Yoannes 2
2
2 Ik.
1Orowa, Gariraya moshirʼun Kana kotan ta rereko ikinne no an toho ta aukore-i an; awa, Yesu koro habo ne yakka nei ita an ruwe ne; samata, 2Yesu ne yakka koro koikara utara tura nei ita aeahunge nisa ruwe ne. Aige, tonoto isam chiki koro habo Yesu otta :— 3Tonoto isam, sekoro ye ruwe ne. 4Orota Yesu ene itak-hi :— Shiwentep, eani newa Kuani uturuta nep an hawe? Ku pakihi anak naa shomo an ruwe ne, sekoro itak. 5Koro habo anak ne :— Nep ne yakka Shinuma echi otta ye chiki, nei no ki yan, ani okai uitek utara otta ye nisa ruwe ne. 6Nei ushiketa Yudea un utara ashkannere buri gusu an ine to hene ashikne to hene omare eashkai shuma shu iwan shu okai ruwe ne. 7Wakka ani nei shu eshikte yan, sekoro Yesu nei utara otta ye, awa, paruruge pakno shikte nisa ruwe ne. 8Orowa :— Tane etaye wa marapto eainukoro guru otta koro wa paye yan, sekoro nei utara otta itak. 9Orowa, orota koro wa paye ruwe ne. Marapto eainukoro guru anak ne, tane tonoto ne wakka sapke wa, nei wa ekbe ne ya sekorʼambe eramushkare gusu (koroka, wakka ta uitek utara eramʼan), mat-ahupkara guru hotuyekara wa orota ene itak-ki :— 10Nen ne yakka hoshiki no shisak tonoto sange; orowa, utara poronno iku orowa no katchakbe sange ruwe ne, koroka, eani anak ne shisak tonoto tane pakno eumashnu wa ande nisa ruwe ne, sekoro itak. 11Tap atpake an shirosh Gariraya moshiri un Kan a kotan ta Yesu ki wa, koro nupeki nukare nisa ruwe ne; orowa no, koikara utara Shinuma eishokon nisa ruwe ne na.
12Tande orowa no Shinuma hemhem, koro habo hemhem, uiriwak utara hemhem, koro koikara utara tura Kapernaum kotan otta sap: aige, nei kotan ta ohon no reushi shomoki ruwe ne.
13Yudea un utara koro Kamakush marapto ehange no an, awa, Yesu Yerusarem kotan orun hemesu nisa ruwe ne. 14Orowa, Kamui kora kenru ta beko hemhem, hitsuji hemhem, kusuwep hemhem ehok utara nukara, naa samata, ichen itasare utara rok wa okai shiri nukan nisa ruwe ne: 15awa, Shinuma ka ani tush kara wa hitsuji newa beko obitta Kamui kora kenru orowa no okeuba; orowa, ichen itasare utara koro ichen ohetu wa koro set horakte; 16kusuwep ehok utara otta :— Tan okaibe oyakta koro wa paye, Ku Michi kot chisei ani ehok chisei ne iteki kara yan, ari itak. 17Aine, E kora kenru gusu an keutum opopmau ambe anak ne en ibe kusu ne, sekorʼan itak anuye wa an ambe koikara utara eshkarun nisa ruwe ne. 18Orowa, tambe gusu, Yudea un utara Shinuma otta ese wa ene itak-hi :— Tap okaibe E ki gusu, nep shirosh un nukare ya? ani itak. 19Orota Yesu ese wa ene itak-hi: Tan ashkanne ushike horakte, yak anak ne rere ko ta Ku ashi kusu ne, ari itak. 20Tambe gusu, Yudea un utara ene itak-hi :— Tan ashkanne ushike akara-i anak ne iwan pa ikashima tu hotne pa uturu akara, awa, Eani anak rere-ko ututta ashi kusu ne ya? 21Koroka, Yesu anak ne yaikota koro netobake ani an ashkanne ushike epeka no ye nisa ruwe ne. 22Tambe gusu, Shinuma rai-i orowa no hetopo-ashiknure chiki, tap itak ani Shinuma itak nisa sekoro koro koikara utara eshkarun; orowa, Kamui kambi-sosh newa orota Yesu ye itak shinuma utara eishokon nisa ruwe ne.
23Kamakush marapto gusu Shinuma Yerusarem kotan ta an, awa, marapto uturuta, Shinuma ki shirosh nukara gusu, inne utara Shinuma kon reihei gusu eishokon nisa ruwe ne na. 24Koroka, Yesu anak ne utara otta yaikota yaikopashte shiri shomoki. Ainu obitta eramʼan wa ainu gusu moshima guru paweteshu-i kon rusui shomoki ruwe ne, 25ainu keutum uta an okaibe Shinuma yaikota eramʼan ruwe ne gusu ne na.
Currently Selected:
Yoannes 2: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018