Wiɛɛlaa 9
9
Sɔɔl nfɛrɛ biraa wia
(Wiɛɛ 22:6-16; 26:12-18)
1Sɔɔl haa ra ɔnzi Yeesu hiŋra werge maa lugɔ u daŋ kpu baa. Denii u la Kɔraawiizi Kizeehina Maa Nabɔma la be, 2di ga suŋŋuu ú sɛbi hɔna tɛu ú kpa la Damaskus di gaa bagli baa ba jaamaa diini biini bá tɛu fɔŋŋa di u wa na baal gɛɛ haaŋ maa n du de di ra hiŋ Yeesu Ŋmɛnɛɛ, ú vɔɔu di kpau ba Jɛrusalɛm.#Wiɛɛ 22:4; 24:14 3U sɛbi tɛu.
U kpa di ra la. Unna la gaa dugli Damaskus. Kakpaŋ, niŋ lii chiŋ di chaani baruu, di ra nyɛgzi. 4U chol hɛri di nuu loobii bɛl n na ŋɔ, “Sɔɔl, Sɔɔl, ɛrɛɛ i ra tɔɔriŋ gunnɛi?”
5U pɛɛzi, “N Dɔɔri, anɛɛ hinnɛi?”
U ŋɔ, “Minuu Yeesu la hinna tɔɔri la. 6Izi chiŋ di zuu bol biini ń baglii gunla hin niŋ ɛɛ.”
7Nɛra la n duu ra la la gba, nuu a loobii ka ba waa nɛr maa nawɛɛ. Ba waa zum gunla ban niŋ ŋɔ. 8Sɔɔl izi chiŋ di pilli u siwee ka waa wette na bɔr. Ba tɛrguu zuu Damaskus. 9U hɔpizaa ahoro di waa wette na bɔr. Waa diwee gba diwee. Waa nii gba nyɔɔwɛ.
10Yeesu hiŋri bɛl faa du a Damaskus. U sɔnnɛ faa Ananias. U na wia aŋhina alugɔ deeza biini. Kɔraawiizi yiruu lugɔ deeza biini, “Ananias!”
U ŋɔ, “N Dɔɔri, n sɛɛwɔ.”
11Kɔraawiizi ŋɔ, “Izi di la ŋmɛnɛɛ la banna yir ŋmɛnideŋlii la ga pɛɛzi Judas dia bɔr. Di i ga hel u dia la, pɛɛzi Taasus hinuu bɛl banna yir Sɔɔl wia de. A baal du de di ra suŋŋi wiizi filaŋkeŋ. 12Uŋ faa ra suŋŋi la, u na baal bɛl banna yir Ananias lugɔ deeza biini, uŋ zuu u be di kpa u nonee sag u ni ú siwee pilli.”
13Ananias ŋɔ, “N Dɔɔri, n faa nuu baal naa wiarɛ nɛkpila maa be, di ge ra nuu gunla uŋ faa ra ɛɛ i biinanaa la n du Jɛrusalɛm la wichɔgaa werge. 14Un du ɛŋ filaŋkennaa, u dɔɔ fɔŋŋaa lii Kɔraawiizi Kizeehina Nabɔnzi be, ú wer lauri banla maa n na yir i sɔŋ di vɔɔzi baa.”
15Ka Kɔraawiizi ŋɔ u be, “Izi ra la. N lizuubuu tɛɛ n hiŋ, ú hum n huma tɛŋ, di la ga bagli n wia tɛɛ nɛra la n waa Jus hina ɛɛwɛ ni koora ni Izrɛl hina maa. 16N daŋ bagluu gunla un niŋ di tɔɔrɔɔ werge dikuu n wia.”
