Tơlơi Yap 27
27
Tơlơi Juăt Gah Kơ Kong Ngăn
1Hlăk anŭn ƀing ană đah kơmơi Sêlôpêhat, ană Hêpher, tơčo kơ Galaat, tơčĕ Makir, hrĕ Manasê, lơ̆m kơnŭng djuai Manasê jing ană đah rơkơi Yôsep, đĭ nao. Anăn ƀing đah kơmơi anai jing: HʼMahla, HʼNôa, HʼHôgla, HʼMilka, laih anŭn HʼTirsa. 2Gơñu nao ƀơi anăp Môis, khua ngă yang Êlêasar, ƀing khua gĭt gai laih anŭn abih bang ană plei pla ƀơi bah amăng Sang Khăn Pơƀŭt, hăng laĭ: 3“Ama ƀing gơmơi hmâo djai laih amăng tơdrŏn har. Ñu ƀu đuaĭ tui tơpul Kôra jing tơpul ƀing pơgop pơkơdơ̆ng glaĭ hăng Yêhôwa ôh, samơ̆ ñu hmâo djai laih yua kơ tơlơi soh ñu pô laih anŭn ƀu hmâo ană đah rơkơi ôh. 4Yua hơgĕt anăn ama ƀing gơmơi rơngiă hĭ mơ̆ng kơnŭng djuai ñu kơnơ̆ng yua kơ ƀu hmâo ană đah rơkơi? Rơkâo ih pha brơi bĕ ƀing gơmơi črăn lŏn kiăng ngă kong ngăn tơ̆ng krah ayŏng adơi ama ƀing gơmơi.”
5Môis ba tơlơi rơkâo ƀing đah kơmơi anŭn ƀơi anăp Yêhôwa. 6Yêhôwa laĭ hăng Môis tui anai: 7“Tơlơi ƀing ană đah kơmơi Sêlôpêhat pơhiăp jing djơ̆ yơh. Ih khŏm pơpha brơi lŏn kơ ƀing gơñu ngă kong ngăn tơ̆ng krah ƀing ayŏng adơi ama gơñu laih anŭn jao brơi bĕ kong ngăn ama gơñu kơ ƀing gơñu.#Yap 36:2. 8Ih ăt khŏm laĭ hăng ƀing ană plei pla Israel tui anai: ‘Tơdah hlơi djai ƀu hmâo ană đah rơkơi ôh, jao glaĭ kong ngăn kơ mơnuih anŭn brơi glaĭ kơ ană đah kơmơi gơñu. 9Tơdah mơnuih anŭn ƀu hmâo ôh ană đah kơmơi, jao glaĭ bĕ kong ngăn anŭn kơ adơi ayŏng mơnuih anŭn. 10Tơdah mơnuih anŭn ƀu hmâo ayŏng adơi ôh, jao glaĭ kong ngăn kơ met wa kơ mơnuih anŭn. 11Tơdah mơnuih anŭn ƀu hmâo ôh met wa, jao glaĭ bĕ kong ngăn mơnuih anŭn kơ adơi ayŏng ñu jĕ giăm hloh dưi mă tŭ’”. Anai jing tơlơi juăt pơkă pioh brơi kơ ană plei pla Israel tui hăng Yêhôwa hmâo pơtă kơ Môis.
Môis Jao Tơlơi Dưi Gĭt Gai Brơi Kơ Yôsuê
12Yêhôwa laĭ kơ Môis: “Đĭ nao bĕ pơ čư̆ Abarim anai laih anŭn lăng lŏn čar Kâo hmâo pha brơi laih kơ ană plei pla Israel.#Mơñă 3:23-27; 32:48-52. 13Tơdang ih ƀuh laih lŏn čar anŭn, ih ăt či wơ̆t glaĭ hrŏm hăng ơi adon ih kar hăng ayŏng ih Arôn mơ̆n, 14yua kơ amăng tơdrŏn har Sin, ƀing gih hmâo pơkơdơ̆ng glaĭ tơlơi pơtă Kâo tơdang ană plei pla pơrơjah kơ ia mơñum laih anŭn ƀing gih ƀu pơpŭ tơlơi rơgoh hiam Kâo ƀơi anăp ƀing gơñu.” Anŭn jing ia kơ tơlơi pơrơjah ƀơi Kadês amăng tơdrŏn har Sin. 15Môis pơhiăp kơ Yêhôwa: 16“Ơ Yêhôwa jing Ơi Adai kơ abih bang bơngăt mơnuih! Rơkâo Ih ruah đĭ sa čô mơnuih jing khua kơ ƀing ană plei pla, 17kiăng kơ tơbiă laih anŭn mŭt ƀơi anăp gơñu, jing mơnuih či atăt ba gơñu tơbiă laih anŭn ba gơñu mŭt; tui anŭn ană plei pla Yêhôwa ƀu či jing kar hăng triu ƀu hmâo pô wai ôh.”#I Pơtao 22:17; Êsê 34:5; Mat 9:36; Mar 6:34.
