Tơlơi Yap 26

Tơlơi Yap Ană Plei Pla Tal Dua

1Tơdơi kơ tơlơi răm ruă anŭn, Yêhôwa laĭ hăng Môis laih anŭn Êlêasar ană đah rơkơi khua ngă yang Arôn tui anai:#Yap 1:1-46. 2“Yap bĕ mrô ană plei pla Israel mă mơ̆ng dua pluh thŭn truh pơ glong tui hluai kơnŭng djuai gơñu, anŭn jing abih bang ƀing Israel dưi nao pơblah.” 3Tui anŭn Môis hăng khua ngă yang Êlêasar pơhiăp hăng ană plei pla Israel amăng lŏn kơdư čar Môap jĕ ia krong Yurdan, pơklă anăp hăng Yêrikô tui anai: 4“Yap bĕ mrô ană plei pla mă mơ̆ng dua pluh thŭn truh pơ glong tui hăng Yêhôwa hmâo pơtă laih kơ Môis.”

Anai yơh jing ƀing Israel hmâo tơbiă đuaĭ laih mơ̆ng čar Êjip:

5Ană tơčo Ruben, ană kơčoa Israel. Ană tơčo Ruben hmâo: Hanôk pơjing rai kơnŭng Hanôk; Palu pơjing rai kơnŭng djuai Palu; 6mơ̆ng Hêsron pơjing rai kơnŭng djuai Hêsron, mơ̆ng Karmi pơjing rai kơnŭng djuai Karmi. 7Anŭn jing ƀing kơnŭng djuai Ruben; mrô akŏ mơnuih arăng hmâo yap abih tih jing pă pluh klâo rơbâo tơjuh rơtuh klâo pluh čô mơnuih. 8Ană đah rơkơi Palu jing Êliap. 9Ƀing ană đah rơkơi kơ Êliap jing Nêmuel, Dathan laih anŭn Abiram. Dathan hăng Abiram anai jing mơnuih hmâo ruah mơ̆ng ană plei pla, samơ̆ tui hăng tơpul Kôra pơkơdơ̆ng glaĭ Môis hăng Arôn, kar hăng pơkơdơ̆ng glaĭ Yêhôwa mơ̆n. 10Lŏn hmâo ha laih amăng bah hăng lun hĭ dua čô mơnuih anŭn hrŏm hăng Kôra; ƀing đuaĭ tui ñu leng kơ djai hĭ tơdang apui čuh dua rơtuh rơma pluh čô mơnuih. Gơñu jing hĭ sa tơlơi pơthâo pơgăn kơ ană plei pla. 11Samơ̆ ană tơčo Kôra ƀu djai abih ôh.

12Ană tơčo Simêôn tui hăng kơnŭng djuai ƀing gơñu jing: Nêmuel pơjing rai kơnŭng djuai Nêmuel, Jamin pơjing rai kơnŭng djuai Jamin; Jakin pơjing rai kơnŭng djuai Jakin; 13Sêra pơjing rai kơnŭng djuai Sêra; Saul pơjing rai kơnŭng djuai Saul. 14Anŭn jing ƀing kơnŭng Simêôn; mrô yap abih bang jing dua pluh dua rơbâo dua rơtuh čô mơnuih.

15Ană tơčo Gat tui hăng kơnŭng djuai gơñu hmâo: Sêphôn pơjing rai kơnŭng djuai Sêphôn; Hagi pơjing rai kơnŭng djuai Hagi; Suni pơjing rai kơnŭng djuai Suni; 16Ôsni pơjing rai kơnŭng djuai Ôsni; Êri pơjing rai jing hĭ kơnŭng djuai Êri; 17Arôt pơjing rai kơnŭng djuai Arôt, Arêli pơjing rai kơnŭng djuai Arêli. 18Anŭn jing ƀing kơnŭng djuai Gat; mrô yap abih bang jing pă pluh rơbâo rơma rơtuh čô mơnuih.

19Ană đah rơkơi kơ Yuđa jing Er hăng Ônan; samơ̆ gơñu hmâo djai hĭ laih pơ Kanaan. 20Ană tơčo Yuđa tui hăng kơnŭng djuai gơñu hmâo: Sêla pơjing rai kơnŭng djuai Sêla; Pêres pơjing rai kơnŭng djuai Pêres; Sêra pơjing rai kơnŭng djuai Sêra. 21Ană tơčo Pêres hmâo: Hêsron pơjing rai kơnŭng djuai Hêsron; Hamul pơjing rai kơnŭng djuai Hamul. 22Anŭn jing ƀing kơnŭng djuai kơ Yuđa; mrô yap abih bang jing tơjuh pluh năm rơbâo rơma rơtuh čô mơnuih.

