Wiɛɛlaa 5
5
Ananias ni Safira wia
1Baal bɛl ge du de. U ge sɔnnɛ faa Ananias. U ni u haaŋ Safira ge gba yoo ba hɛri bɛl 2di kpa a kebee di feli lizi a yeŋ dau, ka Ananias kpa a bɔr la n kawɛɛ la di ba Yeesu huŋhunna la be ú wa tɛɛ baa. U ni u haaŋ la ɛɛ nuukpannɛ di ɛɛ guŋ.
3Uŋ kpa a kebee ba la, Pitta pɛɛzuu, “Ananias, ɛrɛɛ i gil Sitaani izii, i lizi a hɛri kebee yeŋ dau ka ŋɔ í wa dar Kɔraawiizi Dumnaniiyɛi? 4A hɛri n faa du i be la, hiŋ lɛi faa dɔɔuwaa? Hiŋ wa yoou la ge, a kebee ge, hiŋ lɛi dɔɔa í ɛɛ i kiparaa? Ka bɛɛ n baani i kaa fɛ nfɛrɛ di ɛɛ wichɔgaa naanɛi? Newee lɛi i ra dar. Kɔraawiizii i ra dar la.”
5Ananias n wa nuu guŋ, u chol hɛri di siu. Kafɔŋ lau banla maa n nuu a wia werge. 6Biipɔllaa izi vɔɔzuu di kpau kaali bá ga hug.
7Aŋ wa ɛɛ tama, karfizi ahoro, u haaŋ ge waa gunla n ɛɛ u jaari la nuuwɛ ka wa zuu. 8Pitta pɛɛzi u ge, “Ban turgi ii hɛri kebee la tɛɛ ia la, kennaabuu a magaa?”
U ŋɔ, “Ɛɛh. Gunnɛ a mag.”
9Pitta pɛɛzuu, “Ɛrɛɛ i ni i jaari maa ɛɛ nuukpaŋ ií ɛɛ Kɔraawiizi Dumnanii la nai? A nuu! Banla n kpa i jaari kaali bá ga hug la, baabuu du dominua ra ba la. Ba daŋ chi i ge kaali.”
10U ge chol u see kakpaŋ di siu. Biipɔllaa la zuu di u haaŋ genii kaa siu chɔɔ. Ba kaa kpa u ge kaali di ga hug u jaari kɛra. 11Ɔnsii lau Yeesu hiŋra la maa ni banla maa n nuu a wia la.
Yeesu huŋhunna n chaa nɛkpila
12Wizenaa ni nuukpuuri wia kpilakpila maanii Yeesu huŋhunna ɔɔ ra ɛɛ nɛra be. Yeesu hiŋra la ɔɔ chaali bɔr la banna yir Solomɔn Jaŋgal la. 13Nɛra maa ra tɔgzi baa. Ka di ba waa Yeesu hiŋra ɛɛwɛ, ba wàá sɛɛ zuu ba be, dikuubɛɛwiai, ba faa ra ɔm baabuu. 14Ka nɛkpila maa, baala ni haana maa, ra yardi Yeesu di ra jaa ba ni ba du kaŋ. 15Nɛra ɔɔ kpa ba wiila hina ni ba kunchɔɔrikuna di lii ŋmɛnizi di dauri, di Pitta ga de di waa kaali, ú laalii wa tɔ baŋhina ni bá nyaagi. 16Ba lii bola la n du Jɛrusalɛm kɛraa gba di kpa ba wiila hina ni tinnanchɔgaa hina ba. Ba maa na alaanfia.
Baŋ sunni Yeesu huŋhunna wia
17Kɔraawiizi Kizeehina Maa Nabɔma ni u hiŋra Sajusizi la bɔra a wii werge. 18Ba izi lauri Yeesu huŋhunna la di tɔ baa dia. 19Ka hamuŋa ni Kɔraawiizi mɛlika bɛl ba di wa pilli a nɛra tɔi dia la dominuuzi di lau baa lii di ŋɔ, 20“Ií la ga chi Kɔraawiizi Dia la biini di ra ŋɔ Yeesu ŋmɛnɛɛ naa wia maa di ra tɛɛ nɛra.”
