Wiɛɛlaa 7
7
Stiivin wiŋɔzi
1Kɔraawiizi Kizeehina Maa Nabɔma la pɛɛzi Stiivin, “Amɔ, wibiire ba ra ŋɔ guŋ?”
2Stiivin ŋɔ, “N mɛɛwaa ni n kpɛɛnzi, ií ra nuu n be. Girme Hiŋ Kɔraawiizi la faa ba yaa naabaal Abraham benii. A saŋaa Abraham faa haa du Babilɔn hina hɛri Mɛsɔpɔtemia, di u faa haa waa Haran ballɛ. 3Kɔraawiizi ŋɔ Abraham be, ‘Lii i hɛri ni i nɛra ani i mɛɛ dia, ka izi la hɛri bɛl min niŋ baglii.’#Lug 12:1
4U izi Babilɔn hina hɛri la di ga du Haran. U mɛɛ n wa siuwɛ, Kɔraawiizi gil u kaa izi di wa du hɛri naa iin duwɛɛ naa. 5A saŋa hiŋ Kɔraawiizi wɔɔ tɛɛwɛ hɛri tama maa de u ɛɛ u hor, ka ŋɔ nua lugɔ hɛri la daŋ ŋmɛnɛ birgi u ni u naanna hor, di u haa waa bie maa lullɛ gba.#Lug 13:15 6Kenne Kɔraawiizi ŋɔ u be, ‘I naanna daŋ ɛɛ hɔɔhra di du nɛra baŋhina hɛri, a nɛra kpa baa birgi yoma, di ɛɛ baa wichɔgaa binni kalfaanaazu. 7Ama, n daŋ tɛr hɛri la hina n niŋ ɛɛ gunla digna werge maa, ka n nɛra jaa lii ba biini, di ba bɔnnaa di waa jaamiŋ.’ 8Uŋ ŋɔ a nua hiŋ, u bagluu naana wii bɛl dí ú teŋ u biizi hɛna dikuu u ni Kɔraawiizi n ɛɛ nuukpaŋ la wia.
Denii Abraham wa lul Aizik. U hɔpizaa ŋmantannaazi hɔl u teŋ u hɛŋ. Aizik biibaallɛ Jekɔb. Jekɔb ge biibaalaa yaa naabaala fidibanɛɛ la.#Lug 17:10; 21:4
9Ba niwee Joosɛf wia faa ra wii ba ni. Ba kpau yoo di tɛɛ nɛra baŋhina ba kpau kaali Ijip hɛri. Ka Kɔraawiizi faa chi u har#Lug 37:11, 28 10di lɛɛu u tɔɔrɔɔ maa biini. U ba Ijip koori be. Kɔraawiizi tɛu nunzuma. U wia par a koori werge. U gil u birgi u dia ni u kora maa nabɔma.
11Denii lɔzi wa chol Ijip hɛri ni Keenan hɛri maa, nɛra a di dɔgnya werge. Yaa naabaala la waa diwee ra na bá di. 12Awia, ba mɛɛ Jekɔb n wa nuuwɛ lugɔ mia du Ijip hɛri, u hum u biizi la ba la de di ga yau mia wa tɛu. Ba felinfe laŋaarɛ faa la. 13U kaa kuari hum baa. Ban laŋŋɛ bunɛɛhiŋ la, Joosɛf bagli baa lugɔ waabuu ba niwee Joosɛf la. Ijip koori jaa wa zum Joosɛf nɛra wia a saŋa. 14Joosɛf tili ŋɔ u mɛɛ Jekɔb be lugɔ ú ni u nɛra la maa ba di wa so u be Ijip hɛri. Ba faa du nɛra tokkoahoro ni fidaanue. 15Jekɔb ni ba maa izi di la Ijip hɛri. U ni yaa naabaala la faa du a hɛri di wa siuzi. 16Baŋ wa siuzɛɛ, ba chi baa la Sɛkɛm ga hug ŋmam la Abraham n faa yauwɛ Hamɔwaa be Sɛkɛm la.
