Tơlơi Yap 25
25
Ƀing Dra Môap Plư Ƀing Israel
1Tơdang ană plei pla Israel dŏ pơ Sitim, ƀing đah rơkơi Israel čơdơ̆ng ngă rih răm hăng ƀing đah kơmơi Môap. 2Ƀing đah kơmơi anai jak iâu ƀing gơñu nao ƀơ̆ng mơnơ̆ng ngă yang gơñu pơyơr kơ yang gơñu. Ƀing ană plei pla ƀơ̆ng laih anŭn bon kơkuh ƀơi anăp ƀing yang gơñu. 3Tui anŭn, ƀing Israel pơgop hăng ƀing Môap amăng tơlơi kơkuh pơpŭ kơ yang Baal Pêôr, yua kơ anŭn yơh Yêhôwa hil kơ ană plei pla Israel. 4Yêhôwa laĭ hăng Môis: “Brơi ih mă hĭ ƀing khua djă akŏ kơ ană plei pla anai, yol gơñu ƀơi anăp Kâo, gah yŭ kơ tơlơi pơ-iă yang hrơi, kiăng kơ ngă rơơ̆ hĭ tơlơi Kâo hil kơ ană plei pla Israel.” 5Tui anŭn, Môis pơhiăp hăng ƀing khua phat kơđi Israel tui anai: “Rĭm čô amăng ƀing gih khŏm pơdjai hĭ ƀing hlơi amăng kơnŭng djuai ƀing gih hmâo pơgop hrŏm laih hăng tơlơi kơkuh pơpŭ kơ yang Baal Pêôr.”
6Hlăk anŭn, hmâo sa čô amăng ƀing Israel ba sa čô đah kơmơi Madian rai tơ̆ng krah ƀing ayŏng adơi ñu, ƀơi anăp Môis hăng ƀơi anăp ană plei pla Israel, tơdang abih bang ană plei pla dŏ čŏk hia ƀơi bah amăng sang khăn pơƀŭt. 7Tơ Phinêas, ană đah rơkơi Êlêasar, tơčo khua ngă yang Arôn ƀuh tơlơi anai, ñu tơgŭ mơtam tơ̆ng krah ană plei pla, tơngan ñu djă sa ƀĕ tơbăk, 8đuaĭ tui mơnuih Israel mŭt nao amăng sang khăn gơ̆, ñu klaŏ hluh hĭ hlŭng kơ mơnuih Israel hăng đah kơmơi anŭn. Tơlơi răm ruă amăng ƀing ană plei pla Israel dơ̆ng glaĭ hĭ. 9Wơ̆t dah tui anŭn, hmâo dua pluh pă rơbâo čô mơnuih djai yua kơ tơlơi răm ruă anai.
10Yêhôwa laĭ kơ Môis: 11“Phinêas ană đah rơkơi Êlêasar, tơčo khua ngă yang Arôn, hmâo ngă rơơ̆ hĭ tơlơi Kâo hil hăng ană plei pla Israel, yua kơ tơ̆ng krah gơñu, ñu hmâo tơlơi hur har Kâo pơkơdơ̆ng glaĭ tơlơi soh rih răm; yua kơ anŭn yơh, Kâo ƀu pơrai hĭ ôh ană plei pla Israel amăng tơlơi Kâo gar. 12Yua kơ anŭn, laĭ bĕ kơ ñu: ‘Kâo pơjing tơlơi kơnol pơgop rơnŭk rơnua hăng ñu. 13Ñu hăng kơnŭng djuai ñu či mă tŭ kơnol pơgop kơ bruă mă khua ngă yang hlŏng lar, yua kơ ñu hmâo pran jua hur har kơ Ơi Adai ñu laih anŭn hmâo song mă tơlơi soh ană plei pla Israel.’”
14Anăn mơnuih Israel djai hrŏm hăng đah kơmơi Madian anŭn jing Simri, ană đah rơkơi Salu, sa čô khua djă akŏ amăng kơnŭng djuai Simêôn. 15Anăn đah kơmơi Madian djai anŭn jing HʼKôsbi, ană đah kơmơi Sur, sa čô khua djă akŏ amăng kơnŭng djuai ƀing Madian.
16Yêhôwa laĭ kơ Môis: 17“Ngă pơrŭng bĕ ƀing Madian hăng kơsung blah ƀing gơñu. 18Yua kơ ƀing gơñu hmâo ngă pơrŭng laih ƀing gih laih anŭn plư ƀing gih amăng tơlơi kơkuh pơpŭ kơ Pêôr, laih anŭn bruă kơ HʼKôsbi, ană đah kơmơi khua djă akŏ ƀing Madian, jing amai adơi ƀing gơñu. Arăng pơdjai hĭ HʼKôsbi tơdang tơlơi răm ruă truh yua kơ bruă kơkuh kơ yang Pêôr.”
