Wiɛɛlaa 4
4
Pitta ni Jɔɔn n chigɛ nabɔnzi see wia
1Banna ŋɔ wia di ra tɛɛ a nɛra guŋ di Kɔraawiizi Kizeehina Nabɔnzi ni Kɔraawiizi Dia balaa nabɔma ni Jus hina la banna yir Sajusizi la ballɔ. 2Ba baana fuuh werge dikuu Pitta ni Jɔɔn n na bagli nɛra Yeesu siu biini izaa wia, dikuubɛɛwiai, guŋ baglɔɔrɛ lugɔ nɛra daŋ izi ba siu biini.#Luuk 20:27 3Ba lauri baa a duana hiŋ ni. Ban lauri baa duana la, ba tɔ baa dia hɔ́pizi. 4Ka banla n du de di faa ra nuu ba wiŋɔzi la, ba sɛɛa. Ba baala bɛŋ du kagboŋa anue.
5Hɔɔŋ wa pizɛɛ, Jus hina nabɔnzi, bol nabɔnzi ani Kɔraawiizi Hɔnzunna chaali Jɛrusalɛm biini. 6Kɔraawiizi Kizeehina Maa Nabɔma Annas, Kaifas, Jɔɔn, Alɛgzanda ani a Nabɔma lulla baŋhina du de. 7Baŋ wa chaalɛɛ la, ba gil Pitta ni Jɔɔn lii chi baambaaŋ. Ba pɛɛzi baa, “Bɛɛ fɔŋŋa gɛɛ anɛɛ sɔnnɛ ii kpa di wer ɛɛ wii naanɛi?”
8Kɔraawiizi Dumnanii la izi Pitta bampirii werge. U pɛɛzi baa, “N dɔɔra ni n nabɔnzi, 9winanii naa yaa n ɛɛwɛ tɛɛ gɛrgi naa ni gunla yaa n wette chaau wiarɛ ii ra pɛɛzi gɛɛ? 10Di gunnɛ, ií ra nuu n be. N na nyiŋŋi n ŋɔ ií Jus hina maa zum lugɔ Yeesu Kristo n lii Nazarɛf la sɔŋ fɔŋŋaa yaa kpa di wer ɛɛ guŋ. Waabuu ii faa kpu daakaŋlii la ni ka Kɔraawiizi lalluu siu biini la. U fɔŋŋa biinii baal naa wer chi yaa be kennaa u yemmaa waa kaa ra wii la. 11Kɔraawiizi Hɔŋ ta sɛɛlii bɛllɛ, dí,
‘Bii la maara n faa vɛɛwɛ ha
labuu kaa birgi bikpeg
ba kpa ra faari dia zɛɛ.
Yeesuu a bii.
Ii genii a maara.’#Yira 118:22-23
12Nɛr maa waa hoo un niŋ wer lɛɛ yaa di Yeesu bɛŋ lɛi. Durnya maa biini, u bɛnnɛ dɔɔ sɔŋ la n niŋ wer lɛɛ yaa.”#1Tim 2:5
13Seriya diire la nuu. A tir baa werge, dikuubɛɛwiai, Pitta ni Jɔɔn waa kiizunna ɛɛwɛ. Nɛdumazii baa, ka ba dɔɔ bampiree gunla. Ba jaa zum lugɔ baabuu ɔɔ faa ra hiŋ Yeesu la. 14Baal la baŋ chaawɛ la ge n chigɛ ba be la wia, ba waa wiimaa dɔɔwɛ ban niŋ ŋɔ ba wia. 15Ba gil ba lii ka ra pɛɛzi dɔŋa, 16“Ɛrɛɛ ya ɛɛ baala naanɛi? Nɛra la maa n du Jɛrusalɛm zummɔ lugɔ wizenne ba ɛɛ. A waa kaa dɔɔ beela. Yaa ge gba wàá wer hɔɔ. 17Ama yaa waa nyiŋŋi Yeesu wia naa yaari. Awia, ya ɔnzi baa di ŋɔ bá gilɛɛ kaa yir Yeesu sɔŋ di ŋɔ wiimaa tɛɛ nɛr maa.”
18Ba kaa yir baa di ŋɔ ba be werge, Ií ra dazi ii kaa waa ŋɔ wiimaa di ra yir Yeesu sɔŋ de. 19Pitta ni Jɔɔn bir ŋɔ ba be, “Kɔraawiizii gillɛ yaa ra bagli guŋ. Ka di a wesso u be yaa n na hiŋ ii nua ka gil u nua, ií ŋɔ ya nuu. 20Dafini wia la yaa siwee n nawɛɛ ni wia la yaa digna n nuuwɛ la, yaa wàá wer gil a ŋɔi.”