17Saŋa la Kɔraawiizi n niŋ ɛɛ wia la uŋ faa ŋɔ nua Abraham be la n waa dugli, yaa nɛra la jaa bir du kaŋ werge Ijip hɛri.#Lii 1:7-22 18A saŋa Ijip hɛri hina tɔ ba koorifalii bɛl. Koori la waa Joosɛf wia zummɛ. 19U ra ŋmurgi yaa nɛra di ra ɛɛ wichɔgaa di gil ba kpa ba biifulli ta ba siuzi.
20A saŋaa ba lul yaa naabaal Moosis. U ɛɛ biinanii werge, ba binnuu u mɛɛ dia baaguzi ahoro ka ba kpau ga ta.#Lii 2:3-10 21Baŋ kpau ta la, ba koori biihambie ga kugnuu di wa dɛɛzuu lugɔ u himmaa bie. 22U helli nunzuma la maa Ijip hina n faa ra bagli la. U wiŋɔzi ni u wiɛɛlaa maa dɔɔ fɔŋŋa werge.
23Uŋ wa di binni tokkoanɛɛ, u liizi u nɛra Jus hina la wia, di ŋɔ ú ga binni ba bɔr.#Lii 2:11-14 24U ga binni ba bɔr di ga na Ijip hinuu bɛl n na ɛɛ Jus hinuu wichɔgii. U lɔ Ijip hinuu la kpu ú turgi a wichɔgii kim tɛɛ Jus hinuu la. 25Moosis zummɔɔ lugɔ Kɔraawiizi lizuubuu ú lɛɛ u nɛra Jus hina. U binni lugɔ ba ge zum gunnɛ, ka ba waa guŋ zummɛ. 26Hɔɔŋ wa pizɛɛ, u kaa ba, di Jus hina ge banɛɛ ra naa. U ŋɔ ú laafi baa di ŋɔ, ‘Yaabalaa, ii maa ɛɛ nɛdeekpannɛ. Ka ɛrɛɛ wiarɛ ii kaa ra ɛɛ dɔŋa wichɔgaai?’
27Baal la n na ɛɛ u dɔŋhiŋ wichɔgaa la hur Moosis ha, ka pɛɛzuu, ‘Anɛɛ n ŋɔ í ɛɛ yaa nabɔma di di yaa seriyai? 28I ŋɔ í kpu n genii lugɔ dɛɛla hiŋ kpu Ijip hinuu laa?’ 29Uŋ wa ŋɔ guŋ, ɔnsii lau Moosis, u chɔ ga du Midian hɛri. U ɛɛ hɔɔhri Midian hɛri la guŋŋ di wa kpa haaŋ di lul biibaala banɛɛ.
30Binni tokkoanɛɛ n wa bɛrɛɛ, a hɔl bɛl Moosis du hɛribɔduma di dugli Bizeŋ Sinaai, di na daapuza bɛl n na lau niŋ, mɛlika du a ninlau biini.#Lii 3:2 31A tiruu. U hel de ú ga na a wii. Kɔraawiizi ŋɔ u be, 32‘Minuu Kɔraawiizi la i naabaala Abraham, Aizik ani Jekɔb n faa ra hum la.’ Moosis n wa nuu guŋ, u bɔra ra sa. Waa kaa dɔɔ bampirii ú binni chiŋ.
33Kɔraawiizi ŋɔ u be, ‘Lau i gawa lizi, dikuubɛɛwiai, bɔnnaa hiŋ chigɛ naa ɛɛ bɔnaniinaniirɛ 34N na gunla banna sunni n nɛra la n du Ijip hɛri labuu, di ra nuu ba himaa. Awiarɛ n tuu ń wa lɛɛ baa. Awia, izi ń humii i la Ijip hɛri.’
35Too. Moosis la baŋ faa vɛɛwɛ ka pɛɛzuu dí anɛɛ n gillɛ u ɛɛ ba nabɔma di ra di ba seriya labuu Kɔraawiizi hum u ɛɛ ba nabɔma ni ba Lɛɛri la. Mɛlika la Moosis n na daapuza niŋ biini la hiinuu u wer ɛɛ guŋ. 36Moosis n la Ijip hɛri ú ga lizi a Jus hina de la, u ɛɛ nuukpuuri wia ni wizenaare de mɔɔ ka ba lii, di kaa ɛɛa muuzeŋ la banna yir Muuzeŋaahmu la be ni pir la baŋ vol u biini binni tokkoanɛɛ la.
