Tơlơi Yap 24
24
Tơlơi Balaam Laĭ Lui Hlâo Tal klâo
1Tơdang Balaam ƀuh rơđah Yêhôwa kiăng tuh mơyun hiam kơ Israel, ñu ƀu ngă pơjâu hrup hăng hlâo dơ̆ng tah, samơ̆ ñu anăp nao ƀô̆ mơta ñu pơ tơdrŏn har. 2Tơdang ñu angak đĭ mơta, ñu ƀuh ƀing Israel ngă anih jưh tui hăng tơpul kơnŭng djuai gơñu, Yang Bơngăt Ơi Adai mă bruă amăng ñu 3laih anŭn laĭ lui hlâo tui anai:
“Boh pơhiăp Balaam ană đah rơkơi Bêor laĭ lui hlâo,
Boh pơhiăp laĭ lui hlâo mơ̆ng pô hmâo mơta pŏk laih,#24:3 Dưi pơblang dơ̆ng mơ̆n: Pĭt hĭ mơta.
4Boh pơhiăp laĭ lui hlâo kơ pô hmư̆ boh pơhiăp Ơi Adai,
Jing pô ƀuh tơlơi pơrơđah mơ̆ng Pô Dưi Kơtang,
Čơdơ̆ng rơbuh bon kŭp laih anŭn mơta pŏk hĭ:
5Ơ Yakôp! Sang jưh ih hiam đơi!
Ơ ƀing Israel! Anih ih dŏ hiam biă mă!
6Kar hăng klŭng rơhaih prŏng,
Kar hăng đang jĕ hang ia krong,
Kar hăng kơyâo alôê Yêhôwa hmâo pla laih,
Kar hăng kơyâo sêdar ƀơi hơnoh ia.
7Ia mơ̆ng kơthŭng rô blai,
Asar pơjeh gơñu hmâo rơbeh blai ia,
Pơtao gơñu či jing prŏng hloh kơ Agak,
Dêh čar pơtao gơñu či pơpŭ pơyom đĭ.
8Ơi Adai hmâo ba ƀing Israel đuaĭ mơ̆ng čar Êjip;
Gơñu hmâo pran kơtang kar hăng rơmo glai,
Gơñu či lun hĭ abih bang lŏn čar ngă ayăt roh hăng gơñu,
Gơñu joh hĭ klang abih lŏn čar jing hĭ lu črăn,
Laih anŭn pơnah ƀrŏm hraŏ pơđŭt hĭ abih bang lŏn čar.
9Gơñu pôn kar hăng rơmông dŭl tơno#Čơd 12:3; 49:9.
Laih anŭn kar hăng rơmông dŭl ania. Hlơi khĭn râo mơdưh ñu lĕ?
Lăp hơơč mơyun kơ hlơi hơơč mơyun kơ ih,
Lăp hơtơ̆m pah kơ hlơi hơtơ̆m pah kơ ih.”
Balak puh pơđuaĭ Balaam
10Hlăk anŭn, Balak hil kơ Balaam, ñu pah tơngan hăng laĭ kơ Balaam: “Kâo iâu ih rai, kiăng kơ ih hơtơ̆m pah kơ ayăt roh hăng kâo, samơ̆ ih pŭng hơơč mơyun kơ ƀing anŭn klâo wơ̆t! 11Lui bĕ ră anai, rơkâo ih wơ̆t glaĭ pơ plei ih bĕ! Kâo ƀuăn či apah bơni kơ ih lu, samơ̆ Yêhôwa ƀu brơi ih mă tŭ ôh.” 12Balaam pơhiăp hăng Balak tui anai: “Kâo laĭ hlâo laih kơ ƀing rai laĭ pơthâo kơ ih tui anai, 13‘Wơ̆t dah Balak hmâo pha brơi kơ kâo sang adŭ glong ih bă hăng prăk mah, samơ̆ kâo ƀu ngă gao ôh tơlơi Yêhôwa pơtă ƀôdah kiăng ngă tui tơlơi pơmĭn kâo pô, wơ̆t dah hiam ƀôdah sat’. Kâo kơnơ̆ng pơhiăp hơgĕt Yêhôwa hmâo pơtă laih kơ kâo đôč! 14Ră anai kâo či wơ̆t glaĭ pơ ană plei pla kâo. Samơ̆ hlâo kơ kâo glaĭ, kâo pơtă kơ ih thâo tơlơi ƀing ană plei pla anŭn či ngă kơ ană plei pla ih amăng khul hrơi či truh pơ anăp adih.”
