Wiɛɛlaa 3
3
Pitta n chaa gbɛrii bɛl n na suŋŋi wia
1A hɔl bɛl Pitta ni Jɔɔn izi di ra la Kɔraawiizi Dia wibaŋaa jaamaa saŋa, 2di gbɛrii bɛl sogo Kɔraawiizi Dia dominuunanii la nua. Ban luluu maa, gunnɛ u du. Waa wette u vol. Ba ɔɔ chiu di wa soŋŋi de u ra suŋŋi banla maa n ɔɔ ra zuu Kɔraawiizi Dia la biini la kebee. 3Uŋ wa na Pitta ni Jɔɔn n na nyiŋŋi ba zuu Kɔraawiizi Dia la biini, u suŋŋi baa kumbɛl. 4Ba binni u siwee werge ka Pitta ŋɔ u be, “A binni yaa.” 5U jaa ra binni baa ka ra fɛ nfɛrɛ lugɔ u daŋ na kumbɛl ba be.
6Pitta ŋɔ u be, “Maa kebii maa dɔɔwɛ ń tɛi, ka kunla miŋ dɔɔwɛ, waabuu ń tɛi. Yeesu Kristo la n lii Nazarɛf la sɔnnɛ n kpa di ra ŋɔ i be, Izi ra vol!” 7Uŋ wa ŋɔ guŋ, u lau u nodig di lalluu. Kakpaŋ u naazi ni u naachawaa la maa jaa du kpeg. 8U haŋ lɔ izi di ra vol di hiŋ baa zuu Kɔraawiizi Dia la biini di zaahzi ra chiiri di ra chɔli Kɔraawiizi. 9Nɛkpila du de di nau unna vol di ra chɔli Kɔraawiizi 10di zum lugɔ waabuu ɔɔ faa so Kɔraawiizi Dia dominuunanii la nua di ra suŋŋi kuna la. A tir ba maa werge gunla uŋ wette izi ra vol la.
Pitta n lizi amaniye Kɔraawiizi Dia biini wia
11Pitta ni Jɔɔn ni a baal du bɔr la banna yir Solomɔn Jaŋgal la. A baal lau Pitta ni Jɔɔn kpogli. Nɛra la maa na baa. A tir baa werge maa. Ba chɔ ba ba be. 12Pitta n wa na nɛra la n chɔwɛɛ ba la, u pɛɛzi baa, “Jus hina, bɛɛwiarɛ wii naa tir ia ii chaali waa binni yaa gunnɛi? Ii ra binni lugɔ yaa himmaa fɔŋŋa biinii ani yaa n ɛɛ nɛnanaa wiarɛ baal naa wer izi ra vol naa? Akai! 13Kɔraawiizi la yaa naabaala Abraham, Aizik ani Jekɔb#Lii 3:6 ani yaa nɛra la maa n faa ra hum labuu kpa u bie Yeesu girme guŋ. Waabuu ii faa lau tɛɛ Pailɔt ni nabɔnzi, bá di u kpui seriya la. Pailɔt faa ra nyiŋŋi u tɛu ŋmɛnɛɛ ú ra la, ka ii faa waa sɛɛwɛ.#Jɔɔn 19:20 14Ii vɛɛ Kɔraawiizi Biinanii labuu ka suŋŋi Pailɔt u lizi nɛkpuuri tɛɛ ia. 15Ii kpu Kɔraawiizi miibɔɔ tɛɛrii, ka Kɔraawiizi lalluu siu biini. A guŋ daansɛɛ hinaa yaa ɛɛ. 16Yeesu sɔŋ fɔŋŋa biinii baal naa iinna binni di zumuu naa wer nyaagi la. Uŋ yardi Yeesu ni u sɔŋ wiarɛ u wer na kpegzi di wer izi ra vol ii maa nau unna vol u yemmaa waa kaa ra wii la.