23Ană tơčo Isakar tui hăng kơnŭng djuai kơ gơñu hmâo: Tôla pơjing rai kơnŭng djuai Tôla, Puwa pơjing rai kơnŭng djuai Puwa; 24Jasup pơjing rai kơnŭng djuai Jasup; Simrôn pơjing rai kơnŭng djuai Simrôn. 25Anŭn jing ƀing kơnŭng djuai Isakar; mrô yap abih bang jing năm pluh pă rơbâo klâo rơtuh čô mơnuih.

26Ană tơčo Sabulôn tui hăng kơnŭng djuai gơñu hmâo: Sêret pơjing rai kơnŭng djuai Sêret; Êlon pơjing rai kơnŭng Êlon; Jahlêel pơjing rai kơnŭng djuai Jahlêel. 27Anŭn jing ƀing kơnŭng djuai Sabulôn; mrô yap abih bang jing năm pluh rơbâo rơma rơtuh čô mơnuih.

28Ană tơčo Yôsep tui hăng kơnŭng djuai gơñu hmâo Manasê laih anŭn Êphraim.

29Ƀing kơnŭng djuai Manasê: Makir pơjing rai kơnŭng djuai Makir; Makir tơkeng rai Galaat laih anŭn Galaat tơkeng rai kơnŭng djuai Galaat. 30Anai jing kơnŭng djuai Galaat: Iêser pơjing rai kơnŭng djuai Iasêr; Hêlek pơjing rai kơnŭng Hêlek; 31Asriêl pơjing rai kơnŭng djuai Asriêl; Sičem pơjing rai kơnŭng Sičem; 32Sêmida pơjing rai kơnŭng djuai Sêmida; Hêpher pơjing rai kơnŭng djuai Hêpher. 33Sêlôpêhat, ană đah rơkơi Hêpher ƀu hmâo ană đah rơkơi ôh samơ̆ hmâo ană đah kơmơi. Anăn ƀing ană đah kơmơi Sêlôpêhat jing HʼMahla, HʼNôa, HʼHôgla, HʼMilka laih anŭn HʼTirsa. 34Anŭn jing kơnŭng djuai kơ Manasê; mrô yap abih bang jing rơma pluh dua rơbâo tơjuh rơtuh čô mơnuih.

35Anai jing ană tơčo Êphraim tui hăng kơnŭng djuai gơñu: Suthêla pơjing rai kơnŭng djuai Suthêla; Bêker pơjing ai kơnŭng Bêker; Tahan pơjing rai kơnŭng djuai Tahan. 36Anai jing ană tơčo Suthêla; Êran pơjing rai kơnŭng djuai Êran. 37Anŭn jing ƀing kơnŭng djuai ană tơčo Êphraim; mrô yap abih bang jing klâo pluh dua rơbâo rơma rơtuh čô mơnuih.

Anŭn jing ană tơčo Yôsep tui hăng kơnŭng djuai gơñu.

38Ană tơčo Benjamin tui hăng kơnŭng djuai gơñu hmâo: Bêla pơjing rai kơnŭng djuai Bêla; Asbel pơjing rai kơnŭng djuai Asbel; Ahiram pơjing rai kơnŭng djuai Ahiram; 39Sêphupham pơjing ai kơnŭng Sêphupham; Hupham pơjing rai kơnŭng djuai Hupham. 40Ană đah rơkơi Bêla jing Ardơ hăng Naaman. Ardơ pơjing rai kơnŭng djuai Ardơ; Naaman pơjing rai kơnŭng djuai Naaman. 41Anŭn jing kơnŭng djuai Benjamin tui hăng kơnŭng djuai gơñu; mrô yap abih bang jing pă pluh rơma rơbâo năm rơtuh čô mơnuih.

42Anai jing ană tơčo Đan tui hăng kơnŭng djuai gơñu: Suham pơjing rai kơnŭng djuai Suham. Anŭn jing kơnŭng djuai Đan. 43Abih bang kơnŭng djuai Suham hmâo yap laih jing năm pluh pă rơbâo pă rơtuh čô mơnuih.

44Ană tơčo Aser tui hăng kơnŭng djuai gơñu hmâo: Imna pơjing rai kơnŭng djuai Imna; Iswi pơjing ai kơnŭng djuai Iswi; Bêria pơjing rai kơnŭng djuai Bêria. 45Ƀing ană tơčo Bêria: Hêber pơjing rai kơnŭng djuai Hêber; Malkiêl pơjing rai kơnŭng djuai Malkiêl. 46Anăn ană đah kơmơi Aser jing HʼSêra. 47Anŭn jing ƀing kơnŭng djuai ană tơčo Aser; mrô yap abih bang jing rơma pluh klâo rơbâo pă rơtuh čô mơnuih.