21Chɔɔzimpikke ni, ba la ga zuu Kɔraawiizi Dia la biini di kaa ra bagli nɛra. Kɔraawiizi Kizeehina Maa Nabɔma la ni u hiŋra ba di wa yirgi Jus hina nabɔnzi ni sitɔɔra la maa, ba wa chaali.
Baŋ wa chaalɛɛ, ba hum Kɔraawiizi Dia balaa bá ga lau Yeesu huŋhunna la ba. 22Ba la ga nyiŋŋi baa huhzi de, ka bir ba di wa ŋɔ sitɔɔra la be, 23“Yaa laŋŋɔɔ di nɛra tɔi dia la maa kattɔ nɛnnɛ, u binna ge chi u dominuuzi di ra du u tau. Ka yaa n wa pilli a dia, yaa waa nɛr maa nawɛɛ u biini.” 24Kɔraawiizi Dia balaa nabɔma ni Kizeehina nabɔnzi la maa n wa nuu guŋ, ba waa zum wii la n niŋ kaa wa ɛɛ. A tir baa werge.
25Denii nɛbɛl ba di wa ŋɔ ba be, “Ií na! Baala la iiŋ faa tɔ dia labuu du Kɔraawiizi Dia la biini di ra bagli nɛra Kɔraawiizi wia la.” 26Kɔraawiizi Dia nabɔma ni u balaa la izi di la bá ga lauri baa. Ka ba waa fɔŋŋa kpawɛɛ, dikuubɛɛwiai, ba zummɔ lugɔ di ba kpa fɔŋŋa, nɛra la wàá sɛɛ. Ba daŋ paa bia ra lɔɔzi baa.
27Ba kpa baa ba di wa gil ba chi a sitɔɔra maa see. Kɔraawiizi Kizeehina Maa Nabɔma la pɛɛzi baa, 28“Yaa waa ii be ŋɔwɛɛ werge maa ŋɔ ií ra dazi ii kaa waa ŋɔ wiimaa di ra yir Yeesu sɔŋ dee? Ka ii kaa vɛɛ ka kaa ra ŋɔa werge maa a su Jɛrusalɛm maa di ra nyiŋŋi ii kpa Yeesu siu chug yaa.”#Mat 27:25
29Pitta lɛɛ Yeesu huŋhunna la maa nua di ŋɔ, “A dɛkkɔɔ yaa n hiŋ Kɔraawiizi nua ka gil newea nuuzi. 30Kɔraawiizi la yaa naabaala n faa ra jaami labuu lalli Yeesu lii siu biini, nɛr la iiŋ faa kpaahzɛɛ mari daakaŋlii la ni di kpu la. 31Waabuu Kɔraawiizi lalli u ga so u nodig nabɔmbɔr, di ɛɛ yaa nabɔma ni yaa Lɛɛri ka ú wer bir Jus hina bampiree bá biine chɔgi dikuu ba wichɔgaa wia, ka Kɔ́raawiizi gil tɛɛ baa la. 32Yaa ni Kɔraawiizi Dumnanii uŋ ɔɔ ra sunzi banla n na sɛɛ u wia la, yaabuu ɛɛ u daansɛɛ hina.”