21Ba kaa kuari ɔnzi baa ka ba waa zum gunla maa ban niŋ kaa ɛɛ di tɔɔri baa. Di ba ɛɛ baa wiimaa, nɛra la wàá sɛɛ, 22dikuubɛɛwiai, baal la di binni tokkoanɛɛ di u haa waa volle ka ba wer lalluu. Nɛra maa ra chɔli Kɔraawiizi dikuu a wizeŋ wia. Awia, ba jaa tɛɛ baa ŋmɛnɛɛ dí ba ra la.
Banla n yardɛɛ wiisuŋŋaa wia
23Ba bir la babalaa la be di ga bagli ba be gunla Kɔraawiizi Kizeehina Nabɔnzi ni bol nabɔnzi n ga dau baa. 24Baŋ wa nuu guŋ, ba maa kpa loobikpaŋ di ra suŋŋi wiizi di ra ŋɔ, “Kɔraawiizi La N Kaali Kummaa, hinuu ta chiŋ ni hɛri ni muuzeŋ ani kuna la maa n du a biine. 25I faa gillɔɔ i Dumnanii bagli i balii Deevid u ŋɔ wia naa,
‘Ɛrɛɛ wiarɛ banla n waa Jus hina ɛɛwɛ
izi di ra du dɔm,
di ra ta jina bá kuuh pɛɛi?#Yira 2:1-2
26Durnya koora ni ba nabɔnzi maa chaali, di ra nyiŋŋi
ba ni Kɔraawiizi
ni u Kristo naa.’
27Ɛnɛ maa. Hɛrɔd ni Pɔntiɔs Pailɔt ni banla n waa Jus hina ɛɛwɛ ni Jus hina la maa faa chaalɔɔrɛ bol naa biini. Ba ni i biinanii Yeesu la hiŋ hummɛ u ɛɛ Kristo la faa ra naa. 28Ba maa faa chaali dɔŋaa bá wa ɛɛ wia la hiŋ faa dauwɛ ni i fɔŋŋa ni i nunzuma, saŋaa saŋa maa la. 29Awia, yaa Dɔɔri, filaŋkeŋ binni gunla baŋ ɔnzi yaa la ka tɛɛ i huŋhunna bampiree bá wer ra ŋɔ i wiŋɔzi la. 30Jaa baa fɔŋŋa bá wer di ra chaa nɛra di wer kpa i biinanii Yeesu sɔŋ di ra ɛɛ wizenaa ni nuukpuuri wia.”
31Baŋ wa jaamɛɛ tuŋ, dia la biini baŋ chaalɛɛ la zigli Kɔraawiizi fɔŋŋa biini. U Dumnanii wa izi ba maa bampiree werge, ba ra ŋɔ Kɔraawiizi wia la ni bampirii.
Banla n yardɛɛ n bɔnni ba kundɔɔlaa wia
32Banla maa n yardi Yeesu la, ba maa dɔɔ nuukpaŋ dɔŋa ni. Bɛl maa waa ɔɔ sɛɛ ŋɔ kuna la un dɔɔwɛ ɛɛ u bɛŋ kunaa. Ba maa kunaa.#Wiɛɛ 2:44-45 33Yeesu huŋhunna la ge ɔɔ ra di daansɛɛ di ra tɛɛ nɛra gunla Yeesu n izee siu biini la. Ba wiŋɔzi la dɔɔ fɔŋŋa werge. Kɔraawiizi hiini Yeesu hiŋra ni winanaa hiŋaa werge maa. 34Dɔgnya hina faa waa hoo ba biini, dikuubɛɛwiai, babalaa la n dɔɔwɛ la ɔɔ yoo ba kunaa, 35di kpa a kebee di ba Yeesu huŋhunna la be, ba bɔnni tɛɛ banla n waa dɔɔwɛ la.
36Baal bɛl faa du de. U sɔnnɛ faa Joosɛf. Yeesu huŋhunna la ge ra yiruu Banabas. A sɔŋ zɛɛrɛ bampirtigri. U ɛɛ Levi deere ba luluu Saiprɔs#4:36 Saiprɔs sɔŋ bɛllɛ Kittim. hɛri.#Wiɛɛ 9:27 37A baal faa dɔɔ hɛri bɛllɛ, u kpau yoo di kpa a kebee ba Yeesu huŋhunna la be.
