Wiɛɛlaa 10
10
Pitta ni Kɔrnɛliɔs wia
1Itali hɛri soojazi nabɔma bɛl faa du Siizaria. U sɔnnɛ faa Kɔrnɛliɔs. 2U ni u diahina maa faa ɛɛ wiijaamaa u ra jaami Kɔraawiizi saŋa maa di ra hiini Jus hina la n ɛɛ nyaara la werge maa. 3Wibaŋa bɛl karfi ahoro, a baal na wia aŋhina lugɔ deeza biini. Kɔraawiizi mɛlika bɛl ba u be. U nau nɛnnɛ. U wa zuu u dia di yiruu, “Kɔrnɛliɔs!”
4Ɔnsii lawuu. U ra binnuu tiiih, ka pɛɛzuu, “N Dɔɔri, a summɔaa?”
A mɛlika ŋɔ, “Ɛɛh. Gunla hiŋ ɔɔ ra jaami Kɔraawiizi di ra hiini nyaara dikuu u wia la, guŋ hel Kɔraawiizi benii. U liizi i wia. 5Awia, filaŋkeŋ hum nɛra bá la Jɔpa di ga yir baal bɛl banna yir Saimɔn di kaa ra yiruu Pitta la. 6U du Saimɔn Hɔmbaŋzi la diarɛ. A dia du muu bɛl kɛriirɛ.”
7Mɛlika la n wa ŋɔ wia la tuŋ, u bir kaali.
Kɔrnɛliɔs yir u balaa banɛɛ ni u balii sooja bɛl n ɔɔ ra hiŋuu di ge ɔɔ ra jaami Kɔraawiizi, 8di ŋɔ a wia maa tɛɛ baa ka hum baa dí ba la Jɔpa.
Pitta winaalii lugɔ deeza biini wia
9Hɔɔ wa pizi wiizi wa baŋ, di ba jaa ra dugli a bol. Pitta tinni sal ú ga jaami Kɔraawiizi. 10Denii lɔzi ga lawuu werge. U ra nyiŋŋi kumbɛl ú di. Ba ra daali bá tɛu, ka u na wia aŋhina lugɔ unna deezi. 11U deeza hiŋ biini u na chiŋ n pillɛɛ. Kumbɛl lugɔ wɛjɛzeŋ bɛl baŋ lau u nuuzi kpogli ga de ra tuu. 12Sela irizi maa ni kuntuuzaa ani zumbizi maa ni a dizii du u biini. 13Pitta nuu loobii bɛl n na ŋɔ, “Pitta! Izi kpu ra hee.”
14U ŋɔ, “Akai, n Dɔɔri! N haa waa n kii bɛl maa diwee maa.”#Levi 11:2-47
15A loobii kaa kuari ŋɔ, “Kunla maa Kɔraawiizi n lizi u doŋa ha, gilɛɛ kaa ra yiruu kundoŋ, di ra kiiu.”#1Tim 4:4-5
16A guŋ buhoro, ka kunla bir kaali chiŋ.
17Pitta so chaamm di ra aani wii naa un nawɛɛ naa. Denii baala la Kɔrnɛliɔs n hummɛ la teŋ pɛɛzi Saimɔn dia bɔr di ba wa chi u dominua 18di pɛɛzi, Saimɔn la banna yir Pitta la du dia naaa?
19Ka Pitta nfɛrɛ haa du wia la un nawɛɛ la ni. Denii Kɔraawiizi Dumnanii ŋɔ u be, “Na! Nɛra bahoroo ra pɛɛzi i wia. 20Izi tuu di du baa ra la ba bol. Minuu hum baa.” Awia, gilɛɛ ra aani i ni baa laŋaa.
21Pitta tuu la ba be di ga ŋɔ, “N wiarɛ ii ba. A summɔaa?”