33Seriya diire la n wa nuu guŋ, ba baana fuuh werge maa. Ba ra nyiŋŋi ba kpu baa. 34Ba bɛl faa ɛɛ Farisi, di ɛɛ kiizunni, nɛr maa ra tɔgzuu, u sɔŋ di Gamaliɛl. U izi di ŋɔ, “Ií gil baala la lii tama.” Ba gil ba lii.#Wiɛɛ 22:3 35U ŋɔ sitɔɔra la be, “Izrɛl hina, ií ra dazi gunla iin niŋ ɛɛ nɛra naa. 36Ii waa liizi saŋa la Tiudas n izee ra yir u hiŋ nɛzeŋ nɛra kalfa bunaazu hiŋuu laa? Ka u huma la maa wa chɔgi. Ba wa kpuu. U hiŋra maa yaari. 37Aŋ kaa wa ɛɛ tama, saŋa la nɛra n faa chaalɛɛ bá kur baa la, baal la ge n lii Galilii hɛri ba faa ra yiruu Judas la ge izi di ge faa na hiŋra werge ka ge wa siu. U hiŋra maa yaari.
38Awia, filaŋkeŋ, yaa n na di nɛra naa seriya naa, ya gil baa, dikuubɛɛwiai, di ba jina ni ba wia naa ɛɛ newea wiarɛ, a daŋ wa tuŋ. 39Ka di a ɛɛ Kɔraawiizi wiarɛ, ii wàá wer chɔgaa. Ka ii daŋ waa binni di Kɔraawiizi ninɛɛ ii ra zuu la.”
40A sitɔɔra sɛɛ gunla uŋ ŋɔwɛɛ la ka yir Yeesu huŋhunna la di gil ba viiri baa, ka ŋɔ ba be werge maa dí ba gilɛɛ kaa ŋɔ wia di yir Yeesu sɔŋ de. Baŋ wa ŋɔ guŋ, ba jaa ta baa ŋmɛnɛɛ.
41Ba lii a sitɔɔra be. Ba bɔra sɔɔni werge maa dikuu Kɔraawiizi n kpa baa girme ba wer kuu Yeesu sɔŋ wia di ra di hiihzi wia. 42Ba haa ra bagli amaniyesuma la Kɔraawiizi Dia biini ni nɛra diini biini hɔpizibii maa, di ra bagli lugɔ Yeesu ɛɛ Kristoo.
Currently Selected:
Wiɛɛlaa 5: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 5
5
Ananias ni Safira wia
1Baal bɛl ge du de. U ge sɔnnɛ faa Ananias. U ni u haaŋ Safira ge gba yoo ba hɛri bɛl 2di kpa a kebee di feli lizi a yeŋ dau, ka Ananias kpa a bɔr la n kawɛɛ la di ba Yeesu huŋhunna la be ú wa tɛɛ baa. U ni u haaŋ la ɛɛ nuukpannɛ di ɛɛ guŋ.
3Uŋ kpa a kebee ba la, Pitta pɛɛzuu, “Ananias, ɛrɛɛ i gil Sitaani izii, i lizi a hɛri kebee yeŋ dau ka ŋɔ í wa dar Kɔraawiizi Dumnaniiyɛi? 4A hɛri n faa du i be la, hiŋ lɛi faa dɔɔuwaa? Hiŋ wa yoou la ge, a kebee ge, hiŋ lɛi dɔɔa í ɛɛ i kiparaa? Ka bɛɛ n baani i kaa fɛ nfɛrɛ di ɛɛ wichɔgaa naanɛi? Newee lɛi i ra dar. Kɔraawiizii i ra dar la.”
5Ananias n wa nuu guŋ, u chol hɛri di siu. Kafɔŋ lau banla maa n nuu a wia werge. 6Biipɔllaa izi vɔɔzuu di kpau kaali bá ga hug.
7Aŋ wa ɛɛ tama, karfizi ahoro, u haaŋ ge waa gunla n ɛɛ u jaari la nuuwɛ ka wa zuu. 8Pitta pɛɛzi u ge, “Ban turgi ii hɛri kebee la tɛɛ ia la, kennaabuu a magaa?”
U ŋɔ, “Ɛɛh. Gunnɛ a mag.”
