Wiɛɛlaa 8
8
1A Sɔɔl gba faa sɛɛwɔɔ lugɔ ba kpu Stiivin.
Tɔɔrɔɔ werge maa chol Yeesu hiŋra la n du Jɛrusalɛm la ni a hɔl hiŋ. Ba maa chɔ yaari Juda hɛri ni Samaria hɛri la maa ka ka Yeesu huŋhunna la bɛŋ. 2Wiijaama baŋhina kpa Stiivin ga hug ka wii werge maa. 3Sɔɔl jaa aah siwii di ra nyiŋŋi u chɔgi Yeesu hiŋra ni Yeesu wia, di ra zuu diarɛ dia maa di tɛrgi baa di ra lii di ra tɔ baa dia. Baala ni haana maanii u faa ra ɛɛ guŋ.#Wiɛɛ 22:4; 26:9-11
Filip n du Samaria wia
4Yeesu hiŋra maa chɔ yaari di ra lizi amaniyesuma la bɔr la maa baŋ chɔwɛɛ yaari la. 5Filip izi la Samaria hɛri di gaa sii Kristo wia de.#Wiɛɛ 6:5 6Samaria hina la n wa nuu u baglaa la um baglɛɛ, di na wizenaa la uŋ ɛɛwɛ la, kpila maa keŋŋi digna di ra nuu u be. 7Tinnanchɔgaa kpilakpila maa ra lii nɛra ni. A ɔɔ ra lɔɔgi wile ka ra lii. Gbɛraa kpilakpila ani banla nonee ni ba naazi n siuzɛɛ bakpila maa nyaagi. 8A bol hina bɔra sɔɔni werge.
9Baal bɛl faa du de. U sɔnnɛ faa Saimɔn. U ɔɔ faa ra ɛɛ ziŋgaabo wia a bol biini di ra fugzi nɛra di ra yir u hiŋ nɛzeŋ bɛl. 10Nabɔnzi ni bichalli maa faa ra hiŋ u nua, di ra ŋɔ, “Baal naa ɛɛ Kɔraawiizi fɔŋŋa hiŋ la banna yir Fɔŋŋazeŋ Hiŋ labuu.” 11Um birgi ba be di ra ɛɛ ziŋgaabo wia la a ra tir baa wia ba maa ra hiŋ u nua. 12Ka Filip n wa lizi amaniyesuma la lii Kɔraawiizi Kora wia biini di ŋɔ Yeesu Kristo sɔŋ wia la, baala ni haana maa sɛɛ di yardi u wiŋɔzi la, u sɔ baa Kɔraawiizi nii. 13A Saimɔn ge yardi. U sɔ u ge a nii. U ɔɔ ra hiŋ Filip. Uŋ ɔɔ ra hiŋuu di ra na wizenaa ni fɔŋŋazeŋ wia la uŋ ɔɔ faa ra ɛɛ la, a ra tiruu werge maa.
14Yeesu huŋhunna la n du Jɛrusalɛm la n wa nuuwɛ lugɔ Samaria hina sɛɛ Kɔraawiizi wia la, ba lau Pitta ni Jɔɔn di hum ba be. 15Ba ba wa suŋŋi wiizi tɛɛ baa bá na Kɔraawiizi Dumnanii la, 16dikuubɛɛwiai, Kɔraawiizi faa haa waa u Dumnanii la kpawɛɛ du ba ni. Ba faa sɔ baabuu Kɔraawiizi nii bá ra hiŋ ba Dɔɔri Yeesu bɛŋ. 17Denii Pitta ni Jɔɔn kpa ba nonee sag ba ni, Kɔraawiizi kpa u Dumnanii la di du ba ni.
18Saimɔn la n wa na gunla Yeesu huŋhunna n kpa nonee sag nɛra ni ba na Kɔraawiizi Dumnanii la, u kpa kebee ba di waa suŋŋi baa, 19di ŋɔ, “Ií lɛɛ kebee naa ka tɛɛ n ge fɔŋŋa naa ń wer kpa nonee sag nɛra ni bá na Kɔraawiizi Dumnanii la.”