37Moosis hinnɛ faa ŋɔ Jus hina be, ‘Kɔraawiizi daŋ lizi u dɔgtɛɛ bɛl ii dee biini, ú hum ra tɛɛ ia gunla uŋ faa humiŋ la.’ 38Moosis ni yaa naabaala la maa n faa chaalɛɛ pir biini la, u ɔɔ nuu Kɔraawiizi wiŋɔɔliirɛ lii mɛlika la un chem u ni Bizeŋ Sinaai la di ŋɔa ra tɛɛ yaa naabaala la. U wiŋɔzi la faa dɔɔ miibɔɔrɛ.
39Ka yaa naabaala waa sɛɛwɛ ba hiŋ u nua. Ba vɛɛubuu ka faa ra kɛlli Ijip hɛri la ni 40di ŋɔ u kpɛɛma Aarɔn be, ‘Kuari vuga tɛɛ yaa á tɔ yaa see di kpa yaa lii pir naa biini. Moosis la n kpogli yaa Ijip hɛri biini la, yaa waa zum wii la maa n kpogluu.’
41Ba ma vug bɛl a saŋa lugɔ napɔl di kpu sela di ra kuaruu. Ba bɔra sɔɔni dikuu kunla ba himmaa n mawɛɛ chiŋŋi la wia. 42Awia, Kɔraawiizi faa bir u har kpu baa, ba ra ɛɛ ba kipar wia di ra tɔgzi chinchiŋwilaa, baagu ani wiizi lugɔ Kɔraawiizi. Kɔraawiizi dɔgtɛɛzi hɔŋ biini Kɔraawiizi pɛɛzi,
‘Izrɛl hina, iiŋ faa du hɛribɔduma biini binni tokkoanɛɛ la,
minuu ii faa lizi mbusuzi
ni sunzaazi ra tɛɛ laa?#Emɔs 5:25-27
43Akai! Vugaa ii faa kpua ra tɛɛ.
Ii faa kpogli
vuga aŋhinaa di ra la.
Ii dɔɔri Mɔlɛk tanti dia
ani ii dɔɔri
Rifan chinchiŋwilii
ni kuŋkpila maa
faa du ii benii.
Aabuu ii faa ma di ra tɔgzaa,
dikuu guŋ wia,
n daŋ duŋŋi ia
di bɛri Babilɔn ni.’
44Yaa naabaala hiŋ faa dɔɔ Kɔraawiizi Daansɛɛ Tanti Diarɛ bá biini, hɛribɔduma biini. Kɔraawiizi faa ŋɔ Moosis be, dí ú gil ba baŋuu, di bagluu gunla ban niŋ baŋuu. Ba baŋuu guŋ. 45A Kɔraawiizi Tanti Dia du yaa naabaala biini saŋa la maa baŋ du a hɛribɔduma biini la. Denii ba siuzi. Baŋ wa siuzɛɛ, ba biizi ge izi kpau chi di hiŋ Josua di ba hɛri naa biini. Kɔraawiizi faa tɔ ba see di ra duŋŋi a hɛri hina ba wer ra foozi ba hɛssi di kpa a jaamaa tanti dia hiŋ ba ɛŋ. U wa du ɛŋ guŋŋ di wa hel Deevid saŋa. 46Deevid wia faa par Kɔraawiizi. Waabuu suŋŋi Kɔraawiizi la u naabaal Jekɔb n faa ra jaami la ú tɛu ŋmɛnɛɛ ú wer ma dia bɛl tɛu la. 47Ka u bie Solomɔnnɛ wa ma a dia tɛu.
48Ka Kɔraawiizi kannɔɔ werge. Waa dia la newea n mawɛɛ ra zuu. Kɔraawiizi dɔgtɛɛ bɛl sɛbɔɔrɛ di ŋɔ, Kɔraawiizi ŋɔwɔɔrɛ,
49‘Chinne n kara, hɛri genii n naazi jagribɔr.
Bɛɛ diideere í ma tɛnnɛi?