9Pitta pɛɛzuu, “Ɛrɛɛ i ni i jaari maa ɛɛ nuukpaŋ ií ɛɛ Kɔraawiizi Dumnanii la nai? A nuu! Banla n kpa i jaari kaali bá ga hug la, baabuu du dominua ra ba la. Ba daŋ chi i ge kaali.”
10U ge chol u see kakpaŋ di siu. Biipɔllaa la zuu di u haaŋ genii kaa siu chɔɔ. Ba kaa kpa u ge kaali di ga hug u jaari kɛra. 11Ɔnsii lau Yeesu hiŋra la maa ni banla maa n nuu a wia la.
Yeesu huŋhunna n chaa nɛkpila
12Wizenaa ni nuukpuuri wia kpilakpila maanii Yeesu huŋhunna ɔɔ ra ɛɛ nɛra be. Yeesu hiŋra la ɔɔ chaali bɔr la banna yir Solomɔn Jaŋgal la. 13Nɛra maa ra tɔgzi baa. Ka di ba waa Yeesu hiŋra ɛɛwɛ, ba wàá sɛɛ zuu ba be, dikuubɛɛwiai, ba faa ra ɔm baabuu. 14Ka nɛkpila maa, baala ni haana maa, ra yardi Yeesu di ra jaa ba ni ba du kaŋ. 15Nɛra ɔɔ kpa ba wiila hina ni ba kunchɔɔrikuna di lii ŋmɛnizi di dauri, di Pitta ga de di waa kaali, ú laalii wa tɔ baŋhina ni bá nyaagi. 16Ba lii bola la n du Jɛrusalɛm kɛraa gba di kpa ba wiila hina ni tinnanchɔgaa hina ba. Ba maa na alaanfia.
Baŋ sunni Yeesu huŋhunna wia
17Kɔraawiizi Kizeehina Maa Nabɔma ni u hiŋra Sajusizi la bɔra a wii werge. 18Ba izi lauri Yeesu huŋhunna la di tɔ baa dia. 19Ka hamuŋa ni Kɔraawiizi mɛlika bɛl ba di wa pilli a nɛra tɔi dia la dominuuzi di lau baa lii di ŋɔ, 20“Ií la ga chi Kɔraawiizi Dia la biini di ra ŋɔ Yeesu ŋmɛnɛɛ naa wia maa di ra tɛɛ nɛra.”
21Chɔɔzimpikke ni, ba la ga zuu Kɔraawiizi Dia la biini di kaa ra bagli nɛra. Kɔraawiizi Kizeehina Maa Nabɔma la ni u hiŋra ba di wa yirgi Jus hina nabɔnzi ni sitɔɔra la maa, ba wa chaali.
Baŋ wa chaalɛɛ, ba hum Kɔraawiizi Dia balaa bá ga lau Yeesu huŋhunna la ba. 22Ba la ga nyiŋŋi baa huhzi de, ka bir ba di wa ŋɔ sitɔɔra la be, 23“Yaa laŋŋɔɔ di nɛra tɔi dia la maa kattɔ nɛnnɛ, u binna ge chi u dominuuzi di ra du u tau. Ka yaa n wa pilli a dia, yaa waa nɛr maa nawɛɛ u biini.” 24Kɔraawiizi Dia balaa nabɔma ni Kizeehina nabɔnzi la maa n wa nuu guŋ, ba waa zum wii la n niŋ kaa wa ɛɛ. A tir baa werge.
25Denii nɛbɛl ba di wa ŋɔ ba be, “Ií na! Baala la iiŋ faa tɔ dia labuu du Kɔraawiizi Dia la biini di ra bagli nɛra Kɔraawiizi wia la.” 26Kɔraawiizi Dia nabɔma ni u balaa la izi di la bá ga lauri baa. Ka ba waa fɔŋŋa kpawɛɛ, dikuubɛɛwiai, ba zummɔ lugɔ di ba kpa fɔŋŋa, nɛra la wàá sɛɛ. Ba daŋ paa bia ra lɔɔzi baa.