20Pitta ŋɔ, “I ni i kebee naa daŋ kpau chɔgi. Kɔraawiizi Dumnanii wia ɛɛ kebii wiarɛaa? 21Hiŋwaa waa wiimaa dɔɔwɛ huma naa biini. I bampirii waa kpaŋ ɛɛwɛ Kɔraawiizi be. 22Awia, gil i biini chɔgi dikuu i wichɔgaa naa wia di suŋŋi wiizi ú gil i nfɛrchɔgii la hiŋ faa ra fɛ la tɛi. Di u daŋ gil tɛi ú gil tɛi. 23N zumii. I dɔɔ bɔwiirɛ werge. I wichɔgaa gba du kaŋ werge i ni.”
24Saimɔn ŋɔ Pitta be, “Suŋŋi Kɔraawiizi tɛŋ wiá naa hiŋ ŋɔwɛɛ naa gilɛɛ waa naŋ.”
25Baŋ wa ŋɔ Kɔraawiizi wia ani gunla maa uŋ ɛɛwɛ tɛɛ baa la tuŋ, ba kaa bir la Jɛrusalɛm, di gaa lizi amaniyesuma la di ra tɛɛ Samaria bola hina kpilakpila maa.
Filip ni Itiopia#8:25 Itiopia sɔŋ bɛllɛ Kus. nabɔma bɛl wia
26Denii Kɔraawiizi mɛlika bɛl ba Filip be di wa ŋɔ, “Izi ra la wiifurii nodig wiikakag di ga kpa Jɛrusalɛm ŋmɛnibinii la n na la Gaza la.” 27U izi di ra la ga na Itiopia nɛvarii bɛl. A baal faa ra hum Itiopia wiche benii di ra binni u kundɔɔlaa maa ra tɛu. A wiche sɔnnɛ faa Kandas. Baal la faa la Jɛrusalɛm di ga jaami Kɔraawiizi, 28ka jaa bir di ra kpo bol. U so torko biini zagra n na tɛrgi, di ra karmi Kɔraawiizi dɔgtɛɛ Aizaaya hɔŋ. 29Kɔraawiizi Dumnanii ŋɔ Filip be, “La torko naa be.”
30Filip chɔ ga hel, di nuu a baal n na karmi Kɔraawiizi dɔgtɛɛ Aizaaya hɔŋ la. U pɛɛzuu, “Wia naa hinna karmi naa, i zum a zɛɛa?”
31U ŋɔ, “Di nɛr wam baglɛɛ, ɛrɛɛ ń ɛɛ zum a zɛɛi?” U gil Filip tinni di so u be.
32Kenne u faa ra karmi Kɔraawiizi Hɔŋ biini la,
“U siigɔɔrɛ lugɔ peezi
baŋ tɛrgɛɛ ra la
bá ga kpu
gɛɛ peezi n chigɛ
banla n na fuŋ u huna see. #Aiza 53:7-8
33Banna di u seriya la,
ba kpolluu bilii ka duu hiihzi werge
di kpuu di lizuu nɛnyinee biini.
Baŋ kpuu la,
anɛɛ n niŋ kaa wer ŋɔ
u naanna wiai?”
34Uŋ wa karmi guŋ tuŋ, u pɛɛzi Filip, “Anɛɛ wiarɛ Kɔraawiizi dɔgtɛɛ naa ra ŋɔ gunnɛi? U himmaa wiarɛ u ra ŋɔ gɛɛ nɛbɛl wiarɛi?” 35Filip chi de di lizi amaniyesuma la di ŋɔ Yeesu wia di tɛu.
36Ba ra la. Banna la la, ba ga na nii bɛl. A baal ŋɔ, “Na! Niirɛ keŋ la. Hàá sɔŋ Kɔraawiizi niiyaa? Gɛɛ wii bɛl haa du deniiyei?” 37U ŋɔ, “Di i yardi Yeesu ni i biini maa, n daŋ sɔi a nii.” U ŋɔ, “N yardɔɔrɛ lugɔ Yeesu Kristo ɛɛ Kɔraawiizi Biibaallɛ.” 38Denii u gil torko la chi, ka u ni Filip tuu zuu nii la biini, u sɔu a nii. 39Baŋ wa lii nii la biini, Kɔraawiizi Dumnanii lau Filip kaali. Baal la waa kaa nau ka ra la. U bɔra sɔɔni werge maa. 40Filip ga du Asdɔd di gaagi de ra lizi amaniyesuma la bola la maa biini di wa hel Siizaria.