Tơlơi Balaam Laĭ Lui Hlâo Tal Pă
15Balaam laĭ lui hlâo tui anai:
“Boh pơhiăp laĭ lui hlâo Balaam ană đah rơkơi Bêor,
Boh pơhiăp laĭ lui hlâo kơ pô hmâo mơta pŏk laih,
16Boh pơhiăp laĭ lui hlâo kơ pô hmư̆ boh pơhiăp Ơi Adai,
Thâo tơlơi thâo hluh kơ Pô Glông Hloh,
Ƀuh tơlơi pơƀuh kơ Pô Dưi Kơtang
Čơdơ̆ng rơbuh kŭp hăng mơta pŏk hĭ:
17Kâo ƀuh Ñu, samơ̆ ƀu djơ̆ ră anai ôh:
Kâo lăng Ñu, samơ̆ ƀu djơ̆ Ñu dŏ jĕ ôh;
Sa boh pơtŭ tơbiă rai mơ̆ng Yakôp,
Sa boh mŭk pơtao či tơbiă rai mơ̆ng Israel;
Ñu či taih pơčah hĭ athơi čar Môap
Laih anŭn mŭk pơtao kơnŭng djuai Set.#24:17 kơnŭng djuai Set: Amăng boh hră phŭn jơlan anai ƀu rơđah ôh tơlơi laĭ ñu. Dưi pơblang dơ̆ng mơ̆n: abih bang ƀing pơang laih anŭn ƀing kơtư̆ juă.
18Êđôm jing hĭ arăng pơblah mă,
Sêir jing ƀing ayăt roh, arăng či plah mă,
Samơ̆ Israel či hmâo tơlơi pơdrŏng kơtang.
19Pô tơbiă rai mơ̆ng Yakôp či djă tơlơi dưi;
Ñu či pơrai ƀing hơdip dŏ glaĭ amăng plei.”
20Balaam ăt ƀuh plei Amalek hăng laĭ lui hlâo tui anai:
“Amalek jing akŏ kơ lu lŏn čar,
Samơ̆ hnal tuč ñu či răm rai hĭ.”
21Giơ̆ng anŭn, Balaam ƀuh ƀing Kênit hăng pơhiăp laĭ lui hlâo tui anai:
“Anih ih dŏ jing kơjăp,
Ih ngă hruh ih ƀơi boh pơtâo.
22Samơ̆ ih, ƀing Kênit či čuh pơrai hăng apui
Tơdang Asur mă ih jing mơnă.”
23Ñu ăt pơhiăp laĭ lui hlâo tui anai:
“Aƀơih, Tơdang Ơi Adai ngă khul bruă anŭn,
Hlơi jing ƀing pơƀŭt glaĭ pơ gah kơdư?#24:23 Jơlan anai amăng boh hră phŭn ƀu rơđah ôh kiăng laĭ ñu.
24Anŭn jing ƀing đuaĭ mơ̆ng ia rơsĭ Kitim
Rai ngă pơtơnap ƀing Asur hăng ƀing Êber.
Samơ̆ ƀing gơñu ăt či djai răm rai mơ̆n.”
25Giơ̆ng anŭn, Balaam tơgŭ dơ̆ng hăng đuaĭ glaĭ pơ plei ñu laih anŭn Balak ăt glaĭ pơ plei pô ñu mơ̆n.