17Ananias izi la ga zuu dia la di kpa u nonii sag u ni ka ŋɔ, “N kpɛɛma Sɔɔl, Yaa Dɔɔri Yeesu la hinna ba di wa na ŋmɛnɛɛ labuu humiŋ i be í siwee wer pilli ka í wer dɔɔ Kɔraawiizi Dumnanii la.” 18Uŋ wa ŋɔ guŋ, kakpaŋ, kuna aŋhina lii u siwee lugɔ nyiŋ hɛga di chol hɛri, u jaa wer ra na bɔr di izi. Ba sɔu Kɔraawiizi nii. 19U nyiŋŋi diwee di. U fɔŋŋa kaa ba.
Sɔɔl n la Damaskus ni Jɛrusalɛm wia
U du Yeesu hiŋra be Damaskus di ɛɛ hɔpizaa anɛɛ. 20Un du ba be hiŋ, ɔɔ ra la ba jaamaa diini di gaa ŋɔ Yeesu wia de, dí, waabuu Kɔraawiizi Biibaal. 21Banla maa n nuuwɛ, ba ra pɛɛzi dɔŋa, “Baal naa lɛi faa du Jɛrusalɛm di aah siwii werge maa ú kpu banla maa n na yir Yeesu sɔŋ laa? A wia lɛi u kaa ba ɛŋ ge ú wa lauri baa di vɔɔzi di kpa baa la Kɔraawiizi Kizeehina Nabɔnzi be laa? A tir baa werge.”
22Sɔɔl wiŋɔzi hiŋ du kpeg werge maa di ra jaa. Jus hina la n du Damaskus la ɔɔ ra diu hɔɔzi, ka gunla uŋ wette bagli baa lugɔ Yeesuu ɛɛ Kristo la n niŋ ba la, ba waa kaa dɔɔ wii maa ba ŋɔ.
23U du de guŋŋ. Jus hina la wa chaali di ta jina bɛl di ra nyiŋŋi ba kpuu. 24Ba du bol la dominuuzi maa bɔchaaŋ ni hamuŋa maa di ra nyiŋŋuu bá kpu. Sɔɔl wa nuu guŋ. 25U hiŋra kpau du kɛɛgɔ biini di gilli koŋlii ni, u zeeli tuu hɛri. Denii u lii di kpa la Jɛrusalɛm.
26Uŋ wa hel Jɛrusalɛm di ŋɔ ú zuu Yeesu hiŋra be, ba maa ra ɔmuu. Ba waa sɛɛwɛ lugɔ u ɛɛ Yeesu hiŋrii. 27Denii Banabas lawuu la Yeesu huŋhunna la be di ga ŋɔ ba be gunla uŋ faa du ŋmɛnɛɛ ra la di wa na ba Dɔɔri Yeesu, u ŋɔ wia tɛu, di kaa bagli baa gunla uŋ faa dɔɔ bampirii di ŋɔ Yeesu wia tɛɛ nɛra la n du Damaskus la.#Wiɛɛ 4:36; 11:22 28Ba jaa sɛɛ. U zuu ba biini di ra hiŋ baa di ra ŋɔ Yeesu wia bampirii ni, Jɛrusalɛm maa. 29U ni banla n na mɔɔ Giris hina mɔɔri la ɔɔ ra di hɔɔzi. Ba ra nyiŋŋi u kpui. 30Babalaa la n wa zum guŋ, ba duu ga ta Siizaria di ŋɔ ú ra la Taasus.
31Denii Yeesu hiŋra la maa n du Juda, Galilii ani Samaria hɛssi la maa jaa heezi. Ba waa kaa ra tɔɔri baa. Ba Kɔraawiizi hiŋaa jaa wer ra chi nɛnnɛ. Ba ra hiŋ Kɔraawiizi di ra tɔgzuu. Kɔraawiizi Dumnanii ge ra du baa bɔkpega ba ra wazi.
Inias ni Dɔkas wia
32Pitta ɔɔ faa gaagi di ra jaami Yeesu hiŋra bɔr maa. A hɔl bɛl u gaagi di ba Yeesu biinanaa la n du Lida la be. 33Baal bɛl faa du de, u sɔnnɛ faa Inias. U nonee ni u naazi maa siuzi. U chɔɔ dia binni ŋmantannaazi. 34Pitta ŋɔ u be, “Inias, Yeesu Kristo tɛibuu alaanfia. Izi kuari i kunchɔɔrikuna dau.” U izi kakpaŋ. 35Lida hina ni Sarɔn hina maa nau di bir ba bampiree di ra hiŋ ba Dɔɔri Yeesu.