Currently Selected:
Wiɛɛlaa 4: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 4
4
Pitta ni Jɔɔn n chigɛ nabɔnzi see wia
1Banna ŋɔ wia di ra tɛɛ a nɛra guŋ di Kɔraawiizi Kizeehina Nabɔnzi ni Kɔraawiizi Dia balaa nabɔma ni Jus hina la banna yir Sajusizi la ballɔ. 2Ba baana fuuh werge dikuu Pitta ni Jɔɔn n na bagli nɛra Yeesu siu biini izaa wia, dikuubɛɛwiai, guŋ baglɔɔrɛ lugɔ nɛra daŋ izi ba siu biini.#Luuk 20:27 3Ba lauri baa a duana hiŋ ni. Ban lauri baa duana la, ba tɔ baa dia hɔ́pizi. 4Ka banla n du de di faa ra nuu ba wiŋɔzi la, ba sɛɛa. Ba baala bɛŋ du kagboŋa anue.
5Hɔɔŋ wa pizɛɛ, Jus hina nabɔnzi, bol nabɔnzi ani Kɔraawiizi Hɔnzunna chaali Jɛrusalɛm biini. 6Kɔraawiizi Kizeehina Maa Nabɔma Annas, Kaifas, Jɔɔn, Alɛgzanda ani a Nabɔma lulla baŋhina du de. 7Baŋ wa chaalɛɛ la, ba gil Pitta ni Jɔɔn lii chi baambaaŋ. Ba pɛɛzi baa, “Bɛɛ fɔŋŋa gɛɛ anɛɛ sɔnnɛ ii kpa di wer ɛɛ wii naanɛi?”
8Kɔraawiizi Dumnanii la izi Pitta bampirii werge. U pɛɛzi baa, “N dɔɔra ni n nabɔnzi, 9winanii naa yaa n ɛɛwɛ tɛɛ gɛrgi naa ni gunla yaa n wette chaau wiarɛ ii ra pɛɛzi gɛɛ? 10Di gunnɛ, ií ra nuu n be. N na nyiŋŋi n ŋɔ ií Jus hina maa zum lugɔ Yeesu Kristo n lii Nazarɛf la sɔŋ fɔŋŋaa yaa kpa di wer ɛɛ guŋ. Waabuu ii faa kpu daakaŋlii la ni ka Kɔraawiizi lalluu siu biini la. U fɔŋŋa biinii baal naa wer chi yaa be kennaa u yemmaa waa kaa ra wii la. 11Kɔraawiizi Hɔŋ ta sɛɛlii bɛllɛ, dí,
‘Bii la maara n faa vɛɛwɛ ha
labuu kaa birgi bikpeg
ba kpa ra faari dia zɛɛ.
Yeesuu a bii.
Ii genii a maara.’#Yira 118:22-23
12Nɛr maa waa hoo un niŋ wer lɛɛ yaa di Yeesu bɛŋ lɛi. Durnya maa biini, u bɛnnɛ dɔɔ sɔŋ la n niŋ wer lɛɛ yaa.”#1Tim 2:5
13Seriya diire la nuu. A tir baa werge, dikuubɛɛwiai, Pitta ni Jɔɔn waa kiizunna ɛɛwɛ. Nɛdumazii baa, ka ba dɔɔ bampiree gunla. Ba jaa zum lugɔ baabuu ɔɔ faa ra hiŋ Yeesu la. 14Baal la baŋ chaawɛ la ge n chigɛ ba be la wia, ba waa wiimaa dɔɔwɛ ban niŋ ŋɔ ba wia. 15Ba gil ba lii ka ra pɛɛzi dɔŋa, 16“Ɛrɛɛ ya ɛɛ baala naanɛi? Nɛra la maa n du Jɛrusalɛm zummɔ lugɔ wizenne ba ɛɛ. A waa kaa dɔɔ beela. Yaa ge gba wàá wer hɔɔ. 17Ama yaa waa nyiŋŋi Yeesu wia naa yaari. Awia, ya ɔnzi baa di ŋɔ bá gilɛɛ kaa yir Yeesu sɔŋ di ŋɔ wiimaa tɛɛ nɛr maa.”
18Ba kaa yir baa di ŋɔ ba be werge, Ií ra dazi ii kaa waa ŋɔ wiimaa di ra yir Yeesu sɔŋ de. 19Pitta ni Jɔɔn bir ŋɔ ba be, “Kɔraawiizii gillɛ yaa ra bagli guŋ. Ka di a wesso u be yaa n na hiŋ ii nua ka gil u nua, ií ŋɔ ya nuu. 20Dafini wia la yaa siwee n nawɛɛ ni wia la yaa digna n nuuwɛ la, yaa wàá wer gil a ŋɔi.”
