Lêwi 3
3
Mơnơ̆ng Ngă Yang Rơnŭk Rơnua
1“‘Hlơi pô kiăng pơyơr mơnơ̆ng ngă yang kơ tơlơi rơnŭk rơnua hăng rơmo tơno ƀôdah rơmo ania, brơi pô anŭn khŏm pơyơr đĭ ƀơi anăp Yêhôwa sa drơi rơmo ƀu hmâo rơka rơkeñ. 2Pô anŭn či ah tơngan ñu ƀơi akŏ hlô mơnơ̆ng ngă yang laih anŭn pơdjai hĭ gơ̆ ƀơi bah amăng Sang Khăn Pơƀŭt. Ƀing ană tơčo Arôn, jing ƀing khua ngă yang, či prăh drah ñu jum dar kơƀang ngă yang. 3Giơ̆ng anŭn mă sa črăn mơ̆ng hlô mơnơ̆ng ngă yang kơ tơlơi ngă yang rơnŭk rơnua anai, ngă mơnơ̆ng ngă yang yua hăng apui kiăng pơyơr đĭ kơ Yêhôwa. Anŭn jing rơmuă lom hlŭng pruăi laih anŭn rơmuă klep ƀơi pruăi hlŭng, 4dua asar boh ƀleh, rơmuă lom boh ƀleh jĕ ƀơi kơiăng laih anŭn črăn jơman hloh amăng hơtai pô anŭn hmâo yaih mă laih mơ̆ng dua asar boh ƀleh. 5Ƀing ană đah rơkơi Arôn či čuh hĭ abih bang mơnơ̆ng anŭn ƀơi kơƀang ngă yang hrŏm hăng mơnơ̆ng ngă yang čuh hmâo pioh laih ƀơi hăng ngŏ djuh apui dŏ ƀơ̆ng. Anŭn jing sa mơnơ̆ng ngă yang yua hăng apui pơyơr đĭ, hmâo mơnâo ƀâu hiam bơmơak kơ Yêhôwa.
6Hlơi pô kiăng pơyơr hlô mơnơ̆ng ngă yang kơ tơlơi rơnŭk rơnua hăng triu ƀôdah bơbe, brơi pô anŭn khŏm pơyơr đĭ ƀơi anăp Yêhôwa sa drơi tơno ƀôdah ania ƀu hmâo rơka rơkeñ ôh. 7Tơ mơnuih anŭn pơyơr sa drơi ană triu ngă mơnơ̆ng pơyơr, ñu khŏm pơyơr gơ̆ ƀơi anăp Yêhôwa, 8ah tơngan ñu ƀơi akŏ triu laih anŭn pơdjai hĭ gơ̆ ƀơi anăp bah amăng Sang Khăn Pơƀŭt. Ƀing ană tơčo Arôn či prăh drah gơ̆ jum dar kơƀang ngă yang. 9Giơ̆ng anŭn mă sa črăn mơ̆ng mơnơ̆ng ngă yang kơ tơlơi rơnŭk rơnua anai ngă mơnơ̆ng ngă yang yua hăng apui pơyơr đĭ kơ Yêhôwa. Anŭn jing rơmuă, abih tơku trơĭ mă mơ̆ng ƀơi giăm klang rŏng, rơmuă lom pruăi hlŭng, abih bang rơmuă klep ƀơi pruăi hlŭng, 10dua asar boh ƀleh, rơmuă ƀơi dua asar boh ƀleh giăm kơiăng laih anŭn črăn jơman hloh amăng hơtai pô anŭn hmâo yaih mă laih mơ̆ng dua asar boh ƀleh. 11Khua ngă yang či čuh hĭ abih bang mơnơ̆ng anŭn ƀơi ngŏ kơƀang ngă yang hrup hăng mơnơ̆ng ƀơ̆ng huă yua hăng apui kiăng pơyơr đĭ kơ Yêhôwa.
12Tơ gơnam pơyơr mơnuih anŭn jing sa drơi bơbe ania, ñu khŏm pơyơr đĭ gơ̆ ƀơi anăp Yêhôwa, 13ah tơngan ñu ƀơi akŏ hlô mơnơ̆ng pơyơr anŭn hăng pơdjai hĭ gơ̆ ƀơi anăp bah amăng Sang Khăn Pơƀŭt. Ƀing ană tơčo Arôn či prăh drah jum dar kơƀang ngă yang. 14Giơ̆ng anŭn mă sa črăn mơ̆ng mơnơ̆ng ngă yang kơ tơlơi rơnŭk rơnua ngă mơnơ̆ng ngă yang yua hăng apui pơyơr đĭ kơ Yêhôwa. Anŭn jing rơmuă gom pruăi hlŭng hăng abih bang rơmuă klep ƀơi pruăi hlŭng, 15dua asar boh ƀleh, rơmuă ƀơi dua asar boh ƀlĕ giăm kơiăng laih anŭn črăn jơman hloh amăng hơtai pô anŭn hmâo yaih mă laih mơ̆ng dua asar boh ƀleh. 16Khua ngă yang či čuh hĭ khul mơnơ̆ng anŭn ƀơi hăng ngŏ kơƀang ngă yang kar hăng mơnơ̆ng ƀơ̆ng huă yua hăng apui pơyơr đĭ, hmâo mơnâo ƀâu hiam. Abih bang rơmuă jing lơ̆m kơ Yêhôwa soh sel.
17Anai jing sa tơlơi juăt hlŏng lar kơ kơnŭng djuai ƀing gih, amăng djŏp djang anih ƀing gih dŏ: ƀing gih ƀu dưi ƀơ̆ng rơmuă ƀôdah drah ôh.’”
Currently Selected:
Lêwi 3: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