36Haaŋ bɛl ge faa du Jɔpa di ɛɛ Yeesu hiŋra. U sɔnnɛ faa Tabita, Giris hina ge ra yiruu Dɔkas. A haaŋ ɔɔ faa ra ɛɛ winanaa di ra suŋ nyaara ni di ra hiini baa. 37A saŋa u ra wii di wa siu. Ba sɔu nii di kpau ga dau dia bɛl n du chiŋ biini.
38Yeesu hiŋra nuu lugɔ Pitta du Lida. Lida ni Jɔpa ge faa waa nɛɛ. Awia, ba lau baala banɛɛ hum Pitta be bá la ga suŋŋuu werge dí ú gilɛɛ waa laŋŋi ka ba. Ba la ga suŋŋuu.
39U izi hiŋ baa di ba. Ba kpogluu zuu dia la n du chiŋ la. Haŋkia maa chaali di ba Pitta be di waa wii di ra bagluu ba tagtazi ni laala Dɔkas n faa nyɛttɛ tɛɛ baa saŋa la uŋ faa haa du de la.
40Pitta duŋŋi ba maa ba lii, ka giŋŋi di suŋŋi wiizi, ka bir lalii la be di ŋɔ, “Tabita, izi.” U pilli u siwee di na Pitta di izi so. 41Pitta lau u nonii tɛr u izi, ka yir Yeesu hiŋra ni haŋkia la di bagli baa lugɔ haaŋ labuu kaa ra nyiŋ la. 42Jɔpa hɛri hina la maa nuu a wia. Bakpila maa yardi Yeesu. 43Pitta du Saimɔn Hɔmbaŋzi dia di birgi Jɔpa biini.
Currently Selected:
Wiɛɛlaa 9: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 9
9
Sɔɔl nfɛrɛ biraa wia
(Wiɛɛ 22:6-16; 26:12-18)
1Sɔɔl haa ra ɔnzi Yeesu hiŋra werge maa lugɔ u daŋ kpu baa. Denii u la Kɔraawiizi Kizeehina Maa Nabɔma la be, 2di ga suŋŋuu ú sɛbi hɔna tɛu ú kpa la Damaskus di gaa bagli baa ba jaamaa diini biini bá tɛu fɔŋŋa di u wa na baal gɛɛ haaŋ maa n du de di ra hiŋ Yeesu Ŋmɛnɛɛ, ú vɔɔu di kpau ba Jɛrusalɛm.#Wiɛɛ 22:4; 24:14 3U sɛbi tɛu.
U kpa di ra la. Unna la gaa dugli Damaskus. Kakpaŋ, niŋ lii chiŋ di chaani baruu, di ra nyɛgzi. 4U chol hɛri di nuu loobii bɛl n na ŋɔ, “Sɔɔl, Sɔɔl, ɛrɛɛ i ra tɔɔriŋ gunnɛi?”
5U pɛɛzi, “N Dɔɔri, anɛɛ hinnɛi?”
U ŋɔ, “Minuu Yeesu la hinna tɔɔri la. 6Izi chiŋ di zuu bol biini ń baglii gunla hin niŋ ɛɛ.”
7Nɛra la n duu ra la la gba, nuu a loobii ka ba waa nɛr maa nawɛɛ. Ba waa zum gunla ban niŋ ŋɔ. 8Sɔɔl izi chiŋ di pilli u siwee ka waa wette na bɔr. Ba tɛrguu zuu Damaskus. 9U hɔpizaa ahoro di waa wette na bɔr. Waa diwee gba diwee. Waa nii gba nyɔɔwɛ.