Gɛɛ n heezi bɔttɛ leei?#Aiza 66:1-2
50Miŋ lɛi ta kuna naa maa?’ ”
51Stiivin ŋɔ, “Ee! Sikpega hinaa ia. Ii bampiree kpekko werge. Ii digna ge gba waa wia ra nuu. Gunla ii naabaala n faa ra ɛɛ la, guŋ himmaanii ii ge ra ɛɛ la di ra vɛɛ Kɔraawiizi Dumnanii la nua saŋa maa.#2Faa 36:16 52Kɔraawiizi dɔgtɛɛ bɛliirɛ du de ii naabaala wɔɔ tɔɔrɛɛi? Ba kpu banla n faa felee ra bagli Kɔraawiizi Biinanii la balaa wia labuu. Uŋ wa ballɛ, ii ge kaa ɛɛ sɔsɔgɔ di kpuu. 53Iawaa na Kɔraawiizi Gbɔgrɛ mɛlikazi be, ka ii waa sɛɛwɛ ii hiŋaa. Nau!”
Ban lɔɔzi Stiivin bia wia
54Stiivin n na ŋɔ wia naa, ba baana ra fuuh werge maa. Ba ra fuuri. 55Kɔraawiizi Dumnanii wa izi Stiivin bampirii. U binni chinchiŋ tiiih di na Kɔraawiizi ni u girme di kaa na Yeesu n chigɛ Kɔraawiizi nabɔmbɔr. 56U ŋɔ, “Ií na! Chinchiŋ pillɔɔrɛ, n na Newee Biibaal la n chigɛ Kɔraawiizi nabɔmbɔr.”
57Ba maa izi kakpaŋ di ra lɔɔgi wile bɔr maa di tɔɔgi ba digna, ka gbuuri ba Stiivin be 58di wa taaguu ra lii bol danzɛɛ di paagi bia ra lɔɔzuu. A daansɛɛ diire wir ba wɛjɛzi tɛɛ baal bɛl banna yir Sɔɔl, ka paa bia di ra lɔɔzi Stiivin.
59Banna lɔɔzuu la, u suŋŋi wiizi di ŋɔ, “N Dɔɔri Yeesu, lɛɛ n duma,”#Luuk 23:46 60ka giŋŋi di kaa ŋɔ kpegzi ni, “N Dɔɔri, gilɛɛ kpa ba wichɔgaa naa kim turgi baa.” Uŋ wa ŋɔ guŋ tuŋ, u siu.
Currently Selected:
Wiɛɛlaa 7: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 7
7
Stiivin wiŋɔzi
1Kɔraawiizi Kizeehina Maa Nabɔma la pɛɛzi Stiivin, “Amɔ, wibiire ba ra ŋɔ guŋ?”
2Stiivin ŋɔ, “N mɛɛwaa ni n kpɛɛnzi, ií ra nuu n be. Girme Hiŋ Kɔraawiizi la faa ba yaa naabaal Abraham benii. A saŋaa Abraham faa haa du Babilɔn hina hɛri Mɛsɔpɔtemia, di u faa haa waa Haran ballɛ. 3Kɔraawiizi ŋɔ Abraham be, ‘Lii i hɛri ni i nɛra ani i mɛɛ dia, ka izi la hɛri bɛl min niŋ baglii.’#Lug 12:1
4U izi Babilɔn hina hɛri la di ga du Haran. U mɛɛ n wa siuwɛ, Kɔraawiizi gil u kaa izi di wa du hɛri naa iin duwɛɛ naa. 5A saŋa hiŋ Kɔraawiizi wɔɔ tɛɛwɛ hɛri tama maa de u ɛɛ u hor, ka ŋɔ nua lugɔ hɛri la daŋ ŋmɛnɛ birgi u ni u naanna hor, di u haa waa bie maa lullɛ gba.#Lug 13:15 6Kenne Kɔraawiizi ŋɔ u be, ‘I naanna daŋ ɛɛ hɔɔhra di du nɛra baŋhina hɛri, a nɛra kpa baa birgi yoma, di ɛɛ baa wichɔgaa binni kalfaanaazu. 7Ama, n daŋ tɛr hɛri la hina n niŋ ɛɛ gunla digna werge maa, ka n nɛra jaa lii ba biini, di ba bɔnnaa di waa jaamiŋ.’ 8Uŋ ŋɔ a nua hiŋ, u bagluu naana wii bɛl dí ú teŋ u biizi hɛna dikuu u ni Kɔraawiizi n ɛɛ nuukpaŋ la wia.