27Ba kpa baa ba di wa gil ba chi a sitɔɔra maa see. Kɔraawiizi Kizeehina Maa Nabɔma la pɛɛzi baa, 28“Yaa waa ii be ŋɔwɛɛ werge maa ŋɔ ií ra dazi ii kaa waa ŋɔ wiimaa di ra yir Yeesu sɔŋ dee? Ka ii kaa vɛɛ ka kaa ra ŋɔa werge maa a su Jɛrusalɛm maa di ra nyiŋŋi ii kpa Yeesu siu chug yaa.”#Mat 27:25
29Pitta lɛɛ Yeesu huŋhunna la maa nua di ŋɔ, “A dɛkkɔɔ yaa n hiŋ Kɔraawiizi nua ka gil newea nuuzi. 30Kɔraawiizi la yaa naabaala n faa ra jaami labuu lalli Yeesu lii siu biini, nɛr la iiŋ faa kpaahzɛɛ mari daakaŋlii la ni di kpu la. 31Waabuu Kɔraawiizi lalli u ga so u nodig nabɔmbɔr, di ɛɛ yaa nabɔma ni yaa Lɛɛri ka ú wer bir Jus hina bampiree bá biine chɔgi dikuu ba wichɔgaa wia, ka Kɔ́raawiizi gil tɛɛ baa la. 32Yaa ni Kɔraawiizi Dumnanii uŋ ɔɔ ra sunzi banla n na sɛɛ u wia la, yaabuu ɛɛ u daansɛɛ hina.”
33Seriya diire la n wa nuu guŋ, ba baana fuuh werge maa. Ba ra nyiŋŋi ba kpu baa. 34Ba bɛl faa ɛɛ Farisi, di ɛɛ kiizunni, nɛr maa ra tɔgzuu, u sɔŋ di Gamaliɛl. U izi di ŋɔ, “Ií gil baala la lii tama.” Ba gil ba lii.#Wiɛɛ 22:3 35U ŋɔ sitɔɔra la be, “Izrɛl hina, ií ra dazi gunla iin niŋ ɛɛ nɛra naa. 36Ii waa liizi saŋa la Tiudas n izee ra yir u hiŋ nɛzeŋ nɛra kalfa bunaazu hiŋuu laa? Ka u huma la maa wa chɔgi. Ba wa kpuu. U hiŋra maa yaari. 37Aŋ kaa wa ɛɛ tama, saŋa la nɛra n faa chaalɛɛ bá kur baa la, baal la ge n lii Galilii hɛri ba faa ra yiruu Judas la ge izi di ge faa na hiŋra werge ka ge wa siu. U hiŋra maa yaari.
38Awia, filaŋkeŋ, yaa n na di nɛra naa seriya naa, ya gil baa, dikuubɛɛwiai, di ba jina ni ba wia naa ɛɛ newea wiarɛ, a daŋ wa tuŋ. 39Ka di a ɛɛ Kɔraawiizi wiarɛ, ii wàá wer chɔgaa. Ka ii daŋ waa binni di Kɔraawiizi ninɛɛ ii ra zuu la.”
40A sitɔɔra sɛɛ gunla uŋ ŋɔwɛɛ la ka yir Yeesu huŋhunna la di gil ba viiri baa, ka ŋɔ ba be werge maa dí ba gilɛɛ kaa ŋɔ wia di yir Yeesu sɔŋ de. Baŋ wa ŋɔ guŋ, ba jaa ta baa ŋmɛnɛɛ.
41Ba lii a sitɔɔra be. Ba bɔra sɔɔni werge maa dikuu Kɔraawiizi n kpa baa girme ba wer kuu Yeesu sɔŋ wia di ra di hiihzi wia. 42Ba haa ra bagli amaniyesuma la Kɔraawiizi Dia biini ni nɛra diini biini hɔpizibii maa, di ra bagli lugɔ Yeesu ɛɛ Kristoo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.