Currently Selected:
Wiɛɛlaa 8: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 8
8
1A Sɔɔl gba faa sɛɛwɔɔ lugɔ ba kpu Stiivin.
Tɔɔrɔɔ werge maa chol Yeesu hiŋra la n du Jɛrusalɛm la ni a hɔl hiŋ. Ba maa chɔ yaari Juda hɛri ni Samaria hɛri la maa ka ka Yeesu huŋhunna la bɛŋ. 2Wiijaama baŋhina kpa Stiivin ga hug ka wii werge maa. 3Sɔɔl jaa aah siwii di ra nyiŋŋi u chɔgi Yeesu hiŋra ni Yeesu wia, di ra zuu diarɛ dia maa di tɛrgi baa di ra lii di ra tɔ baa dia. Baala ni haana maanii u faa ra ɛɛ guŋ.#Wiɛɛ 22:4; 26:9-11
Filip n du Samaria wia
4Yeesu hiŋra maa chɔ yaari di ra lizi amaniyesuma la bɔr la maa baŋ chɔwɛɛ yaari la. 5Filip izi la Samaria hɛri di gaa sii Kristo wia de.#Wiɛɛ 6:5 6Samaria hina la n wa nuu u baglaa la um baglɛɛ, di na wizenaa la uŋ ɛɛwɛ la, kpila maa keŋŋi digna di ra nuu u be. 7Tinnanchɔgaa kpilakpila maa ra lii nɛra ni. A ɔɔ ra lɔɔgi wile ka ra lii. Gbɛraa kpilakpila ani banla nonee ni ba naazi n siuzɛɛ bakpila maa nyaagi. 8A bol hina bɔra sɔɔni werge.
9Baal bɛl faa du de. U sɔnnɛ faa Saimɔn. U ɔɔ faa ra ɛɛ ziŋgaabo wia a bol biini di ra fugzi nɛra di ra yir u hiŋ nɛzeŋ bɛl. 10Nabɔnzi ni bichalli maa faa ra hiŋ u nua, di ra ŋɔ, “Baal naa ɛɛ Kɔraawiizi fɔŋŋa hiŋ la banna yir Fɔŋŋazeŋ Hiŋ labuu.” 11Um birgi ba be di ra ɛɛ ziŋgaabo wia la a ra tir baa wia ba maa ra hiŋ u nua. 12Ka Filip n wa lizi amaniyesuma la lii Kɔraawiizi Kora wia biini di ŋɔ Yeesu Kristo sɔŋ wia la, baala ni haana maa sɛɛ di yardi u wiŋɔzi la, u sɔ baa Kɔraawiizi nii. 13A Saimɔn ge yardi. U sɔ u ge a nii. U ɔɔ ra hiŋ Filip. Uŋ ɔɔ ra hiŋuu di ra na wizenaa ni fɔŋŋazeŋ wia la uŋ ɔɔ faa ra ɛɛ la, a ra tiruu werge maa.
14Yeesu huŋhunna la n du Jɛrusalɛm la n wa nuuwɛ lugɔ Samaria hina sɛɛ Kɔraawiizi wia la, ba lau Pitta ni Jɔɔn di hum ba be. 15Ba ba wa suŋŋi wiizi tɛɛ baa bá na Kɔraawiizi Dumnanii la, 16dikuubɛɛwiai, Kɔraawiizi faa haa waa u Dumnanii la kpawɛɛ du ba ni. Ba faa sɔ baabuu Kɔraawiizi nii bá ra hiŋ ba Dɔɔri Yeesu bɛŋ. 17Denii Pitta ni Jɔɔn kpa ba nonee sag ba ni, Kɔraawiizi kpa u Dumnanii la di du ba ni.
18Saimɔn la n wa na gunla Yeesu huŋhunna n kpa nonee sag nɛra ni ba na Kɔraawiizi Dumnanii la, u kpa kebee ba di waa suŋŋi baa, 19di ŋɔ, “Ií lɛɛ kebee naa ka tɛɛ n ge fɔŋŋa naa ń wer kpa nonee sag nɛra ni bá na Kɔraawiizi Dumnanii la.”