22Ba ŋɔ, “Ɛɛh. Soojazi nabɔma bɛllɛ du de, ba ra yiruu Kɔrnɛliɔs. U ɛɛ nɛnaniirɛ di ra jaami wiizi. Jus hina maa ra chɔluu. Mɛlikananii bɛl ba wa ŋɔ u be dí ú hum nɛra bá ga yirii í ba u dia bá nuu gunla hin niŋ ŋɔ ba be.” 23Baŋ wa ŋɔ guŋ, Pitta laŋŋi baa dau. Hɔpizi u ni ba maa ra la. Jɔpa hina baŋhina n ɛɛ Yeesu hiŋra duu ra la. 24Baŋ wa hel Siizaria di hɔɔ pizɔɔ. Kɔrnɛliɔs ge teŋ feloo chaali u nɛra ni u dammuzi maa, ba wa chaali di ra kpaŋ Pitta. 25Pitta n waa zuu bol, Kɔrnɛliɔs la ga chem u ni di giŋŋi u see di ra kpau girme. 26Pitta lalluu ka ŋɔ, “Izi chiŋ. Neweare yaa maa.”
27U nuu ŋɔ wia di zuu dia, di nɛkpila chaali de. 28U ŋɔ ba be, “Ii zummɔ lugɔ Jus hina a kii banla n waa Jus hina ɛɛwɛ be kpawaarɛ di ra kii ba dia laŋaa gba. Ka Kɔraawiizi baglimbuu dí ń gilɛɛ kaa yir nɛr maa doŋa hiŋ. 29Awiarɛ baŋ wa yiriŋ, maa vɛɛwɛ ka ba la. Miŋ ballɛ naa, ií ŋɔ n be wii la wia iiŋ yiriŋ la.”
30Kɔrnɛliɔs ŋɔ, “Dooŋharbɔɔ saŋa naa dɔnnɛ n du n dia di ra jaami wibaŋ jaamaa. Karfi ahoro saŋa, baal bɛl wa chi n see. U laala ra nyɛgzi. 31U ŋɔ n be, ‘Kɔrnɛliɔs, Kɔraawiizi nuu gunla hiŋ ɔɔ ra jaamuu labuu di liizi gunla hiŋ ɔɔ ra hiini nyaara dikuu u wia la. 32Awia, hum nɛra bá la Jɔpa di ga yir Saimɔn la banna yir Pitta la ú ba. U du Saimɔn Hɔmbaŋzi dia la n dugli muuzeŋ labuu.’ 33Awiarɛ n hum baa manaŋ ba la i be. I ge ɛɛ nɛnnɛ di ba. Too. Yaa maa n du ɛnnaa, Kɔraawiizi ra binni yaabuu. Yaa ra nyiŋŋi ya nuu gunla Kɔraawiizi n ŋɔ í bagli yaa labuu.”
34Pitta ŋɔ, “N jaa zumuu, wibii maa, lugɔ Kɔraawiizi waa baŋhina ra tɔgzi kaali baŋhina.#Gbɔg 10:17; Room 2:11 35Ka newea dee maa biini, nɛr la n na tɔgzuu di ra ɛɛ wia la n wesse, a hiŋ wessoo u be. 36Amaniyesuma la Kɔraawiizi n tilee ŋɔ Jus hina be labuu keŋ, dí newea daŋ na bampirsɔna dikuu Yeesu Kristo wia. Waabuu nɛr maa Dɔɔri. 37Ii ge gba nuu Yeesu la n lii Nazarɛf la wiarɛ. Galilii hɛrii u wia faa faari ka wa yaari Juda hɛri maa. Jɔɔn Kɔraawiizi Niisɔɔri la faa ra bagli nɛraa Kɔraawiizi wia, ka ra sɔ baa Kɔraawiizi nii Galilii hɛri la mɔɔ, ka Yeesu haa ba. 38Nazarɛf hinuu Yeesu n wa ballɛ, Kɔraawiizi kpa u Dumnanii di du u ni a saŋa di tɛu fɔŋŋa. U izi di ra gaagi bɔra di ra ɛɛ winanaa di ra chaa banla maa n du Sitaani fɔŋŋa biini u ra tɔɔri baa la. Kɔraawiizii faa chigɛ u har. Awiarɛ u wer ɛɛ anniizi maa.
39Yaa ge n ɔɔ faa du u be di ra na wia la maa uŋ faa ra ɛɛ Jus hina hɛri ni Jɛrusalɛm biini maa la, yaa ɛɛ u daansɛɛ hinaa a wia biini.