Denii Abraham wa lul Aizik. U hɔpizaa ŋmantannaazi hɔl u teŋ u hɛŋ. Aizik biibaallɛ Jekɔb. Jekɔb ge biibaalaa yaa naabaala fidibanɛɛ la.#Lug 17:10; 21:4
9Ba niwee Joosɛf wia faa ra wii ba ni. Ba kpau yoo di tɛɛ nɛra baŋhina ba kpau kaali Ijip hɛri. Ka Kɔraawiizi faa chi u har#Lug 37:11, 28 10di lɛɛu u tɔɔrɔɔ maa biini. U ba Ijip koori be. Kɔraawiizi tɛu nunzuma. U wia par a koori werge. U gil u birgi u dia ni u kora maa nabɔma.
11Denii lɔzi wa chol Ijip hɛri ni Keenan hɛri maa, nɛra a di dɔgnya werge. Yaa naabaala la waa diwee ra na bá di. 12Awia, ba mɛɛ Jekɔb n wa nuuwɛ lugɔ mia du Ijip hɛri, u hum u biizi la ba la de di ga yau mia wa tɛu. Ba felinfe laŋaarɛ faa la. 13U kaa kuari hum baa. Ban laŋŋɛ bunɛɛhiŋ la, Joosɛf bagli baa lugɔ waabuu ba niwee Joosɛf la. Ijip koori jaa wa zum Joosɛf nɛra wia a saŋa. 14Joosɛf tili ŋɔ u mɛɛ Jekɔb be lugɔ ú ni u nɛra la maa ba di wa so u be Ijip hɛri. Ba faa du nɛra tokkoahoro ni fidaanue. 15Jekɔb ni ba maa izi di la Ijip hɛri. U ni yaa naabaala la faa du a hɛri di wa siuzi. 16Baŋ wa siuzɛɛ, ba chi baa la Sɛkɛm ga hug ŋmam la Abraham n faa yauwɛ Hamɔwaa be Sɛkɛm la.
17Saŋa la Kɔraawiizi n niŋ ɛɛ wia la uŋ faa ŋɔ nua Abraham be la n waa dugli, yaa nɛra la jaa bir du kaŋ werge Ijip hɛri.#Lii 1:7-22 18A saŋa Ijip hɛri hina tɔ ba koorifalii bɛl. Koori la waa Joosɛf wia zummɛ. 19U ra ŋmurgi yaa nɛra di ra ɛɛ wichɔgaa di gil ba kpa ba biifulli ta ba siuzi.
20A saŋaa ba lul yaa naabaal Moosis. U ɛɛ biinanii werge, ba binnuu u mɛɛ dia baaguzi ahoro ka ba kpau ga ta.#Lii 2:3-10 21Baŋ kpau ta la, ba koori biihambie ga kugnuu di wa dɛɛzuu lugɔ u himmaa bie. 22U helli nunzuma la maa Ijip hina n faa ra bagli la. U wiŋɔzi ni u wiɛɛlaa maa dɔɔ fɔŋŋa werge.
23Uŋ wa di binni tokkoanɛɛ, u liizi u nɛra Jus hina la wia, di ŋɔ ú ga binni ba bɔr.#Lii 2:11-14 24U ga binni ba bɔr di ga na Ijip hinuu bɛl n na ɛɛ Jus hinuu wichɔgii. U lɔ Ijip hinuu la kpu ú turgi a wichɔgii kim tɛɛ Jus hinuu la. 25Moosis zummɔɔ lugɔ Kɔraawiizi lizuubuu ú lɛɛ u nɛra Jus hina. U binni lugɔ ba ge zum gunnɛ, ka ba waa guŋ zummɛ. 26Hɔɔŋ wa pizɛɛ, u kaa ba, di Jus hina ge banɛɛ ra naa. U ŋɔ ú laafi baa di ŋɔ, ‘Yaabalaa, ii maa ɛɛ nɛdeekpannɛ. Ka ɛrɛɛ wiarɛ ii kaa ra ɛɛ dɔŋa wichɔgaai?’
27Baal la n na ɛɛ u dɔŋhiŋ wichɔgaa la hur Moosis ha, ka pɛɛzuu, ‘Anɛɛ n ŋɔ í ɛɛ yaa nabɔma di di yaa seriyai? 28I ŋɔ í kpu n genii lugɔ dɛɛla hiŋ kpu Ijip hinuu laa?’ 29Uŋ wa ŋɔ guŋ, ɔnsii lau Moosis, u chɔ ga du Midian hɛri. U ɛɛ hɔɔhri Midian hɛri la guŋŋ di wa kpa haaŋ di lul biibaala banɛɛ.