10Yeesu hiŋri bɛl faa du a Damaskus. U sɔnnɛ faa Ananias. U na wia aŋhina alugɔ deeza biini. Kɔraawiizi yiruu lugɔ deeza biini, “Ananias!”
U ŋɔ, “N Dɔɔri, n sɛɛwɔ.”
11Kɔraawiizi ŋɔ, “Izi di la ŋmɛnɛɛ la banna yir ŋmɛnideŋlii la ga pɛɛzi Judas dia bɔr. Di i ga hel u dia la, pɛɛzi Taasus hinuu bɛl banna yir Sɔɔl wia de. A baal du de di ra suŋŋi wiizi filaŋkeŋ. 12Uŋ faa ra suŋŋi la, u na baal bɛl banna yir Ananias lugɔ deeza biini, uŋ zuu u be di kpa u nonee sag u ni ú siwee pilli.”
13Ananias ŋɔ, “N Dɔɔri, n faa nuu baal naa wiarɛ nɛkpila maa be, di ge ra nuu gunla uŋ faa ra ɛɛ i biinanaa la n du Jɛrusalɛm la wichɔgaa werge. 14Un du ɛŋ filaŋkennaa, u dɔɔ fɔŋŋaa lii Kɔraawiizi Kizeehina Nabɔnzi be, ú wer lauri banla maa n na yir i sɔŋ di vɔɔzi baa.”
15Ka Kɔraawiizi ŋɔ u be, “Izi ra la. N lizuubuu tɛɛ n hiŋ, ú hum n huma tɛŋ, di la ga bagli n wia tɛɛ nɛra la n waa Jus hina ɛɛwɛ ni koora ni Izrɛl hina maa. 16N daŋ bagluu gunla un niŋ di tɔɔrɔɔ werge dikuu n wia.”
17Ananias izi la ga zuu dia la di kpa u nonii sag u ni ka ŋɔ, “N kpɛɛma Sɔɔl, Yaa Dɔɔri Yeesu la hinna ba di wa na ŋmɛnɛɛ labuu humiŋ i be í siwee wer pilli ka í wer dɔɔ Kɔraawiizi Dumnanii la.” 18Uŋ wa ŋɔ guŋ, kakpaŋ, kuna aŋhina lii u siwee lugɔ nyiŋ hɛga di chol hɛri, u jaa wer ra na bɔr di izi. Ba sɔu Kɔraawiizi nii. 19U nyiŋŋi diwee di. U fɔŋŋa kaa ba.
Sɔɔl n la Damaskus ni Jɛrusalɛm wia
U du Yeesu hiŋra be Damaskus di ɛɛ hɔpizaa anɛɛ. 20Un du ba be hiŋ, ɔɔ ra la ba jaamaa diini di gaa ŋɔ Yeesu wia de, dí, waabuu Kɔraawiizi Biibaal. 21Banla maa n nuuwɛ, ba ra pɛɛzi dɔŋa, “Baal naa lɛi faa du Jɛrusalɛm di aah siwii werge maa ú kpu banla maa n na yir Yeesu sɔŋ laa? A wia lɛi u kaa ba ɛŋ ge ú wa lauri baa di vɔɔzi di kpa baa la Kɔraawiizi Kizeehina Nabɔnzi be laa? A tir baa werge.”
22Sɔɔl wiŋɔzi hiŋ du kpeg werge maa di ra jaa. Jus hina la n du Damaskus la ɔɔ ra diu hɔɔzi, ka gunla uŋ wette bagli baa lugɔ Yeesuu ɛɛ Kristo la n niŋ ba la, ba waa kaa dɔɔ wii maa ba ŋɔ.
23U du de guŋŋ. Jus hina la wa chaali di ta jina bɛl di ra nyiŋŋi ba kpuu. 24Ba du bol la dominuuzi maa bɔchaaŋ ni hamuŋa maa di ra nyiŋŋuu bá kpu. Sɔɔl wa nuu guŋ. 25U hiŋra kpau du kɛɛgɔ biini di gilli koŋlii ni, u zeeli tuu hɛri. Denii u lii di kpa la Jɛrusalɛm.