Currently Selected:
Tơlơi Yap 25: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 25
25
Ƀing Dra Môap Plư Ƀing Israel
1Tơdang ană plei pla Israel dŏ pơ Sitim, ƀing đah rơkơi Israel čơdơ̆ng ngă rih răm hăng ƀing đah kơmơi Môap. 2Ƀing đah kơmơi anai jak iâu ƀing gơñu nao ƀơ̆ng mơnơ̆ng ngă yang gơñu pơyơr kơ yang gơñu. Ƀing ană plei pla ƀơ̆ng laih anŭn bon kơkuh ƀơi anăp ƀing yang gơñu. 3Tui anŭn, ƀing Israel pơgop hăng ƀing Môap amăng tơlơi kơkuh pơpŭ kơ yang Baal Pêôr, yua kơ anŭn yơh Yêhôwa hil kơ ană plei pla Israel. 4Yêhôwa laĭ hăng Môis: “Brơi ih mă hĭ ƀing khua djă akŏ kơ ană plei pla anai, yol gơñu ƀơi anăp Kâo, gah yŭ kơ tơlơi pơ-iă yang hrơi, kiăng kơ ngă rơơ̆ hĭ tơlơi Kâo hil kơ ană plei pla Israel.” 5Tui anŭn, Môis pơhiăp hăng ƀing khua phat kơđi Israel tui anai: “Rĭm čô amăng ƀing gih khŏm pơdjai hĭ ƀing hlơi amăng kơnŭng djuai ƀing gih hmâo pơgop hrŏm laih hăng tơlơi kơkuh pơpŭ kơ yang Baal Pêôr.”
6Hlăk anŭn, hmâo sa čô amăng ƀing Israel ba sa čô đah kơmơi Madian rai tơ̆ng krah ƀing ayŏng adơi ñu, ƀơi anăp Môis hăng ƀơi anăp ană plei pla Israel, tơdang abih bang ană plei pla dŏ čŏk hia ƀơi bah amăng sang khăn pơƀŭt. 7Tơ Phinêas, ană đah rơkơi Êlêasar, tơčo khua ngă yang Arôn ƀuh tơlơi anai, ñu tơgŭ mơtam tơ̆ng krah ană plei pla, tơngan ñu djă sa ƀĕ tơbăk, 8đuaĭ tui mơnuih Israel mŭt nao amăng sang khăn gơ̆, ñu klaŏ hluh hĭ hlŭng kơ mơnuih Israel hăng đah kơmơi anŭn. Tơlơi răm ruă amăng ƀing ană plei pla Israel dơ̆ng glaĭ hĭ. 9Wơ̆t dah tui anŭn, hmâo dua pluh pă rơbâo čô mơnuih djai yua kơ tơlơi răm ruă anai.
10Yêhôwa laĭ kơ Môis: 11“Phinêas ană đah rơkơi Êlêasar, tơčo khua ngă yang Arôn, hmâo ngă rơơ̆ hĭ tơlơi Kâo hil hăng ană plei pla Israel, yua kơ tơ̆ng krah gơñu, ñu hmâo tơlơi hur har Kâo pơkơdơ̆ng glaĭ tơlơi soh rih răm; yua kơ anŭn yơh, Kâo ƀu pơrai hĭ ôh ană plei pla Israel amăng tơlơi Kâo gar. 12Yua kơ anŭn, laĭ bĕ kơ ñu: ‘Kâo pơjing tơlơi kơnol pơgop rơnŭk rơnua hăng ñu. 13Ñu hăng kơnŭng djuai ñu či mă tŭ kơnol pơgop kơ bruă mă khua ngă yang hlŏng lar, yua kơ ñu hmâo pran jua hur har kơ Ơi Adai ñu laih anŭn hmâo song mă tơlơi soh ană plei pla Israel.’”
14Anăn mơnuih Israel djai hrŏm hăng đah kơmơi Madian anŭn jing Simri, ană đah rơkơi Salu, sa čô khua djă akŏ amăng kơnŭng djuai Simêôn. 15Anăn đah kơmơi Madian djai anŭn jing HʼKôsbi, ană đah kơmơi Sur, sa čô khua djă akŏ amăng kơnŭng djuai ƀing Madian.
16Yêhôwa laĭ kơ Môis: 17“Ngă pơrŭng bĕ ƀing Madian hăng kơsung blah ƀing gơñu. 18Yua kơ ƀing gơñu hmâo ngă pơrŭng laih ƀing gih laih anŭn plư ƀing gih amăng tơlơi kơkuh pơpŭ kơ Pêôr, laih anŭn bruă kơ HʼKôsbi, ană đah kơmơi khua djă akŏ ƀing Madian, jing amai adơi ƀing gơñu. Arăng pơdjai hĭ HʼKôsbi tơdang tơlơi răm ruă truh yua kơ bruă kơkuh kơ yang Pêôr.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.