30Binni tokkoanɛɛ n wa bɛrɛɛ, a hɔl bɛl Moosis du hɛribɔduma di dugli Bizeŋ Sinaai, di na daapuza bɛl n na lau niŋ, mɛlika du a ninlau biini.#Lii 3:2 31A tiruu. U hel de ú ga na a wii. Kɔraawiizi ŋɔ u be, 32‘Minuu Kɔraawiizi la i naabaala Abraham, Aizik ani Jekɔb n faa ra hum la.’ Moosis n wa nuu guŋ, u bɔra ra sa. Waa kaa dɔɔ bampirii ú binni chiŋ.
33Kɔraawiizi ŋɔ u be, ‘Lau i gawa lizi, dikuubɛɛwiai, bɔnnaa hiŋ chigɛ naa ɛɛ bɔnaniinaniirɛ 34N na gunla banna sunni n nɛra la n du Ijip hɛri labuu, di ra nuu ba himaa. Awiarɛ n tuu ń wa lɛɛ baa. Awia, izi ń humii i la Ijip hɛri.’
35Too. Moosis la baŋ faa vɛɛwɛ ka pɛɛzuu dí anɛɛ n gillɛ u ɛɛ ba nabɔma di ra di ba seriya labuu Kɔraawiizi hum u ɛɛ ba nabɔma ni ba Lɛɛri la. Mɛlika la Moosis n na daapuza niŋ biini la hiinuu u wer ɛɛ guŋ. 36Moosis n la Ijip hɛri ú ga lizi a Jus hina de la, u ɛɛ nuukpuuri wia ni wizenaare de mɔɔ ka ba lii, di kaa ɛɛa muuzeŋ la banna yir Muuzeŋaahmu la be ni pir la baŋ vol u biini binni tokkoanɛɛ la.
37Moosis hinnɛ faa ŋɔ Jus hina be, ‘Kɔraawiizi daŋ lizi u dɔgtɛɛ bɛl ii dee biini, ú hum ra tɛɛ ia gunla uŋ faa humiŋ la.’ 38Moosis ni yaa naabaala la maa n faa chaalɛɛ pir biini la, u ɔɔ nuu Kɔraawiizi wiŋɔɔliirɛ lii mɛlika la un chem u ni Bizeŋ Sinaai la di ŋɔa ra tɛɛ yaa naabaala la. U wiŋɔzi la faa dɔɔ miibɔɔrɛ.
39Ka yaa naabaala waa sɛɛwɛ ba hiŋ u nua. Ba vɛɛubuu ka faa ra kɛlli Ijip hɛri la ni 40di ŋɔ u kpɛɛma Aarɔn be, ‘Kuari vuga tɛɛ yaa á tɔ yaa see di kpa yaa lii pir naa biini. Moosis la n kpogli yaa Ijip hɛri biini la, yaa waa zum wii la maa n kpogluu.’
41Ba ma vug bɛl a saŋa lugɔ napɔl di kpu sela di ra kuaruu. Ba bɔra sɔɔni dikuu kunla ba himmaa n mawɛɛ chiŋŋi la wia. 42Awia, Kɔraawiizi faa bir u har kpu baa, ba ra ɛɛ ba kipar wia di ra tɔgzi chinchiŋwilaa, baagu ani wiizi lugɔ Kɔraawiizi. Kɔraawiizi dɔgtɛɛzi hɔŋ biini Kɔraawiizi pɛɛzi,
‘Izrɛl hina, iiŋ faa du hɛribɔduma biini binni tokkoanɛɛ la,
minuu ii faa lizi mbusuzi
ni sunzaazi ra tɛɛ laa?#Emɔs 5:25-27
43Akai! Vugaa ii faa kpua ra tɛɛ.
Ii faa kpogli
vuga aŋhinaa di ra la.
Ii dɔɔri Mɔlɛk tanti dia
ani ii dɔɔri
Rifan chinchiŋwilii
ni kuŋkpila maa
faa du ii benii.