18Yêhôwa laĭ hăng Môis: “Ruah mă bĕ Yôsuê, ană đah rơkơi Nun, jing pô hmâo Yang Bơngăt dŏ ƀơi ñu laih anŭn ah tơngan ƀơi ñu bĕ,#Tơb 24:13. 19brơi ñu dŏ dơ̆ng ƀơi anăp khua ngă yang Êlêasar hăng ƀơi anăp abih bang ană plei pla, laih anŭn jao bruă brơi kơ ñu ƀơi anăp ană plei pla. 20Jao brơi bĕ sa črăn tơlơi dưi ih brơi kơ ñu kiăng kơ abih bang ană plei pla Israel tui gưt ñu. 21Yôsuê khŏm dŏ dơ̆ng ƀơi anăp khua ngă yang Êlêasar laih anŭn yua kơ ñu khua ngă yang či tơña hơduah kiăng thâo tơlơi Yêhôwa kiăng hăng tơlơi tơña kơ Urim ƀơi anăp Yêhôwa. Tui hăng tơlơi Êlêasar pơđar, Yôsuê hăng ană plei pla Israel či tơbiă nao laih anŭn mŭt.”#Tơb 28:30; I Sa 14:41; 28:6.
22Tui anŭn Môis ngă tui tơlơi Yêhôwa hmâo pơtă laih kơ ñu. Môis ruah Yôsuê laih anŭn ba gơ̆ ƀơi anăp khua ngă yang Êlêasar hăng ƀơi anăp abih bang ană plei pla. 23Môis ah tơngan ƀơi gơ̆ hăng jao bruă kơ ñu tui hăng tơlơi Yêhôwa hmâo pơtă kơ ñu.#Mơñă 31:23.
Currently Selected:
Tơlơi Yap 27: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 27
27
Tơlơi Juăt Gah Kơ Kong Ngăn
1Hlăk anŭn ƀing ană đah kơmơi Sêlôpêhat, ană Hêpher, tơčo kơ Galaat, tơčĕ Makir, hrĕ Manasê, lơ̆m kơnŭng djuai Manasê jing ană đah rơkơi Yôsep, đĭ nao. Anăn ƀing đah kơmơi anai jing: HʼMahla, HʼNôa, HʼHôgla, HʼMilka, laih anŭn HʼTirsa. 2Gơñu nao ƀơi anăp Môis, khua ngă yang Êlêasar, ƀing khua gĭt gai laih anŭn abih bang ană plei pla ƀơi bah amăng Sang Khăn Pơƀŭt, hăng laĭ: 3“Ama ƀing gơmơi hmâo djai laih amăng tơdrŏn har. Ñu ƀu đuaĭ tui tơpul Kôra jing tơpul ƀing pơgop pơkơdơ̆ng glaĭ hăng Yêhôwa ôh, samơ̆ ñu hmâo djai laih yua kơ tơlơi soh ñu pô laih anŭn ƀu hmâo ană đah rơkơi ôh. 4Yua hơgĕt anăn ama ƀing gơmơi rơngiă hĭ mơ̆ng kơnŭng djuai ñu kơnơ̆ng yua kơ ƀu hmâo ană đah rơkơi? Rơkâo ih pha brơi bĕ ƀing gơmơi črăn lŏn kiăng ngă kong ngăn tơ̆ng krah ayŏng adơi ama ƀing gơmơi.”
