Tơlơi Yap 28
28
Tơlơi Ngă Yang Rĭm Hrơi
1Yêhôwa laĭ kơ Môis: 2“Pơtă bĕ tơlơi anai kơ ƀing ană plei pla Israel laih anŭn laĭ: ‘Ƀing gih khŏm pơyơr kơ Kâo djơ̆ tui hăng hrơi pơkă, khul tơlơi ngă yang laih anŭn mơnơ̆ng mơnuă pioh kơ ngă yang, yua hăng apui hmâo mơnâo ƀâu hiam pơyơr đĭ kơ Kâo.’ 3Tui anŭn ih pơtă bĕ kơ ană plei pla Israel tui anai: ‘Anai jing mơnơ̆ng pơyơr čuh hăng apui, ƀing gih či pơyơr đĭ kơ Yêhôwa: Rĭm hrơi dua drơi triu tơno sa thŭn ƀu hmâo rơka rơkeñ ôh kiăng ngă yang čuh. 4Khŏm pơyơr sa drơi ƀơi mơguah, sa drơi ƀơi hrơi klam, 5laih anŭn pơyơr hrŏm hơbĭt hăng mơnơ̆ng ngă yang ƀu hmâo tơpơi jing sa kilôgram#28:5 Boh hră phŭn: sa črăn amăng pluh êphah. tơpŭng ƀlĭ, pơlŭk hrŏm hăng sa lit#28:5 Boh hră phŭn: sa črăn amăng pă hin. ia rơmuă ôliwơ. 6Anŭn jing tơlơi ngă yang čuh pơyơr nanao hmâo pơjing laih ƀơi čư̆ Sinai, jing sa tơlơi ngă yang yua hăng apui pơyơr hmâo mơnâo ƀâu hiam kơ Yêhôwa.’ 7Tơlơi ngă yang tuh ia tơpai khŏm hmâo sa lit ia tơpai brơi kơ rĭm drơi triu ană. Ih khŏm pơyơr tơlơi ngă yang tuh ia tơpai brơi kơ Yêhôwa amăng Anih Rơgoh Hiam. 8Ih khŏm pơyơr ană triu dŏ glaĭ anŭn ƀơi hrơi klam hrŏm hơbĭt hăng tơlơi ngă yang hăng braih pơdai laih anŭn tơlơi ngă yang tuh ia tơpai kar hăng ƀơi mơguah. Anŭn jing sa tơlơi ngă yang yua hăng apui pơyơr đĭ hmâo mơnâo ƀâu hiam bơmơak kơ Yêhôwa.”
Tơlơi Ngă Yang Hrơi Saƀat
9“Amăng hrơi Saƀat, ih khŏm pơyơr dua drơi ană triu tơno sa thŭn ƀu hmâo rơka rơkeñ ôh, hrŏm hơbĭt hăng tơlơi ngă yang tuh ia tơpai laih anŭn tơlơi ngă yang hăng braih pơdai, amăng anŭn hmâo dua kilôgram tơpŭng ƀlĭ lŭk hăng ia rơmuă. 10Anai jing tơlơi ngă yang čuh amăng rĭm hrơi saƀat gah rơngiao kơ khul tơlơi ngă yang čuh pơyơr nanao laih anŭn tơlơi ngă yang tuh ia tơpai.”
Tơlơi Ngă Yang Rĭm Blan
11“Amăng rĭm akŏ blan, ƀing gih khŏm pơyơr kơ Yêhôwa dua drơi rơmo tơno tơdăm, sa drơi ană triu tơno laih anŭn tơjuh drơi ană triu truh sa thŭn ƀu hmâo rơka rơkeñ ôh ngă yang čuh; 12pơyơr hrŏm hơbĭt hăng klâo kilôgram tơpŭng ƀlĭ lŭk hăng ia rơmuă brơi kơ tơlơi ngă yang hăng braih pơdai kơ rĭm drơi rơmo tơno, dua kilôgram tơpŭng ƀlĭ lŭk hăng ia rơmuă pioh kơ tơlơi ngă yang hăng braih pơdai kơ triu tơno; 13sa kilôgram tơpŭng ƀlĭ lŭk hăng ia rơmuă pioh kơ tơlơi ngă yang hăng braih pơdai kơ rĭm drơi triu ană. Anŭn jing sa tơlơi ngă yang čuh, jing sa tơlơi ngă yang yua hăng apui pơyơr đĭ hmâo mơnâo ƀâu hiam, ngă bơmơak kơ Yêhôwa, 14Tơlơi ngă yang tuh ia tơpai khŏm hmâo dua lit tơpai brơi kơ rĭm drơi rơmo tơno, sa lit ha mơkrah brơi kơ triu tơno laih anŭn sa lit brơi kơ rĭm drơi triu ană. Anŭn jing tơlơi ngă yang čuh ƀơi rĭm akŏ blan amăng thŭn. 15Rơngiao kơ tơlơi ngă yang čuh pơyơr nanao laih anŭn ngă yang tuh ia tơpai, ih ăt khŏm pơyơr kơ Yêhôwa sa drơi bơbe tơno ngă yang song mă tơlơi soh.”