Aabuu ii faa ma di ra tɔgzaa,
dikuu guŋ wia,
n daŋ duŋŋi ia
di bɛri Babilɔn ni.’
44Yaa naabaala hiŋ faa dɔɔ Kɔraawiizi Daansɛɛ Tanti Diarɛ bá biini, hɛribɔduma biini. Kɔraawiizi faa ŋɔ Moosis be, dí ú gil ba baŋuu, di bagluu gunla ban niŋ baŋuu. Ba baŋuu guŋ. 45A Kɔraawiizi Tanti Dia du yaa naabaala biini saŋa la maa baŋ du a hɛribɔduma biini la. Denii ba siuzi. Baŋ wa siuzɛɛ, ba biizi ge izi kpau chi di hiŋ Josua di ba hɛri naa biini. Kɔraawiizi faa tɔ ba see di ra duŋŋi a hɛri hina ba wer ra foozi ba hɛssi di kpa a jaamaa tanti dia hiŋ ba ɛŋ. U wa du ɛŋ guŋŋ di wa hel Deevid saŋa. 46Deevid wia faa par Kɔraawiizi. Waabuu suŋŋi Kɔraawiizi la u naabaal Jekɔb n faa ra jaami la ú tɛu ŋmɛnɛɛ ú wer ma dia bɛl tɛu la. 47Ka u bie Solomɔnnɛ wa ma a dia tɛu.
48Ka Kɔraawiizi kannɔɔ werge. Waa dia la newea n mawɛɛ ra zuu. Kɔraawiizi dɔgtɛɛ bɛl sɛbɔɔrɛ di ŋɔ, Kɔraawiizi ŋɔwɔɔrɛ,
49‘Chinne n kara, hɛri genii n naazi jagribɔr.
Bɛɛ diideere í ma tɛnnɛi?
Gɛɛ n heezi bɔttɛ leei?#Aiza 66:1-2
50Miŋ lɛi ta kuna naa maa?’ ”
51Stiivin ŋɔ, “Ee! Sikpega hinaa ia. Ii bampiree kpekko werge. Ii digna ge gba waa wia ra nuu. Gunla ii naabaala n faa ra ɛɛ la, guŋ himmaanii ii ge ra ɛɛ la di ra vɛɛ Kɔraawiizi Dumnanii la nua saŋa maa.#2Faa 36:16 52Kɔraawiizi dɔgtɛɛ bɛliirɛ du de ii naabaala wɔɔ tɔɔrɛɛi? Ba kpu banla n faa felee ra bagli Kɔraawiizi Biinanii la balaa wia labuu. Uŋ wa ballɛ, ii ge kaa ɛɛ sɔsɔgɔ di kpuu. 53Iawaa na Kɔraawiizi Gbɔgrɛ mɛlikazi be, ka ii waa sɛɛwɛ ii hiŋaa. Nau!”
Ban lɔɔzi Stiivin bia wia
54Stiivin n na ŋɔ wia naa, ba baana ra fuuh werge maa. Ba ra fuuri. 55Kɔraawiizi Dumnanii wa izi Stiivin bampirii. U binni chinchiŋ tiiih di na Kɔraawiizi ni u girme di kaa na Yeesu n chigɛ Kɔraawiizi nabɔmbɔr. 56U ŋɔ, “Ií na! Chinchiŋ pillɔɔrɛ, n na Newee Biibaal la n chigɛ Kɔraawiizi nabɔmbɔr.”
57Ba maa izi kakpaŋ di ra lɔɔgi wile bɔr maa di tɔɔgi ba digna, ka gbuuri ba Stiivin be 58di wa taaguu ra lii bol danzɛɛ di paagi bia ra lɔɔzuu. A daansɛɛ diire wir ba wɛjɛzi tɛɛ baal bɛl banna yir Sɔɔl, ka paa bia di ra lɔɔzi Stiivin.
59Banna lɔɔzuu la, u suŋŋi wiizi di ŋɔ, “N Dɔɔri Yeesu, lɛɛ n duma,”#Luuk 23:46 60ka giŋŋi di kaa ŋɔ kpegzi ni, “N Dɔɔri, gilɛɛ kpa ba wichɔgaa naa kim turgi baa.” Uŋ wa ŋɔ guŋ tuŋ, u siu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.