48Ană tơčo Naptali tui hăng kơnŭng djuai gơñu hmâo: Jasêel pơjing ai kơnŭng djuai Jasêel; Guni pơjing rai kơnŭng djuai Guni; 49Jêser pơjing rai kơnŭng djuai Jêser, Silem pơjing rai kơnŭng djuai Silem. 50Anŭn jing ƀing kơnŭng djuai Naptali; mrô yap pơƀŭt jing pă pluh rơma rơbâo pă rơtuh čô mơnuih.

51Mrô yap abih tih ƀing Israel jing năm rơtuh sa rơbâo tơjuh rơtuh klâo pluh čô mơnuih.

52Yêhôwa pơhiăp hăng Môis:#Yap 34:13; Yôs 14:1-2. 53“Tui hăng mrô akŏ mơnuih amăng hră mơar, ih pơpha brơi lŏn kơ ƀing gơñu ngă kong ngăn. 54Kơnŭng djuai pă hmâo mrô mơnuih lu, ih khŏm pơpha kong ngăn lu mơ̆n, laih anŭn kơnŭng djuai pă hmâo mrô mơnuih ƀiă, ih pơpha kong ngă ƀiă mơ̆n. Rĭm kơnŭng djuai či tŭ mă kong ngăn tui hăng mrô mơnuih ih hmâo yap laih, 55samơ̆ khŏm mă črăm kiăng pơpha lŏn. Ƀing ană plei pla Israel či mă tŭ kong ngăn gơñu tui hluai hăng anăn kơnŭng djuai gơñu pô. 56Khŏm mă črăm kiăng pơpha kong ngăn brơi kơ rĭm kơnŭng djuai, tui hluai hăng mrô mơnuih lu ƀôdah ƀiă.”

57Anai jing ƀing mơnuih Lêwi arăng hmâo yap laih tui hăng kơnŭng djuai gơñu: Gersôn pơjing rai kơnŭng djuai Gersôn; Kôhat pơjing rai kơnŭng djuai Kôhat; Mêrari pơjing rai kơnŭng djuai Mêrari. 58Anai ăt jing kơnŭng djuai Lêwi mơ̆n: kơnŭng djuai Lipni; kơnŭng djuai Hêbron; kơnŭng djuai Mahli; kơnŭng djuai Musi; kơnŭng djuai Kôra.

Kôhat tơkeng rai Amram 59Bơnai Amram jing HʼJôkêbet, ană đah kơmơi Lêwi, tơkeng pơ Êjip; ñu tơkeng brơi kơ Amram: Arôn, Môis, HʼMiriam jing amai dua gơñu. 60Arôn hmâo pă čô ană đah rơkơi: Nadap, Abihu, Êlêasar laih anŭn Ithamar.#Yap 3:2. 61Samơ̆ Nadap hăng Abihu djai hĭ tơdang pơyơr sa mơta apui hling ƀơi anăp Yêhôwa.#Lêwi 10:1-2; Yap 3:4. 62Abih bang ƀing đah rơkơi mă mơ̆ng sa blan đĭ pơ ngŏ arăng hmâo yap jing dua rơbâo čô. Samơ̆ ƀing Lêwi ƀu yap hrŏm hăng mrô ƀing ană plei pla Israel ôh, yua kơ ƀing Lêwi ƀu mă tŭ kong ngăn hơgĕt gĕt ôh mơ̆ng ƀing Israel.

63Anŭn jing ƀing mơnuih Môis hăng khua ngă yang Êlêasar yap mrô ană plei pla Israel amăng tơdrŏn kơdư Môap, jĕ ia krong Yurdan pơklă anăp hăng Yêrikô. 64Samơ̆ ƀing anai ƀu hmâo sa čô hlơi ôh amăng ƀing gơñu Môis hăng khua ngă yang Arôn hmâo yap laih tơdang ƀing gơñu yap ană plei pla Israel ƀơi tơdrŏn har Sinai. 65#Yap 14:26-35.Yua kơ Yêhôwa pơhiăp hăng gơñu tui anai: “Gơñu či djai amăng tơdrŏn har!” Tui anŭn, ƀu hmâo hlơi dŏ hơdip ôh rơngiao kơ Kalep ană đah rơkơi Jêphunê laih anŭn Yôsuê ană đah rơkơi Nun.

Currently Selected:

Tơlơi Yap 26: JRA2016

Highlight

Copy

Compare