17Yaabalaa, n zummɔ lugɔ ii ni ii nabɔnzi faa waa zummɛ, awiarɛ ii kpuu. 18Kɔraawiizi faa gillɔɔ u dɔgtɛɛzi maa ra ŋɔ dí Kristo daŋ wa di tɔɔrɔɔ. Gunla baŋ faa ŋɔwɛɛ la, gunnɛ Yeesu wa di tɔɔrɔɔ la. 19Awia, filaŋkeŋ ií gil ii biine chɔgi dikuu ii wichɔgaa wia. Ií bir ii bampiree di ra hiŋ Kɔraawiizi ŋmɛnɛɛ. Di ii ɛɛ guŋ, Kɔraawiizi daŋ gil ii wichɔgaa tɛɛ ia di ra du ia bɔkpega saŋaa saŋa maa, 20di kaa hum Kristo la un teŋ felee lizi ú hum tɛɛ ia la. Waabuu Yeesu. 21U daŋ haa du Kɔraawiizi be mɔɔ guŋŋ ú wa kuari kummaa tuŋ. Gunnɛ Kɔraawiizi faa gil u dɔgtɛɛnanaa ŋɔ di ra bagli nɛra saŋa maa. 22Moosis faa ŋɔwɔɔrɛ, ‘Yaa Dɔɔri Kɔraawiizi daŋ lizi u dɔgtɛɛ bɛl ii dee biini di hum tɛɛ ia gunla uŋ faa humiŋ la. Di u wa ballɔ, gunla maa un niŋ ŋɔ ii be, ií nuu di hiŋ guŋ.#Gbɔg 18:15 23Di nɛr la maa wa vɛɛ gunla uŋ ŋɔwɛɛ la, Kɔraawiizi daŋ gil ba duŋŋuu lii u nɛra biini, di kpuu.’
24Kɔraawiizi dɔgtɛɛzi maa di kpa Samuɛl ani banla maa n hiŋ Samuɛl ni, ba maanii ŋɔ filaŋkeŋ wia naa. 25Nua la maa Kɔraawiizi n faa ŋɔwɛɛ di gil u dɔgtɛɛzi ge ŋɔ la, aabuu ii ra na filaŋkeŋ la. U faa ŋɔ wiarɛ tɛɛ Abraham, di ŋɔ, ‘Durnya biini nɛr maa daŋ na hiinaa lii i naana bɛl be.’#Lug 22:18 26Kɔraawiizi n lizi u biibaal la di hum la, ii benii u feli humuu ú wa hiini ia ií gil ii wichɔgaa ɛɛi.”
Currently Selected:
Wiɛɛlaa 3: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 3
3
Pitta n chaa gbɛrii bɛl n na suŋŋi wia
1A hɔl bɛl Pitta ni Jɔɔn izi di ra la Kɔraawiizi Dia wibaŋaa jaamaa saŋa, 2di gbɛrii bɛl sogo Kɔraawiizi Dia dominuunanii la nua. Ban luluu maa, gunnɛ u du. Waa wette u vol. Ba ɔɔ chiu di wa soŋŋi de u ra suŋŋi banla maa n ɔɔ ra zuu Kɔraawiizi Dia la biini la kebee. 3Uŋ wa na Pitta ni Jɔɔn n na nyiŋŋi ba zuu Kɔraawiizi Dia la biini, u suŋŋi baa kumbɛl. 4Ba binni u siwee werge ka Pitta ŋɔ u be, “A binni yaa.” 5U jaa ra binni baa ka ra fɛ nfɛrɛ lugɔ u daŋ na kumbɛl ba be.
6Pitta ŋɔ u be, “Maa kebii maa dɔɔwɛ ń tɛi, ka kunla miŋ dɔɔwɛ, waabuu ń tɛi. Yeesu Kristo la n lii Nazarɛf la sɔnnɛ n kpa di ra ŋɔ i be, Izi ra vol!” 7Uŋ wa ŋɔ guŋ, u lau u nodig di lalluu. Kakpaŋ u naazi ni u naachawaa la maa jaa du kpeg. 8U haŋ lɔ izi di ra vol di hiŋ baa zuu Kɔraawiizi Dia la biini di zaahzi ra chiiri di ra chɔli Kɔraawiizi. 9Nɛkpila du de di nau unna vol di ra chɔli Kɔraawiizi 10di zum lugɔ waabuu ɔɔ faa so Kɔraawiizi Dia dominuunanii la nua di ra suŋŋi kuna la. A tir ba maa werge gunla uŋ wette izi ra vol la.