26Uŋ wa hel Jɛrusalɛm di ŋɔ ú zuu Yeesu hiŋra be, ba maa ra ɔmuu. Ba waa sɛɛwɛ lugɔ u ɛɛ Yeesu hiŋrii. 27Denii Banabas lawuu la Yeesu huŋhunna la be di ga ŋɔ ba be gunla uŋ faa du ŋmɛnɛɛ ra la di wa na ba Dɔɔri Yeesu, u ŋɔ wia tɛu, di kaa bagli baa gunla uŋ faa dɔɔ bampirii di ŋɔ Yeesu wia tɛɛ nɛra la n du Damaskus la.#Wiɛɛ 4:36; 11:22 28Ba jaa sɛɛ. U zuu ba biini di ra hiŋ baa di ra ŋɔ Yeesu wia bampirii ni, Jɛrusalɛm maa. 29U ni banla n na mɔɔ Giris hina mɔɔri la ɔɔ ra di hɔɔzi. Ba ra nyiŋŋi u kpui. 30Babalaa la n wa zum guŋ, ba duu ga ta Siizaria di ŋɔ ú ra la Taasus.
31Denii Yeesu hiŋra la maa n du Juda, Galilii ani Samaria hɛssi la maa jaa heezi. Ba waa kaa ra tɔɔri baa. Ba Kɔraawiizi hiŋaa jaa wer ra chi nɛnnɛ. Ba ra hiŋ Kɔraawiizi di ra tɔgzuu. Kɔraawiizi Dumnanii ge ra du baa bɔkpega ba ra wazi.
Inias ni Dɔkas wia
32Pitta ɔɔ faa gaagi di ra jaami Yeesu hiŋra bɔr maa. A hɔl bɛl u gaagi di ba Yeesu biinanaa la n du Lida la be. 33Baal bɛl faa du de, u sɔnnɛ faa Inias. U nonee ni u naazi maa siuzi. U chɔɔ dia binni ŋmantannaazi. 34Pitta ŋɔ u be, “Inias, Yeesu Kristo tɛibuu alaanfia. Izi kuari i kunchɔɔrikuna dau.” U izi kakpaŋ. 35Lida hina ni Sarɔn hina maa nau di bir ba bampiree di ra hiŋ ba Dɔɔri Yeesu.
36Haaŋ bɛl ge faa du Jɔpa di ɛɛ Yeesu hiŋra. U sɔnnɛ faa Tabita, Giris hina ge ra yiruu Dɔkas. A haaŋ ɔɔ faa ra ɛɛ winanaa di ra suŋ nyaara ni di ra hiini baa. 37A saŋa u ra wii di wa siu. Ba sɔu nii di kpau ga dau dia bɛl n du chiŋ biini.
38Yeesu hiŋra nuu lugɔ Pitta du Lida. Lida ni Jɔpa ge faa waa nɛɛ. Awia, ba lau baala banɛɛ hum Pitta be bá la ga suŋŋuu werge dí ú gilɛɛ waa laŋŋi ka ba. Ba la ga suŋŋuu.
39U izi hiŋ baa di ba. Ba kpogluu zuu dia la n du chiŋ la. Haŋkia maa chaali di ba Pitta be di waa wii di ra bagluu ba tagtazi ni laala Dɔkas n faa nyɛttɛ tɛɛ baa saŋa la uŋ faa haa du de la.
40Pitta duŋŋi ba maa ba lii, ka giŋŋi di suŋŋi wiizi, ka bir lalii la be di ŋɔ, “Tabita, izi.” U pilli u siwee di na Pitta di izi so. 41Pitta lau u nonii tɛr u izi, ka yir Yeesu hiŋra ni haŋkia la di bagli baa lugɔ haaŋ labuu kaa ra nyiŋ la. 42Jɔpa hɛri hina la maa nuu a wia. Bakpila maa yardi Yeesu. 43Pitta du Saimɔn Hɔmbaŋzi dia di birgi Jɔpa biini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.