Denii ba wa kpaahzuu mari daakaŋlii bɛl ni di kpuu. 40Ka Kɔraawiizi lalluu siu biini hɔpizaa ahoro hɔl di gil nɛra kaa nau. 41Nɛra maa lɛi faa nau. Yaa banla Kɔraawiizi n felee lizi yaa ɛɛ u daansɛɛ hina la bɛnnɛ faa nau. Uŋ izee siu biini la, yaa nuu faa ra di. 42U ŋɔ yaa be, dí ya ra bagli nɛra Kɔraawiizi wia, di ɛɛ u daansɛɛ hina ba be lugɔ waabuu Kɔraawiizi lizi, u ɛɛ lalaa ni nɛnyinee maa seriya diiri. 43U wiarɛ Kɔraawiizi dɔgtɛɛzi maa faa ŋɔ di bagli lugɔ nɛr la maa n niŋ yarduu, Kɔraawiizi daŋ gil u wichɔgaa tɛu dikuu uŋ yir u sɔŋ wia la.”
44Pitta n faa haa ra ŋɔ wia la di Kɔraawiizi Dumnanii ballɔ wa zuu banla maa n du de di ra nuu la ni. 45Yeesu hiŋra la n ɛɛ Jus hina di du Pitta ba la, nuu banna mɔɔ mɔɔdumazi di ra chɔli Kɔraawiizi. A tir baa werge. 46Ba faa waa tamɛɛ lugɔ Kɔraawiizi daŋ kpa u Dumnanii la du banla n waa Jus hina ɛɛwɛ la ge ni.
Denii Pitta pɛɛzi baa, 47“Ii waa na gunla Kɔraawiizi n kpa u Dumnanii du nɛra naa ni lugɔ uŋ faa kpau di du yaa ge ni laa? Awia, anɛɛ n niŋ kaa wer kpolli baa Kɔraawiizi nii sɔi naanɛi?” 48U gil ba sɔ baa Kɔraawiizi nii bá ra hiŋ Yeesu Kristo. Denii ba suŋŋi Pitta dí ú haa so ba be hɔpizaa anɛɛ.
Currently Selected:
Wiɛɛlaa 10: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 10
10
Pitta ni Kɔrnɛliɔs wia
1Itali hɛri soojazi nabɔma bɛl faa du Siizaria. U sɔnnɛ faa Kɔrnɛliɔs. 2U ni u diahina maa faa ɛɛ wiijaamaa u ra jaami Kɔraawiizi saŋa maa di ra hiini Jus hina la n ɛɛ nyaara la werge maa. 3Wibaŋa bɛl karfi ahoro, a baal na wia aŋhina lugɔ deeza biini. Kɔraawiizi mɛlika bɛl ba u be. U nau nɛnnɛ. U wa zuu u dia di yiruu, “Kɔrnɛliɔs!”
4Ɔnsii lawuu. U ra binnuu tiiih, ka pɛɛzuu, “N Dɔɔri, a summɔaa?”
A mɛlika ŋɔ, “Ɛɛh. Gunla hiŋ ɔɔ ra jaami Kɔraawiizi di ra hiini nyaara dikuu u wia la, guŋ hel Kɔraawiizi benii. U liizi i wia. 5Awia, filaŋkeŋ hum nɛra bá la Jɔpa di ga yir baal bɛl banna yir Saimɔn di kaa ra yiruu Pitta la. 6U du Saimɔn Hɔmbaŋzi la diarɛ. A dia du muu bɛl kɛriirɛ.”
7Mɛlika la n wa ŋɔ wia la tuŋ, u bir kaali.
Kɔrnɛliɔs yir u balaa banɛɛ ni u balii sooja bɛl n ɔɔ ra hiŋuu di ge ɔɔ ra jaami Kɔraawiizi, 8di ŋɔ a wia maa tɛɛ baa ka hum baa dí ba la Jɔpa.