Phĕt tơlơi găn
16“Amăng hrơi pluh pă blan sa, khŏm djă pioh kơ phĕt Tơlơi Găn kơ Yêhôwa.#Tơb 12:1-13; Mơñă 16:1-2. 17Hrơi pluh rơma amăng blan anŭn jing phĕt pơtŭm laih anŭn khŏm ƀơ̆ng ƀañ tơpŭng ƀu hmâo tơpơi amăng tơjuh hrơi.#Tơb 12:14-20; 23:15; 34:18; Mơñă 16:3-8. 18Amăng hrơi tal sa, ƀing gih či hmâo tơlơi pơƀŭt rơgoh hiam laih anŭn ƀu dưi ngă bruă hơgĕt gĕt kơ sa mơta ôh. 19Ƀing gih khŏm pơyơr kơ Yêhôwa dua drơi rơmo tơno tơdăm laih anŭn tơjuh drơi triu tơno sa thŭn kiăng ngă mơnơ̆ng ngă yang čuh, abih bang leng kơ ƀu hmâo rơka rơkeñ ôh. 20Tơlơi ngă yang hăng braih pơdai khŏm hmâo klâo kilôgram tơpŭng ƀlĭ lŭk hăng ia rơmuă brơi kơ sa drơi rơmo tơno, dua kilôgram brơi kơ triu tơno, 21laih anŭn sa kilôgram brơi kơ rĭm drơi triu ană. 22Hrŏm hăng sa drơi bơbe ngă yang song mă tơlơi soh kiăng kơ ngă yang song mă tơlơi soh ƀing gih. 23Ƀing gih khŏm pơyơr hơdôm mơnơ̆ng ngă yang anai gah rơngiao kơ mơnơ̆ng ngă yang čuh kơ mơguah, anŭn jing tơlơi ngă yang čuh pơyơr nanao. 24Ƀing gih khŏm yua hăng apui pơyơr khul tơlơi ngă yang pơyơr nanao kar hăng anŭn amăng tơjuh hrơi hmâo mơnâo ƀâu hiam, bơmơak kơ Yêhôwa. Tơlơi ngă yang anŭn khŏm pơyơr đĭ gah rơngiao kơ tơlơi ngă yang čuh pơyơr nanao laih anŭn tơlơi ngă yang tuh ia tơpai. 25Amăng hrơi tal tơjuh, ƀing gih či hmâo tơlơi pơƀŭt rơgoh hiam laih anŭn ƀu dưi ngă sa mơta bruă hơgĕt gĕt ôh.”
Phĕt Khul Hrơi Kŏm
26“Amăng hrơi phĕt kơ khul hrơi kŏm anŭn jing amăng hrơi boh hlâo hlang, tơ ƀing gih pơyơr kơ Yêhôwa tơlơi ngă yang hăng braih pơdai phrâo, brơi khŏm hmâo tơlơi pơƀŭt rơgoh hiam laih anŭn ƀu dưi ngă sa mơta bruă hơgĕt gĕt ôh.#Tơb 23:16; 34:22; Mơñă 16:9-12. 27Ƀing gih či pơyơr dua drơi rơmo tơno tơdăm, sa drơi triu tơno laih anŭn tơjuh drơi triu tơno sa thŭn ngă mơnơ̆ng ngă yang čuh hmâo mơnâo ƀâu hiam bơmơak kơ Yêhôwa. 28Ăt pơyơr mơnơ̆ng ngă yang hăng braih pơdai hăng tơpŭng ƀlĭ lŭk hăng ia rơmuă: klâo kilôgram brơi kơ rĭm drơi rơmo tơno, dua kilôgram brơi triu tơno, 29laih anŭn sa kilôgram brơi kơ rĭm drơi triu ană. 30Ăt khŏm pơyơr sa drơi bơbe tơno kiăng kơ ngă yang song mă tơlơi soh ñu pô. 31Rơngiao tơlơi ngă yang čuh pơyơr nanao laih anŭn tơlơi ngă yang hăng braih pơdai, ƀing gih ăt khŏm pơyơr khul mơnơ̆ng ngă yang anŭn hrŏm hơbĭt hăng tơlơi ngă yang tuh ia tơpai. Khul hlô mơnơ̆ng ngă yang ƀu hmâo rơka rơkeñ hơgĕt ôh.”