21Ba kaa kuari ɔnzi baa ka ba waa zum gunla maa ban niŋ kaa ɛɛ di tɔɔri baa. Di ba ɛɛ baa wiimaa, nɛra la wàá sɛɛ, 22dikuubɛɛwiai, baal la di binni tokkoanɛɛ di u haa waa volle ka ba wer lalluu. Nɛra maa ra chɔli Kɔraawiizi dikuu a wizeŋ wia. Awia, ba jaa tɛɛ baa ŋmɛnɛɛ dí ba ra la.
Banla n yardɛɛ wiisuŋŋaa wia
23Ba bir la babalaa la be di ga bagli ba be gunla Kɔraawiizi Kizeehina Nabɔnzi ni bol nabɔnzi n ga dau baa. 24Baŋ wa nuu guŋ, ba maa kpa loobikpaŋ di ra suŋŋi wiizi di ra ŋɔ, “Kɔraawiizi La N Kaali Kummaa, hinuu ta chiŋ ni hɛri ni muuzeŋ ani kuna la maa n du a biine. 25I faa gillɔɔ i Dumnanii bagli i balii Deevid u ŋɔ wia naa,
‘Ɛrɛɛ wiarɛ banla n waa Jus hina ɛɛwɛ
izi di ra du dɔm,
di ra ta jina bá kuuh pɛɛi?#Yira 2:1-2
26Durnya koora ni ba nabɔnzi maa chaali, di ra nyiŋŋi
ba ni Kɔraawiizi
ni u Kristo naa.’
27Ɛnɛ maa. Hɛrɔd ni Pɔntiɔs Pailɔt ni banla n waa Jus hina ɛɛwɛ ni Jus hina la maa faa chaalɔɔrɛ bol naa biini. Ba ni i biinanii Yeesu la hiŋ hummɛ u ɛɛ Kristo la faa ra naa. 28Ba maa faa chaali dɔŋaa bá wa ɛɛ wia la hiŋ faa dauwɛ ni i fɔŋŋa ni i nunzuma, saŋaa saŋa maa la. 29Awia, yaa Dɔɔri, filaŋkeŋ binni gunla baŋ ɔnzi yaa la ka tɛɛ i huŋhunna bampiree bá wer ra ŋɔ i wiŋɔzi la. 30Jaa baa fɔŋŋa bá wer di ra chaa nɛra di wer kpa i biinanii Yeesu sɔŋ di ra ɛɛ wizenaa ni nuukpuuri wia.”
31Baŋ wa jaamɛɛ tuŋ, dia la biini baŋ chaalɛɛ la zigli Kɔraawiizi fɔŋŋa biini. U Dumnanii wa izi ba maa bampiree werge, ba ra ŋɔ Kɔraawiizi wia la ni bampirii.
Banla n yardɛɛ n bɔnni ba kundɔɔlaa wia
32Banla maa n yardi Yeesu la, ba maa dɔɔ nuukpaŋ dɔŋa ni. Bɛl maa waa ɔɔ sɛɛ ŋɔ kuna la un dɔɔwɛ ɛɛ u bɛŋ kunaa. Ba maa kunaa.#Wiɛɛ 2:44-45 33Yeesu huŋhunna la ge ɔɔ ra di daansɛɛ di ra tɛɛ nɛra gunla Yeesu n izee siu biini la. Ba wiŋɔzi la dɔɔ fɔŋŋa werge. Kɔraawiizi hiini Yeesu hiŋra ni winanaa hiŋaa werge maa. 34Dɔgnya hina faa waa hoo ba biini, dikuubɛɛwiai, babalaa la n dɔɔwɛ la ɔɔ yoo ba kunaa, 35di kpa a kebee di ba Yeesu huŋhunna la be, ba bɔnni tɛɛ banla n waa dɔɔwɛ la.
36Baal bɛl faa du de. U sɔnnɛ faa Joosɛf. Yeesu huŋhunna la ge ra yiruu Banabas. A sɔŋ zɛɛrɛ bampirtigri. U ɛɛ Levi deere ba luluu Saiprɔs#4:36 Saiprɔs sɔŋ bɛllɛ Kittim. hɛri.#Wiɛɛ 9:27 37A baal faa dɔɔ hɛri bɛllɛ, u kpau yoo di kpa a kebee ba Yeesu huŋhunna la be.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.