20Pitta ŋɔ, “I ni i kebee naa daŋ kpau chɔgi. Kɔraawiizi Dumnanii wia ɛɛ kebii wiarɛaa? 21Hiŋwaa waa wiimaa dɔɔwɛ huma naa biini. I bampirii waa kpaŋ ɛɛwɛ Kɔraawiizi be. 22Awia, gil i biini chɔgi dikuu i wichɔgaa naa wia di suŋŋi wiizi ú gil i nfɛrchɔgii la hiŋ faa ra fɛ la tɛi. Di u daŋ gil tɛi ú gil tɛi. 23N zumii. I dɔɔ bɔwiirɛ werge. I wichɔgaa gba du kaŋ werge i ni.”
24Saimɔn ŋɔ Pitta be, “Suŋŋi Kɔraawiizi tɛŋ wiá naa hiŋ ŋɔwɛɛ naa gilɛɛ waa naŋ.”
25Baŋ wa ŋɔ Kɔraawiizi wia ani gunla maa uŋ ɛɛwɛ tɛɛ baa la tuŋ, ba kaa bir la Jɛrusalɛm, di gaa lizi amaniyesuma la di ra tɛɛ Samaria bola hina kpilakpila maa.
Filip ni Itiopia#8:25 Itiopia sɔŋ bɛllɛ Kus. nabɔma bɛl wia
26Denii Kɔraawiizi mɛlika bɛl ba Filip be di wa ŋɔ, “Izi ra la wiifurii nodig wiikakag di ga kpa Jɛrusalɛm ŋmɛnibinii la n na la Gaza la.” 27U izi di ra la ga na Itiopia nɛvarii bɛl. A baal faa ra hum Itiopia wiche benii di ra binni u kundɔɔlaa maa ra tɛu. A wiche sɔnnɛ faa Kandas. Baal la faa la Jɛrusalɛm di ga jaami Kɔraawiizi, 28ka jaa bir di ra kpo bol. U so torko biini zagra n na tɛrgi, di ra karmi Kɔraawiizi dɔgtɛɛ Aizaaya hɔŋ. 29Kɔraawiizi Dumnanii ŋɔ Filip be, “La torko naa be.”
30Filip chɔ ga hel, di nuu a baal n na karmi Kɔraawiizi dɔgtɛɛ Aizaaya hɔŋ la. U pɛɛzuu, “Wia naa hinna karmi naa, i zum a zɛɛa?”
31U ŋɔ, “Di nɛr wam baglɛɛ, ɛrɛɛ ń ɛɛ zum a zɛɛi?” U gil Filip tinni di so u be.
32Kenne u faa ra karmi Kɔraawiizi Hɔŋ biini la,
“U siigɔɔrɛ lugɔ peezi
baŋ tɛrgɛɛ ra la
bá ga kpu
gɛɛ peezi n chigɛ
banla n na fuŋ u huna see. #Aiza 53:7-8
33Banna di u seriya la,
ba kpolluu bilii ka duu hiihzi werge
di kpuu di lizuu nɛnyinee biini.
Baŋ kpuu la,
anɛɛ n niŋ kaa wer ŋɔ
u naanna wiai?”
34Uŋ wa karmi guŋ tuŋ, u pɛɛzi Filip, “Anɛɛ wiarɛ Kɔraawiizi dɔgtɛɛ naa ra ŋɔ gunnɛi? U himmaa wiarɛ u ra ŋɔ gɛɛ nɛbɛl wiarɛi?” 35Filip chi de di lizi amaniyesuma la di ŋɔ Yeesu wia di tɛu.
36Ba ra la. Banna la la, ba ga na nii bɛl. A baal ŋɔ, “Na! Niirɛ keŋ la. Hàá sɔŋ Kɔraawiizi niiyaa? Gɛɛ wii bɛl haa du deniiyei?” 37U ŋɔ, “Di i yardi Yeesu ni i biini maa, n daŋ sɔi a nii.” U ŋɔ, “N yardɔɔrɛ lugɔ Yeesu Kristo ɛɛ Kɔraawiizi Biibaallɛ.” 38Denii u gil torko la chi, ka u ni Filip tuu zuu nii la biini, u sɔu a nii. 39Baŋ wa lii nii la biini, Kɔraawiizi Dumnanii lau Filip kaali. Baal la waa kaa nau ka ra la. U bɔra sɔɔni werge maa. 40Filip ga du Asdɔd di gaagi de ra lizi amaniyesuma la bola la maa biini di wa hel Siizaria.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.