5Môis ba tơlơi rơkâo ƀing đah kơmơi anŭn ƀơi anăp Yêhôwa. 6Yêhôwa laĭ hăng Môis tui anai: 7“Tơlơi ƀing ană đah kơmơi Sêlôpêhat pơhiăp jing djơ̆ yơh. Ih khŏm pơpha brơi lŏn kơ ƀing gơñu ngă kong ngăn tơ̆ng krah ƀing ayŏng adơi ama gơñu laih anŭn jao brơi bĕ kong ngăn ama gơñu kơ ƀing gơñu.#Yap 36:2. 8Ih ăt khŏm laĭ hăng ƀing ană plei pla Israel tui anai: ‘Tơdah hlơi djai ƀu hmâo ană đah rơkơi ôh, jao glaĭ kong ngăn kơ mơnuih anŭn brơi glaĭ kơ ană đah kơmơi gơñu. 9Tơdah mơnuih anŭn ƀu hmâo ôh ană đah kơmơi, jao glaĭ bĕ kong ngăn anŭn kơ adơi ayŏng mơnuih anŭn. 10Tơdah mơnuih anŭn ƀu hmâo ayŏng adơi ôh, jao glaĭ kong ngăn kơ met wa kơ mơnuih anŭn. 11Tơdah mơnuih anŭn ƀu hmâo ôh met wa, jao glaĭ bĕ kong ngăn mơnuih anŭn kơ adơi ayŏng ñu jĕ giăm hloh dưi mă tŭ’”. Anai jing tơlơi juăt pơkă pioh brơi kơ ană plei pla Israel tui hăng Yêhôwa hmâo pơtă kơ Môis.
Môis Jao Tơlơi Dưi Gĭt Gai Brơi Kơ Yôsuê
12Yêhôwa laĭ kơ Môis: “Đĭ nao bĕ pơ čư̆ Abarim anai laih anŭn lăng lŏn čar Kâo hmâo pha brơi laih kơ ană plei pla Israel.#Mơñă 3:23-27; 32:48-52. 13Tơdang ih ƀuh laih lŏn čar anŭn, ih ăt či wơ̆t glaĭ hrŏm hăng ơi adon ih kar hăng ayŏng ih Arôn mơ̆n, 14yua kơ amăng tơdrŏn har Sin, ƀing gih hmâo pơkơdơ̆ng glaĭ tơlơi pơtă Kâo tơdang ană plei pla pơrơjah kơ ia mơñum laih anŭn ƀing gih ƀu pơpŭ tơlơi rơgoh hiam Kâo ƀơi anăp ƀing gơñu.” Anŭn jing ia kơ tơlơi pơrơjah ƀơi Kadês amăng tơdrŏn har Sin. 15Môis pơhiăp kơ Yêhôwa: 16“Ơ Yêhôwa jing Ơi Adai kơ abih bang bơngăt mơnuih! Rơkâo Ih ruah đĭ sa čô mơnuih jing khua kơ ƀing ană plei pla, 17kiăng kơ tơbiă laih anŭn mŭt ƀơi anăp gơñu, jing mơnuih či atăt ba gơñu tơbiă laih anŭn ba gơñu mŭt; tui anŭn ană plei pla Yêhôwa ƀu či jing kar hăng triu ƀu hmâo pô wai ôh.”#I Pơtao 22:17; Êsê 34:5; Mat 9:36; Mar 6:34.
18Yêhôwa laĭ hăng Môis: “Ruah mă bĕ Yôsuê, ană đah rơkơi Nun, jing pô hmâo Yang Bơngăt dŏ ƀơi ñu laih anŭn ah tơngan ƀơi ñu bĕ,#Tơb 24:13. 19brơi ñu dŏ dơ̆ng ƀơi anăp khua ngă yang Êlêasar hăng ƀơi anăp abih bang ană plei pla, laih anŭn jao bruă brơi kơ ñu ƀơi anăp ană plei pla. 20Jao brơi bĕ sa črăn tơlơi dưi ih brơi kơ ñu kiăng kơ abih bang ană plei pla Israel tui gưt ñu. 21Yôsuê khŏm dŏ dơ̆ng ƀơi anăp khua ngă yang Êlêasar laih anŭn yua kơ ñu khua ngă yang či tơña hơduah kiăng thâo tơlơi Yêhôwa kiăng hăng tơlơi tơña kơ Urim ƀơi anăp Yêhôwa. Tui hăng tơlơi Êlêasar pơđar, Yôsuê hăng ană plei pla Israel či tơbiă nao laih anŭn mŭt.”#Tơb 28:30; I Sa 14:41; 28:6.
22Tui anŭn Môis ngă tui tơlơi Yêhôwa hmâo pơtă laih kơ ñu. Môis ruah Yôsuê laih anŭn ba gơ̆ ƀơi anăp khua ngă yang Êlêasar hăng ƀơi anăp abih bang ană plei pla. 23Môis ah tơngan ƀơi gơ̆ hăng jao bruă kơ ñu tui hăng tơlơi Yêhôwa hmâo pơtă kơ ñu.#Mơñă 31:23.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.