Currently Selected:
Tơlơi Yap 28: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 28
28
Tơlơi Ngă Yang Rĭm Hrơi
1Yêhôwa laĭ kơ Môis: 2“Pơtă bĕ tơlơi anai kơ ƀing ană plei pla Israel laih anŭn laĭ: ‘Ƀing gih khŏm pơyơr kơ Kâo djơ̆ tui hăng hrơi pơkă, khul tơlơi ngă yang laih anŭn mơnơ̆ng mơnuă pioh kơ ngă yang, yua hăng apui hmâo mơnâo ƀâu hiam pơyơr đĭ kơ Kâo.’ 3Tui anŭn ih pơtă bĕ kơ ană plei pla Israel tui anai: ‘Anai jing mơnơ̆ng pơyơr čuh hăng apui, ƀing gih či pơyơr đĭ kơ Yêhôwa: Rĭm hrơi dua drơi triu tơno sa thŭn ƀu hmâo rơka rơkeñ ôh kiăng ngă yang čuh. 4Khŏm pơyơr sa drơi ƀơi mơguah, sa drơi ƀơi hrơi klam, 5laih anŭn pơyơr hrŏm hơbĭt hăng mơnơ̆ng ngă yang ƀu hmâo tơpơi jing sa kilôgram#28:5 Boh hră phŭn: sa črăn amăng pluh êphah. tơpŭng ƀlĭ, pơlŭk hrŏm hăng sa lit#28:5 Boh hră phŭn: sa črăn amăng pă hin. ia rơmuă ôliwơ. 6Anŭn jing tơlơi ngă yang čuh pơyơr nanao hmâo pơjing laih ƀơi čư̆ Sinai, jing sa tơlơi ngă yang yua hăng apui pơyơr hmâo mơnâo ƀâu hiam kơ Yêhôwa.’ 7Tơlơi ngă yang tuh ia tơpai khŏm hmâo sa lit ia tơpai brơi kơ rĭm drơi triu ană. Ih khŏm pơyơr tơlơi ngă yang tuh ia tơpai brơi kơ Yêhôwa amăng Anih Rơgoh Hiam. 8Ih khŏm pơyơr ană triu dŏ glaĭ anŭn ƀơi hrơi klam hrŏm hơbĭt hăng tơlơi ngă yang hăng braih pơdai laih anŭn tơlơi ngă yang tuh ia tơpai kar hăng ƀơi mơguah. Anŭn jing sa tơlơi ngă yang yua hăng apui pơyơr đĭ hmâo mơnâo ƀâu hiam bơmơak kơ Yêhôwa.”
Tơlơi Ngă Yang Hrơi Saƀat
9“Amăng hrơi Saƀat, ih khŏm pơyơr dua drơi ană triu tơno sa thŭn ƀu hmâo rơka rơkeñ ôh, hrŏm hơbĭt hăng tơlơi ngă yang tuh ia tơpai laih anŭn tơlơi ngă yang hăng braih pơdai, amăng anŭn hmâo dua kilôgram tơpŭng ƀlĭ lŭk hăng ia rơmuă. 10Anai jing tơlơi ngă yang čuh amăng rĭm hrơi saƀat gah rơngiao kơ khul tơlơi ngă yang čuh pơyơr nanao laih anŭn tơlơi ngă yang tuh ia tơpai.”
Tơlơi Ngă Yang Rĭm Blan
11“Amăng rĭm akŏ blan, ƀing gih khŏm pơyơr kơ Yêhôwa dua drơi rơmo tơno tơdăm, sa drơi ană triu tơno laih anŭn tơjuh drơi ană triu truh sa thŭn ƀu hmâo rơka rơkeñ ôh ngă yang čuh; 12pơyơr hrŏm hơbĭt hăng klâo kilôgram tơpŭng ƀlĭ lŭk hăng ia rơmuă brơi kơ tơlơi ngă yang hăng braih pơdai kơ rĭm drơi rơmo tơno, dua kilôgram tơpŭng ƀlĭ lŭk hăng ia rơmuă pioh kơ tơlơi ngă yang hăng braih pơdai kơ triu tơno; 13sa kilôgram tơpŭng ƀlĭ lŭk hăng ia rơmuă pioh kơ tơlơi ngă yang hăng braih pơdai kơ rĭm drơi triu ană. Anŭn jing sa tơlơi ngă yang čuh, jing sa tơlơi ngă yang yua hăng apui pơyơr đĭ hmâo mơnâo ƀâu hiam, ngă bơmơak kơ Yêhôwa, 14Tơlơi ngă yang tuh ia tơpai khŏm hmâo dua lit tơpai brơi kơ rĭm drơi rơmo tơno, sa lit ha mơkrah brơi kơ triu tơno laih anŭn sa lit brơi kơ rĭm drơi triu ană. Anŭn jing tơlơi ngă yang čuh ƀơi rĭm akŏ blan amăng thŭn. 15Rơngiao kơ tơlơi ngă yang čuh pơyơr nanao laih anŭn ngă yang tuh ia tơpai, ih ăt khŏm pơyơr kơ Yêhôwa sa drơi bơbe tơno ngă yang song mă tơlơi soh.”