Currently Selected:
Tơlơi Yap 24: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 24
24
Tơlơi Balaam Laĭ Lui Hlâo Tal klâo
1Tơdang Balaam ƀuh rơđah Yêhôwa kiăng tuh mơyun hiam kơ Israel, ñu ƀu ngă pơjâu hrup hăng hlâo dơ̆ng tah, samơ̆ ñu anăp nao ƀô̆ mơta ñu pơ tơdrŏn har. 2Tơdang ñu angak đĭ mơta, ñu ƀuh ƀing Israel ngă anih jưh tui hăng tơpul kơnŭng djuai gơñu, Yang Bơngăt Ơi Adai mă bruă amăng ñu 3laih anŭn laĭ lui hlâo tui anai:
“Boh pơhiăp Balaam ană đah rơkơi Bêor laĭ lui hlâo,
Boh pơhiăp laĭ lui hlâo mơ̆ng pô hmâo mơta pŏk laih,#24:3 Dưi pơblang dơ̆ng mơ̆n: Pĭt hĭ mơta.
4Boh pơhiăp laĭ lui hlâo kơ pô hmư̆ boh pơhiăp Ơi Adai,
Jing pô ƀuh tơlơi pơrơđah mơ̆ng Pô Dưi Kơtang,
Čơdơ̆ng rơbuh bon kŭp laih anŭn mơta pŏk hĭ:
5Ơ Yakôp! Sang jưh ih hiam đơi!
Ơ ƀing Israel! Anih ih dŏ hiam biă mă!
6Kar hăng klŭng rơhaih prŏng,
Kar hăng đang jĕ hang ia krong,
Kar hăng kơyâo alôê Yêhôwa hmâo pla laih,
Kar hăng kơyâo sêdar ƀơi hơnoh ia.
7Ia mơ̆ng kơthŭng rô blai,
Asar pơjeh gơñu hmâo rơbeh blai ia,
Pơtao gơñu či jing prŏng hloh kơ Agak,
Dêh čar pơtao gơñu či pơpŭ pơyom đĭ.
8Ơi Adai hmâo ba ƀing Israel đuaĭ mơ̆ng čar Êjip;
Gơñu hmâo pran kơtang kar hăng rơmo glai,
Gơñu či lun hĭ abih bang lŏn čar ngă ayăt roh hăng gơñu,
Gơñu joh hĭ klang abih lŏn čar jing hĭ lu črăn,
Laih anŭn pơnah ƀrŏm hraŏ pơđŭt hĭ abih bang lŏn čar.
9Gơñu pôn kar hăng rơmông dŭl tơno#Čơd 12:3; 49:9.
Laih anŭn kar hăng rơmông dŭl ania. Hlơi khĭn râo mơdưh ñu lĕ?
Lăp hơơč mơyun kơ hlơi hơơč mơyun kơ ih,
Lăp hơtơ̆m pah kơ hlơi hơtơ̆m pah kơ ih.”
Balak puh pơđuaĭ Balaam
10Hlăk anŭn, Balak hil kơ Balaam, ñu pah tơngan hăng laĭ kơ Balaam: “Kâo iâu ih rai, kiăng kơ ih hơtơ̆m pah kơ ayăt roh hăng kâo, samơ̆ ih pŭng hơơč mơyun kơ ƀing anŭn klâo wơ̆t! 11Lui bĕ ră anai, rơkâo ih wơ̆t glaĭ pơ plei ih bĕ! Kâo ƀuăn či apah bơni kơ ih lu, samơ̆ Yêhôwa ƀu brơi ih mă tŭ ôh.” 12Balaam pơhiăp hăng Balak tui anai: “Kâo laĭ hlâo laih kơ ƀing rai laĭ pơthâo kơ ih tui anai, 13‘Wơ̆t dah Balak hmâo pha brơi kơ kâo sang adŭ glong ih bă hăng prăk mah, samơ̆ kâo ƀu ngă gao ôh tơlơi Yêhôwa pơtă ƀôdah kiăng ngă tui tơlơi pơmĭn kâo pô, wơ̆t dah hiam ƀôdah sat’. Kâo kơnơ̆ng pơhiăp hơgĕt Yêhôwa hmâo pơtă laih kơ kâo đôč! 14Ră anai kâo či wơ̆t glaĭ pơ ană plei pla kâo. Samơ̆ hlâo kơ kâo glaĭ, kâo pơtă kơ ih thâo tơlơi ƀing ană plei pla anŭn či ngă kơ ană plei pla ih amăng khul hrơi či truh pơ anăp adih.”