Pitta n lizi amaniye Kɔraawiizi Dia biini wia
11Pitta ni Jɔɔn ni a baal du bɔr la banna yir Solomɔn Jaŋgal la. A baal lau Pitta ni Jɔɔn kpogli. Nɛra la maa na baa. A tir baa werge maa. Ba chɔ ba ba be. 12Pitta n wa na nɛra la n chɔwɛɛ ba la, u pɛɛzi baa, “Jus hina, bɛɛwiarɛ wii naa tir ia ii chaali waa binni yaa gunnɛi? Ii ra binni lugɔ yaa himmaa fɔŋŋa biinii ani yaa n ɛɛ nɛnanaa wiarɛ baal naa wer izi ra vol naa? Akai! 13Kɔraawiizi la yaa naabaala Abraham, Aizik ani Jekɔb#Lii 3:6 ani yaa nɛra la maa n faa ra hum labuu kpa u bie Yeesu girme guŋ. Waabuu ii faa lau tɛɛ Pailɔt ni nabɔnzi, bá di u kpui seriya la. Pailɔt faa ra nyiŋŋi u tɛu ŋmɛnɛɛ ú ra la, ka ii faa waa sɛɛwɛ.#Jɔɔn 19:20 14Ii vɛɛ Kɔraawiizi Biinanii labuu ka suŋŋi Pailɔt u lizi nɛkpuuri tɛɛ ia. 15Ii kpu Kɔraawiizi miibɔɔ tɛɛrii, ka Kɔraawiizi lalluu siu biini. A guŋ daansɛɛ hinaa yaa ɛɛ. 16Yeesu sɔŋ fɔŋŋa biinii baal naa iinna binni di zumuu naa wer nyaagi la. Uŋ yardi Yeesu ni u sɔŋ wiarɛ u wer na kpegzi di wer izi ra vol ii maa nau unna vol u yemmaa waa kaa ra wii la.
17Yaabalaa, n zummɔ lugɔ ii ni ii nabɔnzi faa waa zummɛ, awiarɛ ii kpuu. 18Kɔraawiizi faa gillɔɔ u dɔgtɛɛzi maa ra ŋɔ dí Kristo daŋ wa di tɔɔrɔɔ. Gunla baŋ faa ŋɔwɛɛ la, gunnɛ Yeesu wa di tɔɔrɔɔ la. 19Awia, filaŋkeŋ ií gil ii biine chɔgi dikuu ii wichɔgaa wia. Ií bir ii bampiree di ra hiŋ Kɔraawiizi ŋmɛnɛɛ. Di ii ɛɛ guŋ, Kɔraawiizi daŋ gil ii wichɔgaa tɛɛ ia di ra du ia bɔkpega saŋaa saŋa maa, 20di kaa hum Kristo la un teŋ felee lizi ú hum tɛɛ ia la. Waabuu Yeesu. 21U daŋ haa du Kɔraawiizi be mɔɔ guŋŋ ú wa kuari kummaa tuŋ. Gunnɛ Kɔraawiizi faa gil u dɔgtɛɛnanaa ŋɔ di ra bagli nɛra saŋa maa. 22Moosis faa ŋɔwɔɔrɛ, ‘Yaa Dɔɔri Kɔraawiizi daŋ lizi u dɔgtɛɛ bɛl ii dee biini di hum tɛɛ ia gunla uŋ faa humiŋ la. Di u wa ballɔ, gunla maa un niŋ ŋɔ ii be, ií nuu di hiŋ guŋ.#Gbɔg 18:15 23Di nɛr la maa wa vɛɛ gunla uŋ ŋɔwɛɛ la, Kɔraawiizi daŋ gil ba duŋŋuu lii u nɛra biini, di kpuu.’
24Kɔraawiizi dɔgtɛɛzi maa di kpa Samuɛl ani banla maa n hiŋ Samuɛl ni, ba maanii ŋɔ filaŋkeŋ wia naa. 25Nua la maa Kɔraawiizi n faa ŋɔwɛɛ di gil u dɔgtɛɛzi ge ŋɔ la, aabuu ii ra na filaŋkeŋ la. U faa ŋɔ wiarɛ tɛɛ Abraham, di ŋɔ, ‘Durnya biini nɛr maa daŋ na hiinaa lii i naana bɛl be.’#Lug 22:18 26Kɔraawiizi n lizi u biibaal la di hum la, ii benii u feli humuu ú wa hiini ia ií gil ii wichɔgaa ɛɛi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.