Phĕt tơlơi găn
16“Amăng hrơi pluh pă blan sa, khŏm djă pioh kơ phĕt Tơlơi Găn kơ Yêhôwa.#Tơb 12:1-13; Mơñă 16:1-2. 17Hrơi pluh rơma amăng blan anŭn jing phĕt pơtŭm laih anŭn khŏm ƀơ̆ng ƀañ tơpŭng ƀu hmâo tơpơi amăng tơjuh hrơi.#Tơb 12:14-20; 23:15; 34:18; Mơñă 16:3-8. 18Amăng hrơi tal sa, ƀing gih či hmâo tơlơi pơƀŭt rơgoh hiam laih anŭn ƀu dưi ngă bruă hơgĕt gĕt kơ sa mơta ôh. 19Ƀing gih khŏm pơyơr kơ Yêhôwa dua drơi rơmo tơno tơdăm laih anŭn tơjuh drơi triu tơno sa thŭn kiăng ngă mơnơ̆ng ngă yang čuh, abih bang leng kơ ƀu hmâo rơka rơkeñ ôh. 20Tơlơi ngă yang hăng braih pơdai khŏm hmâo klâo kilôgram tơpŭng ƀlĭ lŭk hăng ia rơmuă brơi kơ sa drơi rơmo tơno, dua kilôgram brơi kơ triu tơno, 21laih anŭn sa kilôgram brơi kơ rĭm drơi triu ană. 22Hrŏm hăng sa drơi bơbe ngă yang song mă tơlơi soh kiăng kơ ngă yang song mă tơlơi soh ƀing gih. 23Ƀing gih khŏm pơyơr hơdôm mơnơ̆ng ngă yang anai gah rơngiao kơ mơnơ̆ng ngă yang čuh kơ mơguah, anŭn jing tơlơi ngă yang čuh pơyơr nanao. 24Ƀing gih khŏm yua hăng apui pơyơr khul tơlơi ngă yang pơyơr nanao kar hăng anŭn amăng tơjuh hrơi hmâo mơnâo ƀâu hiam, bơmơak kơ Yêhôwa. Tơlơi ngă yang anŭn khŏm pơyơr đĭ gah rơngiao kơ tơlơi ngă yang čuh pơyơr nanao laih anŭn tơlơi ngă yang tuh ia tơpai. 25Amăng hrơi tal tơjuh, ƀing gih či hmâo tơlơi pơƀŭt rơgoh hiam laih anŭn ƀu dưi ngă sa mơta bruă hơgĕt gĕt ôh.”
Phĕt Khul Hrơi Kŏm
26“Amăng hrơi phĕt kơ khul hrơi kŏm anŭn jing amăng hrơi boh hlâo hlang, tơ ƀing gih pơyơr kơ Yêhôwa tơlơi ngă yang hăng braih pơdai phrâo, brơi khŏm hmâo tơlơi pơƀŭt rơgoh hiam laih anŭn ƀu dưi ngă sa mơta bruă hơgĕt gĕt ôh.#Tơb 23:16; 34:22; Mơñă 16:9-12. 27Ƀing gih či pơyơr dua drơi rơmo tơno tơdăm, sa drơi triu tơno laih anŭn tơjuh drơi triu tơno sa thŭn ngă mơnơ̆ng ngă yang čuh hmâo mơnâo ƀâu hiam bơmơak kơ Yêhôwa. 28Ăt pơyơr mơnơ̆ng ngă yang hăng braih pơdai hăng tơpŭng ƀlĭ lŭk hăng ia rơmuă: klâo kilôgram brơi kơ rĭm drơi rơmo tơno, dua kilôgram brơi triu tơno, 29laih anŭn sa kilôgram brơi kơ rĭm drơi triu ană. 30Ăt khŏm pơyơr sa drơi bơbe tơno kiăng kơ ngă yang song mă tơlơi soh ñu pô. 31Rơngiao tơlơi ngă yang čuh pơyơr nanao laih anŭn tơlơi ngă yang hăng braih pơdai, ƀing gih ăt khŏm pơyơr khul mơnơ̆ng ngă yang anŭn hrŏm hơbĭt hăng tơlơi ngă yang tuh ia tơpai. Khul hlô mơnơ̆ng ngă yang ƀu hmâo rơka rơkeñ hơgĕt ôh.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.