NAMBAR Byalaanmaw
Byalaanmaw
Nambar ccauh hynh Israel hae nynh Sinai Mua kyate thokuh hae zah Pachia nynh pya lan bya a kinpyaku hae paw ram, nithua lang e ramri a thua hae cia, kum sung pali vyavya accing lang a khiavuikunaw hae kong kha a ho. Ccauh min hynh Sinai Mua kyate a thoku maw hae ze Moses nynh milu a riapaw kha thuasah, she kheit koute Jordan vaw nithua lang Moab ram kya milu bua a ria hae paw kha thuasah lah hae zah min a phu hae paw nynh thua. E milu rianaw vae ning laku kya Israel hae tuh Kanaan ram alia lang umpaw Kadesh-barnea kya a thua hae, thuasalama tuin kyate Kanaan ram lang tee kho khyh hae. Tuin kya kum patae a um kou hae te, Jordan Vaw nithua langkhe a cceih hae, ccungccaw abang tuh tuin kya khuasah hae zah tuhlaepaw ccungccaw hae tuh vaw zuate Kanaan ram lang tee lan a paccynkuh hae.
Nambar ccauh kyahin vawsaw a tung hae ze rawthyate rih hae zah Pachia te Pachia nynh cciakhaetu lang a nungpya hae paw Moses kha leih a doutu ccungccaw hae kong kha a um. A ccungccaw hae kya thawzyanaw te kawngae leinaw um salamah mih tungvaw kya Pachia a lungzinaw te tyty a do-oihnaw hae kong a um; te Moses tuh vaekhakheit a thindyn salamah Pachia te a minphuin hae tungvaw atynpaw sungsahnaw a hoipaw kong a um.
Abyalupi hae
Israel hae nynh Sinai Mua kyate pou lan paccynkunaw 1.1—9.23
a. Masaty milu rianaw 1.1—4.49
b. Phung hae aphuinphuin te zuiphung hae 5.1—8.26
c. Kawtaw poi vae ningnaw 9.1-23
Sinai Mua kyate Moab ram lang 10.1—21.35
Moab ram kya acyihkuhpaw hae 22.1—32.42
Izip ram kyate Moab ram cia a ccianaw hae adynnawte 33.1-49
Jordan vaw a zua maw hae ccangpyakunaw 33.50—36.13
Currently Selected:
NAMBAR Byalaanmaw: ZB16
Highlight
Copy
Compare
Share
Want to have your highlights saved across all your devices? Sign up or sign in
Zotung Bible © Bible Society of Myanmar, 2016.