Pitta winaalii lugɔ deeza biini wia
9Hɔɔ wa pizi wiizi wa baŋ, di ba jaa ra dugli a bol. Pitta tinni sal ú ga jaami Kɔraawiizi. 10Denii lɔzi ga lawuu werge. U ra nyiŋŋi kumbɛl ú di. Ba ra daali bá tɛu, ka u na wia aŋhina lugɔ unna deezi. 11U deeza hiŋ biini u na chiŋ n pillɛɛ. Kumbɛl lugɔ wɛjɛzeŋ bɛl baŋ lau u nuuzi kpogli ga de ra tuu. 12Sela irizi maa ni kuntuuzaa ani zumbizi maa ni a dizii du u biini. 13Pitta nuu loobii bɛl n na ŋɔ, “Pitta! Izi kpu ra hee.”
14U ŋɔ, “Akai, n Dɔɔri! N haa waa n kii bɛl maa diwee maa.”#Levi 11:2-47
15A loobii kaa kuari ŋɔ, “Kunla maa Kɔraawiizi n lizi u doŋa ha, gilɛɛ kaa ra yiruu kundoŋ, di ra kiiu.”#1Tim 4:4-5
16A guŋ buhoro, ka kunla bir kaali chiŋ.
17Pitta so chaamm di ra aani wii naa un nawɛɛ naa. Denii baala la Kɔrnɛliɔs n hummɛ la teŋ pɛɛzi Saimɔn dia bɔr di ba wa chi u dominua 18di pɛɛzi, Saimɔn la banna yir Pitta la du dia naaa?
19Ka Pitta nfɛrɛ haa du wia la un nawɛɛ la ni. Denii Kɔraawiizi Dumnanii ŋɔ u be, “Na! Nɛra bahoroo ra pɛɛzi i wia. 20Izi tuu di du baa ra la ba bol. Minuu hum baa.” Awia, gilɛɛ ra aani i ni baa laŋaa.
21Pitta tuu la ba be di ga ŋɔ, “N wiarɛ ii ba. A summɔaa?”
22Ba ŋɔ, “Ɛɛh. Soojazi nabɔma bɛllɛ du de, ba ra yiruu Kɔrnɛliɔs. U ɛɛ nɛnaniirɛ di ra jaami wiizi. Jus hina maa ra chɔluu. Mɛlikananii bɛl ba wa ŋɔ u be dí ú hum nɛra bá ga yirii í ba u dia bá nuu gunla hin niŋ ŋɔ ba be.” 23Baŋ wa ŋɔ guŋ, Pitta laŋŋi baa dau. Hɔpizi u ni ba maa ra la. Jɔpa hina baŋhina n ɛɛ Yeesu hiŋra duu ra la. 24Baŋ wa hel Siizaria di hɔɔ pizɔɔ. Kɔrnɛliɔs ge teŋ feloo chaali u nɛra ni u dammuzi maa, ba wa chaali di ra kpaŋ Pitta. 25Pitta n waa zuu bol, Kɔrnɛliɔs la ga chem u ni di giŋŋi u see di ra kpau girme. 26Pitta lalluu ka ŋɔ, “Izi chiŋ. Neweare yaa maa.”
27U nuu ŋɔ wia di zuu dia, di nɛkpila chaali de. 28U ŋɔ ba be, “Ii zummɔ lugɔ Jus hina a kii banla n waa Jus hina ɛɛwɛ be kpawaarɛ di ra kii ba dia laŋaa gba. Ka Kɔraawiizi baglimbuu dí ń gilɛɛ kaa yir nɛr maa doŋa hiŋ. 29Awiarɛ baŋ wa yiriŋ, maa vɛɛwɛ ka ba la. Miŋ ballɛ naa, ií ŋɔ n be wii la wia iiŋ yiriŋ la.”
30Kɔrnɛliɔs ŋɔ, “Dooŋharbɔɔ saŋa naa dɔnnɛ n du n dia di ra jaami wibaŋ jaamaa. Karfi ahoro saŋa, baal bɛl wa chi n see. U laala ra nyɛgzi. 31U ŋɔ n be, ‘Kɔrnɛliɔs, Kɔraawiizi nuu gunla hiŋ ɔɔ ra jaamuu labuu di liizi gunla hiŋ ɔɔ ra hiini nyaara dikuu u wia la. 32Awia, hum nɛra bá la Jɔpa di ga yir Saimɔn la banna yir Pitta la ú ba. U du Saimɔn Hɔmbaŋzi dia la n dugli muuzeŋ labuu.’ 33Awiarɛ n hum baa manaŋ ba la i be. I ge ɛɛ nɛnnɛ di ba. Too. Yaa maa n du ɛnnaa, Kɔraawiizi ra binni yaabuu. Yaa ra nyiŋŋi ya nuu gunla Kɔraawiizi n ŋɔ í bagli yaa labuu.”