Tơlơi Balaam Laĭ Lui Hlâo Tal Pă
15Balaam laĭ lui hlâo tui anai:
“Boh pơhiăp laĭ lui hlâo Balaam ană đah rơkơi Bêor,
Boh pơhiăp laĭ lui hlâo kơ pô hmâo mơta pŏk laih,
16Boh pơhiăp laĭ lui hlâo kơ pô hmư̆ boh pơhiăp Ơi Adai,
Thâo tơlơi thâo hluh kơ Pô Glông Hloh,
Ƀuh tơlơi pơƀuh kơ Pô Dưi Kơtang
Čơdơ̆ng rơbuh kŭp hăng mơta pŏk hĭ:
17Kâo ƀuh Ñu, samơ̆ ƀu djơ̆ ră anai ôh:
Kâo lăng Ñu, samơ̆ ƀu djơ̆ Ñu dŏ jĕ ôh;
Sa boh pơtŭ tơbiă rai mơ̆ng Yakôp,
Sa boh mŭk pơtao či tơbiă rai mơ̆ng Israel;
Ñu či taih pơčah hĭ athơi čar Môap
Laih anŭn mŭk pơtao kơnŭng djuai Set.#24:17 kơnŭng djuai Set: Amăng boh hră phŭn jơlan anai ƀu rơđah ôh tơlơi laĭ ñu. Dưi pơblang dơ̆ng mơ̆n: abih bang ƀing pơang laih anŭn ƀing kơtư̆ juă.
18Êđôm jing hĭ arăng pơblah mă,
Sêir jing ƀing ayăt roh, arăng či plah mă,
Samơ̆ Israel či hmâo tơlơi pơdrŏng kơtang.
19Pô tơbiă rai mơ̆ng Yakôp či djă tơlơi dưi;
Ñu či pơrai ƀing hơdip dŏ glaĭ amăng plei.”
20Balaam ăt ƀuh plei Amalek hăng laĭ lui hlâo tui anai:
“Amalek jing akŏ kơ lu lŏn čar,
Samơ̆ hnal tuč ñu či răm rai hĭ.”
21Giơ̆ng anŭn, Balaam ƀuh ƀing Kênit hăng pơhiăp laĭ lui hlâo tui anai:
“Anih ih dŏ jing kơjăp,
Ih ngă hruh ih ƀơi boh pơtâo.
22Samơ̆ ih, ƀing Kênit či čuh pơrai hăng apui
Tơdang Asur mă ih jing mơnă.”
23Ñu ăt pơhiăp laĭ lui hlâo tui anai:
“Aƀơih, Tơdang Ơi Adai ngă khul bruă anŭn,
Hlơi jing ƀing pơƀŭt glaĭ pơ gah kơdư?#24:23 Jơlan anai amăng boh hră phŭn ƀu rơđah ôh kiăng laĭ ñu.
24Anŭn jing ƀing đuaĭ mơ̆ng ia rơsĭ Kitim
Rai ngă pơtơnap ƀing Asur hăng ƀing Êber.
Samơ̆ ƀing gơñu ăt či djai răm rai mơ̆n.”
25Giơ̆ng anŭn, Balaam tơgŭ dơ̆ng hăng đuaĭ glaĭ pơ plei ñu laih anŭn Balak ăt glaĭ pơ plei pô ñu mơ̆n.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.