 7Akaj te cwayo kwena baŋ Tiglak-pilecer ame obedo abaka me Acuria kun kobo ni, “An abedo amironi, dok daŋ an a wodi. Bin ilara i ciŋ abaka me Curia kede abaka me Icrael ame gin luŋ otye olweny i koma.” 8Akaj dok te kwanyo ryal karacel kede jabu ame onwoŋo rik tye i ot a Rwot kede i ot kano lim ame rik tye i ot abaka, te cwayo me mot baŋ abaka me Acuria. 9Abaka me Acuria owinyo koko mere te gwaro monnyere wot lweny kede i kom jo me Damaciko, en te yako jo ame onwoŋo bedo kuno tero oko i opii i Kir, te neko Rejin oko. 10Kare ame abaka Akaj owoto i Damaciko me wot jolo Tiglak-pilecer abaka me Acuria, en oneko keno lam ame tye i Damaciko. Abaka Akaj te cwayo cal me keno lammono baŋ alamdog Uria, kede kite ame otio kede kun nyuto luŋ i yore i yore. 11Alamdog Uria te cako cano keno lam kun tio a cal acala i en ame abaka Akaj onwoŋo ocwaye callere i Damaciko, Man alamdog Uria otimo kun onwoŋo abaka Akaj mom ru odwogo i Damaciko. 12Kare ame abaka odwogo i Damaciko, en owoto oŋio keno lammono. Kare ame abaka otuno i ŋet keno lam ceggi, en oyito iye, 13te yalo Rwot i mot awaŋa mere, kede mot me moko kwon, te daŋ onyo iye mot amata, te coro remo me mottere me kweyo cuny i kom keno lam. 14#Yaa 27.1-2; 2 Tek. 4.1En te kwanyo keno lam me mola ame onwoŋo tye i nyim Rwot, i ot a Rwot i kabedo ame onwoŋo tye i akina keno lammere kede ot a Rwot te keto tutuŋ anyarodi me keno lammere. 15Abaka Akaj te ciko alamdog Uria ni, “Mot awaŋa me odiko ibino waŋo i wi keno lam adwoŋ-ni, kede mot me moko kwon me otyeno kede mot me awaŋa ame abaka mio, karacel kede mottere me moko kwon, kede mot awaŋa a lwak karacel i motgi me moko kwon kede motgi me amata. Ibino onyo remo me mot awaŋa luŋ i kom keno lammono kede remo me mot aŋola ocele ducu. Ento keno lam me mola bino bedo mega, me penyo iye kop i baŋ Rwot.” 16Alamdog Uria te timo luŋ kittono, kite ame abaka Akaj ociko kede.

17 # 1 Obak. 7.23-39; 2 Tek. 4.2-6 Abaka Akaj oŋoŋolo mola i kom gadigadi atino mege, te kwakwanyo tako daŋ i komgi, te daŋ kwanyo dero gwoko pii i wi cal twoni me mola ame rik ocibo i ŋegi, te keto i kom kiddi ame opepeto piny. 18Kede yo ame owumo oko ame obeo iye i ceŋ cabit ame onwoŋo rik ogero i paco abaka, en te kwanyo oko luŋ i ot a Rwot, pi abaka me Acuria. 19Kop i kom Akaj ame odoŋŋere luŋ, ginnoro luŋ ame en otimo ame mom ocoo kan, gin luŋ tye ocoo i buk me Tekwaro ame tito kop i kom oloc me Juda. 20#Ica. 14.28Akaj oto te weo karacel i kwari mere, ote yiko kome karacel i kwari mere i paco a Daudi. Wode Kejekia te leyo kakare.

Currently Selected:

2 Obakki 16: Lango

Highlight

Copy

Compare