34Pitta ŋɔ, “N jaa zumuu, wibii maa, lugɔ Kɔraawiizi waa baŋhina ra tɔgzi kaali baŋhina.#Gbɔg 10:17; Room 2:11 35Ka newea dee maa biini, nɛr la n na tɔgzuu di ra ɛɛ wia la n wesse, a hiŋ wessoo u be. 36Amaniyesuma la Kɔraawiizi n tilee ŋɔ Jus hina be labuu keŋ, dí newea daŋ na bampirsɔna dikuu Yeesu Kristo wia. Waabuu nɛr maa Dɔɔri. 37Ii ge gba nuu Yeesu la n lii Nazarɛf la wiarɛ. Galilii hɛrii u wia faa faari ka wa yaari Juda hɛri maa. Jɔɔn Kɔraawiizi Niisɔɔri la faa ra bagli nɛraa Kɔraawiizi wia, ka ra sɔ baa Kɔraawiizi nii Galilii hɛri la mɔɔ, ka Yeesu haa ba. 38Nazarɛf hinuu Yeesu n wa ballɛ, Kɔraawiizi kpa u Dumnanii di du u ni a saŋa di tɛu fɔŋŋa. U izi di ra gaagi bɔra di ra ɛɛ winanaa di ra chaa banla maa n du Sitaani fɔŋŋa biini u ra tɔɔri baa la. Kɔraawiizii faa chigɛ u har. Awiarɛ u wer ɛɛ anniizi maa.
39Yaa ge n ɔɔ faa du u be di ra na wia la maa uŋ faa ra ɛɛ Jus hina hɛri ni Jɛrusalɛm biini maa la, yaa ɛɛ u daansɛɛ hinaa a wia biini.
Denii ba wa kpaahzuu mari daakaŋlii bɛl ni di kpuu. 40Ka Kɔraawiizi lalluu siu biini hɔpizaa ahoro hɔl di gil nɛra kaa nau. 41Nɛra maa lɛi faa nau. Yaa banla Kɔraawiizi n felee lizi yaa ɛɛ u daansɛɛ hina la bɛnnɛ faa nau. Uŋ izee siu biini la, yaa nuu faa ra di. 42U ŋɔ yaa be, dí ya ra bagli nɛra Kɔraawiizi wia, di ɛɛ u daansɛɛ hina ba be lugɔ waabuu Kɔraawiizi lizi, u ɛɛ lalaa ni nɛnyinee maa seriya diiri. 43U wiarɛ Kɔraawiizi dɔgtɛɛzi maa faa ŋɔ di bagli lugɔ nɛr la maa n niŋ yarduu, Kɔraawiizi daŋ gil u wichɔgaa tɛu dikuu uŋ yir u sɔŋ wia la.”
44Pitta n faa haa ra ŋɔ wia la di Kɔraawiizi Dumnanii ballɔ wa zuu banla maa n du de di ra nuu la ni. 45Yeesu hiŋra la n ɛɛ Jus hina di du Pitta ba la, nuu banna mɔɔ mɔɔdumazi di ra chɔli Kɔraawiizi. A tir baa werge. 46Ba faa waa tamɛɛ lugɔ Kɔraawiizi daŋ kpa u Dumnanii la du banla n waa Jus hina ɛɛwɛ la ge ni.
Denii Pitta pɛɛzi baa, 47“Ii waa na gunla Kɔraawiizi n kpa u Dumnanii du nɛra naa ni lugɔ uŋ faa kpau di du yaa ge ni laa? Awia, anɛɛ n niŋ kaa wer kpolli baa Kɔraawiizi nii sɔi naanɛi?” 48U gil ba sɔ baa Kɔraawiizi nii bá ra hiŋ Yeesu Kristo. Denii ba suŋŋi Pitta dí ú haa so ba be hɔpizaa anɛɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.